логоFacebookTwitterYouTubeeMail

 

Предназначеноста на човекот. Божественото откровение. 
 
Бог нè создал нас, луѓето, според Својот образ и Своето подобие – ни дал разум, слободна волја и бесмртна душа, за да, спознавајќи го Бога и станувајќи подобни на Него, стануваме сè подобри и подобри, да се усовршуваме, и да го наследиме вечниот блажен живот со Бога.
Затоа постоењето на човекот на земјата има длабока смисла, голема предназначеност и висока цел.
Во Божјото создание нема и не може да има ништо бесмислено. Затоа, ако човекот живее без вера во Бога, ако не живее според Бојите закони, ако не живее за идниот вечен живот, тогаш постоењето на таквиот човек на земјата станува бесмислено. За луѓето што живеат без Бога, животот е неразбирлив и случаен.
На секој човек, за да ја исполни својата предназначеност на земјата и да го добие вечното спасение, неопходно е, како прво, да го спознае вистинскиот Бог и правилно да верува во Него, односно да има вистинска вера, и како второ, да живее според таа вера, односно да го сака Бога и луѓето и да прави добри дела.
Апостол Павле вели дека „без вера не е можно да Му се угоди на Бога“ (Евреите 11:6), а апостол Јаков дополнува дека „верата без добри дела е вера без љубов“, а таквата вера е без дејство, мртва. 
Вистинското учење за тоа како луѓето треба правилно да веруваат во Бога и како да живеат, се содржи во Православната христијанска вера, зашто таа се заснова на Божествено откровение. Божествено откровение се нарекува сето она што Самиот Бог им го открил на луѓето за Себе и за правилната вистинска вера во Него.
Своето откровение Бог им го соопштува на луѓето на два начина: на природен и на натприроден начин.
Природниот начин е кога Бог Себеси му се открива на секој човек преку видливиот свет (природата) и преку нашата совест, која е како некој глас Божји во нас, глас што ни кажува што е добро а што лошо, а исто така и преку животот, преку историјата на сето човештво.   
Сиот свет што нè опкружува е една голема книга на Божјото откровение, којашто сведочи за семоќта и премудроста на Бога Творецот. Дури и најпростата машина не може да се појави сама по себе, случајно. Дури и ако наидеме на правилно распоредени камења, веќе од нивниот правилен распоред заклучуваме дека така ги подредил некој човек. Уште Кикерон рекол дека, без оглед колку милиони пати да фрлиме коцки со букви, коцките нема да се подредат така да добиеме стихотворба. А вселената којашто нè опкружува е неспоредливо посложена од најсложената машина и има неспоредливо поголема смисла од смислата на која било стихотворба.  
Меѓутоа, природното откровение само по себе не е доволно, зашто гревот ги помрачува човековиот ум, волјата и совеста. Доказ за ова се семожните пагански религии, во кои вистината е помешана со лажни човечки измислици. 
Затоа и Господ го дополнува природното откровение со натприродно – кога Самиот или преку ангелите ги открива нештата за Себе. Бидејќи секој човек не може да го прими откровението од Самиот Бог, поради својата гревовна нечистотија и слабоста на духот и на телото, Господ избира особени, праведни луѓе кошто можат да проникнат во тоа откровение. 
Во полнота и во совршенство, Божјото откровение го донел на земјата Самиот воплотен Син Божји, нашиот Господ Исус Христос, и го распространил по сета земја преку Своите апостоли и ученици. Ова Божествено откровение и денес се шири меѓу луѓето и се запазува во вистинската, света православна Црква на два начина: со посредство на Светото Предание и на Светото Писмо.
Од почетокот на светот па сè до Мојсеј немало свештени книги, а учењето за верата Божја се пренесувало усно, преку предание, односно со збор и со пример, од еден на друг и од претци на потомци.  
Самиот Исус Христос Своето божествено учење го пренел на Своите ученици преку Своето слово (проповед) и преку примерот на Својот живот, а не преку книга.
На таков начин во почетокот и апостолите ја ширеле верата и ја граделе Црквата Христова. Ова е сосема разбирливо, зошто со книги не можат да се служат сите луѓе, а преданието им е достапно на сите, без исклучок.
Понатаму, за Божественото откровение да се запази сосема точно, под влијание на Господ некои свети луѓе ги запишале најважните моменти во книги. Самиот Бог Свети Дух невидливо им помагал, за да сè што во тие книги е напишано, биде правилно и вистинито. Овие книги, напишани од Духот Божји преку луѓе осветени за таа цел од Бога, се наречени Свето Писмо или Библија, којашто се дели на два дела: на книги од Стариот Завет и на книги од Новиот Завет. Сите книги од Светото Писмо се напишани од различни луѓе и во различно време, но сите се напишани под раководство од Светиот Дух.  
Книгите на Стариот Завет се напишани пред Христовото Раѓање, а книгите од Новиот Завет – по Христовото Раѓање. Зборот „завет“ значи ветување, зашто во тие книги се содржи Божјото учење, ветено од Бога на луѓето. Освен тоа, зборот „завет“ значи и сојуз или договор на Бога со луѓето.
Основната содржина на Стариот Завет е во ветувањето на Спасителот на светот и во подготовката на луѓето да Го примат, преку постепени откровенија, преку свети заповеди, пророштва, првообрази, молитви и свештенослужења.
Главната содржина на Новиот Завет се состои во тоа дека Бог навистина им го дарувал на луѓето ветениот Спасител, Својот Единороден Син, нашиот Господ Исус Христос, Кој им го дарувал Новиот Завет на луѓето.
Сите книги на Светото Писмо се боговдахновени, бидејќи се напишани под влијание на Светиот Дух. Апостол Павле вели: „Целото Писмо е од Бога вдахновено и полезно за поука, за изобличување и пучување во правдата“ (2 Тимотеј 3:16). 
Сето Божествено откровение се чува во Светата Црква. Црквата ја основал Самиот Спасител, нашиот Господ Исус Христос и ја поставил за чуварка на Своето Божествено Откровение. Бог Свети Дух невидливо ја чува.



Видео содржини

Икона на Мајката Божја Одигитрија

Ное 16, 2018
Помага при сите болести, лекува од најтешки болести, опседнатост од нечиста сила и ги штити малите деца.

Руски Светец Александар Свирски

Сеп 29, 2018
Рускиот светец Александар Свирски - мошти со бела боја и кожа стара повеќе од 500 години, како да е жив

Поуки од Светите Отци

krusevoexport

Други прашања за верата

Православен календар

21/11/2018 - среда

Светиот Архистратиг Михаил и останатите Сили небесни бестелесни

Правила и одредби на Православната Црква за постот
Православен календар за овој месец - МПЦ

Тропар

Тропар на соборот на светиот  Архангел Михаил 8 ноември / 21 ноември 2018

Тропар на соборот на светиот Архангел Михаил 8 ноември / 21 ноември 2018

Архистратизи на небесните воинства,ние недостојните постојано ве молиме:со вашите молитви заштитете нѐ,под покровот на крилјата на вашата славаневешествена, пазејќи нѐ...

Тропар на светите Христови Маченици Јерон и другите 33 Мелитински маченици 7 ноември / 20 ноември 2018

Тропар на светите Христови Маченици Јерон и другите 33 Мелитински маченици 7 ноември / 20 ноември 2018

Сила Ти даде на телото човеково, о, Господи, но верата во човека планина преместува, секое безумие го победува и кон...

Тропар на св. Павле патријарх Цариградски 6 ноември / 19 ноември 2018

Тропар на св. Павле патријарх Цариградски 6 ноември / 19 ноември 2018

Со исповедувањето на Божествената вера, Црквата те покажа како втор Павле, ревнител меѓу свештениците: со тебе повикува и Авел кон Господа,

Добредојде Православие.мк

Духовни поуки: „Помоли се за мене“

Со Бога зборувај многу, а со луѓето малку; ако во Божјиот закон се подучуваш - ќе успееш и во едното и во другото. Повеќе...

Последни коментари

За Божествената правда

Кога некој би ми рекол: ’Отец, морате да ја напуштите својата ќелија зашто таа ми припаѓа мене. Слезете и одете под чемпресот во градината’, ако поседувам Божествена правда, јас тоа со радост ќе го прифатам. Ако постапам според човечката правда, би ја одбил неговата понуда и би почнал да се расправам со него, а може да завршиме и на суд Повеќе...

Архимандрит Георгиј Капсанис

Личноста на архимандритот Георгиј ќе остане во вечно паметење во срцата на оние што го запознале, но генерално и во целата Православна Црква, затоа што преголеми се неговите заслуги за чистотата на верата и за автентичното живеење според неа..Повеќе...

Митрополит Струмички Наум - Да пораснеме барем до Стариот Завет

И не само што немаат туку се и очигледна пречка за влез во Царството Небесно, и пречка да се сфати и пренесе неговата идеја и порака. Повеќе...

Епископ Тихон Шевкунов: „НЕСВЕТИ, А СВЕТИ“

Несвети, а свети. Луѓе, кои навидум живееле во нашето секојдневие, се соочувале со проблемите со кои ние се судираме, боледувале од болести од кои ние боледуваме, често осудувани од околината, а сепак, не биле секојдневни. Луѓе, кои не се на иконите, но го предавале животот од иконите во сите нивни дела, зборови, мисли. Луѓе, за кои тишината прозборила дека се свети.  Повеќе...

Протоереј Андреј Ткачев: Примете, јадете

 

Во Рајот Господ им рекол на луѓето да не јадат од дрвото на познанието. А злиот лукавец велел – јадете. Христос вели „јадете“, „пијте од Неа сите“, а злиот говори: „не јадете“, „недостојни сте“, „потребно е долго и тешко да се подготвувате“. Повеќе...

Арх. Калиник Мавролеон: Монологот БОЖЈИ

 

Те гледав кога се разбуди угрово. Чекав да ми кажеш два-три збора, да се заблагодариш за се што ти се случува, да побараш мое мислење за се што треба да правиш денес. Повеќе...

Поуки на грузискиот Старец Гаврил Ургебадзе за последните времиња

 

„Ѓаволот има 666 мрежи. Во времето на антихристот луѓето ќе очекуваат спасение од космосот. Тоа ќе биде и најголемата замка на ѓаволот: човештвот ќе бара помош од вонземјаните, не знаејќи дека тоа се, всушност. – демони.“ Повеќе...

Икона на Пресвета Богородица „Нажалена за бебињата убиени во утроба“

 

Божјата Мајка е добра застапничка во сé, особено голема е Нејзината помош за жените и децата. Во христијанството постојат голем број на икони на Богородица и тие толку се разликуваат една од друга што тешко е да се претстави дека на нив е изобразена едната и иста Божја Мајка.  Повеќе...

За Моето име

Взбранной Воеводе победительная