логоFacebookTwitterYouTubeeMail

 Го рушиме Господи дарот на животот. Честа која ни ја даде да нѐ приведеш од небитие во живот, од темнина во светлина. Секојдневно ја обесчестуваме, на многу различни начини. Најлошиот начин е што се откажуваме да се препуштаме на Твојот план, на Твојата промисла и мудрост. Се противиме, водиме битка и на крај се задушуваме.

Ако, пак, Христе мој, се препуштаме и Ти се доверуваме, ќе бидеме спокојни и среќни. Но, ние сакаме сè да решиме со нашата логика и нашите планови. Не е лошо да планираш, но трагично е да не знаеш дека во животот не можеш сè да контролираш.

Во суштината на тоа да сакаш сè да контролираш се крие омразата кон животот. Бидејќи животот е тајна. А тајните не ги анализираш, туку ги живееш. Се препушташ на слободата на нивната непознатост, на тајната на утрешниот ден.

Господи, колку повеќе растам толку помалку сакам да разбирам, а повеќе да чувствувам. Сакам секој ден сè помалку да ти се противам, да направам место да влезеш со Твоите тивки стапки во секој дел од мојот живот. Да го просветлиш секој агол од моето битие, да одиш по земјата на мојата плот. Простри се врз небото на мојата душа, целиот да станам светлина.

3.angeli.so.truba

Не сакам повеќе, Христе мој, да толкувам, туку да живеам. Да го живеам Твоето присуство во секоја форма и состојба од мојот живот. Да Те гледам во секое нешто што ме гледа, да Те слушам во секое нешто што ми говори, да Те допирам во секој допир на животот мој, да Те вкусувам секој пат кога ги јадам и пијам Твоите дарови.

    Ти си насекаде, Господи. Тоа го знам, но не е доволно. Треба да го гледам, да го чувствувам, да го преживувам. Заради тоа ми е неопходна Твојата помош – од умот да се спуштам во срцето, од зборовите во делата, од стравот во радоста. Не се доволни само моите напори, не е доволно само да сакам, потребни ми се Твоите раце да ги прегрнат сите одрони внатре во мене.

Копнеам од Твоето слово да создадам нов јазик на кој ќе говорат моите мечти. Копнеам за Тебе, зашто скалата од земјата кон небото, од умот до срцето е висока и има многу скали. Сакам некој да ме држи кога паѓам, да знам дека што и да се случи тука некаде е Твојата прегратка…

Извор: otecharalampos.wordpress.com
Превод: Ана Масларова

 

 

 Извор:

https://bigorski.org.mk/slova/pouchni/hriste-moj-ne-sakam-povekje-da-tolkuvam-tuku-da-zhiveam/?fbclid=IwAR1HqtBG-NPTeRkbK24RjPfhd5As7hJhdyP6hm53hQRO9SFgWaI6YIWE2I8

 

 

 

 



Видео содржини

Поуки од Светите Отци

dobrotoljubie

Духовност

Ноември 10, 2020

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна Морача. Завршил Богословија во Белград, а на Богословскиот факултет на СПЦ, во Белград, дипломирал во 1962 година. Покрај теолошките науки, студирал и класична…
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 1266
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 1477
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 1347
7.Vselenski.sobor
Премногу размислуваме во категоријата Бог – човек, наместо во категоријата личносни…