логоFacebookTwitterYouTubeeMail


 

Стравот е пречка за брак

Еднаш кога јас бев кај Старецот, се јави на телефон еден брат и го праша зошто не може да најде жена да се ожени со неа, и покрај тоа што има веќе 45 години, а имал впечаток дека му правеле магии, но тоа не му го кажа по телефон на Старецот.
Потоа Старецот му одговори:
„Е! Слушај што ќе ти речам. Никој не ти правел никаква магија, како што си замислуваш. Проблемот е во тебе.“
„Кој проблем?“ Праша братот.
„Еве! Се плашиш од бракот, па ни една жена, која ќе ја запознаеш, не е доволно добра.“
Братот упорно остана на своето.
„Кажи му ти“, ми се обрати мене Старецот, „зашто не можам повеќе да зборувам. Проблемот е во него.“
Братот ништо не разбра, остана на своето.


Семејни проблеми и осветување

За да му укаже на недостатоците на еден брат, како што правеше со сите нас, земаше примери од природата и неговиот живот и му велеше:
„Треба да знаеш, чедо мое, дека ништо не настанало без причина и случајно. Сè има своја цел. Ништо не се случува без причина. Дури ни игличките на борот не паѓаат од борот ако Бог не сака. Затоа не треба да се грижиш поради сè што ти се случува. Така стануваме свети. Еве! Ти се грижиш поради твоето семејство, некогаш се мачиш поради жената, некогаш поради децата. Но, тие духовно те возвишуваат. Да ги нема нив, ти воопшто не би напредувал духовно. Бог ти ги дарувал поради тебе. Но, ќе ми речеш, зарем е добро да трпиме од оние кои ги сакаме? Е! Така сака Бог. А ти се многу чувствителен и од грижи те боли желудникот и стомакот. Не е ли така?“
„Да, Старче, но, дали е лошо ако некој е чувствителен?“
„Да“ му одговори Старецот, „лошо е кога некој е многу чувствителен, како ти, зашто преголемата грижа, како кај тебе, предизвикува разни телесни болести. А знаеш ли дека сите душевни болести се демони?“
„Не, не знаев“. Му одговори братот.
„Ете, сега знаеш.“ заврши Старецот.

Се соединува разделен брачен пар

Еден ден појдов кај Старецот, во неговата куќа и тој ми го раскажа следниот случај, кој му се случил со еден таксист:
„Еднаш зедов такси, чедо мое, да си одам дома. Кога влегов во автомобилот, шоферот слушаше народна музика, па љубезно му реков:
„Ве молам, бидејќи мене не ми се допаѓаат овие песни, дали би сакале да го исклучите радиото?“
„Да, оче, ќе го исклучам радиото“ одговори тој.
Додека се возевме го прашав:
„Како ви е името?“
„Василиј“, одговори тој.
„Е, Василиј, имаш ли деца?“ Го прашав повторно.
„Имам“, ми рече, „две деца“.
„Василиј“, му велам, „постарото дете многу личи на тебе, знаеш“.
„Да. Личи на мене, но од каде знаете вие, оче?“ Ми рече.
„Кај ти се децата сега?“ Го прашав.
„Двата се на село со мајка им.“
„А ти живееш сам, овде?“ Повторно го прашав.
„Да“, одговори, „се разведов, оче, па јас живеам овде, а таа таму со децата.“
„Василиј, зошто ги оставаш сами и не одиш да им се придружиш?“
„Не оди тоа, оче“, ми вели, зашто помина веќе доста време како живееме вака, па не можам сега да одам таму.“
Зошто да не?“ Го прашав. „Сакаш ли да ти помогнам повторно да се зближите?“ Му реков.
„Како можете вие да ми помогнете?“ Праша.
„Што ти е гајле. Ти само кажи ми дали сакаш, а јас ќе се погрижам за останатото.“
„Добро“, рече, погрижете се.“
И така јас го однесов во неговото село, каде што му беа жената и децата. Кога се доближувавме до куќата ми рече:
„Е! Јас не одам понатаму, останувам овде.“
„Добро“, реков, „остани овде.“
Излегов од автомобилот и појдов во куќата, ја најдов неговата жена и ја донесов кај него и така се смирија.“
„Старче“, му реков јас на крајот, „многу, многу те сакам поради тоа што го стори.“ А тој се насмеа.

***

Еден ден, еден брат се вратил дома од црква, и откако влегол открил дека жена му и децата таа недела не биле в црква. Си рече самиот себе:
„Ете, гледаш денес е недела, и не биле в црква да добијат благослов. Што да им речам!“ Многу се загрижил поради нивниот пропуст.
Кога, по неколку дена, го сретнал Старецот, ништо не му рекол за тоа, туку му кажувал некои свои гревови, но Старецот му рекол:
„Добро е што ми го кажа тоа. Но, слушај да ти кажам. Тоа што го направи во неделата, немој повеќе да го правиш.“
„Што Старче?“ Го прашал братот.
„Ете, немој да се повтори да влезеш во својата куќа и да се нервираш затоа што твоите не биле в црква.“
„Што треба да правам, Старче?“ Продолжил да го прашува братот.
„Ете! Бидејќи излезе од црквата со благослов кој го доби од таму, треба само мирно да си кажеш во себе „Господе Исусе Христе, помилуј ме,“ и да останеш потполно мирен. Инаку од такви грижи и нервирања, те боли стомакот, овде долу. Зарем не те боли стомакот, овде долу?“
„Да, ме боли.“ Одговорил братот, а потоа побара од него да му прости.

За жените

На еден друг брат му го рече ова: „Кога жената, понекогаш те кара затоа што многу се занимаваш со Црквата, немој да се впушташ во разговор со неа. Оди да се прошеташ, па кога ќе и помине и кога ќе готви во кујната, помилувај ја малку по главата и дај и по некој бакнеж во образ. Ќе и се допадне и ќе заборави сè, што си и направил претходно.“

***

Еден друг па го советувал вака:
„Немој многу да и угодуваш на жена ти. Немој премногу да се занимаваш со неа. Внимавај да бидеш умерен. Немој премногу да влечеш.“

***

„Жените често сакаат да изгледаат како мажите, па често им се допаѓа да носат машка облека и да прават исти работи како и мажите и да се однесуваат како мажи.“ Ми рече во една друга прилика.

***

А на една сестра и рече:
„Жените кои се љубоморни на своите мажи, често се разболуваат од рак.
Тоа им се случува и на попадиите.
Сите болести произлегуваат од грижи и нервирања. Дури и камен во бубрегот.“

Децата се богатство

Еднаш бев кај Старецот со еден брат кој имаше пет деца, додека јас имам само две. Старецот ми рече:
„Овој овде е многу богат, а ти си многу сиромашен. Гледаш?“
„Гледам, Старче.“ Му реков и ја наведнав главата.

Упатство за раѓање дете

Ми раскажа една сестра:
„Еднаш бев во посета на Старецот заедно со мажот ми. Додека разговаравме за сè и сешто, ми рече:
„Што ти прави другото дете?“
Јас му велам:
„Старче, јас немам друго дете. Само едно имам.“
„Ах! Чедо мое“, ми рече Старецот, „до сега требаше да имаш уште едно дете од две години. Зошто немаш второ дете?“
Му реков:
„Старче, не сакам повеќе деца, зашто имам многу проблеми и со ова дете.“
Мојот маж многу сака деца и сака да имаме уште деца. Тој му рече на Старецот:
„Ах! Старче, јас сакам уште деца, речете и зашто многу сакам да имаме уште деца.“
Старецот му одговори:
„Е! Не можете да имате уште деца зашто твојата жена веќе е уморна, има здравствени проблеми, а има и душевни проблеми, па нема да можете да имате деца.“
Но, истовремено гледаше во мене и кога го завршивме разговорот и се подготвувавме да си одиме, ми рече:
„Чедо мое, обиди се овој месец. Овој месец.“
И навистина останав трудна тој месец. Добивме преубаво девојче која е вистински благослов за нас и ни дава многу радост.“

За децата

Кога за време на една исповед, го прашав да ми каже нешто за моите деца, ми рече:
„Ете! Син ти, тебе ти се дал, а ќерката на мајка и. Така сте ги поделиле меѓу себе, за да не се жалите.“

***

Пред да замине Старецот, за последен пат на Света Гора, еден брат го прашал дали добро се однесува со своите синови, а Старецот му одговори:
„Е! Добро се однесуваш со својот син, но треба да внимаваш како се однесуваш со ќерка ти.“
Навистина, претходниот ден и упатил строга забелешка на некоја ситна непослушност за време на ручекот.
„И да љубиш многу“ му рече, „треба многу да љубиш.“

***

„Родителите се виновни за сите проблеми што ги имаат нивните деца. Сите проблеми почнуваат од родителите. Родителите треба да станат свети, а потоа и децата сами ќе станат свети.
Потоа нема проблеми.“

***

„Децата стануваат проблематични кога родителите имаат проблеми меѓу себе.“

***

За децата Старецот секогаш зборуваше дека:
„Имаат проблеми кога родителите не се во ред.“
И уште дека:
„Не треба да ги караме туку да ги советуваме.“ И:
„Ако сакаме нешто да направат, прво треба да им дадеме добар пример и потоа да ги дигнеме рацете кон Бога и да се молиме.“

***

„Треба да стигнеме да им дадеме на децата добар пример пред да наполнат десет години.“

***

„Не треба никој да го присилуваме да оди во црква. Христос рече: „ако некој сака нека оди по мене.“

***

Еден брат му рекол:
„Старче, што да му кажам на својот син, кој во последно време има нешто со една девојка и не знам какви се гревови може да направи со неа? А згора на тоа, таа не ми се допаѓа ни мене, а ни на мојата жена.“
Потоа Старецот му рече:
„Ја познаваш ли ти таа девојка?“
„Не ја познавам.“ Одговори братот.
„Е! Како тогаш можеш да велиш дека не е добра! Немој да го караш како што си го карал и речи му: Слушни ме, дете мое, јас по цел ден, а понекогаш и по цела ноќ сум со светителите и не ми се допаѓа тоа што го правиш. Те молам, стани подобар, зашто тоа и на Бог не му се допаѓа. Твојот син сам ќе одлучи што да прави. Разбра?“
„Разбрав“, одговори братот, и оттогаш не го карал синот, како што правел порано, а покрај тоа, син му веќе бил возрасен човек.

***

„Не треба на децата постојано нешто да им докажуваме. Треба само да им дадеме добар пример.“

***

„Немој постојано да ги советуваш или да ги караш децата.“ Ми рече Старецот еден ден.
„Па, што да правам, Старче?“ Го прашав.
„Е! Ете. Моли се и сè кажи Му на Бога, за да добиеш благослов одозгора.“
Сè гледаше со Божјата благодат со која беше преисполнет, и немаше потреба сè да му раскажеш. Така се случуваше и со пропустите и со грешките кои човек ги правеше.

***

„На своите деца треба да им кажеш да учат за да бидат добри луѓе и да не ги одвлече лошо друштво.“

***

„Не треба да го галиме едното дете пред другото. Децата се љубоморни.“

***

„Децата меѓусебно се поврзуваат кога од нив бараме да завршат некоја работа, или да внимаваат, или да го утешат својот помал брат.“

***

„Три сили влијаат на душата. Силата на доброто, силата на злото и една трета, неутрална, силата на душата.“

***

„Колку е детето похиперактивно, толку е почувствително.“

***

„Оној кој не го познава својот стап, не го сака своето дете.“

***

Пред многу години, пред да купам телевизор, појдов да земам благослов од Старецот, дали треба да го купам, зашто децата ми беа мали и се плашев за нивниот развој. Тогаш ми рече:
„Треба да го купиш, но редовно да набавуваш и телевизиска програма, за да видиш што треба да гледаат децата, односно, дали им одговара нив или не. Под тој услов да купиш телевизор.“


(Од книгата Солзи за светот - старец Тихон, старец Пајсиј, старец Порфириј)

Подготви: Жаклина Стојановска

 

 



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 731
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

Митрополит Струмички Наум:  Умно-срдечната молитва – критериум на вистинско богословие (07.07.2020)

Митрополит Струмички Наум: Умно-срдечната молитва – критериум на вистинско богословие (07.07.2020)

Теологија без умно-срдечна молитва е повеќе технологија, т.е. умешност, односно техника на составување и вообликување на мислата и на зборот, отколку богословие, отколку Божјо слово; повеќе знаење што произлегува од...

 Митрополит Методиј Златанов: огромна е човечката жед за љубов

Митрополит Методиј Златанов: огромна е човечката жед за љубов

Во духовната пустина на овој суетен свет, на ова место на нашето исконско туѓинување, огромна е човечката жед за љубов. Дури и се навикнуваме да живееме без внимание кон себе...

Митрополит Европски Пимен (03.07.2020)

Митрополит Европски Пимен (03.07.2020)

Да си споменеме за да поверуваме во она дека сė што е соединето со Бога е спасено, та освестеното да го примениме во нашите животи. Да престанеме да ги распнуваме...

Митрополит Струмички Наум: Кажи само збор (04.07.2020 )

Митрополит Струмички Наум: Кажи само збор (04.07.2020 )

Исто така, извршен e и Литургискиот (Евхаристиски) збор, и тој е збор во сила; извор на слово во сила, кое повторно и повторно го обновува светот; затоа што Христос е...

О. Жарко Ѓорѓиевски ✥Беседа за св. Наум Охридски✥  (03.07.2020)

О. Жарко Ѓорѓиевски ✥Беседа за св. Наум Охридски✥ (03.07.2020)

Свети Наум бил мудар учител, единствен раководител на монасите, решителен подвижник, чудотворен молитвеник и духовник. Тој постојано работел на преводи на светото Писмо и другите богослужбени книги од грчки на...

Митрополит Струмички Наум: Слово за фарисеите (03.07.2020)

Митрополит Струмички Наум: Слово за фарисеите (03.07.2020)

Кој им е проблемот на фарисеите, тогашни, денешни и на сите времиња? Тоа што постојано бараат грешка; но не баш кај секој, туку посебно кај оној на кого се фиксирани....

Митрополит Струмички Наум: Како да ја достигнеме молитвата на срцето (01.07.2020)

Митрополит Струмички Наум: Како да ја достигнеме молитвата на срцето (01.07.2020)

И најважно од сѐ е – на секое зло да враќаме со добро, со љубов. За да ни биде дозволено да ја кажуваме оваа молитва треба и во мислите и...

О.Методиј Митановски: Беседа за 3-та недела по Педесетница

О.Методиј Митановски: Беседа за 3-та недела по Педесетница

Важно е да напомнеме дека и покрај големите и епохални откритија на науката, животот на денешните луѓе не ѐ подобар. Напаротив создаден ѐ кај луѓето страв и немир, наместо радост...

Митрополит Струмички Наум: Кој се гневи, без причина, на братот свој (27.06.2020)

Митрополит Струмички Наум: Кој се гневи, без причина, на братот свој (27.06.2020)

И така, не оди да се причестуваш со Светите Тајни Христови ако не си побарал прошка од братот свој, ако не си му одговорил со љубов или ако не си...

« »