логоFacebookTwitterYouTubeeMail

 

Новогодишната ноќ Crvena-Prica.jpg

 

Новогодишната ноќ – тоа е простување со годината што изминува како со стар пријател кој делел со нас и радост и тага, а сега засекогаш нè напушта; тоа е средба со годината што следи, која пак како гостин тропа на вратата на нашиот дом. Новото лето – време на благодарност и надеж: благодарение на Бога за Неговата милост, и надеж за подобра иднина. Како рибата, која наоѓајќи се во вода, а не разбира што е тоа вода, како птицата која се возвишува под облаците, не знае што е тоа воздух на кој се крепат нејзините крилја, така и ние не знаеме за сите добродејствија Божји кои нè опкружуваат.
 
Само во задгробниот живот се открива од какви сè не опасности секојдневно нè избавува Господ, од какви сè не беди нè запазувал неповредени, од какви сè не огнени испитувања и искушенија нè извлекувал; Он нè заштитувал од видливите и невидливите непријатели, нè извлекувал од духовните јами и уредени стапици, ја разобличувал лагата и расипаноста на завидливците и лицемерните пријатели, чудесно нè излекувал од смртоносните болести – за тие добродејствија ние и не знаеме многу, тие ќе ни се откријат во задгробниот живот. Без оглед на тоа што ни се случува, ние сме должни да веруваме дека сето тоа е богатство и да говориме:"Слава му на Бога за сè". Треба да се биде благодарен на Бога за самиот дар на животот. Он нè извлекол од бездните на небитието, ни дал земен живот и ни ветил вечно царство. Ние сме должни да му благодариме на Господа само затоа што го гледаме светот озарен во сонце, само затоа што над нас блеска небото и ние цврсто чекориме по земјата; а колкумина од нашите другари и врсници веќе лежат под земјата небаре под црна прекривка!
 
Новата Година нè учи да му благодариме на Господа за секој ден од животот кој преку покајанието може да стане ден на спасението. Годината – тоа е затворен круг од време, но на духовен начин може да се претстави како лествица, скалила кои се возвишуваат нагоре и се спуштаат надолу – во населбите на вечниот свет и во темнината на подземјето, во зависност од нашата вера и дела. Затоа, предвечерјето на новата година – е испит на проживеаното време. Должни сме да се преиспитаме пред сопствената совест: какви грешки сме извршиле и во какови сè гревови сме паднале, какво сè не добро сме можеле да направиме и не сме направиле, што треба да исправиме и извршиме во следното ново лето.
 
Новата година – тоа е надеж дека светот, наговестен од ангелите во Витлеем, ќе пребива во нашите срца како оган во светилник. Нова година – тоа е средба со пријателите во знак на духовно единство. Мнозина од нив повеќе не се со нас: тие го завршиле земниот живот претекнувајќи нè на патот кон вечноста, и ние сме должни молитвено да ги споменуваме, како би можеле со нив, молитвено да ја споделиме новогодишната трпеза. Љубовта е посилна од смртта. Небаре очи на небото – ѕвездите - гледаат на земјата, така погледите на упокоените се устремени кон нас: тие нè напуштиле телесно, но не се разделиле духовно со оние кои ги љубат.
 
Нова година – време за размисла за смислата на животот, за вечноста и времето. Смислата и цел на животот – единство со Бога, влез во Неговата предвечна светлина. А време за христијанинот – е богатство за кое се задобива вечноста. Ние живееме во времето. Секому му е даден рок на пребивање на земјата. Сепак, времето кое што е така вообичаено за нас, во суштина – е таинствено и недостижно.
 
Големиот ум на древноста, Аристотел говорел дека од сето што го опкружува човекот, најзагадочно е времето. Блажениот Августин сметал дека тој знае за времето тогаш кога за него не размислува; а кога започнува да размислува за времето, тоа се губи, збунува и восхитува. Платон пишувал дека времето – е космос во движење, тоа проникнува заедно со вселената и исчезнува со неа. Хераклит го споредувал времето со поток во кој не треба да се влегува двапати. Тој тажел дека земното битие е тоа полубитие - единство на животот со смртта. Човекот живее и не живее: живее, затоа што реално постои, и не живее, зошто времето уништува небаре гори сè и самиот човек, дека сегашноста е невозможно да се запре и да се задржи – возникнувајќи од бездната на иднината, тоа тука веќе тоне во бездната на минатото.
 
Средновековните алхемичари го барале еликсирот на бесмртноста кој би им дал власт над времето, риболов на сеништа и потера по прелестни сништа. Волшебникот Фауст ја продал душата на ѓаволот за способноста мигот да стане вечност по своја желба, но бил измамен од злобниот дух. Ниту на ангелите ниту на демоните не им е дадена власт ниту господство над времето.
 
Човекот се наоѓа во времето како во невидлив поток; таа река е невозможно да се огради и задржи. Човекот често заборава на времето, но времето никогаш не заборава на него. Секоја година се менува лицето на човекот, секое столетие се менува ликот на земјата. Времето е слично на бисерен конец, исткаен од мигови, кое што, искрејќи, исчезнува. Но во тоа е неговата таинствена смисла: миговите не можат да се вратат, и затоа времето треба да биде особено вредно и драгоцено за човекот. Времето за живите, по волјата Божја се претвора во метафизичка светлина; времето, испоразгубено во гревови и суети – во метафизички мрак.
 
Новата година за христијанинот – тоа е нова етапа на духовна борба со демонските сили, обичаите на полупаганскиот свет со своите страсти – невидливи змејови кои се прпелкаат на темното дно на душата. Секој човек е должен да осознае и да ја идентификува својата главна страст и да востанови начело на борба со неа.
Новата година – е секогаш подарок и радост. Таа со својата светлина ги озарува и замоците, и бедните колиби, ги загрева срцата и на богатите и на сиромашните. Нека новогодишната радост за христијаните стане предворје на иднината, неминлива радост на Небесното Царство каде што времето ù го отстапува своето место на вечноста!
 

Архимандрит Рафаил (Карелин)
Карелин-Р.Ru
17 января 2013 г.

Превел Пантелеј Кондратјук
Со благослов на отец Горан Тасески


27-ми декември. лето Господово 2014


 

 



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 651
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

Митрополит Струмички Наум: Повторување (30.05.2020)

Митрополит Струмички Наум: Повторување (30.05.2020)

За неделата на Светите отци од Првиот Вселенски Собор имав намера да пишувам за молитвата што ги опфаќа сите луѓе и секој човек што конкретно страда, ама за кого... Денешните...

Св. Климент Охридски: Поука на вознесение на Господ наш Исус Христос

Св. Климент Охридски: Поука на вознесение на Господ наш Исус Христос

Поради тоа, браќа, бидејќи нè очекува бесконечна мака, да се потрудиме преку подвиг да ја избегнеме, со милостина да го пречекаме бедниот и да го угостиме, примајќи го туѓинецот, гладниот...

Митрополит Струмички Наум: Недела на слепиот (23.05.2020)

Митрополит Струмички Наум: Недела на слепиот (23.05.2020)

Бог е праведен. Сепак, на оние кои се одрекле од светот и световните работи им ветил стократно повеќе уште во овој живот, а плус и Царство Небесно: „Вистина ви велам:...

Храмот е срце

Храмот е срце

До тој Ден, којшто ние сме собрани данеска да го празнуваме. До денот, во којшто светлото Сонце на Правдата дошло да го осветли овој свет и да изгрее од гробот...

Митрополит Струмички Наум: Пробивање низ темнината (18.05.2020)

Митрополит Струмички Наум: Пробивање низ темнината (18.05.2020)

Но, бидејќи над вистинската вера, низ вековите, незабележливо се наталожиле и одомаќиниле уште неколку темнини, денес, оној што ќе поверува, ќе треба да се пробие и низ овие темнини; а...

Митрополит Струмички Наум: Како се сведочи Човекот (16.05.2020 )

Митрополит Струмички Наум: Како се сведочи Човекот (16.05.2020 )

Откако ја стекнува нејзината доверба, Богочовекот Христос ѝ ја покажува и вистинската вера: „Жено, верувај Ми дека иде часот, кога ни во оваа планина, ниту во Ерусалим ќе се поклонувате...

О. Жарко Ѓорѓиевски: БЕСЕДА во Недела на Самарјанката(17.05.2020)

О. Жарко Ѓорѓиевски: БЕСЕДА во Недела на Самарјанката(17.05.2020)

Телото ја прима онаа храна, која во суштина е еднаква со телото. Телото е од земјата и храната за телото е од земјата. Затоа телото во овој свет се чувствува...

БEСEДА за силата штo Бoг им ја дал на прoрoчкитe збoрoви

БEСEДА за силата штo Бoг им ја дал на прoрoчкитe збoрoви

Слoвoтo Бoжјo e какo oган на кoјштo сe радува правeдникoт прeмрзнат вo студeнилoтo на oвoј свeт; и слoвoтo Бoжјo e какo oган кoј гo изгoрува нeправeдникoт, кoгo oвoј матeријалeн свeт...

Викарен Епископ Јаков Стобиски - Немам човек...

Викарен Епископ Јаков Стобиски - Немам човек...

Да го фрлиме фенерот на Диоген, да се откажаме од потрагата по човек во темнината на овој свет и во сеопштата расчовеченост. Таа потрага за нас заврши во оној миг...

« »