логоFacebookTwitterYouTubeeMail


 

Свештеници и мерцедеси

Парохискиот свештеник во нешто е сличен на локалниот лекар. Преоптоварен, изморен, трча наваму-натаму, еднаш за да причести некој болен, другпат за да изврши погребение, па на крштение. Жена му не го гледа дома, и со право негодува поради тоа.Домот е запоставен. Се нема доволно време и сили за сè. А работата е важна, и лекарската, и свештеничката. Исклучително важна, но не и привлечна. Свештеникот не е ниту фудбалски голгетер, ниту популарен пејач.

А сепак, нечија болна фантазија секојпат си го замислува свештеникот никако поинаку, освен во Мерцедес. Срамота, навистина. Дали сте виделе мношто локални лекари во Мерцедеси? Секако, постојат и лекари кои возат скапи автомобили, но таков сигурно не е селскиот болничар или педијатарот од градската поликлиника. И покрај тоа што постојат и „црни трансплатолози“, како и лекари што претвораат „чичковци“ во „тетки“ и обратно, сепак, некако не се осудуваме да ги сместиме сите лекари во ист кош. И покрај тоа, тие лекуваат, спасуваат, оперираат, советуваат. И во поголемиот број случаи, живеат скромно. Меѓутоа, и тоа како успеваме да ги сместиме сите свештеници во ист кош. Зошто?



Затоа што, очигледно, лекарите ги посетуваме почесто, носејќи ги кај нив пред умирање нашите ближни. Велиме „Аааааа“ со стапче во устата, ја извршуваме наредбата „диши – не диши“, итн. Додека, пак, Црквата ни е позната само оддалеку, преку отец Фјодор од претставата „12 стола“, или по Пушкиновата бајка „За попот и неговиот работник Балдо“. Поради тоа, за поголемиот број на неверни сонародници не им е познат скромниот живот на повеќето ереи, кои патуваат со комбиња и со автобуси.

Да, навистина, каква врска има со што патува лекарот, доколку самиот јас сум дошол кај него за да се излечам? „Патувај со што сакаш, само помогни ми да ја надминам болкава“, така мислиме. И до тука сè е јасно, затоа што на еден или друг начин, сите сме запознаени со личната болка и со стравот за животот на нашите блиски. Но, со болеста на својата душа, со своето внатрешно душевно распаѓање не сме сите запознаени. Токму тие, незапознаените, постојано биваат навлечени да го бараат целото светско зло надвор од себеси. На тие незнајковци, т.е. на оние коишто не знаат дека светското зло лежи во самите нив, младиот Мамонов им ги посветил овие стихови: „Не ги убивај мувите! Изворот на зараза – тоа си ти!“

+ + +

Жално за свештениците, и воопшто, жално. Ова се случува затоа што во народот не постојат професии на кои би се восхитувале. Геолог, космонаут, научник, полицаец, педагог, лекар… Сите овие професии некогаш беа овеначени со идејата за подвиг и труд, општата добросостојба и љубов кон народот. „Што е рудар? – Тоа е храбар човек кој работи под земја, за во нашите домови да биде топло. Што е учител? – Тоа е умен и добар човек, кој пред нас ги отвара вратите на животот“, итн. А денес: „Што е рудар? – Тоа е еден кутар човек, кој за неколку денари се спушта под земја, и најсреќен би бил кога би ја напуштил својата работа, ама нема друг излезе. Што е учител? - Тоа е еден губитник, кој работи за ситни пари, и кој своите фрустрации ги истура врз децата. Што е полицаец?- Бандит кој шета во униформа. Што е столар? - Исто така, бандит, само не во униформа, туку во работничко одело“, и така до бескрај.

Постарите генерации не се почитуваат, затоа што тие живееле во тоталитаризам. Современите генерации не се почитуваат, исто така, затоа што меѓу нив има лажговци и крадци. Интересно е, тогаш, како да се вгради почитта кон себеси во сопствените деца при ваквиот светоглед, доколку никој никого не го почитува „идеолошки“, и во принцип – секого го презира? Во општеството коешто се наоѓа во ваква состојба, при што во крв се давиме од детството, зошто некој не би ги испратил своите остарени родители во дом за старци, кога ќе дојде време за тоа?

И ете ја првата пристигната поука. Слушајте ги оние кои сакаат да ги навредуваат сите други, а себеси да се фалат! Слушајте ги оние, за кои ништо не е свето, освен своето банкарско конто! Инвестирајте во домови за стари лица, додека не ви е доцна. Не е исклучена можноста токму таму да ги преживувате своите последни денови. Ова, или сменете го својот светоглед.

+ + +

Има многу неволји и неправди околу нас. Кој го негира тоа? Но, ако само го гледаме туѓото зло, зар нема да помислиме дека човекот кој така живо критикува сè и секого – е ангел, кој и тоа како би знаел да се снајде во мноштвото грешници со коишто е опкружен? Тој е оправдано лут. Тој знае кој и за што треба да биде казнет. Би сакал да видам многу повеќе вакви ангели во човечки тела околу себе, и навистина ги барам. А вистина е дека не ги наоѓам. За луѓето-ангели би било својствено да се молат; критизерите не се молат. Ангелите не говорат лошо за оние над себе, и Архангел Михаил дури ни сатаната не смеел да го прекори, туку само му рекол „Бог нека ти забрани“ (2 Пет. 2, 10). И повторно доаѓаме до тоа, дека човекот којшто не се грижи за себеси е раздразлив и завидлив, и дека тој не го познава словото Божјо; во спротивно би помнел дека во неговото око има греда – а во другите, само раски.

Но, ајде, да дозволиме ваквиот „правдољубец“ и да не го познава Писмото. Има и Библија, но е лош ученик. Сепак, тој треба да си ја знае историјата на својот народ. Мора, ама не ја знае. Или, пак, заборавил дека чистодушните фантазери, кои ја срушија претходната, несовршена царска власт, преку своето безумие и плитка опсесија, на власт донесоа една таква ретка банда на злосторници која на милиони луѓе им ја цицаше крвта, и тоа капка по капка? Или заборавил, или пак, има краток ум? Тоа се случуваше до неодамна. Но повторно, туѓото гајле го бере. Не знае ли тој дека човекот не гледа на светот објективно, туку преку призмата на своето огрешено искуство?

Во некој манастир, некој монах видел како, по спуштањето на ноќта, еден од браќата ја прескокнал манастирската ограда и се упатил кон блиското село. „Тој е блудник, кој оди во светот да блудничи“, помислил братот. Истиот настан го видел и еден друг брат. „Тој е лопов меѓу нас, оди во селото за да украде нешто“, си помислил. А третиот, кој исто така го видел братот, помислил: „Тој е еден од слугите Божји, и оди тајно да раздава милостина во селото“. Зошто на еден ист настан имаме три различни реакции? Затоа што секој суди според себеси.

За блудниот, сиот свет блудничи. За крадецот, сиот свет краде. За слугата Божји, сиот свет на Творецот Му угодува. Да се испитаме себеси на тој начин. Доколку ни се чини дека сите крадат, значи дека според внатрешната состојба на нашето срце, ние сме крадци. Ако според нас сите блудничат, значи и ние истото го правиме. И доколку вам, или мене, денес ни биде дадена власт, о, колку само ќе го изненадиме светот со нашата бескорисност. Уште сега гледам како ние, денешните борци, ќе покажеме пример на „труд, чистота и човечност“.

+ + +

Во нашиот град за Нова година го украсија центарот со преубави украси. Поврзано со тоа, во метрото го чув следниов разговор меѓу двајца мажи:

- Се сеќаваш ли колку тажно изгледаше градов минатиот Божик? Немаше ниту сијалички, ниту украси.
- Толку се грижат „тие“ за народов. Ги интересира само нивниот џеб.
- Тогаш, зошто е толку убаво оваа година?
- Затоа што толку многу крадеа, што сега можат и да украсуваат.

Продолжив понатаму. Одеднаш, сè ми стана и смешно, и тажно, и неинтересно.

Како што велат, ако во главата имаме дупка, тогаш ниту со добри закони, ниту со поклони и пари нема да ја закрпиме. Ако во душата крт ти ископал дупка, или „жаба“ ти ја исцицала радоста, тогаш и сиот свет да го сместиш во неа – пак душата ќе биде гладна.

И се сетив на св. Јован Златоуст, кој рекол: „Сето зло на овој свет доаѓа од незнаењето на Светото Писмо“.

Навистина, доколку мажите од метрото би ги знаеле зборовите на пророците, нивниот разговор ќе беше помудар. На пример, барем да знаеја дека: „Горделивата душа никогаш мир не ќе најде, а праведните ќе живеат во својата вера“ (Авакум 2,4).

Протоереј Андреј Ткачјов
Извор: Православен пат, бр. 33-34 

Преземено од : Агапи

 

13- ти јануари, лето Господово 2014



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 720
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

 Митрополит Методиј Златанов: огромна е човечката жед за љубов

Митрополит Методиј Златанов: огромна е човечката жед за љубов

Во духовната пустина на овој суетен свет, на ова место на нашето исконско туѓинување, огромна е човечката жед за љубов. Дури и се навикнуваме да живееме без внимание кон себе...

Митрополит Европски Пимен (03.07.2020)

Митрополит Европски Пимен (03.07.2020)

Да си споменеме за да поверуваме во она дека сė што е соединето со Бога е спасено, та освестеното да го примениме во нашите животи. Да престанеме да ги распнуваме...

Митрополит Струмички Наум: Кажи само збор (04.07.2020 )

Митрополит Струмички Наум: Кажи само збор (04.07.2020 )

Исто така, извршен e и Литургискиот (Евхаристиски) збор, и тој е збор во сила; извор на слово во сила, кое повторно и повторно го обновува светот; затоа што Христос е...

О. Жарко Ѓорѓиевски ✥Беседа за св. Наум Охридски✥  (03.07.2020)

О. Жарко Ѓорѓиевски ✥Беседа за св. Наум Охридски✥ (03.07.2020)

Свети Наум бил мудар учител, единствен раководител на монасите, решителен подвижник, чудотворен молитвеник и духовник. Тој постојано работел на преводи на светото Писмо и другите богослужбени книги од грчки на...

Митрополит Струмички Наум: Слово за фарисеите (03.07.2020)

Митрополит Струмички Наум: Слово за фарисеите (03.07.2020)

Кој им е проблемот на фарисеите, тогашни, денешни и на сите времиња? Тоа што постојано бараат грешка; но не баш кај секој, туку посебно кај оној на кого се фиксирани....

Митрополит Струмички Наум: Како да ја достигнеме молитвата на срцето (01.07.2020)

Митрополит Струмички Наум: Како да ја достигнеме молитвата на срцето (01.07.2020)

И најважно од сѐ е – на секое зло да враќаме со добро, со љубов. За да ни биде дозволено да ја кажуваме оваа молитва треба и во мислите и...

О.Методиј Митановски: Беседа за 3-та недела по Педесетница

О.Методиј Митановски: Беседа за 3-та недела по Педесетница

Важно е да напомнеме дека и покрај големите и епохални откритија на науката, животот на денешните луѓе не ѐ подобар. Напаротив создаден ѐ кај луѓето страв и немир, наместо радост...

Митрополит Струмички Наум: Кој се гневи, без причина, на братот свој (27.06.2020)

Митрополит Струмички Наум: Кој се гневи, без причина, на братот свој (27.06.2020)

И така, не оди да се причестуваш со Светите Тајни Христови ако не си побарал прошка од братот свој, ако не си му одговорил со љубов или ако не си...

Митрополит Струмички Наум: Умно-срдечната молитва – критериум за вистинско мачеништво (24.06.2020)

Митрополит Струмички Наум: Умно-срдечната молитва – критериум за вистинско мачеништво (24.06.2020)

Наравоучение: православната психотерапија прави разлика меѓу искушенија што ни се случуваат затоа што душевно оздравуваме (очистување на срцето од страстите) или сме доволно здрави (просветлување на умот), од искушенија што...

« »