„Исцелител“, кој е прва македонско-грчка копродукција, е сниман со работен наслов „Тајната состојка“. Во приказната се зборува за механичар, кој немајќи пари да купи лекови, му дава на татко му колач направен од украдена марихуана за да му ги ублажи болките од рак.
Kратометражниот игран филм „Види ја ти неа“ на режисерот Горан Столевски влезе во официјалната селекција на краток филм на 34. Филмски Фестивал во Санденс. Фестивалот ќе се одржи од 18 до 28 јануари идната година во Парк Ситу, Јута, САД. Во Интернационалната компетиција на краток филм ќе се прикажат 17 филмови од целиот свет, меѓу кои и „Види ја ти неа.“
Фестивалот е во организација на Санденс институтот основан од страна на реноминираниот актер Роберт Редфорд и има за цел да ја поврзе публиката со уметниците во креирањето на нови идеи, откривањето на оргинални изрази и градењето на заедница посветена на независниот филм.
„Види ја ти неа„ е приказна за младата девојка Анета, која се обидува да ги реши проблемите во семејството и училиштето вклучувајќи се во еден исклучиво машки верски ритуал, скокање по крстот за Водици.
Улогите во филмот ги толкуваат Сара Климоска, Пируника Киселички, Жарко Јовановиќ, Антонија Белазелкоска, Иво Антов, Виктор Арсов, Игор Ангелов, Симон Манасковски, Изабела Новотни, Милица Стојанова и Горан Илиќ.
Горан Столевски се потпишува и како сценарист на филмот, кинематографер е Наум Доксевски, сценограф Влатко Чачоровски, костимограф Жаклина Крстевска, тонец Братислав Зафировски, а шминката е на Наталија Кајевска. Продуценти на филмот се Димитар Минов, Кристијан Буровски и Томи Салковски.
Филмот е во продукција на Црна мачка продукција, копродукција со Скопје Филм Студио, а финансиски е поддржан од Агенцијата за филм на РМ.
Филмот ја освои Наградата Мала Камера 300 на овогодинешното издание на ИФФК „Браќа Манаки“.
Фестивалот ќе биде отворен со филмот СЕМЕЈСТВОТО НА НИКИ, добитник на бројни интернационални награди, чие кратко сиже го имате во програмата. Фестивало трае од 14 до 19 октомври и проекциите се одржуваат во МНТ за време викендот, 14 и 15 окт., а од 16 до 18 во Кинотека на Р. Македонија.
„Златна петорка“ освои Гран при за најдобар игран филм во Америка
На есенското издание на 36. Интернационален филмски фестивал во Њу Џерси македонскиот долгометражен игран филм „Златна петорка“, во режија на Горан Тренчовски, освои Гран при за најдобар игран филм. Претходно филмот го вреднуваше 15-члена комисија составена од академици, професионалци и новинари, кои од вкупно 377 наслови од целиот свет го вброија меѓу 17 финалисти. Вчера, пак, по завршувањето на натпреварувачката програма, организаторите официјално ја соопштија конечната одлука за наградените.
Ова е наедно и 7-ма меѓународна награда за екипата на „Златна петорка“, која не успеа да го помине филтерот од Македонија за номинација за Оскар како филм од неанглиско говорно подрачје.
Филмската дистрибуција на „Златна петорка“ продолжува и понатаму, како на странските фестивали така и во киномрежата низ Македонија.
© Револушн - Скопје
--
info/press office of
Goran Trenchovski
http://www.gorantrenchovski.com/
Мажите не плачат - филм на Ален Дрљевиќ
Со „Мажите не плачат“, дебитанското остварување на босанскиот режисер Ален Дрљевиќ, в петок, на 6 октомври во 20 часот, во киното „Милениум, свечено ќе биде отворено второто издание на „Киненова Скопје“.
Холандскиот „Квалитетно време“ на режисерот Дан Бакер, „Лето 1993“ на Карла Симон од Шпанија, „Семејство“ на Густаво Рондон Кордова од Венецуела, „Меда или не баш ведрата страна на нештата“ на романскиот режисер Емануел Парву, „Спокојна ноќ, спокојна светлина“ на Софи Гојет од Канада...се само некои од 10 филмови во официјалната конкуренција на второто издание на „Киненова Скопје“, фестивалот на дебитански и втори филмови, што од 6 до 11 октомври, под мотото „За сè има првпат“ ќе се одржи во неколку киносали во градот.
Идејата на фестивалот е да открие, промовира и афирмира свежи филмски приказни на нови автори кои се се уште недоволно истакнати во светската филмска јавност, давајќи им шанса на почетокот од нивните филмски кариери.
Марина Костова, филмска критичарка и селектор на Главната програма, вели дека годинава се одбрани „10 одлични филмови од исто толку нови авторски гласови кои допрва ќе се слушаат“.
„Јас не сум љубител на тематски селекции, меѓутоа откако ја склопив програмата забележав дека има една нишка која се провлекува низ сите филмови што сум ги одбрала, а тоа е дека на некој начин се занимаваат со некаква посттрауматска состојба, што мислам дека сосема солидно резонира на нашава актуелна ситуација. Тоа се би рекла навистина 10 силни гласови и верувам дека за тие автори допрва ќе слушаме, а целта на „Киненова“ е да има оригинална селекција токму од први и втори филмови на режисерите, затоа што мислиме дека и во регионов, и воопшто во Европа, има многу малку фестивали коишто отвораат простор за ваква селекција“, вели Костова.
Костова притоа како посебности, кои длабоко резонираат со нашата стварност, со Скопје, ги издвојува делата како „Колумбус“ на Кононада, сторија за истоименото американско гратче во кое е сместена најголемата збирка на згради, примероци на светската модерна и „каде архитектурата е лик во филмот што носи утеха“, и анимираниот документарец „Кула“ на Кит Мејтланд, „всушност реконструкција на еден настан со масовно пукање на Универзитетот во Хјустон во 1965 година кога еден снајперист убива 15 луѓе“.
Покрај долгометражните, официјалната селекција ќе понуди и кусометражни филмови, во кои спаѓаат професионални и студентски филмови од цел свет.
Од друга страна не помалку возбудливи се и дополнителните, ревијални програми на фестивалот како „Панорама на светската незавизна филмска продукција“, „Кино Балкан“, „Фокус на...“ и „Македонски кратки“, а посебно за издвојување е нововостановената програма „0% Цензурирано“, за која организаторите сметаат дека ќе биде голема провокација за посетителите на „Киненова“. Станува збор за селекција во која ќе има четири филма. Два се документаци од кои едниот е за легендарната порно ѕвезда Роко Зифреди, а другиот италијанско остварување во кое се говори за егзорцизмот. Тука е и филмот кој се однесува на ЛГБТ заедницата.
„Ова 0 % Цензурирано звучи доста драматично, меѓутоа целата идеја е да се проговори за тие теми на еден недраматичен начин и тоа како го прават овие автори е она што всушност треба да се види во кино“, смета Костова.
Инаку, ексклузивен гостин на „Киненова“ годинава ќе биде српскиот актер Жарко Лаушевиќ, кому ќе му биде доделено Специјалното признание за особен придонес во филмската уметност. Кон ова уште информациите дека филмовите во конкуренција за награди ќе бидат оценувани од стручно жири во кое се Горан Марковиќ режисер од соседна Србија како претседател, Хулија Учансу професорка и поранешна директорка на Филмскиот фестивал во Истанбул, нашата глумечка гордост Синоличка Трпкова и актерот Игор Гало од Хрватска. Згора на тоа планирано е да биде сторена и скопската премиера на краткиот експериментален петминутен филм „Крајот на времето“ на Милчо Манчевски, а во рамките на „Киненова Скопје“ ќе има и работилница за развој на сценарија за кратки филмови за македонските млади сценаристи, а ментор ќе биде Џон Стивенс.
„Ни претставува вистинско задоволство што ќе имаме можност втора година по ред да се дружиме со нашата публика која покажа голем интерес за минатото издание на „Киненова“. За годинава можеме само да им ветиме уште подобар избор на филмови во поголем број кои длабоко ќе ги размрдаат нивните чувства. Се потрудивме програмата да биде разновидна и да го разбуди љубопитството на филмските сладокусци. Па така програмата не е тематска, туку се водевме според квалитетот на филмовите и авторскиот пристап кон темите, а размислувавме и на разноликоста на самите теми кои варираат од сурово егзистенцијални, па поствоени приказни, до исконско човечки како и теми кои сеуште предизвикуваат силни контроверзии во нашето општество како хомосексуалноста. Програмата изобилува со филмови со свеж и иновативен пристап во филмската нарација“, ќе рече во пресрет на фестивалот Небојша Јовановиќ, режисер, продуцент и директор на манифестацијата.
Кон ова само уште дека кино проекциите ќе се одвиваат во Синеплекс, Кино Култура, Кинотека на Македонија и Кино Милениум, а влезниците се со популарна цена од 100 и 150 денари.
(Реакција по повод обидот за стопирање на понатамошниот живот на долгометражниот игран филм „Златна петорка“)
Почитувани, во кој век живееме ние? Дали сме уште 1951 или сме 2017 година? Каде сме? Каде одиме? Човек да се чуди и да не може да докаже дека црното е црно, а белото бело. Дали со овој варварски чин на негација нѐ очекува жесток наплив на инфлација на духот и недостиг на морал во оваа наша Македонија?
По повод меѓународниот успех на „Златна петорка“ вчера, на негова покана, имавме официјална средба кај Премиерот на Владата на РМ, г-динот Зоран Заев и ние му благодариме на неговите искрени честитки и срдечната поддршка.
Со неодамнешната скандалозна одлука на Комисијата на Друштвото на филмски работници, Македонија да нема претставник за Оскарот, не сме само ние тие што се навредени, оштетени и осуетени. Со оваа налудничава одлука ќе ѝ биде нанесена огромна штета на државата во регионот и пошироко.
По првичните лавини од реакции, одлуката можеби требаше веднаш да се поништи и Комисијата да се прошири со имиња со поголемо искуство и со повисоки стручни квалификации.
Надеж има уште, законски конечната одлука до Американската филмска академија треба да се прати до утре.
Но за жал, длабоко сме повредени сите ние кои сме на некој начин дел од филмот, вклучувајќи ги и публиката, помагачите на филмот, блиските на петтемина студенти...
Не ни преостанува ништо друго освен на демократски начин да се бориме против сиви еминенции и немилосрдни ѕверови кои беспоштедно сакаат да го негираат нашиот аргументиран и евидентен успех.
Овој пат тотално промашиле: процениле дека сме „глупави“, „прости“, „необразовани“, „без никакво CV“, фестивалите и државите каде настапуваме „не чинат“, селекторите и жиријата исто така, а нашето дело „нема естетски и наративен“ квалитет. Демек, се срамат да ги претставуваме во трката за Оскарот.
Па зар успехот со „Златна петорка“ не е и нивен исто така?! Или тие овој проект не го сметаат за свој?
Бараме да ни се извинат јавно, а тие ни праќаат тајни пораки да замолкнеме.
Апелираме до Претседателот на државата, Владата, Парламентот, Министерството за култура, странските амбасади и меѓународните организации во Македонија, до МАНУ, академската средина, стручната јавност и медиумите, да се вклучат во разрешувањето на овој скандал и, конечно, да се лоцираат виновниците, да се признаат грешките и да се поднесе одговорноста.
Бараме Агенцијата за филм на РМ на чело со в.д. директорот Горјан Тозија да застане на страната на продуцентите, во одбрана на филмските проекти. Македонија вложила финансиски и креативно во филмовите и ние треба да имаме претставник за Оскарот.
Да се разоткрие по кој систем на елиминација тие со години наназад избираат или не избираат кандидат за Оскарот. И колку притоа има или нема создавање на нефер и нелојална конкуренција, конфликт на интереси, завист, злоба, дискриминација...
Многу работи фрлаат сомнеж врз тоа кој е генераторот на скандалот. Покрај навредата, тие ни предизвикуваат и несразмерна штета, рушејќи го нашиот јавен углед и негирајќи го успехот на филмот „Златна петорка“.
Почитувани, оваа битка е тешка, но знаеме дека правдата е на наша страна, уште од првиот момент.
Енигмата во овој скандал е повеќе од јасна: како може цел свет да нѐ признава, а ние да се ништиме?!
Ова е, меѓу другото, обид за класична цензура и бараме општествена одговорност од инволвираните.
И никогаш повеќе да не се повтори такво нешто!
Со почит,
Продукција „Револушн“ – Скопје
Во петокот, во официјалната програма на 36-то издание на Интернационалниот филмски фестивал во Њу Џерси, се случи свечената американска премиера на долгометражниот игран филм „Златна петорка“ на Горан Тренчовски во продукција на Револушн од Скопје. Филмот беше поздравен со долготраен аплауз, а режисерот одговараше на прашања на публиката. На премиерата, меѓу другите, присуствуваа и бројни претставници од американската филмска индустрија, како и од македонската заедница во САД.
Ден потоа, филмот се прикажа и во Мумбај, на индискиот Јагран филм фестивал, кој е моментно најпосетениот филмски фестивал во Јужна Азија и се одржуваше во 16 градови во Индија.
Денес, на затворањето на фестивалот во Мумбај, во центарот на Боливуд, филмот ја освои Наградата за најдобар странски филм, а режисерот Тренчовски имаше обраќање со видеопорака.
Филмот „Златна петорка“ наскоро ќе учествува и на фестивали во Варшава, Санкт Петербург, Брно, Софија и Нови Сад, а странски дистрибутери се заинтересирани за правата за прикажување во Америка, Европа и Азија.
Филмот досега е селектиран на над 20 фестивали, освои шест интернационални награди и е најгледан македонски филм изминатата сезона.
© Revolution - Скопје-Њујорк, 24 септември
На платото пред Куршумли-ан (Музеј на Македонија), исполнето до последно место со донесени дополнителни столици за седење, на 22 август се одржа премиерната проекција на македонскиот документарен филм „Планински кавијар“ на авторот Јордан Дуков во продукција на Телевизија Телма.
Документарниот филм „Планински кавијар“ (Blueberry Hill, 63 мин., 2017, Македонија) ја раскажува приказната за гевгеличанецот Миле, кој не сака да најде постојана работа во градот и некој „шеф“ постојано да му „виси“ над главата, туку одлучил секое лето, на надморска висина од над 2.000 метри на југот на Македонија, да собира боровинки, или како што таму ги нарекуваат „планински кавијар“. Така, неговата канцеларија го има најубавиот поглед во светот, а тој успева со два месеци работа во планината доволно да заработи за пристоен живот.
- Никој не те тера да работиш, но ако сакаш да заработиш, тогаш самиот си свесен дека треба да работиш - вели главниот лик Миле во филмот.
Авторот Јордан Дуков имал две главни цели во снимањето на документарниот филм. Првата е да го прикаже собирачот на боровинки Миле таков – каков што е, и втората – да го прикаже аскетскиот живот на собирачите на боровинки високо во планината. Идејата за снимање на филмот тлеела повеќе години, а со главниот протагонист се знаеле долго време. Филмот е снимен како телевизиска продукција. Снимател е Јане Марковски, а монтажата е на Снежана Младеновска – Анѓелков. По проекцијата на филмот, публиката на „МакеДокс“ имаше можност да дегустира боровинки собрани од главниот протагонист Миле.
Во рамките на програмата на осмото издание на Фестивалот на креативен документарен филм „МакеДокс“ од 21 до 25 август во Даут-пашиниот амам се одвива работилницата за визуелна нарација „Една слика, илјада зборови“. Првите два дена работилницата ја водеше продуцентката Кристина Первила Андерсон, додека на 23, 24 и 25 август работата со учесниците на работилницата ја презеде Туе Стин Милер, светски експерт за документарен филм.
Меѓу поканетите филмски работници и документаристи, на 22 август со Кристина Первила Андерсон разговараше снимателот Бранд Ферро, кој ги претстави своите искуства од работата на филмовите „Бабички на револуцијата“ на режисерката Петра Селишкар, „Оган и вода“ на Киро Урдин, како и серијалот „Турски чај“.
На предавањето со Туе Стин Милер на 23 август беа поканети филмаџиите Одриус Стонус и Саломе Јаши. На 24 август гости на предавањето се Пјотр Стасик и Мирослав Јанек, додека на 25 август на предавањето со Кристина Первила Андерсон и Туе Стин Милер ќе учествуваат повеќе фестивалски гости.
Во рамките на „МакеДокс“ на 23 август, во црквата „Св. Спас“ (Сала на музејска поставка на Гоце Делчев) во Скопје, се одржа презентација на потпрограмите Култура и МЕДИА на „Креативна Европа“. Учесници на презентацијата беа Павлина Каландрова од Канцеларија на Креативна Европа (МЕДИА) на Република Чешка; Владимир Стојчевски и Билјана Прентоска од Канцелариите на „Креативна Европа“ (МЕДИА и Култура) на Република Македонија; и претставници на фестивалот „МакеДокс“. Фестивалот „МакеДокс“ втора година по ред добива поддршка од потпрограмата МЕДИА на „Креативна Европа“.
Осмото издание на Фестивалот на креативен документарен филм „МакеДокс“ е поддржано од Агенцијата за филм на Република Македонија, МЕДИА - потпрограма на „Креативна Европа“, Националната фондација за демократија од Вашингтон и Град Скопје.
Медиумски покровители на „МакеДокс“ се Првиот програмски сервис на МТВ, Телевизија 24, Нова Македонија, Слободен печат, Радио Антена 5, Радио Бубамара, Канал 103, ЏезФМ, Радио МОФ, Лајф Радио, Плус Инфо, Окно, Нова ТВ веб, А1ОН, Плагиј.ат, Е-магазин, Репер, Лице в лице, Его, Калимеро, Бла Бла ТВ, Пиреј.мк, РеБорн, Види Вака, ОФФ.нет и МКД.мк.
Активностите на „МакеДокс“ можете да ги следите на сајтот на МакеДокс, како и на:
www.fb.com/MakeDox.mk
www.instagram.com/MakeDox
www.twitter.com/MakeDox
www.youtube.com/MakeDox1
Македонскиот долгометражен игран филм „Златна петорка“ на режисерот Горан Тренчовски ја освои наградата „BEST BALKAN SPIRIT“ на VII Balkan Film Food Festival во Поградец, Албанија.
Ова е петта интернационална награда на „Златна петорка“, а филмот за само 9 месеци го имаат видено околу 70.000 гледачи по кината и фестивалите ширум светот.
Сценариото за овој македонски филм е инспирирано по вистинит настан за петтемина струмички студенти од 1951 и е работено по мотиви на Братислав Ташковски.
Продуцент е Дејан Милошевски, директор на фотографија е Апостол Трпески, монтажер Андрија Зафрановиќ, сценограф Кирил Спасески, костимограф Нела Тодоровска, шминка Ирена Сенокозлиоска, музиката е на Дарко Спасовски и Горан Керкез.
Во филмот улогите ги толкуваат актерите Славко Штимац, Јана Стојановска, Љупка Џундева, Игор Ангелов, Петар Арсовски, Билјана Таневски, Васил Михаил, Ненад Милосављевиќ, Дине Дрваров, Стојан Велков, Александар Ристоски, Влатко Илиевски, Григор Јовановски, Игор Тодоров, Виктор Јакимовски и др.
Фестивалската публика и меѓународната јавност во овој филм препознаваат поетична приказна каде љубовта се преплетува со предавството, со универзална порака за расчистување на гревовите од минатото.
Филмот „Златна петорка“ досега е селектиран на 15 интернационални фестивали, а до крајот на летото го очекуваат проекции на фестивалите во Варна, Темишвар и Краина.
10.07.2017 год.
На сцената на Македонската опера и балет публиката за првпат во нашата земја има можност да ужива во несекојдневна балетска уметност. Прецизните и акробатски движења на учесниците постојано предизвикуваа воодушевување кај присутните, но и громогласни аплаузи
Фото: Телеграф.мк/Радован Вујовиќ
Уникатно балетско шоу, елегантни и грациозни движења на учесниците од Државниот балет на мраз од Санкт Петербург кои вечерва ја одиграа првата од вкупно четири изведби на „Лебедово езеро“ закажни во Скопје.На сцената на Македонската опера и балет публиката за првпат во нашата земја има можност да ужива во несекојдневна балетска уметност. Прецизните и акробатски движења на учесниците постојано предизвикуваа воодушевување кај присутните, но и громогласни аплаузи.Сите учесници во претставата се балетски едуцирани, но разликата е што наместо во шпиц-патики тие настапуваат по лизгалки, а тоа дополнително ја прави привлечна оваа класична приказна.
Лебедово_езеро_на_мраз__19_.jpg
Претставата трае околу час и половина со петнаесетина минути пауза меѓу двата чина. На финишот од оваа класична, но овојпат модернизирана балетска приказна публиката ги поздрави актерите со стоечки овации.Следните и последни изведби на ова спектакуларно шоу се вечерва во 21 часот и утре (17 декември) со почеток во 18 часот и последната во 22 часот.
Овој спој на балетската уметност и најелегантниот спорт - уметничко лизгање е единствената задача на Државниот балет на мраз од Русија, кој е основан во 1967 година од страна на истакнатиот балетски кореограф Константин Бојарски, кој бил солист во „Марински“, со Михаил Баришников и Наталија Макарова. Музички директор и коосновач на оваа балетска куќа е Лео Коркин, кој е познат руски диригент.Балетот на својот репертоар има неколку претстави, меѓу кои и „Пепелашка“, „Ромео и Јулија“, „Заспаната убавица“, а бидејќи во моментов е на турнеја со „Лебедово езеро“, имаме можност да го погледнеме ова класично дело во еден поинаков амбиент.
За потребите на балетот за реализација на овој спектакл потребни беа три и пол тони мраз кои се поставени на сцената на МОБ, а за да се замрзне и да биде функционално за уметниците балетани-лизгачи, потребни се цели 48 часа.Кога се соочува со набиени настапи во турнејата, трупата со себе понесува дури три лизгалишта, а тоа ѝ се случило во САД кога настапувала секој ден без пауза. За секој настап лизгалиштето е поставено на врвот на театарската сцена, а потребната ладна температура ја одржува специјализирана опрема за ладење.
Со многу љубов и внимание беше проследена Матушка Софија од Русија -претседател на Рускиот меѓународен фестивал СРЕТЕНИЕ, и добитник на ордени од највисок ред во Русија. Тој извонредно топол и љубовен пристап на публиката, Матушка неможеше а да не го забележи и во своето поздравно обраќање, да се заблагоради и упати благослов на македонскиот народ.
Синоќа, во познатото кино Вју на Пикадили сиркус, во Лондон, на Интернационалниот филмски фестивал Реинденс својата светска премиера ја имаше најновиот македонски долгометражен игран филм „Златна петорка“.На фестивалот присуствуваат режисерот Горан Тренчовски, продуцентот Дејан Милошевски и актерката Јана Стојановска.Филмот остави голем впечаток кај публиката.
Во официјалната фестивалска рецензија „Златна петорка“ е претставен како „силен и трогателен филм“:„Алавантие, академик во години, се враќа во својата татковина од која избегал за време на угнетувачкиот режим на Тито по егзекуцијата на неговите другари од детството: студентските активисти кои се противеле на југословенската комунистичка власт и се залагале за независна Македонија. Во 1951 година, петтемина другари се заедно со Алавантие и со нивниот друг другар од детството, Џиџи, во нивниот роден град, само неколку дена пред нивното апсење и егзекуција. Повеќе од 50-тина години подоцна, Алавантие и Џиџи, единствените преживеани членови на дружината, повторно се среќаваат.
Со години наназад Алавантие неуморно ја истражувал нивната смрт и ја открил вистината за она што навистина се случило со "Златната петорка". Прекрасно прикажување и на тогашната и современата Македонија се преплетува во приказната за "Златната петорка", настаните кои довеле до нивното егзекутирање и последиците децении подоцна. Иако филмот е претежно приказна за минатото, како и сите добри приказни за нашата историја, не’ информира за нашата сегашност, не’ предупредува за последиците од фанатичен национализам и нетолерирањето критики кон власта, но исто така дава порака на надеж за оние од нас кои се подготвени да ги прифатат лекциите од минатото...“ По успешната лондонска премиера, претставниците на продукцијата имаа средби со дистрибутери заинтересирани за овој филм.На 16 октомври „Златна петорка“ ќе биде прикажан во Сиднеј, а на 23 во Торонто.Скопската премиера е на 6 октомври во кино „Милениум“, а за премиерата во Струмица на 7 октомври неколку проекции се веќе распродадени.
Сценариото за овој македонски филм е инспирирано по вистинит настан и е работено по мотиви на Братислав Ташковски, а на последната верзија косценарист беше Билјана Гарванлиева. Директор на фотографија е Апостол Трпески, монтажери се Андрија Зафрановиќ и Аристид Филактов, сценограф е Кирил Спасески, костимограф Нела Тодоровска, шминка Ирена Сенокозлиоска, музиката е на Дарко Спасовски и Горан Керкез. Во филмот улогите ги толкуваат актерите Славко Штимац, Јана Стојановска, Љупка Џундева, Игор Ангелов, Петар Арсовски, Васил Михаил, Ненад Милосављевиќ, Билјана Таневски, Дине Дрваров, Стојан Велков, Александар Ристоски, Влатко Илиевски, Григор Јовановски, Игор Тодоров, Виктор Јакимовски и др.
Филмот „Златна петорка“ е во продукција на „Револушн“ од Скопје и е поддржан од Агенцијата за филм на РМ како дебитантски филм.
© Револушн - СкопјеЛондон, 30 октомври 2016https://vimeo.com/176761291--
info/press office of
Goran Trenchovski
http://www.gorantrenchovski.com/
Да се бориш против неправдата или да го свиткаш ’рбетот е прашањето во „Хамлет“ на Александар Поповски; - Небојша Глоговац како Хамлет во Југословенско драмско позориште во Белград
Синоќа, театарски настан за Белград па и за регионот беше поставката на „Хамлет“ од Шекспир во Југословенско драмско позориште, во режија на Александар Поповски, а во адаптација на Горан Стефановски, со еден од најомилените глумци на овие простори, Небојша Глоговац како Хамлет.Стефановски најави оти со оваа претстава се преиспитува воената грозница, параноја, надворешнополитичката ситуација. Тој додава дека Кралот е постојано на брифинзи по штабови, маршираат војски, сите се на готовс, војниците на мртва стража. Странски агресори, полицајци во панцири, цивилни служби за обезбедување. Лудилото на принцот Хамлет не е само лично прашање, се работи за лудило на цела нација.Поповски, кој е пречекан во Белград како еден од водечките европски режисери на кого му се доверува „Хамлет“ во ЈДП вели дека појдовна точка му била репликата на Шекспир:„Морам да сум суров за да бидам добар“. Тоа е феноменот на неправдата, вели Поповски.
Поповски, кој е пречекан во Белград како еден од водечките европски режисери на кого му се доверува „Хамлет“ во ЈДП, вели дека појдовна точка му била репликата на Шекспир:„Морам да сум суров за да бидам добар“
Поповски, кој е пречекан во Белград како еден од водечките европски режисери на кого му се доверува „Хамлет“ во ЈДП, вели дека појдовна точка му била репликата на Шекспир:„Морам да сум суров за да бидам добар““
Во оригиналот, Хамлет е младо момче кое по прв пат се сретнува со голема неправда. Кај мене, тоа е зрел човек кој има повеќе такви искуства, кого непрвадта го оштетила, го изменила. Поголемиот дел од актерската екипа не кореспондира со возраста според Шекспир, но не е важно кој колку години има, важно е како тие со своето искуство го формираат Хамлет“, вели Поповски.
Глоговац, кој отпрвин не се согласил поради возраста да го игра Хамлет, вели:
„Во нашата поставка да се биде или не, значи да се бориш, да дејствуваш против неправдата, против системот кој те меле, да го виткаш ’рбетот, да прифаќаш да живееш здодевен живот, или да бидеш – што значи да се бориш, да мислисш со своја глава, да не дозволуваш безусловно друг да мисли за тебе. Системот секогаш манипулира со поединецот, и во Шекспирово време, пред тоа и потоа. Во минатото тоа беше некако закамуфлирано. Денес е целосно разоткриено, и повторно функционира, неверојатно!“.
Музиката во претставата е на Кирил Џајковски.
Извор: http://sdk.mk/index.php/kultura/popovski-i-glogovats-go-sobraa-tsel-belgrad-na-premierata-na-hamlet/
Денес во киното „Милениум“ беше промовиран саундтракот со наслов „Рубин“ за долгометражниот игран филм „Златна петорка“, во продукција на „Револушн“ и во музичка изведба на групата „Баклава“.
Филмот „Златна петорка“ е во продукција на „Револушн“ - Скопје, финансиран од Агенцијата за филм на РМ, а копродуценти се Македонската телевизија и Арт-попкорн од Белград. Партнер при снимањето беше Општина Струмица, а помагатели беа и Општините Босилово и Василево.
Сценариото за овој македонски филм е работено по мотиви на Братислав Ташковски, а него го потпишуваат Елеонора Венинова и косценаристите Билјана Гарванлиева и Горан Тренчовски. Продуцент е Дејан Милошевски, директор на фотографија е Апостол Трпески, монтажер е Андрија Зафановиќ, сценограф е Кирил Спасески, костимограф Нела Тодоровска, шминка Ирена Сенокозлиоска, музиката е на Дарко Спасовски и Горан Керкез.
Играниот филм „Златна петорка“ е фикција за една насилно прекината и за една започната љубов, меѓу коишто лебдат копнежот и предавството. Во филмската приказна нè водат протагонисти кои речиси цел живот бегаат од апсурдните гревови на минатото. Сè додека еден преживеан сведок не отпрета некои нови траги кои наведуваат на досието од 1951 при што е ликвидирана група од пет невини студенти од Струмица.
Во филмот улогите ги толкуваат актерите Славко Штимац (Ламариниќ), Јана Стојановска / Љупка Џундева (Ката), Игор Ангелов / Петар Арсовски (Џиџи), Васил Михаил / Ненад Милосављевиќ (Алавантие), Билјана Таневски (Загариева), Дине Дрваров (Кољо), Стојан Велков (Монах); петте студенти ги играат Александар Ристоски, Влатко Илиевски, Григор Јовановски, Игор Тодоров и Виктор Јакимовски.
Филмот „Златна петорка“ ќе има скопска премиера на 6 октомври во киното „Милениум“, премиерата во Струмица ќе биде на 7 октомври во НУЦК „Антон Панов“, а веднаш потоа ќе започне да се прикажува во кината низ Македонија.
19.04.2016 год.
Во селекцијата македонски филмови на годинашниот Скопски филмски фестивал, кој ќе почне во петок, ќе биде прикажан филмот „И фабриките имаат душа“ по оригинална идеја, режија, продукција на Јане Алтипармаков и фотографија и ко-режија на Наташа Гелева.
Проект координатор на филмот е Јан Харлан, извршен продуцент на Стенли Кјубрик. Монтажата е на Дарко Стефановски, а музиката е компонирана од Игор Василев – Новоградска.
Во оваа селекција ќе биде прикажан и филмот „Лазар“ на Светозар Ристовски, како и новиот филм на Елеонора Венинова „Борба за смрт“.
На фестивалот македонска премиера ќе има шведскиот филм „Затнати усти“, по сценарио и режија на Карл Абрахамсон, во кој Јане Алтипармаков учествува како камерман и асистент, а улогите ги толкуваат Лин Шпаренборг, Теа Шалдева, Стојан Николиќ и Вера Николиќ.
Во склоп на фестивалот режисерот Абрахамсон ќе одржи работилница за експериментален филм, а музичарот Игор Василев - за филмска музика.
Извор: Утрински весник
Долгометражниот игран филм „Златна петорка“ поддржан од Агенцијата за филм на РМ од денес официјално влегува во фаза на постпродукција. Филмот се снимаше интензивно 24 денови на автентични и адаптирани локации во Струмица и струмичкиот регион, а работата на проектот се одвиваше според замислениот план и обем.
На последната клапа во Струмица присуствуваше и директорката на Агенцијата за филм м-р Мими Ѓоргоска-Илиевска, при што таа го изрази задоволството за завршетокот на снимањето на уште еден нов македонски филм. Продуцентот Милошевски и режисерот Тренчовски јавно им се заблагодарија на сите кои беа вклучени во изработката, на финансиерите, како и на поддржувачите на овој филмски проект.
Филмот „Златна петорка“ е во продукција на „Револушн“ - Скопје, копродуценти се Македонската телевизија и Арт-попкорн од Белград. Главен помагател и партнер на филмската продукција беше Општина Струмица, која меѓу другото, пружи помош со повеќе ресурси и институции кои се во надлежност на локалната самоуправа, со давање дозволи за снимање, со асистенција и логистика на теренот.
Сценариото за овој македонски филм е работено по драмски и прозни мотиви на писателот Братислав Ташковски, а него го потпишуваат Елеонора Венинова и Билјана Гарванлиева заедно со косценаристот Тренчовски. Продуцент е Дејан Милошевски, директор на фотографија е Апостол Трпески, сценограф е Кирил Спасески, костимограф Нела Тодоровска, шминка Ирена Сенокозлиоска, тонот е на Дарко Спасовски-Пацки, а една музичка нумера во филмот изведува групата „Баклава“.
Играниот филм „Златна петорка“ во режија на Горан Тренчовски е замислен како фикција за една прекината и за една започната љубов, меѓу коишто лебдат копнежот и предавството. Во филмската приказна нè водат протагонисти кои речиси цел живот бегаат од апсурдните гревови на минатото. Се додека еден преживеан сведок не отпрета некои нови траги кои наведуваат на досието од 1951 при што е ликвидирана група студенти од Струмица.
Во филмот улогите ги толкуваат актерите Славко Штимац (Ламариниќ), Јана Стојановска / Љупка Џундева (Ката), Игор Ангелов / Петар Арсовски (Џиџи), Васил Михаил / Ненад Милосављевиќ (Алавантие), Билјана Таневски (Загариева), Дине Дрваров (Кољо), Стојан Велков (Монах); петте студенти ги играа Александар Ристевски, Влатко Илиевски, Григор Јовановски, Игор Тодоров и Виктор Јакимовски.
Филмот „Златна петорка“ на Горан Тренчовски ќе го монтира Андрија Зафрановиќ и се планира тој да биде готов до крајот на летото 2016 со премиера на некој од светските филмски фестивали.
Во изработката на филмот беа вклучени голем број филмски работници, статисти и граѓани на Струмица и околните места. Помагатели на проектот беа и Општините Босилово и Василево, како и повеќе субјекти, јавни претпријатија и установи, фирми и поединци од државно и локално ниво.
Директорот на фотографија, Наум Доксевски, ја освои наградата Golden Eye во категоријата Најдобара студентска работа, на фестивалот за филмски и ТВ сниматели Golden Eye, кој викендов се оддржа во Тлибиси, Грузија, за својот дипломски краткиот игран филм “Враќање”. Наум Доксевски е дипломиран филмски и ТВ снимател во класата на проф. Апостол Трпески на Факултетот за драмски уметности во Скопје. Како директор на фотографија досега има потпишано пет краткометражни играни и неколку документарни филмови.
За eдeн дeн, братe, мoжeш да ја дoбиeш цeлата вeчнoст. И за eдeн дeн, братe, мoжeш да ја изгубиш цeлата вeчнoст. Ти сe дадeни илјада дeнoви на зeмјата да сe...
При толкувањето на евангелието за жената Самарјанка ви реков: „Водата што Богочовекот Христос ни ја дава, и која имајќи ја никогаш нема да ожедниме, е благодатта на Светиот Дух во...
Да разбереш, односно да сфатиш – во духовно православна смисла, го означува просветлувањето на умот – со дарот на умно-срдечната молитва. Оти, какво е тоа сфаќање и разбирање без просветленост...
Се сеќавам, кога понекогаш ќе ми беше многу тешко и кога ќе отидев кај него на исповед, ќе ме сослушаше и без да ми даде никаков совет, само ќе одмавнеше...
Ако Он не се жртвуваше на Крстот за нас и наше спасение, и ние не ќе можевме во Големиот Вход од Светата Литургија да се принесеме самите себе и целиот...
Поради тоа, браќа, бидејќи нè очекува бесконечна мака, да се потрудиме преку подвиг да ја избегнеме, со милостина да го пречекаме бедниот и да го угостиме, примајќи го туѓинецот, гладниот...
Тогаш сфатил дека не треба да се врзува за ништо световно, и дека треба да живее единствено за Царството Небесно, односно за Бога. И навистина се оддал на богоугоден живот,...
Ми смо створени за вечност. Створени смо да, имајући свако посебан дар, лични, специфичан печат, своју непоновљивост, будемо једно у Господу, будемо једно у Христу, а то јединство се најреалније...
Бoг му дал мoќ и на нарoдoт да гo знаe вистинскиoт пат, и прeку сoвeста, и прeку прoпoвeдта на Бoжјoтo слoвo, та нарoдoт нe трeба слeпo да ги слeди свoитe...
