логоFacebookTwitterYouTubeeMail


 

НЕ ЗНАМ, ЌЕ ВИДИМЕ, ИМА ВРЕМЕ!

 

Ова е дијалог на две души. Се случи во Скопје, во едно мајско попладне.

– Се плашам од она што ќе дојде по умирачката!
– Зошто?
– Сум слушнала дека ќе има рај или пекол.
– Како ги замислуваш?
– Во рајот убаво, во пеколот жешко.
– И смрдливо.
– И вечна мака.
– И болно ќе биде, кажано е дека ќе има чкртање со заби. Веруваш во сето ова?
– Што знам...
– Веруваш или не?
– Не сум баш сигурна...
– Па тогаш зошто се плашиш?
– Појма немам, можеби претчувство.
– Се плашиш од нешто во што се сомневаш и не си сигурна дека постои!... Добро, како планираш да се ослободиш од тој страв?
– Не знам.
– Јас знам.
– Како?
– Исповедај се, отфрли ги гревовите, труди се да не ги повторуваш, покај се, подложи се на терапија што ќе ти ја даде искусниот духовник, па причести се, односно обожи се.
– Да се покајам?
– Да.
– Што значи тоа?
– Си убила ли некого во животов?
– Се разбира дека не!
– Не ме сфаќај погрешно, ќе ти поставам едно интимно прашање. Си направила ли, душо, некогаш абортус?
– Да.
– Значи, си убила. За тоа треба да плачеш, да се каеш.
– И јас тоа треба да му го кажам на попот?
– И тоа и сè што лошо си сторила. Да се отвориш комплетно. А сигурно има уште многу злодела што ти лежат на срцето. Си озборувала, си ги местела неистомислениците, си пцуела, си љубоморела...
– А кој не го прави тоа?
– Сите го прават, ама ти си душа што станува свесна дека е душа и затоа сега размислувај за тебе, не за другите. Суди си сама на себе, не се споредувај со никого и знај дека спасението е лична работа, не национална, партиска или колективна.
– Не знам дали ќе можам, срам ми е од непознатиот.
– Потсети се дека таму во пеколот има огин што ќе те пече и никогаш нема да можеш да излезеш од него. Тоа е срамно и болно, а не покајанието.
– Не можам да замислам пред непознат човек да си ги откривам своите тајни...
– Не ги откриваш пред него, директно на Бога Му зборуваш, Нему Му се исповедаш.
– Па тогаш тоа можам и дома да го сторам, насамо со Него.
– Не можеш, немаш искуство во тоа, а и секогаш ќе си наоѓаш по некое оправдување. За да пуштиш солза на покајанието, потребна ти е провокација, а никој сам себе не се провоцира, ни ти нема да успееш во тоа.
– И ако го сторам тоа покајание, ќе воскреснам ли кога ќе умрам?
– Сè во свое време. Кога сме на оваа тема, да те прашам, душо страдна, веруваш ли ти во Христовото Воскресение?
– Па не знам баш.
– Како не знаеш, да или не?
– Сакам да верувам, ама нешто ме кочи.
– Тоа нешто е демонот, тој не ти дозволува да ја согледаш најголемата Вистина и ти ги држи очите полузатворени.
– Ајдееее, до кај ја отера работава! Слушај, ние говориме за живот после смртта, но никој не се вратил да посведочи дека го има.
– А Христос? Нели Тој Воскресна, им се јави на апостолите, се Вознесе и на крај Го прати Духот на Вистината.
– Каков дух?
– Сигурно знаеш дека ние како Христијани веруваме во Света Троица, т.е во Отецот, Синот и Светиот Дух...
– Нешто знам, ама не ми е до крај јасно...
– Бог Отецот е Оној што ја создаде Вселената и Сè, Синот, односно Богочовекот дојде на Земјата, посведочи за Отецот и преку искупителната жртва на Крстот му ги отвори Рајските порти на човекот, а Светиот Дух е Оној што исходи од Бога и му дава на човештвото разум, ум и сила. Човекољубива, добродетелна, Богољубива, смирителна сила.
– Јас мислев дека ние веруваме во Исус.
– Да, веруваме во Него, но Тој е во Едно со Отецот и Светиот Дух. Во моментот кога ќе одиш да се исповедаш, знај дека и Светиот Дух ќе ти помогне да се отвориш кон Вистината што ќе те спаси. А Вистината е Христос.    
– Ах, Ти, Боже, колку си комплициран, премногу бараш од нас!
– Да се биде човек не е едноставна работа, но е многу блажена. Родени сме да Му служиме на Творецот, на совршенството. Служејќи Му на Совршениот, и ние стануваме совршени, чисти и севселенски.
– Времето е топло, се потам.
– И темата е жешка.
– И тешка!
– И слатка!
– Пријатно, душо!
– И на тебе пријатно! И со среќа исповедта.
– Не знам, ќе видиме, има време.
– Времето е бесконечно, но имај на ум дека ние луѓето сме конечни.
– Знам. Ај со здравје!
– Остани во здравје!

Извор:ПРЕМИН бр. 73/74

 

 

 



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 714
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

О. Жарко Ѓорѓиевски ✥Беседа за св. Наум Охридски✥  (03.07.2020)

О. Жарко Ѓорѓиевски ✥Беседа за св. Наум Охридски✥ (03.07.2020)

Свети Наум бил мудар учител, единствен раководител на монасите, решителен подвижник, чудотворен молитвеник и духовник. Тој постојано работел на преводи на светото Писмо и другите богослужбени книги од грчки на...

Митрополит Струмички Наум: Слово за фарисеите (03.07.2020)

Митрополит Струмички Наум: Слово за фарисеите (03.07.2020)

Кој им е проблемот на фарисеите, тогашни, денешни и на сите времиња? Тоа што постојано бараат грешка; но не баш кај секој, туку посебно кај оној на кого се фиксирани....

Митрополит Струмички Наум: Како да ја достигнеме молитвата на срцето (01.07.2020)

Митрополит Струмички Наум: Како да ја достигнеме молитвата на срцето (01.07.2020)

И најважно од сѐ е – на секое зло да враќаме со добро, со љубов. За да ни биде дозволено да ја кажуваме оваа молитва треба и во мислите и...

О.Методиј Митановски: Беседа за 3-та недела по Педесетница

О.Методиј Митановски: Беседа за 3-та недела по Педесетница

Важно е да напомнеме дека и покрај големите и епохални откритија на науката, животот на денешните луѓе не ѐ подобар. Напаротив создаден ѐ кај луѓето страв и немир, наместо радост...

Митрополит Струмички Наум: Кој се гневи, без причина, на братот свој (27.06.2020)

Митрополит Струмички Наум: Кој се гневи, без причина, на братот свој (27.06.2020)

И така, не оди да се причестуваш со Светите Тајни Христови ако не си побарал прошка од братот свој, ако не си му одговорил со љубов или ако не си...

Митрополит Струмички Наум: Умно-срдечната молитва – критериум за вистинско мачеништво (24.06.2020)

Митрополит Струмички Наум: Умно-срдечната молитва – критериум за вистинско мачеништво (24.06.2020)

Наравоучение: православната психотерапија прави разлика меѓу искушенија што ни се случуваат затоа што душевно оздравуваме (очистување на срцето од страстите) или сме доволно здрави (просветлување на умот), од искушенија што...

Митрополит Струмички Наум: АНТИНОМИЧНОСТ (20.06.2020)

Митрополит Струмички Наум: АНТИНОМИЧНОСТ (20.06.2020)

 Антиномично е и кога просторно и временски ограничениот човек станува благодатно секаде присутен, и во време и во простор. Антиномична е и ситуацијата кога обичен човек стекнува таква слобода пред...

БEСEДА  за угледувањe на мравкитe

БEСEДА за угледувањe на мравкитe

Вoлјата на Твoрeцoт, Кoј нè испратил вo oвoј свeт e да твoримe дoдeка смe вo свeтoт. Самиoт Гoспoд Исус запoвeда: Твoрeтe, стражарeтe! Oн ги фали oниe кoи ги умнoжуваат дадeнитe...

Архиепископ Андреј Римаренко: Беседа на Неделата на сите Светии

Архиепископ Андреј Римаренко: Беседа на Неделата на сите Светии

Сите светители кои денес ги славиме го следеле Христовиот пример. И секој од нив, во своето време, во своите животни околности, ја исполнил Божјата заповед за љубовта кон Бога и...

« »