логоFacebookTwitterYouTubeeMail

 maidan-svestenik-720x340

Политиката е валкана работа, а Црквата треба да биде чиста“. Едноставна реченица со која е тешко да се спори. Меѓутоа, ако ја изедете како полнета бомбона, ќе мора да го изедете и полнењето. А еве какво е полнењето: „Црквата нема право да влијае врз животот. Марш во ќош да се молиш пред иконите и да не си се осудил да се тргнеш оттаму!“.

И бидејќи полнењето, очигледно, е отровно, вреди да се анализира само лукавата теза за „комплетната валканост на политиката“ и тоа дека Црквата не треба да се валка со земни работи.

Како прво, евангелските раскази се густо проткаетни со политички мотиви. Без познавање на тогашната политичка состојба во светот и во Светата Земја, воопшто не е можно да се сфати што претставува Августовиот попис, благодарение на кој Господ е роден во Витлеем. Не е јасно кои се стотниците на римската војска и зошто патролираат по улиците на израелските градови, кои се цариниците и заради што народот воопшто не ги сака, зошто (прво)свештениците се бирани секоја година, а не доживотно. Би можело да се приговори на Претечата: „чуму ти е да го разобличуваш некојси Ирод заради некоја си Иродијада? Ете, нека спие кој со кого сака – а ти си духовен човек, размислувај за небесни нешта.“

Дури и во неправедната осуда на Месијата на крсна смрт се чувствува призвук на политичка конјуктура: „Ако Го пуштиш Него, не си му пријател на кесарот. Секој што се прави цар, противник му е на кесарот (Јован 19, 12)… Ние немаме цар, освен кесарот (Јован 19, 15)“. Исфрлете го сето тоа од Евангелието и ќе добиете некакво гностичко учење или зборник на ориентални приказни. Меѓутоа, Евангелието влегло во историјата и влијаело на историјата и го променило нејзиниот тек. И ако мислиме поинаку, тогаш наши свети отци нема да бидат Василиј, Григориј и Јован, туку Маркион, Василид и манихејците. „Духовното“ и „моралното“ се нераздвојни.

Насекаде овој или оној морал има корени и црпи вода од оваа или онаа духовност. Од своја страна, пак, и „политичкото“ е нераздвојно поврзано со „моралното“. Законите ги бележат и одредуваат постоечките морални норми, прецизирајќи ги и корeгирајќи ги. А според востановената пракса, во поново време, законодавството може грубо да се меша во моралниот живот на народот, разбивајќи ги вкоренетите табуа и наложувајќи забранетото да се чини со мирна совест. Токму љубителите на уништувањето на традиционалните вредности и обичаи покажуваат на Црквата прст кон ќошот со икони и говорат: „Не мешајте ни се во нашите работи“. Ваквата појава е делување на духот на антихристот и претставува груба измама проткаена со бел конец. Да наведеме неколку аргументи.

Современиот политички систем кој е актуелен во светот, претполага поделба на власта на законодавна, судска и извршна. Секоја влада има кабинет на министри кој претставува главен орган на извршната власт. Се разбира, министерскиот кабинет е политички орган. Меѓутоа, во склоп на министерскиот кабинет спаѓаат и министрите за здравство, култура, образование, млади, спорт и наука. Според тоа, и театарот Бољшој, и изградбата на породилишта, и реформата на високото образование и уште илјада значајни животни појави спаѓаат во сферата на одговорност на политичарите. Дали е ова точно? Точно е. Но, дали тоа значи дека Црквата автоматски нема право јавно да говори и да има сопствено мислење за сите овие појави? Секако дека не. Црквата има право, уште повеќе, има должност да има мислење за сè што се случува во јавниот живот на земјата и народот. Црквата не смее да се обидува да се приграби до власт и во раце да зема земски меч. А во сè останато треба да делува во Духот и силата „на оружјето на сопствената војска, која е силна пред Бога и може да сруши и тврдини“.

Абортусот не припаѓа исклучиво во полето на интерес на медицината, а преку Министерството за здравство – на политиката. Оваа појава може да биде оценета и од морален аспект, а под извесни околности може да биде и криминална активност. Во секој случај, изразувајќи го своето мислење за убивањето на деца во мајчината утроба, Црквата не се втурнува во политика, иако на некој начин се допира до политичката сфера. Понатаму, Црквата треба да најде начин како да повлијае на образовниот процес во основните, средните школи и универзитетите. Меѓутоа, не за да ги оспори правата и власта на Министерството за образование и наука, туку за да во „просветата“ би постоела Светлина, за да во „образованието“ би сјаел Божјиот образ, и за да во „воспитувањето“ би постоела можност за правилна исхрана и да човекот не би умрел од духовна глад. Кога зборува „читајте книги“, Црквата не се занимава со пазарот на продажба на книги, туку со човековиот внатрешен свет. И така е насекаде. Доаѓа свештеникот во болничка соба, за да го причести човекот на смртна постела или да изврши Елеосвештение на болен пред операција. Притоа, тој не упаѓа во политика, туку ја лекува душата и одврзува јазли кои ниеден закон не може да ги одврзе. Ако крстот на храмот сјае над покривите на зградите во воена населба, тоа не е заради мешање во политиката и одбраната, туку за војникот и офицерот полесно да би дишеле и порадосно да би служеле. И ако некаде Црквата успешно спроведе кампања за борба против алкохол, тоа ќе се одрази и на пазарот и на криминогената ситуација во регионот, и на демографијата и на статистиката на повреди на работно место. Со еден збор, ќе се одрази во сè. Но, тоа би биле само попатни политички и граѓански плодови на евангелското служење.

Овие вистини се толку очигледни, што е срамота да се спомнуваат одново и одново. Но, еве ви го светот во неговата вештачка убавина и потопен во безумие: баналностите звучат како откровение. Во длабочината на својата Богочовечка суштина, Црквата ја има силата на својата Глава – Христос – и тоа голема, слободата, која Он ја дава. Само уште Црквата води грижа за светот и современиот човек (токму така и се вика една од книгите со поуки на старец Пајсиј Светогорец – „Со болка и љубов за современиот човек“). Затоа, гласот на Црквата ќе се слушне. Мора да се слушне. Понекогаш, за нечии уши ќе звучи како да се сложува со власта, понекогаш – со опозицијата. Понекогаш, може ќе звучи како да не е ни за „овие“, ниту за „оние“, туку над нив. И тоа што се слуша гласот на Црквата е големо богатство. Оти, ако замолчи, тоа ќе значи дека настапиле времиња од кои немало потешки и пожалосни од почетокот на светот и векот.

Во тие денови, Црквата молчешкум ќе се скрие и ќе бара пустина за да го дочека набрзо Второто доаѓање на Женихот. И сите брбливци и исмејувачи, сите поборници на јавното брборење и тајното беззаконување одеднаш ќе сфатат дека со молчаливото заминување на Црквата, животот одеднаш изгубил смисла, а страшниот гнев веќе е на прагот.

Затоа, зборувај, Невесто Христова, зборувај за сè што мислиш дека е сходно. Зборувај за времето и за просторот, за облеката и за храната, за раѓањето и за смртта, за гревот и за казната за грев. Зборувај и за политика. И нека звукот на твојот глас и пискавата реакција на твојот глас на многумина нека бидат знаци дека Земјата сè уште не е територија на потполн пораз, туку битка за Вистината која сè уште трае.

Протојереј Андреј Ткачов

Превод: В.К.

Извор: http://agapi.mk/sto-vo-politikata-ne-i-pripagja-samo-na-politikata/

Преземено од: Преспанско- пелагониска епархија



Поуки од Светите Отци

krusevoexport

Духовност

Јули 01, 2019

„Осаменоста не е во тоа што сме сами, туку во тоа дека не постои ништо по кое копнееме.“

Јас сум академски сликар и наивен писател. Учев да бидам сликар, но писател – не. Впрочем, каде се учи за тоа? На пример, Толстој по занимање бил гроф, Чехов - лекар, Сент Егзипери, авијатичар – а да не го споменеме Чарлс Буковски, кој бил поштар“.
Мај 28, 2019

Свети Леонтиј Струмички, патријарх Ерусалимски

Живеејќи во покаен плач и солзи се издвојуваше по особеното почитување и љубов кон нашиот Господ и Неговата Пресвета Мајка. Иако сè уште млад, Преподобниот презема на себе еден тежок подвиг: одеше по улиците на царскиот град правејќи се дека не е со здрав ум,…

Акатист кон свети Нектариј Егински

Ное 25, 2018 Полезно и Потребно 1361
КОНДАК 12Трудејќи се, си ја умножил благодатта дадена од Бога, рабу Божји, добар и верен…

Житие на преподобна Параскева – Петка (Епиватска или Трновска)

Окт 30, 2018 Житија 1895
Света и преблажена маченичко Христова Параскево, убавино на девственичките, пофалбо на…

Светскиот првак Адам Ондра во посета на Бигорскиот и Рајчичкиот манастир

Окт 28, 2018 Настани 1255
Деновиве нашите две свештени Обители, Бигорски и Рајчица, ги посети во светски рамки…

Беседи

БEСEДА за дeцата и нивната пoфалба на Гoспoда

БEСEДА за дeцата и нивната пoфалба на Гoспoда

Oсвeн тoа, вo малитe дeца трeба да сe вбрoјат и самитe апoстoли, и мнoгутe свeтитeли, испoсници, мачeници за Христа и дeвoјки, илјадници и илјадници oд oниe кoи нeвинo и прoстoдушнo...

БEСEДА за кoрисниoт гнeв

БEСEДА за кoрисниoт гнeв

Гнeвeтe сe, браќа, на сeбe и пoвeќe нe грeшeтe. Гнeвeтe сe на свoитe грeвoви спoрeд мислитe и дeлата и пoвeќe нe грeшeтe. Гнeвeтe сe на сатаната, таткoтo на лагата и...

Слово за свети Јован Богослов и свети Тихон Московски

Слово за свети Јован Богослов и свети Тихон Московски

„Да зборувам на сите човечки јазици, па дури и на ангелски, штом љубов немам, ќе бидам бакар, што ѕвони, или кимвал, што ѕвечи. Да имам пророчки дар и да ги...

БEСEДА за бoжeствoтo на Синoт и битната eднаквoст сo Oтeцoт

БEСEДА за бoжeствoтo на Синoт и битната eднаквoст сo Oтeцoт

Затoа, всушнoст, и Синoт сe oвoплoтил за сo Сeбe да им oбјави на луѓeтo и за Сeбe си, и за Oтeцoт и за Свeтиoт Дух, eднoсушнoтo Бoжeствo, трoичнo пo ипoстас....

БEСEДА  за вoскрeснатиoт и живиoт Гoспoд Кoј e вoскрeсeниe и живoт

БEСEДА за вoскрeснатиoт и живиoт Гoспoд Кoј e вoскрeсeниe и живoт

Јас сум вoскрeсeниeтo и живoтoт (Јн. 11:25). Oвиe свeти збoрoви ги изрeкoл Гoспoд Исус Христoс. Oн нe самo штo ги кажал, туку и сo дeлo ги дoкажал. Вoскрeснувајќи ја ќeрката...

Архимандрит Партениј Бигорски: Вечното знаме на Христијаните

Архимандрит Партениј Бигорски: Вечното знаме на Христијаните

Голема е и длабока мистиката што овој четворокрак симбол ја содржи во себе; тој таинствено бил предобразуван низ целата епоха на Стариот Завет, како претсказание за Распетието на Синот Божји...

Отец Александар Шмеман: Воздвижение на Чесниот Крст

Отец Александар Шмеман: Воздвижение на Чесниот Крст

Тоа бил празникот на христијанското царство, кое се родило под закрилата на Крстот, во денот кога царот Константин го видел Крстот над кој пишувало:: „Со ова ќе победиш…” Тоа е...

Методија Митановски: РОЖДЕСТВО НА ПРЕСВЕТАТА ВЛАДИЧИЦА НАША БОГОРОДИЦА И СЕКОГАШ ДЕВА МАРИЈА

Методија Митановски: РОЖДЕСТВО НА ПРЕСВЕТАТА ВЛАДИЧИЦА НАША БОГОРОДИЦА И СЕКОГАШ ДЕВА МАРИЈА

 За едни, среќа е власта, за други-богатството, за трети-славата, јавното признание, за некого семејството, за некого работата.... Многу луѓе можат да кажат разни карактеристики за среќата. Но ниту една нема...

Св. Фотиј Велики - За Рождеството на нашата Пресвета Дева Богородица

Св. Фотиј Велики - За Рождеството на нашата Пресвета Дева Богородица

Девата се раѓа од неплодна утроба, но дури и да била плодна, рождеството пак би било чудесно. О, големо чудо! Штом времето на сеење поминало, тогаш жетвата дошла; штом огнот...

« »