логоFacebookTwitterYouTubeeMail



Секоја потврда за корените е факт за нашето постоење

Ова во изјава за новинарите го рече претседателот на Програмскиот совет на Форумот на словенските култури, Сенко Велинов, на вчера одржаниот форум на ова тело во чиј центар на дискусија и анимација е проектот "Сто словенски романи"


- Секоја историска вистина за нашето потекло само го потврдува нашиот македонски идентитет и треба да се искористи. Затоа не гледам никаква пречка или пак оддалеченост од античките корени со учеството и поддршката на словенството во нашето историско постоење, рече Сенко Велинов во изјава за новинарите на вчерашниот Форум на словенски култури, кој се одржа во Клубот на пратениците во Скопје.

Тој како претседател на програмскиот совет на Форумот ја потврди позицијата на Македонија недвојбено да го поддржува ова тело, а Министерството во ниту еден момент не се посомневало во неговата грандиозна идеја.

Што се однесува, пак, до фокусот на овој собир, се дискутираше за можностите на словенските култури за зближување и нивно стимулирање, со цел за заедничка афирмација на нивната култура во Европа и светот. Во овој контекст, според претседателката на Форумот, Милена Домјан од Словенија, Македонија игра значајна улога во целиот процес и интегрирање на овој Форум во европската култура, со директното и активно учество во проектот "Сто словенски романи".
- Тука сме не поради политиката, туку за културата и меѓусебното разбирање. Словенија засега е најуспешна во проектот 100 словенски романи". Бројот на наслови, сепак, зависи од буџетите на земјите-членки, а Македонија, како што рече, е меѓу првите земји кои се вклучиле во проектот, додаде Домјан, на која ја потврди интенцијата во преден план да биде издавачката дејност.
Министерската за култура Елизабета Канческа-Милевска посочи дека е "огромна чест за Република Македонија, земјата на браќата Кирил и Методиј, заштитниците на Европа уште еднаш ја потврдува и ја поддржува моќта на словенското писмо".

Министерството за култура го поддржува објавувањето преводи на дела на словенските јазици. На македонски јазик е објавен романот Донесена од маглата" на словенечкиот писател Фери Лаиншчек, возвратно на објавувањето на словенечки јазик на "Азбука на непослушните" од Венко Андоновски. За годинава е поддржан и преводот на романот "Руски прозорец" на српскиот автор Драган Велиќиќ. За следната година во план е и превод на значајни романи од руската литература.

Борче ГРОЗДАНОВ - Вечер


Форумот е важен за културата, а не за политиката

 

Вчера во Клубот на пратениците се одржа состанок на Форумот на словенските култури

Невена Поповска

Министерството за култура вчера во Клубот на пратениците беше домаќин на состанокот на Одборот и на Програмскиот совет на Форумот на словенските култури. Состанокот го отвори министерката за култура, Елизабета Канческа-Милевска, која е и член на Одборот на Форумот на словенските култури, а на него присуствуваа претставници на државите-членки на Форумот: Македонија, Словенија, Русија, Белорусија, Украина, Србија, Црна Гора, Босна и Херцеговина, Хрватска, Бугарија, Полска, Словачка и Чешка. Словенските земји ја продлабочуваат соработката заради заштита и промоција на националните јазици, автентичните култури и на заедничкиот словенски идентитет во услови на брзата и наметлива глобализација. За остварување на таа мисија, 13 словенски земји го основаа Форумот на словенски култури, кој досега успешно ги спроведува зацртаните проекти. Тоа е оцената на членовите на Програмскиот совет на Форумот.

Во поздравната реч, министерката за култура, Канческа-Милевска, меѓу другото, истакна: „Република Македонија е земја за која историјата запишала дека е лулка на словенската писменост, култура и традиција. Организирањето на овој настан е од исклучително значење, бидејќи со овој чин сите ние заедно придонесуваме за зближување и стимулирање на културната соработка меѓу словенските држави, како и за заедничка презентација на културата на словенските народи во светот. Од започнувањето на иницијативата за формирање на Форумот на словенските култури во 2002 година до денес, земјите-членки и на дело се залагаат за унапредување на соработката во културата и за нејзино промовирање во рамките на европските и на другите меѓународни организации. Затоа овој Форум има огромно значење и за другите држави-членки кои беа дел од повеќе активности што ја реализираа својата суштина - подобро запознавање и зацврстување на сите форми на соработка меѓу словенските култури, заштита на културните идентитети и зачувување на традицијата на земјите во кои се говорат словенските јазици“. Во почетокот на јуни 2008 година, продолжи Канческа-Милевска, во Брисел, Форумот на словенските култури успешно организираше презентација на Етнографската изложба на словенските народи подготвена од страна на Министерството за култура на Руската Федерација. Како придружна активност, Форумот во Брисел организираше и Фестивал на сесловенски филмови, во чија програма беа прикажани и македонски играни филмови. Како реципроцитет на објавувањето на романот на Венко Андоновски „Азбука за непослушните“ на словенечки јазик, чија промоција се одржа во јануари 2008 година во Љубљана, македонската издавачка куќа „Макавеј“ веќе го издаде на македонски јазик романот на словенечкиот писател Фери Лаиншчек „Донесена од маглата“. Во рамките на овој проект, Министерството за култура на Македонија годинава го поддржа објавувањето на романот „Руски прозорец“ на српскиот автор Драган Великиќ, добитник на Ниновата награда. Овој роман на македонски јазик го објави книгоиздателството „Слово“. Исто така, и во текот на 2010 година предвидуваме превод на еден од најзначајните руски романи, со што ќе се потрудиме да ја доближиме литературата на словенските народи до македонските читатели.

Претседателката на Форумот на словенски култури и член од Словенија, Милена Домјан, во својата изјава посочи дека форумот ги исполнува целите за кои е формиран, а во преден план тоа го постигнува со издавачката дејност. „Форумот е исклучително важен и тука не сме заради политиката, туку заради културата и меѓусебното разбирање. Засега Словенија е најуспешна во проектот ’100 словенски романи’“, рече Домјан.

Сенко Велинов, претседател на Програмскиот совет на Форумот на словенските култури, изјави дека Македонија отсекогаш и недвојбено го поддржува Форумот.

Форумот е активен на меѓународен план, надвор од рамките на словенството и негова следна задача, според учесниците на состанокот, е широка промоција на словенската книжевна продукција и нејзино претставување во светот. Во план е публикување на словенските романи на англиски јазик.

Утрински весник

 

 

 

 



Видео содржини

Поуки од Светите Отци

dobrotoljubie

Наука и Култура

Јануари 06, 2021
ЈЕЛЕНА ЈОВАНОВА ПЕРИЌ – РАНЛИВОСТА Е ХРАБРОСТ

ЈЕЛЕНА ЈОВАНОВА ПЕРИЌ – РАНЛИВОСТА Е ХРАБРОСТ

Горда сум на секој проект и позади секој еден стојам непоколебливо. Нормално, некои од нив допринесоа за поголеми промени, и сопствени и друштвени. „Демонот од Дебар Маало” во режија на Слободан Унковски ми ја започна кариерата. Со претставите на Нела…
Јануари 05, 2021
3.angeli.so.truba

Кога некој ќе се потруди да те изгуби- ти потруди се да не те најде повеќе

Исто така секој момент можете да научите и некое друго сценарио и да сфатите, дека осветата не спаѓа во подобри избори во вашиот живот. Не сметајте дека ако враќате со иста мера е единствено решение, кога сте донесени до работ на провалијата? Знаете ли какви…

ПИЈАНМАНОВ: Уметноста е една од последните сили кои можат да го спасат човештвото

Дек 30, 2020 Интервју 103
3.angeli.so.truba
Прогласувањето национални паркови и зелени заштитни зони во југоисточна Македонија е исто…

Македонскиот филм „Дедо и Внук“ на Илија Пиперкоски најдобар на Интернационалниот Филмски фестивал во Париз

Дек 10, 2020 Филм, Театар 327
Ова е шестта награда за првиот долгометражен филм на Пиперкоски, кој претходно ја освои…

Галебот Џонатан Ливингстон- Ричард Бах

Окт 23, 2020 Литература 438
3.angeli.so.truba
После еден месец од враќањето се случува преседан. Еден галеб од Јатото бара да учи да…

Беседи

Митрополит Струмички Наум: Светилникот на нашето време (11.01.2021)

Митрополит Струмички Наум: Светилникот на нашето време (11.01.2021)

Се сеќавам, кога понекогаш ќе ми беше многу тешко и кога ќе отидев кај него на исповед, ќе ме сослушаше и без да ми даде никаков совет, само ќе одмавнеше...

Митрополит Струмички Наум: КОПНЕЖ – ДУХОВНО ДА СЕ ПРОГЛЕДА (10.01.2021)

Митрополит Струмички Наум: КОПНЕЖ – ДУХОВНО ДА СЕ ПРОГЛЕДА (10.01.2021)

Слепиот верува дека Господ Исус може да го исцели и затоа никој, и покрај забраните, не може да го спречи неговиот молитвен повик кон Него. Тоа е вистинска пројава на...

ВИСТИНСКИ БОЖИК - СТАРЕЦ ГЕОРГИЈ КАПСАНИС (06/01/2021)

ВИСТИНСКИ БОЖИК - СТАРЕЦ ГЕОРГИЈ КАПСАНИС (06/01/2021)

Смирената наша молитва од Света Гора е да се подвизуваме сите против нашето самољубие, со цел да дојди во нашите срца, во нашите семејства, во татковината ни и во светот...

РОЖДЕСТВО ХРИСТОВО – Архимандрит Георгиј Капсанис

РОЖДЕСТВО ХРИСТОВО – Архимандрит Георгиј Капсанис

Оваа тајна се извршува во Црквата, зашто ние кои живееме во Црквата стануваме учесници во Божјата предвечност, во вечниот живот, во вистинскиот живот на Пресвета Троица. Се разбира, сѐ уште...

Митрополит Струмички Наум: Секој се самооправдува; има ли некој – да се покае? (03.01.2021 16:57)

Митрополит Струмички Наум: Секој се самооправдува; има ли некој – да се покае? (03.01.2021 16:57)

 Вакво нешто се случува и со нас, посебно кога на некој прекор од нашиот духовен отец, наместо да ја препознаеме нашата слабост, да побараме прошка и да се поправиме, ние...

Митрополит Струмички Наум: СЕКОЈ САКА ДА Е НЕКОЈ, НИКОЈ НЕ САКА ДА РАСТЕ (02.01.2021)

Митрополит Струмички Наум: СЕКОЈ САКА ДА Е НЕКОЈ, НИКОЈ НЕ САКА ДА РАСТЕ (02.01.2021)

Не се моја тема толку промените во општеството, колку што се промените во Црквата. И не толку промените во Црквата, колку што е промената барем на еден човек во Црквата.Мислам...

БEСEДА за главнoтo прoрoштвo на прoрoкoт Исаија

БEСEДА за главнoтo прoрoштвo на прoрoкoт Исаија

Тoгаш Исаија прoрeкoл дeка нeпријатeлoт нeма да гo зазeмe Eрусалим. Глeдајќи дeка царoт нe му вeрува, тoј му рeкoл да бара знак, чудo, или oд нeбoтo или oд зeмјата. Нo...

Митрополит Струмички Наум: Како договорени (27.12.2020)

Митрополит Струмички Наум: Како договорени (27.12.2020)

Така и во нашиот случај, луѓе – странци меѓусебно, со различни гревовни навики и индоктринирани од различни колективни несвесни гревовни шеми, ги гледаме дека восогласено дејствуваат како под команда, кога...

Митрополит Струмички Наум: За лепрозниот Самарјанин (20.12.2020)

Митрополит Струмички Наум: За лепрозниот Самарјанин (20.12.2020)

Исто така, и повеќето христијани, на почетокот од духовниот живот, со помош на првата благодат, ја очистуваат енергијата на својот ум, но не успеваат да продолжат по патот на духовниот...

« »