логоFacebookTwitterYouTubeeMail

ЕДНО Е ТРЕЗВЕНОУМИЕТО А ДРУГО Е ТАГАТА

Кога како малечок  влегов во Црквата, исполнет со копнеж и ревност, замислував дека луѓето таму ќе се смеат, дека Христовото Воскресение ќе се види во нивните очи, дека нивното однесување а особено нивните срца ќе зрачат со радост.
Да, крстот и болката ќе бидат таму и не создавав илузии околу тоа. Веќе бев убеден, откако доживеав премногу болка уште како дете, дека нема место во овој живот без насолзени очи, но за христијанството трајната егзистенцијална радост е есхатолошка реалност.

Aleksandar.N.sv.Haralampij
Но, постои огромна разлика помеѓу страдањето и тажните очи. И тоа не е најлошото. Бидејќи може да се каже, и со право, дека и болката е дел од животот. Да точно. Сепак, едно е да ја доживеам мојата тага како резултат на искушенијата и неволјите во мојот живот, а друго е да го идентификувам христијанскиот живот со тажно и мрачно лице.
Едно е да ја прифатам тагата како фаза во моето духовно созревање, а сосема друго е да се мисли дека христијанинот никогаш не треба да се насмевнува, туку да биде невротично интровертен, а уште повеќе да се чувствува виновен за радоста.
„Изворот на лажната религија е неможноста да се радуваме, поточно негирањето на радоста, додека радоста е многу важна затоа што несомнено е плод на присуството на Бога. Не може некој да верува дека Бог постои и да не се радува. Само кога се обврзани со радоста, Божјиот страв и смирение се здрави, автентични и плодотворни. Надвор од радоста, сè станува демонско, најдлабоко нарушување на секое религиозно искуство. Религија на страв. Религија на лажно смирение. Религија на вина: сè е искушение и стапица - дејствително многу силни, не само во светот, туку и во Црквата. „Религиозните” луѓе некако со сомнеж гледаат на радоста.
Ние мора да разбереме дека постои огромна квалитативна разлика помеѓу светоотечкото трезвеноумие и психолошката тага. Тие не содејствуваат. Напротив, ова се различни духовни состојби. Затоа, треба да ја искршиме оваа камена и неподвижна маска на вина, која го храни нашиот нарцизам и, под изговор на „духовност“, нè оддалечува од човечките чувства и од она што нè плаши длабоко во себе.
Да го најдеме патот што води кон детето во нас што го замолкнавме и затаивме. Го замоливме да порасне, да не прави врева, да не зборува и што е најважно - да не се смее и да не игра. Бидејќи животот е „сериозна работа“. Тоа е за возрасните, а не за децата.
Ние дури побрзавме гласно да му шепнеме дека нема смеа или задевања во „духовниот“ живот.
Многу сериозно се сфативме себеси и сопственото “јас” и на крај му се поклонивме и го претворивме во „божество“. Работевме толку многу на нашето „спасение“ што на крајот го изгубивме. Затоа што заборавивме дека тоа не е освојување, туку дар.
Не се уплашивме од смртта, туку од животот.Не го погребавме Христос и Неговата црква, туку скривницата наречена „религија“.
Да ја разбиеме тагата, бидејќи тоа не е трезвеност, туку страв и вина. Детето е сè уште таму. Сè уште е таму и нè чека. Тоа сè уште не престанало да се смее и да игра. Да се радува на своето постоење. Затоа што животот нема смисла, а самиот Тој е смислата. Дар од Бога, откривање на полнотата во Христовата личност.



о. Харалампиј Пападопулос

 Aleksandar.N.sv.Haralampij

За Преминпортал

Симеон Стефковски

 Aleksandar.N.sv.Haralampij

 Април 2021 лето Господово

 

 



Видео содржини

Поуки од Светите Отци

dobrotoljubie

Духовност

Ноември 10, 2020

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна Морача. Завршил Богословија во Белград, а на Богословскиот факултет на СПЦ, во Белград, дипломирал во 1962 година. Покрај теолошките науки, студирал и класична…
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 1528
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 1919
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 1719
7.Vselenski.sobor
Премногу размислуваме во категоријата Бог – човек, наместо во категоријата личносни…