логоFacebookTwitterYouTubeeMail

Четврта светска средба на децата бегалци од Егејска Македонија по повод 60 години од егзодусот


Скопје, 15 јули (МИА) - По повод 60-годишнината од егзодусот на 28.000 македонски деца за време на граѓанската војна во Грција од 18 до 21 јули во Скопје ќе се одржи четвртата Светска средба на децата бегалци од Егејскиот дел на Македонија. 

Како што истакна на денешната прес-конференција претседателот на Организацискиот одбор Георги Ајановски, манифестацијата ќе биде отворена со свечен собир што ќе се одржи в петок во салата „Борис Трајковски“, на кој обраќање, во име на покровителите - Собранието и Владата на Македонија, ќе има претседателот на Парламентот Трајко Вељановски.

Од собирот ќе биде испратена и декларација до меѓународната јавност со барање за остварување на нивните човекови права и слободи. По собирот предвидено е делегации од учесниците да положат цвеќе на споменикот на „Децата бегалци“, на гробот на Гоце Делчев, на борците од НОБ и на споменикот на Крсте Мисирков. Наредниот ден во Соборниот храм „Св. Климент Охридски“ ќе се одржи и панихида во спомен на загинатите и починатите учесници во Антифашистичката и во граѓанската војна.  

На собирот се очекува да присуствуваат околу 6.000 учесници од повеќе земји во светот, меѓу кои од Канада, САД, Австралија, од Полска, Чешка, Романија и Унгарија, како и гости од македонските организации од соседна Грција, Албанија и Бугарија. Своето присуство го најавил претседателот на државата Бранко Црвенковски, а покани се упатени и до претставници на меѓународната заедница и особено до амбасадите на земјите кои прифатија деца бегалци.

- На свечениот собир како централна манифестација на средбата сакаме, покрај Македонците со потекло од егејска Макеоднија, да присуствуваат и да се приклучат и граѓаните на Република Македонија за да го изразиме македонското единство и нашата сплотеност кога се водат битки за признавање на нашето историско име кое се негира. Тоа ќе биде израз и на нашата решеност да опстоиме во битката за остварување на одземените човекови права и слободи, рече Ајановски.

Ѓорѓи Доневски од Организацискиот одбор посочи дека наспроти досегашните средби кои главно имаа хуманитарен карактер, оваа ќе има и политичка конотација бидејќи нејзиното одржување се совпаѓа со писмото што премиерот Никола Груевски го испрати до грчките власти за враќање на бегалците и нивните имоти и за решавање на проблемот со правата на македонскто малцинство.  

- Средбата си добива и одреден политички карактер бидејќи за тоа што ние го бараме, а тоа е да ни се врати она што е одземено, сега веќе стои и Владата, односно Република Македонија. Очекуваме наскоро да се донесе и резолуција со која пратениците ќе ја задолжат Владата и нашите министерства да го отпочнат процесот на разрешување на проблемот со бегалците и признавање на малцинството, рече Доневски.

Тој истакна дека покана да присуствува на средбата е упатена и до претставници на Грчката канцеларија за врски во Скопје, со цел, како што рече, лично да се запознаат со тоа што ќе биде кажано на средбата. Покана е упатена и до Грчката комунистичка партија која беше организатор на евакуацијата на децата. 

На новинарско прашање, Доневски ги отфрли како шпекулации информациите дека тие и Владата се организатори на сличен собир и во Лерин. Тој појасни дека на 20 јули во село Овчарани, Леринско, традиционално се одржува панаѓур на кој е можно самоиницијативно да присуствуваат и нивни членови.

По најавената поддршка од Владата, тој потврди дека масовно се зголемува интересот кај децата-бегалци за пријавување за враќање на нивните имоти, за што се поднесени околу 4.000 пријави. Некои оштетени досега ангажирале и грчки адвокати за да ги застапуваат во Грција, но, како што рече, им било сугерирано да не го прават тоа бидејќи тие стравуваат од реакции од грчки националисти. Според него, целта е своите права децата бегалци да ги остварат не преку индивидуални судски процеси, туку по пат на укинување на декретите со кои им се одземени правата.   

Во рамки на четирите дена предвидена е богата програма која вклучува изложба на фотографии од досега одржаните средби на децата бегалци, научен симпозиум во МАНУ со презентација на 15-тина научни трудови посветени на граѓанската војна и на прогонот на децата, изложба на книги со тематика од Егејска Македонија, поетска вечер и промоција на книгата „Песни за Егеј“- антологиска збирка подготвена по повод Светската средба, ликовна изложба во КИЦ „60 години Погром“ на која ќе биде промовирана и монографија со дела на автори од егејскиот дел на Македонија. Учесниците в недела ќе го посетат манастирот во Лешок. Во киното „Милениум“ ќе биде промовиран и документарниот филм „Инконтинуо“, кој е подготвен од сите документарни филмови создадени во периодот меѓу 1948 година и во текот на педесетите години за децата бегалци. ва/паг/13:50

 Друго:

Писмо од Груевски до Караманлис: Очекувам да преземете мерки за исправање на неправдата на етничките Македонци родени во Грција

Посети:{moshits}



Видео содржини

Поуки од Светите Отци

dobrotoljubie

Наука и Култура

Април 07, 2021
Aleksandar.N.sv.Haralampij

Збирка раскази „Фауст го трча плебејскиот круг“ (Faustus Runs the Plebeian Circle)-Стефан Марковски

Збирката раскази по промотивна цена е дистрибуирана и на повеќе книжевни платформи, како Barnes and Noble, Vivlio, Apple Books, Thalia, Kobo, Booktopia, Weltbild, Paagman, Ibs, Indigo и други. На македонски јазик книгата која инкорпорира 6 приказни, како…
Април 04, 2021
Aleksandar.N.sv.Haralampij

Книгата може да им помогне на децата да си го изградат идентитетот

Секоја генерација на деца има свои проблеми и затоа треба авторите да ги следат денешните деца и да знаат што тие сакаат да прочитаат. Авторите од западноевропските земји се многу похрабри и добро е што издавачите прават напори да ги преведат, но им…

Соопштени европските награди за драмски превод за 2021 година, меѓу нив три на македонски јазик

Мар 22, 2021 Литература 127
Aleksandar.N.sv.Martinijan6
Исто така, меѓу најдобрите од два други јазични комитета се најдоа и преводите на две…

Македонскиот поет Игор Крајчев е поет на неделата на престижниот британски магазин “The Poet Magazine”

Мар 22, 2021 Литература 127
Aleksandar.N.sv.Haralampij
Инаку. ова застапување на македонскиот поет Игор Крајчев во британскиот магазин, доаѓа…

Истражување на Харвард: Кои луѓе се посреќни, оние со повеќе време или оние со повеќе пари?

Мар 22, 2021 Друго од култура 145
Aleksandar.N.sv.Haralampij
Истражувањата покажуваат дека луѓето кои имаат најмногу животни исполнувања повеќе…

Беседи

Митрополит Струмички Наум: Недела на света Марија Египетска (17.04.2021)

Митрополит Струмички Наум: Недела на света Марија Египетска (17.04.2021)

Христос нѐ потсетува сите дека нашето Царство не е од овој свет и дека во овој живот нѐ очекуваат и страдања. Со оваа вистина треба да сме начисто и да...

Жарко Ѓоргиевски: Недела на свети Јован Лествичник

Жарко Ѓоргиевски: Недела на свети Јован Лествичник

Потикнат од голема љубов кон Бога и Христовата наука, уште на 17 годишна возраст Јован го прифатил благиот јарем Христов и се упатил по тесниот пат, по кој одат праведниците...

ЗА ПОКАЈАНИЕТО - АРХИМАНДРИТ ГЕОРГИЈ КАПСАНИС

ЗА ПОКАЈАНИЕТО - АРХИМАНДРИТ ГЕОРГИЈ КАПСАНИС

И колку повеќе некој ја чувствува грешноста си, толку и се кае подобро и повеќе. И затоа го гледаме овој голем знак – тајна може да каже некој – во...

Митрополит Струмички Наум: Недела на свети Јован Лествичник (10.04.2021)

Митрополит Струмички Наум: Недела на свети Јован Лествичник (10.04.2021)

Срцето на овој степен сè уште е заробено од страстите, така што демонот релативно лесно, преку помислите и сетилата, однатре, го наведува човекот на грев. Колку што човекот слободно му...

На свети Григориј Палама - Старец Георгиј Капсанис II дел

На свети Григориј Палама - Старец Георгиј Капсанис II дел

Црквата го прославува споменот на еден нов светител, светиот Николај Планас, еден прост отец, неписмен но свет, оженет свештеник од некогашна Атина. Свети Николај – по потекло од Наксос –...

О.Николај Киранџиќ: НЕДЕЛА НА СВЕТИ ЈОВАН ЛЕСТВИЧНИК

О.Николај Киранџиќ: НЕДЕЛА НА СВЕТИ ЈОВАН ЛЕСТВИЧНИК

 Болестите, пак, честопати се плод на нашата гревовеност, безаконие и неуреден живот, но честопати тие се и Божја казна за нашите гревови. Затоа, ако сакаме да се ослободиме од болеста,...

Митрополит Струмички Наум:  ПРЕСВЕТА БОГОРОДИЦЕ, спаси нѐ!

Митрополит Струмички Наум: ПРЕСВЕТА БОГОРОДИЦЕ, спаси нѐ!

Севкупниот Домострој на нашето спасение е дело на нашиот Бог – Света Троица, од Отецот, низ Синот, во Светиот Дух. Овој Домострој е Христоцентричен (исто како и нашиот живот во...

Викарен Епископ Јаков Стобиски: Тајната на Крстот

Викарен Епископ Јаков Стобиски: Тајната на Крстот

Во животот неизбежно ќе страдаме и ќе носиме крст, сакале или не, и ќе бидеме распнати, сакале или не, и ќе умреме на него, сакале или не, но на крстот...

Митрополит Струмички Наум: КРСТОПОКЛОНА НЕДЕЛА (03.04.2021)

Митрополит Струмички Наум: КРСТОПОКЛОНА НЕДЕЛА (03.04.2021)

 Во секое наше лично страдање Го препознаваме првенствено Христос и го надградуваме нашиот личносен однос со Него. Самото страдање е реално, но тоа останува во втор план, затоа што преку...

« »