логоFacebookTwitterYouTubeeMail

 

Ова прашинава околу децата за Коледе, родителите нивни ја креваат? Некој им ги зел со сила и ги однел на улица? Немале друг избор?

Пишува: Јасмин Реџепи

Знам дека некој ќе рече: “Кај си нашол ти од друга религија да зборуваш на оваа тема?”, ама штом нерелигиозните можат, зошто пак јас да не можам?

Зошто јас? Па, да речеме дека ова го гледам од 3 перспективи:

И кај муслиманите традиција е за Бајрам децата да одат наутро од куќа до куќа да честитаат и да добијат по некое бомбонче или паричка. Јас највеќе сум му се радувал на Бајрамот во лето, во Црна Гора, каде со децата од улицата на братучетка ми го поминувавме цело гратче и на крај гледавме кој колку собрал. Така било и од времето на мајка ми, и пред неа. Постарите не нè присилувале, туку таа традиција е пренесувана од постарите на помладите деца. Ова е чисто обичај за верски празник, кој не е пропишан во светата книга, но не е ни во спротивност на истата. Само еден начин како да им се приближи празникот до најмладите.

Во Скопје живеам во мешано маало. Со децата од соседството сме оделе во сите станови за Коледе, ни се отворале сите врати, па дури и мајка ми ни даваше десет-денарки (толку добивав за ѓеврек тогаш) на сите. Па и за Велигден истото сме го правеле. И помалите со нас сме ги шетале. Паметам дека ја прашав мајка ми зошто ни отвори пред да чукнеме, а не чукнавме зашто некои деца се двоумеа, таа ми рече: „Vi sste djeca. Ne valja da se odvajate. Uživajte zajedno u svim praznicima. Neka vas drugo ne interesuje.“ Лекцијата за добрососедство и слобода научена.

Кој и да ја покренал граѓанската иницијатива, без да им наметнува на децата или на родителите, а со цел да возобнови една убава традиција од минатото која во време на социјални мрежи и асоцијални деца се губи, не преставува проблем. Напротив, за пофалба е. Но, доколку иницијативата потекнува од јавни институции или лица носители на јавни функции, и доколку децата и родителите биле принудени да учествуваат, тогаш тоа е несериозен чин, кој е за осуда и кој не смее да се повтори.

Празниците се уживаат со разбирање и радост, како кулминација на претходни духовни прочистувања, а никако со наметнување, посебно не врз децата. Сепак, секуларна држава значи слобода на вероисповед, а не на давање предност на една религија врз друга или на нерелигиозноста врз религиозноста и обратно, па тие правила треба да ги следат институциите и нивните раководители.

За да не биде дека секој од нас знае најдобро што и како треба, постојат институции во државава кои се платени од наши пари за тоа, да се состанат и да донесат свое мислење, како на пример МОН и Комисијата за верски заедници.

До тогаш, кој слави нека му е радосно, а кој не слави нека не е лишен од радоста!

 

09.01.2018 год.

Извор: https://civilmedia.mk/ko-krva-praschina-okolu-dzata-za-kold/

 

 

 

 



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

Дек 09, 2019 Полезно и Потребно 1107
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 1046
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…