логоFacebookTwitterYouTubeeMail


УТРЕНА
Канон Песна 5


Ирмос: Со Твојата божествена светлина, Благи, душите на оние што порануваат кон Тебе со љубов, се молам, озари ги, за да Те познаат Тебе, Слово

Божјо, вистинскиот Бог, Кој од мракот гревовен нè повикува.
Да се потрудиме да ги подражаваме добродетелите на фарисејот, а смирението на митарот да го следиме, мразејќи ги, и во едното и во другото, претераната вообразеност и опасноста од грешењето.
Патот на правдата стана суета, кога фарисејот ѝ ја додаде вообразеноста, а митарот за сопатник ја придоби високотворната добродетел – смирението.
Фарисејот мислеше дека ита врз колата на добродетелите, но митарот пеш ја претекна колата, кога ги впрегна заедно смирението и состраданието.
Откако сите ја разбравме со умот параболата за митарот, пријдете да ја подражаваме со солзи, принесувајќи Му на Бога смирен дух и барајќи простување на гревовите.


Слава: Како разумни, да го отфрлиме фарисеевиот суетен и злобен, горделив и дрзок, лут и фалбаџиски карактер, за да не се лишиме од Божјата благодат.


И сега: богородичен: Предобра (Дево), жезолот на силата испрати ни го нам, на сите, кои тебе ти приоѓаме, давајќи ни да одиме напред среде сите непријатели и од секоја напаст ослободувајќи нè.


Кондак, глас 4.
Да бегаме од фалењето на фарисејот и да се научиме на смирението митарево, со покајание викајќи: Спасителу на светот, очисти ги слугите Твои.


Втор кондак, глас 3.
Да му принесеме на Господа воздишки како митарот и, ние грешните, да Му пристапиме како на Господар, бидејќи Он го сака спасението на сите луѓе, им дава прошка на сите што се каат, оти  заради нас се воплоти Словото Божјо, Кое е собеспочетно на Отецот.


Икос: Сите ние, браќа, да се смириме самите себе со воздишки, со плач да ја биеме совеста, та на вечниот суд да се покажеме верни, невини и да добиеме простување, зашто таму е вистинското олеснување, за кое ние сега се молиме да го видиме, таму каде што нема ни болка, ни тага, ни длабоки воздишки, тој прекрасен рај – Едем, што ни го обезбеди Создателот Христос, Кој е Бог, беспочетен со Отецот.


Кој живее фарисејски, тој останува далеку од Црквата.
А Христос е внатре и смирениот Го прима.

 

Извадокот од богослужбата е од Посен Триод

 

За Преминпортал подготви: Т.С.

 



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 745
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…