логоFacebookTwitterYouTubeeMail

 Концерт на Симон Трпчески во Прилеп,парите од продадените влезници ги подарува на Домот на културата „Марко Цепенков“
--------------------------------------------------------------------------------

Прилеп, 5 декември (МИА) - Со вечерашниот концерт во Домот на културата „Марко Цепенков“ во Прилеп, светски познат пијанист, маестро Симон Трпчески ја заокружува европската турнеја на солистички концерти која опфати гостувања и во три града во Македонија. Парите од продадените  над 700 влезници, Трпчески ги подарува на Домот на културата во Прилеп.

Со тие пари, како што изјави директорот на Домот на културата, Тони Чатлески ќе се реши проблемот во врска со загревањето на  големата сала и на салата „105“, каде што се одржуваат кинопроекции и промоции и ќе се набават апарати за затоплување.

- Домот и градот упатуваат бескрајна благодарност до големиот уметник Трпчески, кој и пред две години ги воодушеви прилепчани со концерт, нагласи Чатлески.

Трпчески на денешната попладневна средба со новинарите рече дека вечер програмата со делата на Брамс, Дворжак, Дебиси, тематски е поврзана со љубовта, која е основен двигател на животот.

- Радоста на крајот е тука за да го заокружи концертот, истакна Трпчески, кој најави и две изненадувања за прилепската публика.

Трпчески вечерва екскузивно со изведбата на Дебиси всушност ќе го промовира новиот компакт диск кој официјалното претставување пред јавноста ќе го има по Нова година.

- Без подршката на семејството немаше да бидам она што сум. Во душата сум романтичар, но тоа не значи дека ги преферирам авторите што го следат романтизмот како правец, посочи Трпчески.

Македонскиот музичар смета дека државата треба повеќе да инвестира во културата. Со вечерашниот концерт на Трпчески за кој одамна влезниците се распродадени, се заокружуваат културните настани во рамките на манифестацијата Прилеп - Град на културата.

Своите настапи Трпчески ги продолжува следната недела и тоа во Филаделфија, САД, со  филаделфискиот симфониски оркестар под диригентската палка на светски познатиот диригент Антонио Папано со што завршуваат настапите за оваа година.

Во 2008 година, Трпчески ќе одржи концерти во Малезија и во Сингапур. рм/рп/16:06


И прилепската публика со овации за Симон Трпчески

Трпчески и со оваа турнеја во т.н. мали места во Македонија во амбиент на „рурални“ стандарди ја докажува својата човечка големина

ТИНА ИВАНОВА
МОНИКА ТАЛЕСКА-Утрински весник

Завчера во Прилеп маестро Симон Трпчески го заврши првиот дел од мини-концертната турнеја низ Македонија. По рециталите во Гевгелија и Струмица, овации, бис, долги аплаузи и овој пат беа кода на концертот на Трпчески, како што на македонскиот пијанист му се случува кога настапува и на сцените во европските и светските метрополи. Македонскиот виртуоз на пијано во преполната сала во Центарот за култура „Марко Цепенков“ во Прилеп одржа незаборавен, импресивен солистички концерт кој предизвика восхит, ги разбранува емоциите, отвори многу нови визии на прилепската искрена публика која го награди со овации. Својот совршен солистички настап со избор на дела од Скрјабин, Шопен, Брамс, Дворжак и Дебиси во кои главна тема е љубовта, Трпчески го збогати со изведбата на неколку композиции со соло- пејачката Ирена Крстеска и виолинистката Софија Никоска - млади, исклучително талентирани уметници од Прилеп пред кои стои блескава иднина.

„Пресреќен сум за атмосферата која се создаде во Прилеп. Публиката беше искрена, спонтана, многу топла. Особено ми е драго што по две години повторно сум овде и што публиката знае да го награди големиот влог во класичната музика“, изјави Трпчески кој по концертот обезбеди уште еден ексклузивитет за публиката. Ги потпишуваше своите најнови изданија - компакт-дисковите издадени за престижната „ЕМИ Класикс“. Инаку, со приходот од концертот во Прилеп кој е донација на Трпчески, во Центарот за култура ќе бидат набавени апарати за затоплување на вечно студените сали во зима - причина што граѓаните досега избегнуваа да ги следат најавените културни настани.

Со концертот во Прилеп, како што рековме, заврши првиот циклус од концертната турнеја на Трпчески низ Македонија која ја организира здружението „КултурОп“. Но, вообичаено, кога станува збор за овој македонски пијанист, неговиот концертен распоред и понатаму е пребукиран. Веќе наредната недела ќе настапи во Филаделфија како солист со престижниот Симфониски оркестар под диригентство на реномираниот маестро Антонио Папано. По Нова година неговата турнеја низ светот продолжува во Куала Лумпур и Сингапур, а на крајот на јануари и во Ротердам.

По настапите на престижните светски концертни сцени, во Европа и САД, Симон Трпчески во март ќе го претстави и вториот дел од концертната мини-турнеја низ Македонија. „Македонија е земја која нема длабока традиција во поглед на класичната музика, но во последниот период интересот расте“, вели Трпчески. „Државата треба многу повеќе да обрне внимание во однос на инвестирањето во културата, во класичната музика, зошто има многу талентирани луѓе кои заслужуваат внимание. Мора многу потемелно да се навлегува во проблемите, да се научиме тимски да работиме, а не само за лични интереси. Да ја изградиме свеста за почитување на стандардите, одговорноста, професионализмот. Треба најпрвин да работиме на самите себе, а потоа за подобрување на државата. Така ќе добиеме поголема почит и поддршка од Европа и од светот, бидејќи ние ја заслужуваме, ние сме лулка на културата“, вели Трпчески.

Македонскиот виртуоз на пијаното, амбасадорот на македонската култура во светот, се' уште нема свое концертно пијано. Вели, првото пијанино му го купиле родителите кога имал седум години. Во 2000 година добил полуконцертно пијано на подарок од фондацијата „Благовестие“ и тоа е се'. Но, вели „без поддршката на семејството, љубовта, топлината и разбирањето што му го даваат цел живот, не би успеал. Да не беше семејството немаше да бидам ова што сум. Растев во атмосфера полна со љубов, разбирање и поддршка. Но, во период на транзиција кога требаше да одам на натпревари во странство, да се калам, а со нашиот стандард беше многу тешко да се добие виза, да се купи авионски билет, многу други колеги и од Македонија имаа подобри услови од мене. Но, како што Павароти кажа во една прилика, ние имаме многу малку, но не можете да замислите колку имавме многу“, додава Трпчески.

Со концертната турнеја низ градовите во Македонија, Симон Трпчески манифестира чувство кон сопствената средина на која и припаѓа, од која што израсна и чија култура сега преку неговата изведба на светските класични дела се препознава во светските културни метрополи. Но, тоа не е некаков долг или враќање. Уметник од типот на Симон Трпчески рано свати дека ова е негов личен „долг“ кон луѓето што го сакаат и го ценат. Очигледно, Трпчески е свесен, го покажува тоа и со оваа турнеја во т.н. мали места во Македонија во амбиент на „рурални“ стандарди во македонските „музички“ сали и „домашни клавири“, само ја докажува својата човечка големина. Да седне зад клавишите пред македонската публика откако веќе во својата млада музичка возраст ги доживува ѕвездените мигови во светот. И кога е пребукиран со покани од светските музички метрополи. Тоа е одлика само на големите уметници ослободени од суети и комплекси на лажни величини.

Кабарето е симбол за морален пад на општеството

Не сакав асоцијациите да бидат директни, туку колку што е можно да бидат побогати со различни значења - вели Трајкоски за концептот „Циркус Еуропија“ што неодамна премиерно го изведе во МНТ

Горан Трајкоски неодамна го промовира кабаре-концертот „Циркус Еуропија“, кој е спој на нумери од театарските претстави за кои во изминатите години компонирал музика. Иако пријателите го советувале да објави цеде, тој смета дека овие песни звучат неприродно кога се надвор од претстава. Затоа, на сцената на Македонскиот народен театар, со шест музичари и со актерката Арна Шијак, Трајкоски го реализира проектот што е 70-минутна компилација од неговите театарски композиции со кабаретски призвук.

- Разликата меѓу обичното издавање театарска музика и „Циркус Еуропија“ е што сега се работи за концертен проект. Акцентот е ставен на жива изведба, а не на снимање на музиката, иако и тоа го направив. Материјалот беше извежбан и многу лесно го снимивме - вели Горан.

Проектот решил да го реализира откако Културно-информативниот центар се јавил како продуцент, а бидејќи станува збор за музика од претстави, логично било да се изведе на театарска сцена.

- Не го замислував како голем медиумски настан, ниту имав сила да правам спектакл. Сакав да биде камерен проект ставен на театарска сцена и да ја има енергијата и бојата на претстава со толку луѓе колку што вообичаено доаѓаат во театар - укажува Трајкоски.
Горан, кој работеше со групи како „Падот на Византија“, „Анастасија“ и „Мизар“, бил љубопитен да види како ќе функционира театарската музика надвор од претставите за кои е создадена. 
- Знаев и знам дека е поинаку да се прави музика за театар, бидејќи е сосема поинаку кога таа треба да функционира самостојно. Не беше тешко да се направи селекцијата. Сите нумери со брехтовски или вајлдовски шмек ги тргнав, а напишав текст за инструменталките. Од тој материјал се издвоија 12-ина музички парчиња, но ми недостигаа неколку говорни делови и директно обраќање кон публиката.

За комплетирање на концептот Трајкоски го задолжил пријателот Крум Велков, кој ги создал текстуалните дополнувања. Поставата на бендот, пак, ја сочинуваат: Арна Шијак (вокал), Игор Василевски-Новоградска (бас), Слободан Кајкут (тапани), Марија Ѓаковска (виолина), Анастасиј Јованов (кларинет) и Игор Зотиќ (клавијатури). Иако има политички идеи во „Циркус Еуропија“, Горан не праќа пораки, туку индивидуални асоцијации или назначувања за секој да си направи сопствена визија.

- Не сакав асоцијациите да бидат директни и еднозначни, туку колку што е можно да бидат побогати со различни значења. Политичката асоцијација беше повеќе од присутна, што не е невообичаено, особено кога станува збор за ваква изведба. Кабарето е родено во атмосфера на политичка криза, економска депресија и морален пад на човечкото општество - истакнува Трајкоски.

Според него, периодот на излегување од криза е долг зашто тие што ги држат конците тоа и го сакаат, а се' се случува од економски интерес.

- Сите невладини организации или странски претставништва можат да предизвикаат огромна безработица кога би се вратиле во своите земји. Тоа е кругот на циркусот и тоа и значи неговото име - смета Горан.

Траковски моментно има желба да работи на разни типови музика, а освен „Циркус Еуропија“ има уште еден завршен проект со колега од Германија. Тоа издание ќе има допирни точки со рок-звукот и треба да биде објавено на почетокот на следната година. На отворањето на фестивалот „Војдан Чернодрински“ ќе настапи со „Циркус...“, а ако има потреба би настапил и на други фестивали или надвор од земјава. Сепак, тоа би било само во рамките на театарските фестивали, а не и на рок-сцените зашто концептот бара поинтимна изведба.

- Цеде изданието од „Циркус Еуропија“ треба да се појави в година, за да ја пополни дупката на активности. Мојата идеја е да биде бесплатно и ќе се трудам да најдам некоја таква опција. Затоа сега на веб-страницата www.circoeuropia.com.mk е поставен целиот материјал и секој може бесплатно да го симне - вели на крајот Трајкоски.

Немам проблем со „Мизар“

Како поранешен член на „Мизар“, Горан Трајкоски вели дека е сосема нормално што тие сега работат на нов материјал. По завршувањето на договорот решил да ја следи потребата да работи на поинакви проекти.

- Сосема е нормално што „Мизар“ работи на нов албум и јас немам проблем со тоа. Со Горазд бевме договорени за еден албум, а потоа јас решив дека сакам да правам нешто друго. Тоа е нормална работа. Секој работи според сопствените чувства и потреби - вели тој.

Димитар Петровски



Концерти на Трпчески во Гевгелија, Струмица и во Прилеп

Љубителите на класичната музика од Гевгелија ќе бидат првите што ќе слушнат пијано-изведби на Симон Трпчески, на 14 ноември, со што ќе биде означен почетокот на концертна турнеја по неколку градови во земјава. Наредниот ден, струмичани ќе ја имаат честа да го слушнат нашиот виртуоз, а на 5 декември Трпчески ќе учествува и на манифестацијата Град на културата во Прилеп. Трите града беа избрани за првиот дел на турнејата, која ќе продолжи напролет. Мини-турнејата ќе има хуманитарен карактер.

Маестро Трпчески објаснува дека турнејата е остварување на негова дамнешна желба. Тој ќе свири композиции од Скријабин, Шопен, Брамс и две дела од Дебиси, кои ќе бидат прв пат изведени во Македонија. Вака конципирана програма тој изведува прв пат. На крајот од секој концерт ќе приредува изненадување за публиката.

- Одамна ми е желба да свирам во секој град каде што има барем минимални услови. Програмата ќе биде пресек на длабоки чувства. Секое дело зборува за љубовта кон различни субјекти. Намерно ги избрав така, зашто љубовта е главен двигател на човекот. Се решив за овие дела зашто во нив има многу драма, што е обележје на нашиот менталитет и мислам дека треба да се негува. Драго ми е што ќе настапам во внатрешноста на нашата земја, зашто и таму има големи почитувачи на класичната музика - рече Трпчески.

Според него,состојбата на пијаната на кои ќе свири во трите града, не е најзавидна, но тоа не било најпресудно за остварувањето на неговата идеја.

- Струмица неодамна доби ново пијано, кое не е со врвен квалитет, но ќе помогне многу за едукацијата на младите пијанисти. Веќе сум настапувал и во Гевгелија и во Прилеп, ги знам условите. Факт е дека и кога свирам надвор, немам секогаш најдобар инструмент на располагање. За разлика од виолинистите или дувачите, пијанистите мора да се проспособуваат на просторот каде што настапуваат. Но, квалитетот на еден пијанист може да се види на секакво пијано. Јас лесно се адаптирам и се надевам дека публиката ќе биде задоволна - рече Трпчески.

На прашањето дали наскоро повторно ќе одржи концерт во Скопје, тој одговори дека најверојатно ќе настапи в година.

Мини-турнејата ја организира здружението на граѓани „Култур Оп“ од Скопје, кое го реализира и дводневниот маратон на Трпчески, кој се одржа во јули, во Домот на АРМ. Тие ги поканија заинтересираните градови што имаат минимални услови за да се организира концерт. Концертите на Трпчески ги помогнаа „Космофон“ и Стопанската комора на Македонија.

Трпчески наскоро ќе замине во Англија, каде што треба да сними ново цеде, за ЕМИ, во која ќе влезе и „Пајдушко“ на Живојин Глушиќ, кој според нашиот виртуоз, е најизведуваниот македонски композитор надвор од земјава. Ќе следуваат концерти во Брисел, Хамбург, четири концерти во Англија, Малезија, Сингапур. До крајот на годината, ќе настапи со Филаделфискиот симфониски оркестар.

(С.П.)

 hor.zlata.jpg

Женскиот хор „Св. Злата Мегленска“ ја освои првата награда - златен медал во сите категории на фестивалот „Европа и нејзините песни“ кој неодамна се одржа во Барселона, Шпанија. Под диригентската палка на Летка Димовска-Полизова, македонскиот хор се натпреварувал со 13 ансамбли од Италија, Латвија, Германија, Велика Британија, Аргентина, Финска, Ирска, Естонија, Бугарија, Хрватска...

Фестивалот „Европа и нејзините песни“ е во организација на асоцијацијата „Amici della musica cacra“ со седиште во Рим, асоцијација која организира неколку фестивали во Италија и надвор од неа. „Европа и нејзините песни“ е фестивал на фолклорна музика, па оттаму и хорот „Св. Злата Мегленска“ се претставил со дела од македонски автори со фолклорната тематика.

Гостувањето на „Св. Злата Мегленска“ на фестивалот во Барселона било помогнато од Министерството за култура на Македонија и градоначалникот Трифун Костовски. (Т.И.)

Извор:Утрински весник

Свири хармоника за забава, но пијано за Македонија

simon.jpgУгледниот "Њујорк тајмс" завчера објави текст за македонскиот пијанист Симон Трпчески како најава на неговата серија концерти со Њујоршката филхармонија и славниот диригент Лорин Мазел, што почна прексиноќа.


"За млад пијанист кој се обидува не само лично да се етаблира туку, исто така, да ја постави неговата земја на музичката мапа, се чини дека се случува пресудниот момент", пишува "Њујорк тајмс" и продолжува: "Прексиноќа 28-годишниот Македонец Симон Трпчески започна серија настапи со Првиот концерт за пијано на Чајковски, заедно со диригентот Лорин Мазел и Њујоршката филхармонија, на почетокот на тринеделниот фестивал "Искуството Чајковски" на оркестарот. И штотуку настапите на Трпчески ќе завршат таму во сабота, тој ќе одржи рецитал во Музејот Метрополитен в недела.

"Јас сум речиси поп sвезда во Македонија", вели со смеа Трпчески за неговиот статус на знаменосец. Организираната сцена за класична музика во Македонија се разви доцна во споредба со повеќето други европски земји. Македонската филхармонија е формирана во 1944 година, Македонската опера во 1947, а Факултетот за музичка уметност кој е дел од Универзитетот "Св. Кирил и Методиј", каде што Трпчески студираше и сега предава, во 1966 година.
Свирењето пијано во Македонија се издигна во почетокот на 90-тите години со доаѓањето на Борис Романов и неговата сопруга Људмила Романова, и двајцата истакнати професори од Москва. Тие ја практикуваа "старата традиционална руска школа", вели Трпчески кој студирал кај нив. Тој наследил некои од најдобрите карактеристики на тоа училиште, како моќната виртуозност и длабокиот експресивен, пејачки пристап, заедно со афинитетот за рускиот и романтичниот репертоар. "Јас сум многу романтично момче", вели тој со насмевка. "Имам романтична личност".

Трпчески сними ЦД со дела на Рахмањинов, Стравински, Скрјабин, Прокофјев и Чајковски. Тој, исто така, покажува посебен афинитет за Шопен во најновите снимки за ЕМИ: страсно моќно и душевно прикажување на четирите скерца и Сонатата бр. 2 за пијано.

Првиот инструмент на Трпчески беше хармониката, што се користи во Македонија за народна музика; повремено се уште свири на неа од забава. "Немаме голема традиција за класична музика, но имаме богата народна музика која е многу предизвикувачка и интересна поради нејзината мелодија и ритми".

Трпчески како најмлад од трите деца растеше во главниот град Скопје. Никој во неговото семејство нема формално музичко образование но неговата мајка фармаколог пее, а неговиот татко судија свиреше на тамбура, традиционален жичен инструмент. "Иако немавме премногу простор, бевме задоволни", додава тој. За време на семејните одмори во Москва пред распаѓањето на Советскиот Сојуз тој купувал плочи од Свјатослав Рихтер и други пијанисти.

Трпчески ретко е нервозен кога настапува можеби поради тоа што често настапувал како дете. "Речиси секој ден имавме гости бидејќи социјалниот живот во тој дел од светот е интензивен", вели тој. "Многу луѓе доаѓаа, танцуваа и пееја, а јас свирев на хармоника". Дружељубив, енергичен и директен, тој вели дека ужива во компонирањето поп музика заради забава (неговиот брат пишува стихови); а некои од песните ги пеат пејачите во Македонија. Тој е посебно заинтересиран за народната музика од многу земји бидејќи "многу корени на класичната музика потекнуваат оттаму", истакнува тој.

Трпчески ги промовира македонските композитори и често пати го изведува делото "Прелудиј и Пајдушко" на современиот композитор Живојин Глишиќ. "Тоа е извонреден пример на македонската народна музика инкорпорирана во стил на 21-от век. Задоволство ми е што можам да го прикажам македонското наследство".

Борче Николовски, заменик директор на Британскиот совет во Македонија, вели дека дури и Македонците кои никогаш не присуствувале на класичен концерт сега знаат за Трпчески чии концерти се продаваат уште пред да се најават. "Секој негов концерт тука во земјата е извонреден настан. Луѓето како Симон помагаат да се промовира класичната музика во Македонија", вели Николовски.

 +++
 Music Review | New York Philharmonic

A No-Nonsense Approach to the Work of a Master

Published: September 28, 2007

In a program note for the New York Philharmonic’s concert at Avery Fisher Hall on Wednesday night, Lorin Maazel calls Tchaikovsky a “very well-known but not completely understood composer.” You might quibble with the idea that any composer can ever be completely understood. Moreover, the idea that appreciation of Tchaikovsky is lacking may come as a surprise to concertgoers who hear his works constantly.

In any case, Mr. Maazel has begun a three-week festival called “The Tchaikovsky Experience,” including the symphonies, the famous concertos and music from “Swan Lake.” He is right that some Tchaikovsky scores are heard infrequently, notably the First Symphony, “Winter Dreams,” which concluded Wednesday’s program. It was paired with the First Piano Concerto, perhaps Tchaikovsky’s best-known work, a terrific piece that needs rescuing from its own popularity. Programming agendas aside, both performances were outstanding.

In interviews over the years Mr. Maazel has objected to the overemotional interpretations of Tchaikovsky and other Romantics that have become fashionable. He may be overstating his case. I have heard many Apollonian accounts of Tchaikovsky. And sometimes Mr. Maazel’s performances of this repertory are marred by his penchant for making interpretive points in the way he shapes phrases and manipulates tempos.

But he was at his best on this night, and he had an ally for his no-nonsense approach to the concerto in Simon Trpceski, a 28-year-old Macedonian pianist who seems poised for a significant career. Mr. Trpceski has formidable technique and energy to spare. He dispatched volleys of thick, crashing chords with steely tone and power, and conveyed contrasting passages of scampering runs with clarity and lightness. He tore through the double- octave outbursts with arm-blurring speed and no sense of strain. Yet in tenderly lyrical moments he caressed the phrases, playing with naturalness, never milking anything.

He seemed at one with Mr. Maazel in treating this war horse as a majestic, shrewdly structured and substantive score. In the orchestra, Mr. Maazel voiced sonorities and textures in ways that revealed the tartness of Tchaikovsky’s harmonies. Rhythmic articulation was always crisp and incisive.

Tchaikovsky was 26 and in the fledgling stage of his career when he began his First Symphony in 1866. The score has the earmarks of an earnest young composer thinking big and putting to use what he learned as a student. The whimsical scherzo comes across like music by a Russian Mendelssohn, until Tchaikovsky forces the thematic materials through a long series of sequences. The main theme of the finale is wonderfully brassy and exuberant, though the movement soon breaks into rather dutiful counterpoint: a fugue of sorts.

Tchaikovsky retained great fondness for this work — probably, I think, because the music is so guileless and directly expressive, especially the rustic, pensive first movement and the soulful Adagio. In later years Tchaikovsky’s inner torment found expression in his tortured music. But not in this score, especially as it came across in the vibrant and brilliant performance that Mr. Maazel drew from the Philharmonic.

This program is repeated in part this afternoon and tomorrow night, with Tchaikovsky’s “Manfred” in place of the First Symphony;               (212) 721-6500       , nyphil.org.


 


Видео содржини

Поуки од Светите Отци

dobrotoljubie

Наука и Култура

Мај 10, 2020
3.angeli.so.truba

Емануел Рембер: Читањето е убава мрзеливост и вистински лек

-Чудно е тоа што изолацијата ја доживувам како миг во кој сè е замрзнато. Секако дека сè уште пишувам дневник. Но, во суштина малку пишувам. По неколку реченици на врвот од изолацијата. Ме обзема некое нерасположение. Оваа нова состојба ме води кон некоја…
Април 29, 2020
3.angeli.so.truba

„Ако има волја има и начин“ – Џорџ Бернард Шо

Бидете секогаш чисти. Бидејќи вие сте прозорот низ кој го гледате светот. Демократијата е процес кој ни гарантира дека никој нема да владее подобро од тоа што заслужуваме. Кога човек сака да убие тигар, тоа се нарекува спорт. Кога тигар сака да убие човек,…

Вангел Наумовски уметник кого Салвадор Дали го нарече „сликар од бајките“

Апр 06, 2020 Ликовна уметност 220
3.angeli.so.truba
Со името на охридскиот сликар Вангел Наумовски (22. 3. 1924, Охрид – 13. 6.2006, Охрид),…

Мала Историја на Христијанството и на Светот

Јан 12, 2020 Друго од култура 668
Mudreci.pustina1
Св Јован Крстител е дете на Првосвештеникот Захарије и Елисавета. Захарие веднаш беше…

Скопје и Истанбул се среќаваат во јазикот, литературата, историјата

Ное 24, 2019 Литература 874
7.Vselenski.sobor
– Градовите ја имаат функцијата на поврзување луѓе, вери и народи, како и нивните…

Беседи

Митрополит Струмички Наум: Недела на слепиот (23.05.2020)

Митрополит Струмички Наум: Недела на слепиот (23.05.2020)

Бог е праведен. Сепак, на оние кои се одрекле од светот и световните работи им ветил стократно повеќе уште во овој живот, а плус и Царство Небесно: „Вистина ви велам:...

Храмот е срце

Храмот е срце

До тој Ден, којшто ние сме собрани данеска да го празнуваме. До денот, во којшто светлото Сонце на Правдата дошло да го осветли овој свет и да изгрее од гробот...

Митрополит Струмички Наум: Пробивање низ темнината (18.05.2020)

Митрополит Струмички Наум: Пробивање низ темнината (18.05.2020)

Но, бидејќи над вистинската вера, низ вековите, незабележливо се наталожиле и одомаќиниле уште неколку темнини, денес, оној што ќе поверува, ќе треба да се пробие и низ овие темнини; а...

Митрополит Струмички Наум: Како се сведочи Човекот (16.05.2020 )

Митрополит Струмички Наум: Како се сведочи Човекот (16.05.2020 )

Откако ја стекнува нејзината доверба, Богочовекот Христос ѝ ја покажува и вистинската вера: „Жено, верувај Ми дека иде часот, кога ни во оваа планина, ниту во Ерусалим ќе се поклонувате...

О. Жарко Ѓорѓиевски: БЕСЕДА во Недела на Самарјанката(17.05.2020)

О. Жарко Ѓорѓиевски: БЕСЕДА во Недела на Самарјанката(17.05.2020)

Телото ја прима онаа храна, која во суштина е еднаква со телото. Телото е од земјата и храната за телото е од земјата. Затоа телото во овој свет се чувствува...

БEСEДА за силата штo Бoг им ја дал на прoрoчкитe збoрoви

БEСEДА за силата штo Бoг им ја дал на прoрoчкитe збoрoви

Слoвoтo Бoжјo e какo oган на кoјштo сe радува правeдникoт прeмрзнат вo студeнилoтo на oвoј свeт; и слoвoтo Бoжјo e какo oган кoј гo изгoрува нeправeдникoт, кoгo oвoј матeријалeн свeт...

Викарен Епископ Јаков Стобиски - Немам човек...

Викарен Епископ Јаков Стобиски - Немам човек...

Да го фрлиме фенерот на Диоген, да се откажаме од потрагата по човек во темнината на овој свет и во сеопштата расчовеченост. Таа потрага за нас заврши во оној миг...

„Мрзливитe рацe брзo ги врабoтува ѓавoлoт а врeднитe - ангeлoт“

„Мрзливитe рацe брзo ги врабoтува ѓавoлoт а врeднитe - ангeлoт“

Вo oвoј свeт на нeпрeстајнo движeњe и нeпрeстајни прoмeни, чoвeкoт, сакал или нe, мoра да бидe врабoтeн, билo сo дoбрo, билo сo злo дeлувањe. Мрзливиoт чoвeк, всушнoст, нe e врабoтeн:...

Митрополит Струмички Наум: Депресија и надеж од православен аспект (09.05.2020)

Митрополит Струмички Наум: Депресија и надеж од православен аспект (09.05.2020)

    Остатокот од времето поминато надвор од молитва, на оние кои немаат непрестајна умно-срдечна молитва, Црквата им го покрива со послушанието. Оние кои го чистат своето срце од страстите, го...

« »