логоFacebookTwitterYouTubeeMail


Не постои евиденција на ниво на држава за тоа колкумина од оние што се интересираат за верата се млади луѓе, сепак свештените лица информираат дека, во споредба со минатото, денешните младинци доаѓаат во црква и сакаат да знаат повеќе за својата вера
  
 
 

Се поголем интерес кај младите за верата

МАСОВНА ЖЕЛБА ЗА УЧЕЊЕ ЗА БОГА

Цели 70 отсто од слушателите на предавањата што ги држи отецот Ивица Тодоров во поголемите цркви во градот се млади лица на возраст до 25 години. Овој пример покажува дека младите сакаат да знаат повеќе за верата и да ја практикуваат. Иако нема веронаука како наставен предмет во училиштата, сепак на верските предавања во црквите младите се побројни од возрасните. Иако не постои евиденција на ниво на држава за тоа колкумина од оние што се интересираат за верата се млади луѓе, сепак свештените лица информираат дека, во споредба со минатото, денешните младинци доаѓаат во црква и сакаат да знаат повеќе за својата вера. Дека е тоа така показател е и константниот интерес кај родителите, нивните деца да изберат да го учат предметот етика во религиите, кој е изборен предмет во шесто одделение, а на кој учениците усвојуваат знаења од етиката што се темелат на православното христијанство, исламот, јудаизмот и другите религии. Овој предмет ја замени веронауката, чие изучување пред неколку години, со крајно дискутабилна одлука, беше укинато од Уставен суд. Освен етика, во шесто и во седмо одделение децата можат да го изберат и предметот запознавање на религиите, а на овие часови тие се запознаваат со вредностите на големите светски религии. Интересот и овде е константен уште од самиот почеток кога предметот беше воведен заедно со веронауката, во 2008 година.

Интерес како никогаш досега

Во чаирската црква „Св. Георгиј Победоносец“, но и во други цркви во градот отецот Ивица Тодоров држи предавања и курсеви на различни теми поврзани со христијанството. Таков е на пример курсот „Училиште за животот“ на кој доаѓаат слушатели што сакаат да знаат повеќе за верата.

- Има многу млади на возраст до 25-26 години што присуствуваат на овие предавања. Во изминатите години ова не беше случај, процентот на млади луѓе што се интересираа за верата беше значително помал. Сакам да нагласам дека слушателите што доаѓаат на предавања се луѓе што сериозно ги интересира верата - вели отецот Тодоров.

Ваквиот интерес го потврдува и отецот Сашо, кој е старешина на Соборниот храм.

- Ќе згрешам ако кажам дека денешните млади луѓе не се интересираат за религијата. Не можеме да калкулираме со бројки и проценти, но факт е дека младите, а и воопшто луѓето од сите возрасти што веруваат, сакаат да знаат уште повеќе - вели отецот Сашо.

За отецот Бобан Митевски од кабинетот на архиепископот г.г. Стефан интересен е податокот што млади до 25 години повеќе ги посетуваат црквите, повеќе се интересираат за верата отколку повозрасните граѓани.
- Сепак, на верските часови што се организираат во црквите поголем е бројот на повозрасните верници - додава Митевски.

Зоран Матевски, професор по социологија на религијата на Филозофскиот факултет, вели дека, според анализите што ги правел со своите студенти, пораснат е процентот на убедени, односно религиски едуцирани верници во државата. Вели дека сега процентот на традиционалните верници во земјата е највисок во споредба со претходните времиња и се движи меѓу 60 и 70 отсто.

Од друга страна, наспроти овие бројки, констатира дека Македонија е земја со мал број вистински верници што доследно ги почитуваат и практикуваат верските начела и принципи.

- За овие неколку месеци, од седум до 10 отсто е пораснат бројот на убедени верници. Тоа е доказ дека почнува да функционира веронауката во религиските храмови. МПЦ прави големи напори да организира верски предавања во храмовите, како и тие да бидат посетени од голем број верници. Исламската верска заедница е повеќе организирана во тој поглед. Во муслиманските семејства, децата уште од мали се учат да посетуваат часови во џамиите. Но МПЦ веќе се приближува кон ИВЗ - смета Матевски.

Родителите сакаат веронаука

Професорот Ратомир Гроздановски, кој предава на Богословскиот факултет во Скопје, пред четири години напиша учебник по православна христијанска веронаука за петто одделение, кој се користеше во наставата. Според него, и покрај тоа што овој предмет повеќе го нема во училиштата, кај родителите и кај младите има интерес за учење на верата.

- Онаму каде што среќавам луѓе, и млади и родители, сите искажуваат желба дека тоа е потребно, дека треба да ги изучуваат тие теми. Има потреба од создавање вредносен систем за животот воопшто. Но некако државата и МПЦ како да го затворија ова прашање, оти нема некои посебни интереси за повторно воведување на веронауката и затоа сум разочаран поради ова. Негодувам што направија етика во религиите да има како изборен предмет, оти тоа не е тоа што треба да биде. Како да се задоволија со некаков сурогат, а сурогатите се лоши - смета професорот Гроздановски.

Четворки и петки по етика во религиите

Петре Миленков, наставник што го предава предметот етика во религиите во основните училишта во општината Ѓорче Петров, вели дека децата сакаат да го учат овој предмет.
- Интерес за темите има. Самите часови се како работилници, правиме проекти за вредности, заеднички избор на личности што поседуваат вредности. Кај мене оценките се високи, кои се добиени со знаења - истакнува Миленков.

Учат како да останат мирни

Оџите од Исламската верска заедница во државата со години неколку пати во неделата, покрај одржувањето на молитвите пет пати во денот, држат и часови по веронаука. Плуми Велиу, битолскиот муфтија, вели дека 60 отсто од посетителите на џамиите во петок се помлади верници до 30 години. За децата од основно училиште се одржуваат посебни часови по веронаука, за време на викендите, каде што тие се запознаваат за основните елементи на верувањето. Се учи за практикување на исламот, како и за моралните и етичките вредности. Многу често се читаат и извадоци од светата книга за муслиманите Куранот.
- Верските предавања што се одржуваат во четирите џамии во Битола секој петок имаат големо влијание за задржување на мирот во општеството. Ги советуваме верниците како да останат мирни и да не предизвикуваат нереди. На пример, по карневалот во Вевчани имаше заканувачки најави и пораки, кои успеавме да ги надминеме, односно се обидовме да ги насочиме верниците поинаку да размислуваат и да избегнат конфликтни ситуации. Ние го работиме она што со граѓаните треба да го прават политичарите и државните институции - истакна Велиу. 

 Автор: Антонија Поповска-Христов / Радмила Заревска    Фотографија: Маја Јаневска-Илиева

Извор: Нова Македонија

19.12.2012



Видео содржини

Поуки од Светите Отци

dobrotoljubie

Наука и Култура

Октомври 21, 2020
TVITer8

По патот на Македонската историjа

„Ние за Гоце“, авторот Стефанов пишува дека „Гоце Делчев беше самостоен и назависен во борбата; не бараше туѓа поткрепа, не допушташе туѓо мешање од кое толку многу страда и губи македонското ослободително движење, искористувано за туѓи цели и задачи“.За…
Септември 22, 2020
3.angeli.so.truba

“Богородичен Покров“ со филмови кои ја збогатуваат душата и носат силни пораки

“2020 година ќе се памети по неочекуваните предизвици и искушенија со кои мораше да се соочи човештвото. Радува фактот дека и покрај ограничувањата поради пандемијата, фестивалот се одржува по петти пат. Целите на фестивалот, зачувувањето на моралните…

Информација за победниците на конкурсите за млад и зрел уметник

Авг 27, 2020 Ликовна уметност 190
TVITer21
Процесот на селекција се одвиваше по принцип на оценување на предложените апликации од…

Емануел Рембер: Читањето е убава мрзеливост и вистински лек

Мај 10, 2020 Интервју 707
3.angeli.so.truba
-Чудно е тоа што изолацијата ја доживувам како миг во кој сè е замрзнато. Секако дека сè…

„Ако има волја има и начин“ – Џорџ Бернард Шо

Апр 29, 2020 Литература 713
3.angeli.so.truba
Бидете секогаш чисти. Бидејќи вие сте прозорот низ кој го гледате светот. Демократијата е…

Беседи

 Митрополит Струмички Наум: Секташко однесување во Црквата (17.10.2020)

Митрополит Струмички Наум: Секташко однесување во Црквата (17.10.2020)

 Богочовекот Исус Христос е единствената Глава на Црквата. Епископот на локалната Црква е икона Христова, седи на место Христово и претставува обличје Негово. Тој не е Самиот Христос, туку е...

Митрополит Струмички Наум: За самооправдувањето (11.10.2020)

Митрополит Струмички Наум: За самооправдувањето (11.10.2020)

Самооправдувањето е болест која е пораширена, понезабележлива и потешка од судењето и осудувањето. Самооправдувањето и осудувањето се две страни на една гревовна состојба – гордоста.Пораширена – затоа што, најчесто, дури...

  Јане Илиев: СЕДУМНАЕСЕТТА НЕДЕЛА ПО ПЕДЕСЕТНИЦА

Јане Илиев: СЕДУМНАЕСЕТТА НЕДЕЛА ПО ПЕДЕСЕТНИЦА

 Современиот човек брза по светските суети, бега од скромниот живот и во празните и лажни авантури бара да ја заборави душевната горчина, која му ја создава свеста за безбожните дела....

Стефан, Архиепископ Охридски и Македонски: БЕСЕДА

Стефан, Архиепископ Охридски и Македонски: БЕСЕДА

 Траат светиите, зашто е вечен Изворот на нивната светост! Зар ќе ја спомнувавме првопокрстената Лидија или Светите Ахилеј Лариски, Еразмо Охридски, Петанесетте Тивериополски свештеномаченици, рамно¬апостолните Кирил и Методиј и нивните...

Митрополит Струмички Наум:  За судењето и осудувањето на другите (03.10.2020)

Митрополит Струмички Наум: За судењето и осудувањето на другите (03.10.2020)

Да те прашам, човеку, зошто ти е помило да му судиш и да го осудуваш некого врз основа на озборување, кога веќе ти се достапни и познати неговите дела и...

СВЕТА СОФИЈА И НЕЈЗИНИТЕ ЌЕРКИ,МАЧЕНИЧКИТЕ ВЕРА, НАДЕЖ И ЉУБОВ

СВЕТА СОФИЈА И НЕЈЗИНИТЕ ЌЕРКИ,МАЧЕНИЧКИТЕ ВЕРА, НАДЕЖ И ЉУБОВ

Откако сите четири бестрашни маченички биле изведени пред царот, смирено и одлучно ја исповедале верата во Христа Господа и одбиле да принесат жртва пред идолската божица Артемида. Пред страдањата, Софија...

Отец Александар Шмеман: Воздвижение на Чесниот Крст

Отец Александар Шмеман: Воздвижение на Чесниот Крст

Тоа бил празникот на христијанското царство, кое се родило под закрилата на Крстот, во денот кога царот Константин го видел Крстот над кој пишувало:: „Со ова ќе победиш…” Тоа е...

Ретроспектива (2005-2020): „Митрополит Струмички Наум - Го сведочиме ли Крстот Христов или само својот крст? (6)

Ретроспектива (2005-2020): „Митрополит Струмички Наум - Го сведочиме ли Крстот Христов или само својот крст? (6)

 Сите имаме свој крст, но прашањето е: дали нашето страдање Бог го прима како учество во Крстот Христов или тоа е само обично, очајно и бесмислено човечко страдање? Односно, дали...

За силата на смртта и на крстoт Христoв

За силата на смртта и на крстoт Христoв

Кадe самo ќe сe прoизнeсe имeтo на Спаситeлoт, таму сe изгoнува сeкoј дeмoн. Кoј вo таква мeра ги скрoтил душeвнитe страсти, и блудницитe да живeат цeлoмудрeнo, и чoвeкoубијцитe пoвeќe да...

« »