логоFacebook  Twitter  YouTube  eMail

Кожувчанка

Глава 5

ОДНОСИТЕ ПОМЕЃУ СТАРЕЦОТ ОТЕЦ ЛЕОНИД И НЕГОВИОТ ИДЕН НАСЛЕДНИК - ОТЕЦ МАКАРИЈ

Ќе се вратиме малку назад, за да видиме како Божјата Промисла го сретнала и зближила отец Леонид со идниот негов наследник по старештво - јеросхимонахот отец Макариј, чијшто живот ќе се потрудиме понатаму да го опишеме одделно.
На 6 октомври 1810 г. во Плоштанското братство стапил како послушник 22-годишниот добро образован дворјанин Михаил Николаевич Иванов. Тоа бил идниот истакнат оптински старец Макариј. Тој го напуштил светот, бидејќи чувствувал несовладлива жед да го посвети својот живот на Бога и да стане монах. Нашол тивко засолниште во Плоштанската пустина и почнал таму да се подвизува во послушание и смирение, откако бил пострижен за монах во 1815 г. Но, срцето му шепотело дека само надворешните подвизи не се доволни за духовното усовршување на монахот. Тој јасно чувствувал дека без искусен раководител не е можно да се постигне духовното знаење и вистинската благодатна добродетелност. Затоа барал наставник и Му се молел на Бога да му испрати таков. Божјата Промисла го зближила и со еден од учениците на старецот Пајсиј Величковски - схимонахот Атанасиј, кој во 1815 г. дошол да се подвизува во Плоштанскиот манастир. Од 1815 г. до 1825 г. отец Макариј се наоѓал под негово раководство. Но, само што вкусил од сладоста на благодатниот духовен живот, наскоро требало да се лиши од скапоцениот старец. Схимонах Атанасиј се преселил во вечноста во 1825 г. Меѓутоа, пламенот на духовното општење со Бога веќе бил запален во срцето на отец Макариј. Тој искуствено разбрал што значи за еден млад монах да има старец и веќе не можел да живее без раководство. Затоа Го молел Бога да му испрати нов благодатен наставник. Бог ја слушнал неговата молба. Во 1828 г. тој се запознал со отец Леонид, кој пристигнал во Плоштанското братство и веднаш станал негов послушник, иако веќе бил ракоположен за јеромонах. Меѓутоа, тој не се занесувал од високите почести, а жеднеел да живее скромен монашки живот. Откако повторно се почувствувал како послушник, тој не сакал да ја замени таа привилегија со никакво друго звање. Зашто, во лицето на отец Леонид го беше нашол она, за што толку време жеднеел; имено - духовен маж, надарен со благодатниот дар на расудливоста, постигната не толку преку надворешни монашки подвизи, колку преку смирението.


Откако веднаш се зближил со отец Леонид за време на неговиот шестмесечен престој во Плоштанската пустина, отец Макариј продолжил духовно да општи со него и по 1829 г., кога отец Леонид конечно се преместил во Оптина. Општењето се состоело во редовно пишување писма и добивање одговори, разјаснувајќи многу духовни прашања. А, во 1834 г. отец Макариј дошол во Оптинскиот скит, каде што го поминал останатиот дел од својот живот - цели 26 години и 7 месеци, до својата смрт(1860г.).


Во духовен однос, сожителството со старецот Леонид на отец Макариј се одразило многу благотворно. Уште од самото доаѓање во Оптина отец Макариј му помагал на старецот во неговата опширна преписка со оние лица кои жеднееле за негов совет и поука. Тој Му помагал на старецот и во духовното советување на помладите браќа и на посетителите, особено од 1836 г. па натаму, кога бил назначен за духовник на братството.


Многу поучни и духовно плодотворни биле односите меѓу старците Леонид и Макариј. При сето тоа, што многумина од мирјаните го имале за свој наставник, отец Макариј се смирувал, сметајќи се себеси за ништо и бегал од човечката слава. За него било чест и награда тоа - да седи до нозете на својот духовен старец. Исполнет со вера и љубов кон него, отец Макариј, и покрај тоа што бил главен манастирски духовник и скитоначалник, ништо не правел без да го праша отец Леонид. Од смирение, тој сите свои успеси ги припишувал на молитвите и на благословот на својот старец. А, себе се сметал за оној што помага некому и дека може да биде ученик на таков исклучителен учител.
Слично смирение пројавувал и отец Леонид кон отец Макариј. Со тоа тој ја потврдувал карактеристиката што некогаш му ја придал неговиот старец схимонахот Теодор, шеговито нарекувајќи го „смирен лав."
Самиот старец Леонид поминал 20-годишен пат на послушание под раководството на старецот Теодор и толку му било добро на душата во се да се покорува на својот наставник, па навикнал да не врши ништо самоволно од себеси. Додека старецот Теодор уште бил жив, отец Леонид го потпишувал и него во своите писма до разни лица. А по неговата смрт, поради своето длабоко смирение, кон своето име го додал и името на својот духовен син Антиох, иако последниот никако не учествувал во составувањата на писмата. Кога, пак, Антиох го немало, старецот се потпишувал вака: јеросхимонах Леонид и браќата со него. Подоцна пак, тој го терал да се потпишува со него и отец Макариј. Со ова, старецот сакал да каже дека тој може да дава совети само со помошта и по молитвите на браќата и отците кои сожителствуваа со него, а не самиот од себеси.


Откако добро го запознал отец Макариј, старецот бил многу среќен што се зближил со еден толку даровит и искусен монах и на него гледал не како на ученик, туку како на свој сотрудник и духовен брат. Во тоа, тој, спасително го поддржувал својот смирен старец отец Теодор, кој, иако бил наставник и раководител на отец Леонид, од смирение го сметал и за свој духовен отец и често се советувал со него како со свој рамен другар и собрат.


Отец Макариј, исто така имал големо чувство за смирението. Тој го замолил отец Леонид да се однесува со него не како со рамен, туку како со свој духовен син и ученик. Ползувајќи се од тоа и следејќи го советот на св. Јован Лествичник, отец Леонид не пропуштал ниту еден случај, на својот опитен нов ученик да му додава венци преку испитување на неговото смирение и трпение. За таа цел, тој му забележувал, го опоменувал, го скарувал и тоа пред други, за да го понижи и длабоко да го смири, останувајќи, всушност, сосема бестрасен и бескрајно полн со љубов кон отец Макариј. Едни од присутните, навикнати да го почитуваат отец Макариј подеднакво со старецот Леонид, биле во недоумица од таа „несоодветност" во однос на кроткиот и од сите сакан отец Макариј. Други цак, биле во побожен восхит, штом виделе како невиниот отец Макариј најсмирено бара прошка од божем разгневениот старец, а трети се поучувале од примерот на отец Макариј, гледајќи ја неговата незлобивост и трпение. Тие си заминувале по домовите со голема, сликовито предадена лекција. Самиот пак, отец Макариј, оросен од дождот на укорите и опомените, како грижливо полевано цвеќе, се повеќе духовно се разубавувал под влијание на укорите кон него и зрачел со небесно пријатен мирис кој пленел со својата смиреност и незлобиво трпение.


Старецот Леонид се радувал на духовното напредување на својот иден наследник, се повеќе го засакувал и високо го ценел како редок по своето смирение подвижник. Понекогаш тој си дозволувал гласно да го искаже својот восхит од отец Макариј, така што ги зачудувал своите соговорници.


Еднаш го запрашале што мисли за игуменот архимандрит Мојсеј, за неговиот роден брат отец Антониј и за отец Макариј. Старецот одговорил накратко: „Отец Мојсеј и отец Антониј се големи луѓе, а Макариј е свет!"
Старецот Леонид, длабоко убеден во тоа, најмногу се зближил со отец Макариј, го направил свој рамноценет помошник и му ја наложил тешката и одговорна задача - духовно да ги раководи браќата и посетителите. Кон крајот на својот живот тој се почесто ги испраќал своите духовни чеда кај отец Макариј за да му ги откриваат своите помисли како што ги откривале пред него. Од своја страна пак, за важните духовни прашања отец Макариј секогаш го прашувал отец Леонид и некои поклоници во тешки недоумици ги упатувал да се обраќаат до старецот.


- А вие му го објаснивте ли на старецот тоа, што ми го кажувате? -
често прашувал отец Макариј. Ако се покажало дека тие тоа не го сториле, тој ги испраќал при отец Леонид. На таков начин, душите на оние кои доаѓале за совет, подеднакво се откривале пред двајцата старци. И двајцата ги знаеле сите околности на своите духовни чеда. Ако некој, по
извршената исповед при отец Макариј, доаѓал да земе благослов и од отец
Леонид, старецот кој имал благодатна дарба да ги открива и напомнува заборавените гревови, прашувал:
- А, му ги кажавте ли на отец Макариј уште тие и тие гревови?
 Некои одговарале: „- Не" и објаснувале, дека заборавиле да ги кажат. Други пак, истакнувале некаква друга причина. Тогаш старецот им наредувал:
- Одете веднаш кај него да му раскажете се!
Понекогаш пред отец Макариј биле изложувани случаи тешки за разрешување, за кои тој не можел сам да реши. Тогаш тој без двоумење изјавувал дека без старецот Леонид ништо не може да каже. Така и старецот не ги решавал тешките прашања без отец Макариј и велел:
- Да почекаме малку! Ќе дојде отец Макариј и заедно ќе разгледаме.
Умилно било да се гледа тоа еднодушие, таа заемна љубов меѓу двајцата старци. Една нивна духовна ќерка раскажува:
„Се случуваше да говорам со отец Леонид. А ете, доаѓа отец Макариј. Отец Леонид се обраќа кон него: - Баќушка, поразговарај со неа! Таа сака да ти објасни нешто."
„Или, двајцата седат како Божји ангели еден до друг. А ние клечиме на колена пред нив и ги откриваме своите души пред двајцата како пред еден духовник. Ние, никогаш не ги делевме и не правевме разлика меѓу нив. Во нив, навистина, имаше едно срце и една душа. Затоа, кога отец Леонид почина, ние жалевме многу, но нашата тага беше умерена, затоа што се лишивме од едната половина, но втората половина остана со нас."
Така старците, воодушевувани од смирението, поврзани преку благодатните врски на заемната љубов и поддржувајќи ја еднодушноста помеѓу себе, ги поучувале своите чеда на тие најглавни христијански добродетели. Поуките им биле убедливи, бидејќи биле поткрепени со нивниот личен пример. Тие никогаш не дозволувале да се појави неслога помеѓу нив. Затоа и меѓу нивните ученици немало поделби. Еднодушноста на духовните отци се пренесувала и врз чедата. И восхитувачко било тоа, дека со присутноста на двајца старци во еден манастир не се нарушувало единството на старечкото раководство!
Смирението ја привлекувало Божјата благодат и создавало рајско еднодушие во душите на учениците, различни по карактер и темперамент.

арх. Серафим - ОПТИНСКИТЕ СТАРЦИ (1)

арх. Серафим - ОПТИНСКИТЕ СТАРЦИ (2)

арх. Серафим - ОПТИНСКИТЕ СТАРЦИ (3)

арх. Серафим - ОПТИНСКИТЕ СТАРЦИ (4)

арх. Серафим - ОПТИНСКИТЕ СТАРЦИ (5)

арх. Серафим - ОПТИНСКИТЕ СТАРЦИ (6)

арх. Серафим - ОПТИНСКИТЕ СТАРЦИ (7)

арх. Серафим - ОПТИНСКИТЕ СТАРЦИ (8)

арх. Серафим - ОПТИНСКИТЕ СТАРЦИ (9)

арх. Серафим - ОПТИНСКИТЕ СТАРЦИ (10)

арх. Серафим - ОПТИНСКИТЕ СТАРЦИ (11)

арх. Серафим - ОПТИНСКИТЕ СТАРЦИ (12)

арх. Серафим - ОПТИНСКИТЕ СТАРЦИ (13)

арх. Серафим - ОПТИНСКИТЕ СТАРЦИ (14)

арх. Серафим - ОПТИНСКИТЕ СТАРЦИ (15)

арх. Серафим - ОПТИНСКИТЕ СТАРЦИ (16)

 Optinski.starci.jpg

Издавач: ЃаконијА

2004

Главен и одговорен уредник: Митрополит Брегалнички г. Агатангел



Поуки од Светите Отци

dobrotoljubie

Духовност

Јуни 10, 2023
TVIT602

Проскомидија

·Што е Проскомидија? Еретиците немаат Проскомидија. Проскомидијата е уводниот дел на Литургијата, нејзин пролог. Таа е нашиот допир со Небесното Царство и Небесното жителство.
Септември 13, 2021

Јован Дебарски Архиепископ Охридски (30 август/12 септември)

Овој свет и богоносен отец наш Јован Дебранин, Архиепископ Охридски и прв ктитор на Бигорската Обител, засветлил како светлозарна ѕвезда на богопрославениот светителски небосклон на Црквата Христова, во првата половина на ΧΙ век. За неговото родословие,…

Беседа за Успение на Пресвета Богородица oд Викарниот Епископ Јаков Стобиски

Сеп 03, 2021 Беседи 3884
Default Image
Беседа за Успение на Пресвета Богородица изречена од Викарниот Епископ Јаков Стобиски во…

Свети свештеномаченик Харалампиј

Фев 23, 2020 Житија 4762
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 4535
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 3949
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Беседи

Митрополит Софрониј - ПРОПОВЕД ЗА РОЖДЕСТВО НА ПРЕСВЕТА БОГОРОДИЦА

Митрополит Софрониј - ПРОПОВЕД ЗА РОЖДЕСТВО НА ПРЕСВЕТА БОГОРОДИЦА

Во Ветената земја - Палестина, дадена на израилскиот народ од Бога, во планините на Галилеја се наоѓа градот Назарет. Во тоа време тој бил толку непознат и малку важен, што...

Митрополит Струмички Наум – Рождество на Пресвета Богородица (2022)

Митрополит Струмички Наум – Рождество на Пресвета Богородица (2022)

Освен ова благодатно проникнување, проземање, друг начин на постоење и спасение за нас, христијаните, е невозможен, и незамислив. Ние не сме етичко тело, ние сме Тело Христово – еден со...

 Митрополит Струмички Наум Отсекување на главата на свети Јован Крстител (10.09.2022 15:45)

Митрополит Струмички Наум Отсекување на главата на свети Јован Крстител (10.09.2022 15:45)

Во Ирод четворовласникот го препознаваме самољубието во сите три негови пројави или потстрасти: сластољубие (желба за телесни задоволства), среброљубие (желба за пари и имот) и славољубие (желба за овоземна власт...

Порака на српскиот патријарх Порфириј до учениците на почетокот на учебната година

Порака на српскиот патријарх Порфириј до учениците на почетокот на учебната година

Да си помагаме меѓусебно за подобро да ги научиме лекциите, бидејќи сме си потребни еден на друг, сите зависиме еден од друг. Затоа треба да ги негуваме другарството и заедништвото....

Свети Лука (Војно - Јасеницки): СЛОВО ЗА УСПЕНИЕТО НА ПРЕСВЕТА БОГОРОДИЦА

Свети Лука (Војно - Јасеницки): СЛОВО ЗА УСПЕНИЕТО НА ПРЕСВЕТА БОГОРОДИЦА

Многу е важно правилно да разбереме и да ги запомниме зборовите на тропарот на великиот празник на Успението на Пресвета Богородица: „... По Успението не си го оставила светот, Богородице...’’.Нејзината...

Викарен Епископ Јаков Стобиски: Бог го бара нашето срце и нашиот чист живот

Викарен Епископ Јаков Стобиски: Бог го бара нашето срце и нашиот чист живот

Бог нема потреба од зејтин, лепење пари по иконите и нема потреба од ништо од нас материјално.Да одиме кај бајачи и гледачи кои ќе ни кажат да носиме зејтин, или...

Викарен Епископ Јаков Стобиски: Самите имаме потреба од простување

Викарен Епископ Јаков Стобиски: Самите имаме потреба од простување

Секоја молитва што ќе ја изговориме е крик за простување: „Господи Исусе Христе, помилуј ме, грешниот!“ Еве што вели Бог: „Ако им ги простите на луѓето гревовите нивни и вам...

Митрополит Струмички Наум: Преображение Господово (18.08.2023)

Митрополит Струмички Наум: Преображение Господово (18.08.2023)

Кога би ги прашале луѓето во црква, кои го празнуваат денешниот празник, зошто сме собрани овде, тие веднаш би одговориле дека денес е Преображение Господово. Не велам дека одговорот не...

Како бесот се крие (13.08.2023 11:33)

Како бесот се крие (13.08.2023 11:33)

Богочовекот Христос не е сега меѓу нас, но затоа ги остави Своите наследници, Епископите, чиј глас, кој повикува на лично покајание, треба да го послушаме, ако сакаме да се исцелиме....

« »

Најново од духовност

Православен календар

 

27/09/2023 - среда

Воздвижение на Чесниот Крст-Крстовден (пост)

Правила и одредби на Православната Црква за постот
Православен календар за овој месец - МПЦ

Кожувчанка

Молитви кон Пресвета Богородица за секој ден во седмицата

 Радувај се, Ти Која од ангелот ја прими радоста на добрата вест дека Бог Слово ќе прими тело од Тебе! Радувај се оти го носеше Создателот во Твојата утроба! Радувај се Ти Која го роди Бога во тело, Спасителот на светот! Повеќе...

Тропар

Тропар на Рождество на Пресвета Богородица 8 септември / 21 септември 2023

Тропар на Рождество на Пресвета Богородица 8 септември / 21 септември 2023

Раѓањето твое, Богородице Дево,радост ѝ јави на целата вселена,зашто од тебе засветли Сонцето на правдата

Тропар на чудата на св. Божји архангел Михаил 6 септември / 19 септември 2023

Тропар на чудата на св. Божји архангел Михаил 6 септември / 19 септември 2023

Сину на послушноста, вонмен од твојата уста секогаш ќе одекнува,о сило побрза од молњата,

Тропар на полагање на ризата на Пресвета Богородица 31 август / 13 септември 2023

Тропар на полагање на ризата на Пресвета Богородица 31 август / 13 септември 2023

Богородице Приснодево, заштитнице на луѓето,ризата и појасот на твоето пречисто телоси ги дарила на твојот град како моќна ограда,

Духовната убавина на Богородица се пројавува и во моментот на Распнувањето на Нејзиниот Син

Тебе, Богородице поборнице – војвотко, ние слугите Твои, откако се избавивме од зло, Ти пееме победни и благодарствени песни. Ти имаш сила непобедна, од секакви опасности ослободи не за да Ти пееме : Радуј се, Невесто Неневесна! Повеќе...

Болестите според светоотечкото учење

Значи, не се надевај на лекарска вештина без благодат и не ја отфрлај своеволно, туку моли Го Бога да ја спознаеш причината за казната, а потоа моли за избавување од немоќта, трпејќи сечење, горење, горчливи лекови и сите лекарски казни Повеќе...

Свети Лука Симтерополски: Архиепископ и хирург

Едноставно е да се претпостави дека професорот – епископ, соединувајќи го во своите раце крстот и скалпелот, ги порази современиците токму со тоа необично соединување на двете разновидни сфери на активност.  Повеќе...

Духовни поуки: „Помоли се за мене“

Со Бога зборувај многу, а со луѓето малку; ако во Божјиот закон се подучуваш - ќе успееш и во едното и во другото. Повеќе...

Живот без стрес

Ако разбереме што се крие зад стресот, ако ја видиме лагата, која што се крие зад него, на крајот ќе увидиме дека не постои причина за да бидеме во стрес.. Повеќе...

Митрополит Струмички Наум - Да пораснеме барем до Стариот Завет

И не само што немаат туку се и очигледна пречка за влез во Царството Небесно, и пречка да се сфати и пренесе неговата идеја и порака. Повеќе...

Епископ Тихон Шевкунов: „НЕСВЕТИ, А СВЕТИ“

Несвети, а свети. Луѓе, кои навидум живееле во нашето секојдневие, се соочувале со проблемите со кои ние се судираме, боледувале од болести од кои ние боледуваме, често осудувани од околината, а сепак, не биле секојдневни. Луѓе, кои не се на иконите, но го предавале животот од иконите во сите нивни дела, зборови, мисли. Луѓе, за кои тишината прозборила дека се свети.  Повеќе...

ГОЛЕМАТА ТАЈНА НА ДИВЕЕВО - Кој ќе доживее, ќе види

Како дополнување на оваа тајна, еве што слушнав од устата на 84-годишната игуманија на манастирот Дивеево, Марија. Бев кај неа во почетокот на 1903 година веднаш по канонизирањето на преподобниот Серафим и заминувањето на царското семејство од Дивеево. Повеќе...

Арх. Калиник Мавролеон: Монологот БОЖЈИ

 

Те гледав кога се разбуди угрово. Чекав да ми кажеш два-три збора, да се заблагодариш за се што ти се случува, да побараш мое мислење за се што треба да правиш денес. Повеќе...

За Моето име

Поуки на грузискиот Старец Гаврил Ургебадзе за последните времиња

 

„Ѓаволот има 666 мрежи. Во времето на антихристот луѓето ќе очекуваат спасение од космосот. Тоа ќе биде и најголемата замка на ѓаволот: човештвот ќе бара помош од вонземјаните, не знаејќи дека тоа се, всушност. – демони.“ Повеќе...

Взбранной Воеводе победительная