логоFacebookTwitterYouTubeeMail

ТРОПАРИ НА СВЕТИТЕЛИТЕ И ПРАЗНИЦИТЕ 

 Тропар на светиот
Епископ Христов
Вукол Смирненски
6 февруари / 19 февруари

3.angeli.so.truba

Пастиру Христов Вуколе свети,
од ученикот на љубовта,
богословот преку кого Духот глаголаше,
ти епископски жезол прими,
мракот на незнаењето го осветли
и вселената со вистината ја разбранува,
моли се утехо на овците словесни
од тежината на гревот да бидеме ослободени
по твоите свети молитви.


 
Извор МПЦ – ОА
Манастир свети Јован Претеча Слепче

 

 Тропар на светиот
Христов исповедник
Фотиј Велики
патријарх Цариградски
6 февруари / 19 февруари

3.angeli.so.truba

Светлината од Светлина те поведе и нахрани,
Духот Кој од Отца исходи те просвети
и бодреше на сите патишта твои,
о Фотие пастиру Божји,
Господ преку тебе ја утврди вистината,
во срцата, во умот.
Денес прославувајќи Го Бога во тебе Неговиот светија,
ја величаме Неговата милост,
не ги криеме многуте грижи кои Пастирот ги покажа,
по твоите о, Фотие свети молитви.



 
Извор МПЦ – ОА
Манастир свети Јован Претеча Слепче

 

Тропар на светите
Христови маченици
Фауста, Евиласиј и Максим
6 февруари / 19 февруари

3.angeli.so.truba

Носителка на пламенот на верата во себе,
светата девственица Фауста,
го запали срцето на Евиласиј и Максим за вистината,
и тие скротени од благодатта Христова
го исповедаа Спасителот пред светот.
Сите тројца во купелот на простувањето,
како со кораб во мирни води стигнаа до Христа,
и по нивните молитви Господ да ги прости нашите гревови,
подавајќи ни милост голема.




Извор МПЦ – ОА
Манастир свети Јован Претеча Слепче

 

Тропар на чудотворната икона
на Пресвета Богородица
,, Елецка“
6 февруари / 19 февруари

глас 6
Спомнувајќи си за даровите на Твоето милосрдие,
 и со благоговение целивајќи го Твојот чудотворен Лик,
 со надеж на Твојата помош, срцата наши ги веселиме,
на Тебе која престојуваш помеѓу нас помислуваме
и со вера ти повикуваме: моли го Твојот Син и Господ,
 да нé научи секогаш да ги твориме Неговите заповеди,
 и злите искушенија да ги надминуваме,
и Тебе нашата Застапничка достојно
 да ти пееме и славиме во вековите.



 
Извор МПЦ-ОА

 

 Тропар на светите
Христови маченици
Марта и Марија и нивниот брат
Ликарион
6 февруари / 19 февруари

3.angeli.so.truba

Силата Твоја Господи во исповедниците,
го надминува разумот човечки,
така Марта, Ликарион и Марија младоста која поминува,
ја заменија со венци на животот вечен,
 и солзите на болките породилни, со радости неискажливи.
Затоа денес се и наши застапници,
пред Твоите о Господи, праведни судови.


 
 
Извор МПЦ – ОА
Манастир свети Јован Претеча Слепче

 

 Тропар на
преподобните отци
Варасануфиј Велики и Јован Пророк
6 февруари / 19 февруари

3.angeli.so.truba

Вие кои умревте за сите,
Бог ве оживеа, просветли, прослави и возвелича,
бидејќи со благодатта Негова станавте потполно ум,
потполно око, потполно светли, потполно совршени,
потполно богови по благодат, о Варсануфие и Јоване –
оставајќи ни одговори,
молете се за нас да го стекнеме смирението,
и трпението ваше,
за да потполно љубиме и Бога го добиеме.

 

Тропар на светите
Христови маченици: Доротеа,
Христина, Калиста и Теофил
6 фавруари / 19 февруари

3.angeli.so.truba

Кормиларот те поведе накај што сакаше душата твоја,
 о Доротео света девственице,
по тој пат благодатта знаменија сееше,
кои плодови донесоа
во душите на Христина и Калиста,
а оган запалија кај Теофил,
кој од рајот на сладоста плодови прими.
Молете се за нас вие свети маченици,
жители на небесните населби. 


 
 Извор МПЦ – ОА
Манастир свети Јован Претеча Слепче

Православен календар за 19/02/2019

ТРОПАР

Тропар (грч. τροπάριον, цсл. тропа́рь) е кратка црковна молитвена песна, настаната во доцниот стадиум на химнографијата. Тропарот ја содржи суштината на празникот за кој е напишан и во кој се прославува светителот; во Канонот, тропарот следи после ирмосот. Често се однесува и на аполитикион (грч. απολυτίκιον), или отпустителна химна преку која се опишува главната тема на богослужењето на денот, а со која се завршува Вечерната богослужба.

Богородичен (теотокион) е посебен вид на тропар, кој е посветен на Пресвета Богородица. Помали варијации во Богородичниот водат кон Крстобогородичен (ставротеотокион), посебен вид на тропар посветен на страдањето на Пресвета при распнувањето на Христос на Крстот, и како таков најчесто се користи во среда и петок, денови кога Црквата се сеќава на чесниот Крст Господов.

Понекогаш тропарот се користи како рефрен помеѓу читање на стихирите.од Псалмите, иако примарната функција во тој случај ја имаат стихирите.

Тропарник се нарекува една засебна целина во книга со тропари и кондаци, за секој ден на Црковната литургиска година.

ПреминПортал

2020 лето Господово

 

Од Верскиот календар:

sv.Fotij.Carigradski.jpg

Свети Фотиј, патријарх Цариградски    

Голем светилник на Црквата. Роднина на царот и внук на славниот патријарх Тарасиј. Крепостен заштитник на Црквата од папското властољубие и од другите римски изопачувања на верата. За шест дена ги помина сите чинови од лаик до патријарх. Стана патријарх на Божик, 857 година, а се упокои во Господ во 891 година.

Свети Вукол, епископ Смирненски    

Ученик на Св. Јован Богослов, којшто и го посвети за епископ на градот Смирна. Во Смирна тогаш имаше малкумина крстени. Свети Вукол блескаше сред темнината на незнабоштвото како јасна свеќа. Се одликуваше со сите добродетели, а особено со благост и со кротост. Пред смртта Вукол го посвети за свој наследник во епископството славниот Поликарп, а самиот мирно се упокои и отиде кај Господ.

 

 

 

 

 

 

 

 

 



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 734
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

Митрополит Струмички Наум:  Умно-срдечната молитва – критериум на вистинско богословие (07.07.2020)

Митрополит Струмички Наум: Умно-срдечната молитва – критериум на вистинско богословие (07.07.2020)

Теологија без умно-срдечна молитва е повеќе технологија, т.е. умешност, односно техника на составување и вообликување на мислата и на зборот, отколку богословие, отколку Божјо слово; повеќе знаење што произлегува од...

 Митрополит Методиј Златанов: огромна е човечката жед за љубов

Митрополит Методиј Златанов: огромна е човечката жед за љубов

Во духовната пустина на овој суетен свет, на ова место на нашето исконско туѓинување, огромна е човечката жед за љубов. Дури и се навикнуваме да живееме без внимание кон себе...

Митрополит Европски Пимен (03.07.2020)

Митрополит Европски Пимен (03.07.2020)

Да си споменеме за да поверуваме во она дека сė што е соединето со Бога е спасено, та освестеното да го примениме во нашите животи. Да престанеме да ги распнуваме...

Митрополит Струмички Наум: Кажи само збор (04.07.2020 )

Митрополит Струмички Наум: Кажи само збор (04.07.2020 )

Исто така, извршен e и Литургискиот (Евхаристиски) збор, и тој е збор во сила; извор на слово во сила, кое повторно и повторно го обновува светот; затоа што Христос е...

О. Жарко Ѓорѓиевски ✥Беседа за св. Наум Охридски✥  (03.07.2020)

О. Жарко Ѓорѓиевски ✥Беседа за св. Наум Охридски✥ (03.07.2020)

Свети Наум бил мудар учител, единствен раководител на монасите, решителен подвижник, чудотворен молитвеник и духовник. Тој постојано работел на преводи на светото Писмо и другите богослужбени книги од грчки на...

Митрополит Струмички Наум: Слово за фарисеите (03.07.2020)

Митрополит Струмички Наум: Слово за фарисеите (03.07.2020)

Кој им е проблемот на фарисеите, тогашни, денешни и на сите времиња? Тоа што постојано бараат грешка; но не баш кај секој, туку посебно кај оној на кого се фиксирани....

Митрополит Струмички Наум: Како да ја достигнеме молитвата на срцето (01.07.2020)

Митрополит Струмички Наум: Како да ја достигнеме молитвата на срцето (01.07.2020)

И најважно од сѐ е – на секое зло да враќаме со добро, со љубов. За да ни биде дозволено да ја кажуваме оваа молитва треба и во мислите и...

О.Методиј Митановски: Беседа за 3-та недела по Педесетница

О.Методиј Митановски: Беседа за 3-та недела по Педесетница

Важно е да напомнеме дека и покрај големите и епохални откритија на науката, животот на денешните луѓе не ѐ подобар. Напаротив создаден ѐ кај луѓето страв и немир, наместо радост...

Митрополит Струмички Наум: Кој се гневи, без причина, на братот свој (27.06.2020)

Митрополит Струмички Наум: Кој се гневи, без причина, на братот свој (27.06.2020)

И така, не оди да се причестуваш со Светите Тајни Христови ако не си побарал прошка од братот свој, ако не си му одговорил со љубов или ако не си...

« »