логоFacebook  Twitter  YouTube  eMail


„Секој нов театар е како нов храм“, вели Ристо Алексовски, режисерот на „Последната лента на Крап“,



„Сам меѓу сите, ситуација во која никој со никого не се разбира, никој со никого не се гледа, никој со никого не сака да се види“. Претставата „Последната лента на крап“ на Семјуел Бекет, во режија на Ристо Алексовски, која вечерва ќе ја доживее својата премиера во МКЦ во 20 часот се занимава со идентитетот, со желбата да се биде некој, да се биде нешто. Поради нејзината специфичност, претставата вечерва ќе може да ја видат 60-ина гледачи. Зашто за единствената улога во неа, улогата на кловнот Крап која ја толкува Златко Митрески, е потребна енормна актерска концентрација. Театарот на Бекет се занимава со живиот актер, со телото што игра на сцена.

„Последната лента на Крап“ е четврта премиера на режисерот Ристо Алексовски, но прва во Македонија. Тој досега работеше во Бугарија, каде што и ги заврши студиите по режија. Вели, идејата да го постави Бекет на сцена е преокупацијата со која тој се занимава во овој текст - прашањето: кој сум јас. „Последната лента на Крап“, всушност, се занимава со идентитетот, прашање глобално, но кое постојано не' притиска нас Македонците, особено последнава година кога спорот со Грција за името достигнува кулминација. Алексовски вели дека идејата за „Последната лента на Крап“, сепак, е негова лична преокупација исклучително долго време. Но, самиот факт на субјективен идентитет, по време на светска унификација, не е личен проблем само на Македонците. „Светот го губи својот идентитет. Тоа со кое се занимаваме во оваа пиеса ги влече корените многу подлабоко внатре во секоја човечка индивидуа. Проблемот е во коренот на согледување на светот од нашата субјективна точка. Секојдневно сме затрупани со нечии други насоки, проблеми и светогледи, што во крајна сметка самиот факт да се задржиш себеси како единка, изгледа Сизифов потфат. Перспективата на постоење е соочена со предизвикот да си го најдеме сопственото место во овој свет, кое не знае дека постоиме“, вели Алексовски. А, за нашиот личен проблем со нашиот сосед, вели, и не е некое тешко прашање за одговор. „Ние сме Македонци и нема нација или личност во целиот свет што може да ни го оспорува тоа. Националната припадност не се создава, а човек се раѓа со неа. Изгледа доста смешно допрва да откриваме нешто што веќе сме“.

Со темата идентитет постојано е преокупиран актерот и тоа е еден од потконтекстите кои се присутни во текстот на Бекет. Дали излегува тој на крајот на површината или се дави во сопственото не знам, Алексовски вели: „Има прашања во светот кои не можат да се одговорат еднострано. Понекогаш поставуваме прашања кои никогаш немаме за цел да ги одговориме или пострашното, да се соочиме со нив. Според секој човечки закон на самоспознанието, човечкиот бит не може да си направи сам себеси болка, а прашањето кој сум јас е најболното од нив. Крап открива кој е тој и се разбира, како претставник на најдоброто и најчувствителното од човечкиот вид, не му се допаѓа, така што решава дека е подобро да не знае. Според зборовите на Семјуел Бекет: Иако кога човек беше со него истовремено беше во друштво со два милениуми од европската култура, не сакаше да му се поставуваат ’големи прашања’. Не сакаше ниту да зборува за своето дело. Целиот живот практикуваше психоанализа, можеби зашто отсекогаш имаше впечаток дека во него постои некое суштество убиено пред неговото раѓање. Сакаше да го пронајде и да го оживее. За него, да го сакаш животот значеше да се залагаш за уништување - уништување на она што животот го унесреќува и расипува. Животот е однапред изгубен натпревар: шаховската табла по која се движиме станува нашиот доживотен простор и канта во која ние сме отпадокот. И за тоа нема лек“.

Како што споменавме, во претставата игра само еден актер. На прашањето, како режисерот се соочува со фактот што сета тежина, сета комплексност треба на плешки да ја носи само еден актер, кој нема комуникација, нема реален партнер на сцената, Алексовски вели: „Секоја театарска претстава независно дали во неа има еден или 20 актери е еден чин на свештено дејствување. Тежината се разбира е огромна кога еден актер нема реален партнер на сцената, но во исто време, пак, самиот актер го користи сопственото тело како контратежина на актерот при игра. По прашање на тежината на работа со еден актер, секој режисер ќе ви одговори дека не постои посвето и помагично чувство од театарската врска помеѓу актерот и режисерот во процес на работа“.

„Последната лента на Крап“, по неодамна поставената „Р“ во режија на Дејан Пројковски, е втора премиера на новоустановениот Градски театар - Скопје. За отворањето на новите театри во земјава и за тоа дали има доволен број публика за толкава, како што се најавува, театарска продукција, Алексовски вели: „Секој нов театар е како нов храм и како секој храм си ги има своите верници. Се разбира дека има публика, имајќи предвид дека секој театар во Македонија има своја, различна естетска определба. На пример, со создавањето на Градски театар при МКЦ, Скопје и Македонија добија една театарска сцена која е поразлична од веќе постоечките театари, експериментална и посмела во театарската продукција. Веќе постојните театари, исто така, имаат годишни програми со различни критериуми и приоритети, и во крајна линија со тоа најмногу добива македонскиот театарски гледач, давајќи му поголем и поразличен театарски избор“.

 

Тина Иванова- Утрински весник



Поуки од Светите Отци

dobrotoljubie

Наука и Култура

Ноември 29, 2022
1926.Sava.SHumanovich

Конзерваторска приказна за сликата „Турска бања “

Со стручно-научна поддршка на Институтот за историја на уметноста на Филозофскиот факултет на Универзитетот во Белград, во рамките на дводневната научна конференција во изминатиот викенд, истакнати експерти од Србија, Хрватска, Северна Македонија и Франција…
Септември 26, 2022
TViTer448

„Турска бања“ на Националната галерија изложена во Европска престолнина на културата за 2022, Нови Сад

„Ваквите претставувања отвораат врати за идни билатерални соработки помеѓу нашите земји. Особена чест и задоволство е за Националната галерија да биде дел од ваков исклучителен настан. Значението на учеството е дотолку поголемо бидејки ние како институција

ТРКАЛЕЗНА МАСА ЗА ПОДАТОЦИТЕ ЗА Е-ТРГОВИЈАТА ВО НАШАТА ЗЕМЈА

Јул 24, 2022 Друго од култура 597
TViTer319
Од АЕТМ велат дека со оваа тркалезна маса, Асоцијацијата за е-трговија на Македонија и…

Конгресот на САД ќе носи резолуција за славење на македонскиот јазик и наследство

Јан 27, 2022 Друго од култура 918
Во Конгресот на САД е покрената резолуција за прогласување на септември 2022 за „Месец на…

„Анатомија на бумбарот” на Стефан Марковски

Дек 28, 2021 Литература 1000
3.to.Naoganje.glava.sv.Jovan.Krstitel
Во романот, чие македонско издание е објавено од „Паблишер“, се дефинира енергична и…

Беседи

Митрополит Струмички Наум: Воведение на Пресвета Богородица (03.12.2022)

Митрополит Струмички Наум: Воведение на Пресвета Богородица (03.12.2022)

    Некаде во своите дела светиот Старец Јосиф Исихаст вели: „Ако не ја достигнеш благодатта Божја во најголема мера, не сметај се себеси за потполн човек“. Си велам, само потполн...

о. Горан Стојчевски: Дар на светот, икона на човекот, учителка на послушанието, педагог на служењето, првиот исихаст, родителка на вечниот живот, божествен цвет на сè создадено

о. Горан Стојчевски: Дар на светот, икона на човекот, учителка на послушанието, педагог на служењето, првиот исихаст, родителка на вечниот живот, божествен цвет на сè создадено

 Таа единствена тихувателка и патоводителка низ исихијата, нè приведува во заедницата од која се откинавме, а еве повторно ни е дадена можност, не само да се вратиме, туку да црпиме...

Митрополит Струмички Наум: СВЕТИ ГРИГОРИЈ ПАЛАМА (26.11.2022 )

Митрополит Струмички Наум: СВЕТИ ГРИГОРИЈ ПАЛАМА (26.11.2022 )

Во Црквата не постои надворешен, т.е. научен критериум за познавање на Вистината – Христос, туку постои внатрешен, аскетско-исихастички (молитвен) критериум, преку кој лично и опитно Го познаваме Христос Вистинскиот Бог.Кога...

Сашко Николовски: СВЕТИ ЈОВАН ЗЛАТОУСТ 13/26 ноември

Сашко Николовски: СВЕТИ ЈОВАН ЗЛАТОУСТ 13/26 ноември

Животот на Златоуст бил тежок и бурен. Тоа е живот на подвижник и маченик. Меѓутоа, Златоуст не се подвизувал во својата келија, ниту пак во пустина, туку сред животната таштина,...

Св. Григориј Палама - „Господи, просвети ја мојата темнина„ (Собрани беседи)

Св. Григориј Палама - „Господи, просвети ја мојата темнина„ (Собрани беседи)

Градот војува сам со себе, завојувал сам со себе, се гази од своите сопствени нозе, се руши од своите сопствени раце, одекнува од своите сопствени извици. Она што е кај...

Поминувајте го времето на своето живеење со стравот ( I Пет. 1,17)

Поминувајте го времето на своето живеење со стравот ( I Пет. 1,17)

 Ова се зборови на големиот апостол Петар, зборови кои имаат двојна потврда: небесно вдахновение и сопствено искуство. По небесното вдахновение простиот рибар Петар, стана учител на народот, столб на верата,...

Игумен Фотиј Беровски: Извадоци од  беседа

Игумен Фотиј Беровски: Извадоци од беседа

        "Секогаш го дефинираме односот кон другите и односот кон себе...Каде и кога? Постојано, почнувајќи овде во Црквата а потоа и во своите домови. Секогаш кога зборуваме  на  оваа тема зборуваме...

Митрополит Струмички Наум : Како да ја зачуваме Божјата благодат во нас

Митрополит Струмички Наум : Како да ја зачуваме Божјата благодат во нас

За денешното евангелско четиво (види: Лука 8, 41–56) битно е да се запамети следново:Како што крвта е потребна за животот на телото, така и благодатта Божја е потребна за вистинскиот...

БEСEДА за пoзивoт на ситe христијани да бидат свeти

БEСEДА за пoзивoт на ситe христијани да бидат свeти

Акo вo пoслeднитe врeмиња свeтитe пoстаналe исклучoк, вo oниe први врeмиња, нeсвeтитe билe исклучoк.Свeтитe билe правилo. Всушнoст, нe трeба да сe чудимe штo апoстoлoт ги нарeкува ситe крстeни души вo...

« »