логоFacebookTwitterYouTubeeMail

Архимандрит Спиридон
Христос во руските зандани

 

За едно покајание....

sobirskashuma.jpgСо тој човек се запознав во следните околности. Во една зандана од Њерчинското заточеништво  изби бунт помеѓу затворениците. Затворениците се поделија на два табора и многу свирепо се спречкаа. Бев одреден итно да одам во затворот, односно во таа зандана. Така и направив. Затворот беше опколен со војници. Затворениците, поделени на две страни, стоеја во затворскиот двор. Кога влегов во дворот и им се обратив на затворениците, дел од нив, опколувајќи ме, со внимание почнаа да ја слушаат мојата проповед. Кога видов дека ги допре тоа што го зборував, ја повикав и другата група на затвореници, која беше непријателски расположена кон првата, за да и таа група го слушне зборот Божји, и за да го прекинат непријателството помеѓу себе и да се смират. На тоа лидерот на другата група, Сахалинец, ми возврати со грозна пцовка и ми се закани со тупаница. Јас тогаш се симнав од местото од каде што проповедав, тргнав право кон него и со сите мои свештенички одејанија паднав пред неговите колена и така клечејќи пред него му реков:
                 "Сине миј мил! На колена клечам пред тебе и те молам, послушај ме, исполни ми ја мојата солзна молба, измени го својот живот, стани поинаков човек! О, кога овој час, овој миг, би те видела твојата мила мајка, дека клечам пред тебе на колена, и таа би паднала на колена, а ако е веќе умрена, таа од страшна тага за твојата душа би се превртела неколку пати во гробот!"
             Измолувајки го така затвореникот јас ја постигнав својата цел; тој ме дигна од колена, па ние двајца, следени од многумина кои стоеја крај него, тргнавме кон местото од кое на сите почнав да им проповедам. После проповедта, истиот тој затвореник самиот ми даде тврд затворенички збор дека веќе нема да биде лидер ниту во еден бунт.
   После се, истата вечер, бидејќи го направивме опелото за неколку затвореници, почнавме со сеноќна богослужба. За време на служењето уште два пати проповедав. По завршетокот на богослужбата затворениците посакаа да се исповедат и другиот ден да се причестат со Светите Тајни. И овој заточеник посака исто.  Следниот ден во девет часот наутро влегов во црква кога, види, го сретнав токму Сахалинецот. Здогледувајќи ме, ми пријде и ми шепна: "Бачушка, јас не можам да се исповедам и да се причестам, се срамам пред затворениците". " Роден мој, послушај ме денес како што ме послуша вчера. Зошто го менуваш Христос за лажниот страв?  Послушај ме, радост моја, исповедај се и причести се". Истиот час го поведов во олтарот и таму го исповедав. Неговата исповед навистина беше потресна!
     Треба да се каже и тоа дека тој затвореник стекнал високо образование и дека во затвор дошол потполно невин. После три месеци излегол од таму толку осуровен што за него веќе ништо не било свето. Порано бил пратен на Сахалин поради убиство. После некое време побегнал од таму. Седум или осум пати бегал од затвор, и сите тие бегства биле залиени со човечка крв. Не штедел ни стари ни млади. Во многу затвори бил "Иван Грозни", т.е.затворски цар. На него беспоговорно му се потчинувале сите затвореници во тие затвори во кои бил на робија. На Сахалин со свои раце задавил многу затвореници како муви. Сите затвореници му се плашеле и го почитувале како свој неограничен владетел. Во еден сахалински затвор изрекол смртна пресуда на шестмина затвореници, и тие во точно одредениот час си извршиле самоубиство. Кога , после него, во општата исповед исповедав уште неколку затвореници( кои предходната ноќ не се јавија за исповед, а кои ги познавав од порано од многубројните исповеди) почнав да служам Света  Литургија. После читањето на Св. Евангелие одржав беседа за сепростувачката  љубов Христова кон оние грешни кои се кајат. После причестувањето, кога излегов со чашата Господова, на дверите одржав десетминутна проповед. Почнав да ги причестувам затворениците. На ред дојде и оној Сахалинецот. Тој ја отвори устата и кога му ја ставив лажичката со светите дарови во неа, тој наеднаш се занесе, очите му се исполнија со солзи, и во истиот час почна да се тресе. Само што се оддалечи од Чашата Христова и погледна кон иконата на Спасителот, тој ги подигна во воздух своите џиновски раце и громогласно, сите да чујат, извика: " Христе! Христе! Зар мене ми прости? О, Боже! Зар мене, на таков страшен убиец и разбојник ми прости? Па јас сум како грчки сунгер целиот натопен со човечка крв; јас околу стотина невини души сум убил. Колку пати пустошев цркви! О, Господе! И Ти на мене ми прости?! О, милосрден Господи! Јас ја силував својата мајка, сестра, деца, се предавав на скотолоштво! О, кој може да се спореди со мене по гревовноста - и Ти, Господи, Ти ми прости?! Слушаш ли , Господи, па јас цел живот хулев на Тебе, Те проколнував, а Ти Христе,мене баш се ми прости? О, колкава е Твојата љубов кон мене, Господи! Јас нема да можам да ја поднесам, нема да го преживеам денешниов ден, ќе умрам, таа ќе ме убие!"
   При ваква незбидната сцена јас неможев понатаму да причестувам, влегов во олтарот и таму, се наслонив на светата Трпеза, и горко заплакав. Заточениците така почнаа да ридаат и да липаат, што ми се чинеше дека целиот храм се претвара во неподнослив јаук кој го кинеше сечие срце. Таму стоеја и некои богомолци и неколку од нив паднаа во занес.
   Службата заврши и јас слушнав во дворот на затворот некаква чудна разбрануваност. Кога се приближив до прозорот имав што да видам. Оној сахалинецот на колена ползеше пред другите затвореници, молејки ги да му простат се што направил. А околу него се собра толку мноштво затвореници, што целиот двор изгледаше како некоја густа жива маса на луѓе, кои како ластовици околу своето гнездо, се стискаа околу овој осуденик.
 Едни го бакнуваа, други пак, и самите заразени од неговото покајание, се каеја за своите гревови и го преколнуваа својот престапнички живот, а некои пак, ги подигаа очите кон небесата, молејќи го Бога да им ги прости гревовите.
 Додека ручав кај началникот на затворот, овој затвореник се јави кај началникот и го замоли извесно време да помине во самица. Овој заточеник ми пишуваше многу писма, а во последното ми напиша дека штом ќе ја издржи казната, ќе отиде во Валаамскиот манастир.

 ruski.zatvor.jpg

Saint Petersburg Kresty Prison

ruski.zatvor1.jpg

Подготви: С.С.

 

Посети:{moshits}



Поуки од Светите Отци

krusevoexport

Духовност

Ноември 12, 2019

Старец Георгиј Капсанис: МОНАСИТЕ СЕ ЕКСПЕРТИ ВО НАУКАТА НА ПОКАЈАНИЕТО

Луѓето прво треба да го распнат и да го погребат своето поранешно „јас“ (т.е. егоизмот, страстите и себичната волја) на Крстот и Гробот Христов за да можат да воскреснат со Него и „да одат во обновеноста на животот“ (Рим. 6, 4).Ова е дејството на покајанието…
Ноември 09, 2019
st-demetrius

Свети великомаченик Димитриј Солунски

Благочестивиот Димитриј пред царевите ги поставил Божјите заповеди. Го возљубил Господ Бог со сето свое срце и душа, па веднаш по враќањето од царската престолнина почнал јавно да проповеда и својот народ да го одвраќа од многубоштвото, водејќи го така кон…

Митрополит Струмички Наум-Царството небесно прилега... на простување (19.08.2017 )

Ное 07, 2019 Беседи 54
7.Vselenski.sobor
Честопати и мене ме прашуваат зошто примам или им помагам на луѓе за кои мнозина од…

Митрополит Струмички Наум - Последна надеж за спасение

Ное 04, 2019 Беседи 46
Uspenie.Bogorodica.jpg
Она нѐ научи Кој Е смислата на нашиот живот. Она нѐ научи Кој Е вистинска љубов. Она нѐ…

Митрополит Струмички Наум: Зошто пишувам?

Окт 28, 2019 Беседи 138
7.Vselenski.sobor
Битно е дека, без тие – собраните околу мене, којзнае дали воопшто и ќе беше нешто…

Беседи

Два приода кон слободата

Два приода кон слободата

Првиот, после неговата средба со Ослободителот и Спасителот Христос, од корен се променува: од гол постанува „облечен и разумен“; од несоцијален, којшто живеел по гробовите и пустината, сега се наоѓа...

Излезе сејач да сее семе (10.11.2019)

Излезе сејач да сее семе (10.11.2019)

Во трњето кое го уништува Словото на Божествената вистина, освен богатството, насладите и животните грижи (Лк. 8,14), во нашето време треба ги видиме и различните лажни учења кои ги шират...

Архиепископот Охридски и Македонски г.г. Стефан: „Како христијани сме повикани денес да бидеме сведоци Христови“

Архиепископот Охридски и Македонски г.г. Стефан: „Како христијани сме повикани денес да бидеме сведоци Христови“

И ние, кои го носиме името христијани, кои живееме со верата на мачениците – сме сведоци за Христа. Некои, можеби, со право, ќе се запрашаат – па како можеме ние...

“Нe e пoтрeбнo бoгатствo на oнoј кoј лeбoт и вoдата ги смeта за царски ручeк”

“Нe e пoтрeбнo бoгатствo на oнoј кoј лeбoт и вoдата ги смeта за царски ручeк”

Така пoстапувал и св. Авeркиј. Кoга видeл мнoгу нарoд вo маки и вo бoлeсти, тoј клeкнал на eднo мeстo и сe пoмoлил на Бoга, да oтвoри тoпла и лeкoвита вoда...

Старец Ефрем Катунакиотски: Поука

Старец Ефрем Катунакиотски: Поука

Кога ќе се очисти садот на душата, тогаш сам по себе ќе биде исполнет од благодатта Божја. Од послушанието се раѓа молитвата, а од молитвата – теологијата.

Митрополит Струмички Наум:  Зошто пишувам?

Митрополит Струмички Наум: Зошто пишувам?

Битно е дека, без тие – собраните околу мене, којзнае дали воопшто и ќе беше нешто напишано. На крај, нашето заедничко давање, нашиот заеднички опит преточен и во слово, е...

БEСEДА за дeцата и нивната пoфалба на Гoспoда

БEСEДА за дeцата и нивната пoфалба на Гoспoда

Oсвeн тoа, вo малитe дeца трeба да сe вбрoјат и самитe апoстoли, и мнoгутe свeтитeли, испoсници, мачeници за Христа и дeвoјки, илјадници и илјадници oд oниe кoи нeвинo и прoстoдушнo...

БEСEДА за кoрисниoт гнeв

БEСEДА за кoрисниoт гнeв

Гнeвeтe сe, браќа, на сeбe и пoвeќe нe грeшeтe. Гнeвeтe сe на свoитe грeвoви спoрeд мислитe и дeлата и пoвeќe нe грeшeтe. Гнeвeтe сe на сатаната, таткoтo на лагата и...

Слово за свети Јован Богослов и свети Тихон Московски

Слово за свети Јован Богослов и свети Тихон Московски

„Да зборувам на сите човечки јазици, па дури и на ангелски, штом љубов немам, ќе бидам бакар, што ѕвони, или кимвал, што ѕвечи. Да имам пророчки дар и да ги...

« »