логоFacebookTwitterYouTubeeMail

 

3.angeli.so.truba

Митрополит Струмички Наум:
Почетната благодат на митарот (20.02.2021 16:58)


Прво, енергијата на умот се чисти преку постојан умствен, душевен и телесен аскетски подвиг во исполнувањето на Божјите заповеди. Светлината од доволно очистената енергија на умот ни е дадена единствено и само за согледување на сопствената острастеност, грешност и одвоеност од Бог.
Главната карактеристика, која го оформува профилот на луѓе каков што е фарисејот, е користењето на знаењето што останува по доволното чистење на енергијата на умот за судење и осудување на своите ближни.
Денес сме просто оптеретени од озборување, судење и осудување. Едно е да се рече дека некој краде, а друго е да се рече дека е крадец – во првиот случај само се суди, а во вториот веќе се осудува. И едно е да се суди и осудува општо, а друго е конкретен човек поименично. Фарисејот го прави потешкиот грев.
Мораме да сфатиме, веќе еднаш, дека знаењето добиено од првата светлина е неупотребливо за согледување на туѓите гревови, дека не му е дадена таква сила или продорност или својство. Затоа, ти дојде ли мисла за судење, веднаш моли се.
Забележувањето на страстите кај другите е сигурен знак дека истите страсти живеат и во нас, а не и дека тие вистински постојат во другиот што го судиме.
Второ, севкупниот подвиг на степенот на чистење на срцето од страстите, Отците го опишале како аскетски – не чувствуваме, а континуирано се принудуваме; немаме отворена поддршка на благодатта, а живееме како да ја имаме.
Кај митарот, пак, гледаме покајание на дело и имаме чувство дека тоа што го прави го прави природно – под дејство на првата благодат: „стоеше оддалеку“, „ни очите да ги подигне“, „се удираше в гради“ и „велеше: ’Боже, биди милостив кон мене грешниот!‘“ Кај него гледаме пример на заземање на „последното место“.
И трето, битно е да запаметиме дека: „Секој што се воздига ќе биде понижен, а кој се понижува [заради Христос] ќе биде воздигнат“ (Лука 18, 14). Тоа е вечната порака на евангелието за митарот и фарисејот – кој сака да слуша...
Зашто, има и такви кои не сакаат да слушаат; кои се воздигаат над својот Епископ, над Светиот Синод, па дури и над целата Соборна Црква – без покритие, без дарот на просветленост на умот – со умно-срдечната молитва.
Мислам... може и тоа, треба да е и малку интересно; треба и ние да имаме услови за вежбање на смирение и на љубов; просто, за нив не чини.


Пресвета Богородице, спаси нас!


Митрополит Струмички Наум

 

Извор:

МПЦ-ОА

 

 

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна…

Свети свештеномаченик Харалампиј

Фев 23, 2020 Житија 3109
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 2439
3.angeli.so.truba
Неговите слова зрачат со силна нагласеност на светиклиментовиот образец и претставуваат…