логоFacebookTwitterYouTubeeMail


 

Иконостасот во длабока и автентична македонска резба е дело на тригодишен труд, умешност и искуство на најпознатите денешни копаничари, кој ја краси манастирската црква „Св. Јоаким Осоговски“

По цели 10 века, еден од најпрочуените манастири, „Св. Јоаким Осоговски“, доби импозантен и уникатен резбан иконостас, дело на најпознатите и најискусни македонски копаничари, кои ја продолжуваат традицијата на Дебарско-охридската школа. Мајсторската тајфа од шест докажани резбари, познати по своите иконостаси во земјава и низ светот, токму во осоговскиот манастир создадоа „библија во дрво“, вградувајќи ги својата дарба, умешност и искуство во овој грандиозен проект. Копаничарската екипа, составена од протомајсторите Злате Крстески, Мирко Гашпарец и Никола Прчков, магистрите по резбарство Јане Крстески и Никола Михајлоски од Битола, како и кривопаланечкиот копаничар Раде Костовски, цели три години работеше на импозантната иконостасна композиција. Минатата недела новиот иконостас, со помош на мајсторите дограмаџии Ѓоре и Бато, беше монтиран, а се поставува електричната инсталација.

- Горди сме што осоговскиот манастир конечно доби резбан иконостас, затоа што го заслужува тоа, како духовно и културно светилиште, кое опстанува веќе 10 века. Тој претставува уникатна иконостасна галерија со маркантни димензии, со должина од 11 метри и висина од 4,5 метри или заедно со распетието 6,5 метри. Изработен е во првокласно оревово дрво, со над 500 составни дела, со вкупна изрезбана површина поголема од 35 квадратни метри и во сите техники на македонското копаничарство. Во него се содржани разнообразни стилско-жанровски теми и е внесена симболиката на Стариот и Новиот завет, библиски мотиви и сцени. Исполнет е со симболи, кои од антиката до денес ги сретнуваме кај сите иконостаси во Македонија. Новото дело, всушност, е своевиден национален и монументален репрезент не само за манастирот и за градот, туку и за целата држава - истакнува протомајсторот Злате Крстески, претседател на Здружението на копаничари на Македонија.

Познатиот истражувач и аналитичар на македонското и на балканското копаничарство, проф. д-р Димитар Ќорнаков, под чиј надзор се работеше иконостасот, истакнува дека ова е еден од најмонументалните и најграндиозните споменици од поново време и дека претставува животно дело на денешните најистакнати копаничари.

- Дури откако ги поставивме сите 500 делови видовме дека сме направиле чудо од дело, работено според каноните и стари методи, со патина што создава чувство дека иконостасот со векови се наоѓа во манастирот. Ова е највисок дострел на македонското копаничарство од поново време - потврдуваат копаничарите.

Осоговскиот манастир денес е средиште каде што се изучува македонската резба на познатите мијачки мајстори и се продолжува традицијата на оваа уметност, која беше пред изумирање. Секоја година, во овој манастирски комплекс традиционално се одржува Меѓународната копаничарска колонија, единствена од ваков вид, на која се изучува копаничарскиот занает и се пренесува искуството од старите на младите генерации. Колонијата е и местото каде што се роди идејата за збогатување на Осоговскиот манастир со иконостас во македонска длабока резба.

- Копаничарите сакаа да остават нешто за спомен, траен запис за создавањето на резбарската уметност на овие простори. Ветија и го завршија ова огромно дело во предвидениот рок. Новоизработената иконостасна галерија му дава нов збогатен лик и нова духовна и културна содржина на Осоговскиот манастир - вели старешината на манастирот, протојереј ставрофор Добрислав Бошковски.

За копаничарите ова дело е продолжување на христијанската мисија и на мијачката резбарска традиција.

Жаклина Цветковска- Дневник

 



Поуки од Светите Отци

dobrotoljubie

Наука и Култура

Јануари 27, 2022

Конгресот на САД ќе носи резолуција за славење на македонскиот јазик и наследство

Во Конгресот на САД е покрената резолуција за прогласување на септември 2022 за „Месец на македонското американско наследство“ и за славење на македонскиот јазик, историја и култура на македонските Американци и нивниот „неверојатен придонес“ за Соединетите…
Декември 28, 2021
3.to.Naoganje.glava.sv.Jovan.Krstitel

„Анатомија на бумбарот” на Стефан Марковски

Во романот, чие македонско издание е објавено од „Паблишер“, се дефинира енергична и психолошки силна приказна каде се претопуваат елементи на гротеска, хумор и егзистенцијалистичко преиспитување. Во наративот, како што во поговорот пишува Александар…

Поезија од Стефан Марковски застапена во меѓународна антологија на шпански јазик

Окт 23, 2021 Литература 879
3.to.Naoganje.glava.sv.Jovan.Krstitel
„Преминот на поетските гласови бара прекугранични и меѓугенерациски средби и точки на…

Познат научник тврди дека Бог постои

Сеп 28, 2021 Наука и Религија 4764
3.to.Naoganje.glava.sv.Jovan.Krstitel
Според него, оваа теорија би можела да го докаже постоењето на Бог. Изјавите ги разгориле…

Цитати од Ван Гог што ќе ве инспирираат

Сеп 24, 2021 Ставови 634
3.to.Naoganje.glava.sv.Jovan.Krstitel
„Рибарите знаат дека морето е опасно и бурата е страшна, но во овие опасности тие никогаш…

Беседи

Митрополит Струмички Наум: Велика сабота (22.04.2022)

Митрополит Струмички Наум: Велика сабота (22.04.2022)

Не можам, смрт, а да не те дочекам со добредојде. Кога и да е тоа. Кога и да ти дозволат. Зашто откако Богочовекот Христос дојде, сѐ од Него е добредојде....

 Митрополит Струмички Наум: Велик петок (21.04.2022)

Митрополит Струмички Наум: Велик петок (21.04.2022)

Да внимаваме, некои од Божјите дарови, обично, на самиот почеток не ги препознаваме веднаш како дар – во сите негови димензии, зашто ни се даваат прво како крст. Крстот, пак,...

 Митрополит Струмички Наум:  Велик четврток (20.04.2022)

Митрополит Струмички Наум: Велик четврток (20.04.2022)

Што да напише човек за светата Евхаристија (Литургија), а истовремено да не ја открие и содржината на својот живот? Нема разлика помеѓу Евхаристијата и нашиот живот, или ако има –...

Митрополит Струмички Наум: За миењето на нозете – вовед во Страсната седмица (17.04.2022)

Митрополит Струмички Наум: За миењето на нозете – вовед во Страсната седмица (17.04.2022)

Изразувањето на слободната волја, во градење на односот со Бог, е суштински поврзана со лојалноста, верноста. Преку слободно насочената волја кон исполнување на заповедите Божји и градење на личносна заедница...

Прот. Александар Шмеман: Цветници- НЕДЕЛНИ БЕСЕДИ (10)

Прот. Александар Шмеман: Цветници- НЕДЕЛНИ БЕСЕДИ (10)

Во што е смислата на овој настан, кого толку светло, толку радосно, толку победоносно го празнува Црквата во Лазаревата сабота? Како да се спојат тагата, солзите на Христа, и таа...

Митрополит Струмички Наум: Лазарова сабота (15.04.2022)

Митрополит Струмички Наум: Лазарова сабота (15.04.2022)

Одговорот на сите овие можни недоумици е дека, всушност, се случува нов квалитет на личносни односи меѓу нив, и тоа не толку поради Христовата љубов кон нив – Неговата љубов...

„Лазаре, излези надвор“

„Лазаре, излези надвор“

Тие Негови зборови, пред сè, значат дека нема смрт за оние кои веруваат во Христа, зашто Христос подоцна на Марта ѝ вели: „Јас сум воскресението и животот; кој верува во...

 Митрополит Струмички Наум: Благовест (06.04.2022)

Митрополит Струмички Наум: Благовест (06.04.2022)

Сакам да ве потсетам на уште нешто: човекот е создаден бог со самото тоа што на Бог може да му каже „не“. Но, едно е на Бог да Му кажеш...

Жарко Ѓоргиевски:Недела на свети Јован Лествичник (03.04.2022)

Жарко Ѓоргиевски:Недела на свети Јован Лествичник (03.04.2022)

Бог не ги тера со сила луѓето да го земат крстот, но ги повикува доброволно да Го следат Него. Не е лесно да се земе крстот на страдањето, но Он...

« »