логоFacebookTwitterYouTubeeMail

 

 На целата држава ѝ е потребно приклучување на еден екстерен мозок, како екстерен диск на компјутерите

Деновиве забележувам голема загриженост и кај студентите и кај професорите: вознемирени се од најавите за воведување екстерен испит на средината од студиите, а можеби и на крајот. Рака на срце, јас многу не се потресувам од таквите најави, не само затоа што уште се во зоната на шпекулациите (еднаш го викаат екстерно тестирање, еднаш испит, мислам дека и на креаторите на оваа замисла уште не им е јасно што ќе биде тоа), туку и затоа што се навикнав веќе постојано да има некаков надзор (да употребам фукоовски термин) над сите во општеството.

Надзорот над професорите веќе стана вообичаена практика. Средношколските професори веќе ја проголтаа, мирно, таа таблетка на нивна понижувачка проверка однадвор; сега се на ред универзитетските. Професорите и лекарите впрочем одамна се на листата на „најсомнителните“ во оваа држава - и за мито и корупција, и за несовесно работење, и за несовесно оценување, и за количеството знаење што го поседуваат. Сето тоа е ставено под знак прашалник. Едноставно, удрен им е пикот, па тоа ти е.

Има нешто навредливо и понижувачко во тоа - некој однадвор, што значи некој што не е од Универзитетот да ги проверува оценките што си им ги впишал на твоите студенти. Тоа е повеќе од јасно. Но има и една трагикомична, гротескна димензија во сето тоа, затоа што ние сме многу мала земја во која не можеш да најдеш објективен, екстерен супервизор. На пример, кој ќе ги составува прашањата за мојот предмет нова хрватска книжевност, кога јас до неодамна бев единствениот активен академски ангажиран кроатист што држи предавања од оваа област во Македонија? Од неодамна истиот предмет се воведе и во Штип, каде што го предава моја некогашна студентка, на која сум ѝ бил член на комисија за одбрана на магистериум. Дури и ако таа ги составува, сепак, постои извесна фамилијарност меѓу мене и неа. Да сме во САД, да сме голема држава, екстерните супервизии би биле можни: ќе се ангажира некој професор од северните држави да ја „оцени“ односно „евалуира“ работата на некој од јужните држави -веројатноста дека двајцата се познаваат е минимална. Овде, во Македонија, каде што секој секому му е или роднина или познат преку некој заеднички пријател, тие мечтаења за објективна супервизија се базираат на фикција -на претпоставката дека иако оној што екстерно ќе ме евалуира ме познава, неговиот (а и мојот) морал ќе биде на толку високо ниво што нема да склучиме некаков „сојуз“ и да ја „наместиме“ работата. А да веруваш во моралот во вакви времиња,во кои стомаците се гладни, е доста ризична работа, дури и да станува збор за академските кругови.

Тоа е едната можност -да ме евалуира колега-професор што ќе ги состави прашањата за екстерните испити. Втората е тоа да го стори некој бирократ од структурите на власта или ресорното министерство, што е поцрно сценарио. Можно е тој никогаш да не го студирал она за што подготвува контролни текстови, или уште полошо -да студирал, да бил лош студент и да добил едвај преодна оценка само колку да дипломира и да најде ухлебие во државната администрација. Нему и помислата за одмазда кон мене не би му била туѓа.

Како и да е, тоа е уривање на автономијата на Универзитетот, натамошно сквернавење и бламирање на институцијата универзитетски професор, изразување сомнеж во неговите интелектуални капацитети и академската етика. А студентите? Што да кажат тие? Положиле испит, ама само условно, додека екстерниот ум не оцени дали тоа полагање било валидно? Кај им ги умноживме програмите со дузина непотребни испити, па сега и малтретирањето со ова?

Затоа, Македонија ми личи на еден голем компјутер на кој, сметаат оние што ни водат, му е потребна и екстерна меморија, екстерен диск, надворешен мозок. Не знам дали навистина има потреба од тоа (ако на власта ѝ треба,нека си се приклучи на екстерен политички диск), ама знам дека кога на еден мозок му се приклучува друг, суперпониран, тоа личи на орвеловска приказна и на теориите за паноптикумот, надзорот и застрашувањето со казна. Тоа не ми се допаѓа и се надевам дека разумот ќе надвладее. Едноставно, таквите екстерни цензури и контроли на академската супстанција се -надвор од демократскиот ум. И од секој здрав разум.
„Речник на човековата  душа“
e заеднички наслов на новиот
серијал колумни  на Венко
Андоновски, што премиерно ги објавува „Нова Македонија“.
Во нив Андоновски пишува
за загубените вредности
во лавиринтот
на современото живеење


Автор: Венко Андоновски
Извор: Нова Македонија    



Видео содржини

Поуки од Светите Отци

Aleksandar.N.sv.Haralampij

Толкување на Исусовата молитва - Свети Марко Евгеник Ефески

Значи, божествените зборови на оваа молитва ги изнесуваат во почетокот свештените Отци наши (Макариј, Дијадох, Варсануфиј ...), но, не ги смислија сами од себе, ниту по свој ум, туку одозгора зедоа за себе почеток, односно од самото Божествено Писмо и од…
Април 20, 2021

dobrotoljubie

Наука и Култура

Април 07, 2021
Aleksandar.N.sv.Haralampij

Збирка раскази „Фауст го трча плебејскиот круг“ (Faustus Runs the Plebeian Circle)-Стефан Марковски

Збирката раскази по промотивна цена е дистрибуирана и на повеќе книжевни платформи, како Barnes and Noble, Vivlio, Apple Books, Thalia, Kobo, Booktopia, Weltbild, Paagman, Ibs, Indigo и други. На македонски јазик книгата која инкорпорира 6 приказни, како…
Април 04, 2021
Aleksandar.N.sv.Haralampij

Книгата може да им помогне на децата да си го изградат идентитетот

Секоја генерација на деца има свои проблеми и затоа треба авторите да ги следат денешните деца и да знаат што тие сакаат да прочитаат. Авторите од западноевропските земји се многу похрабри и добро е што издавачите прават напори да ги преведат, но им…

Соопштени европските награди за драмски превод за 2021 година, меѓу нив три на македонски јазик

Мар 22, 2021 Литература 125
Aleksandar.N.sv.Martinijan6
Исто така, меѓу најдобрите од два други јазични комитета се најдоа и преводите на две…

Македонскиот поет Игор Крајчев е поет на неделата на престижниот британски магазин “The Poet Magazine”

Мар 22, 2021 Литература 124
Aleksandar.N.sv.Haralampij
Инаку. ова застапување на македонскиот поет Игор Крајчев во британскиот магазин, доаѓа…

Истражување на Харвард: Кои луѓе се посреќни, оние со повеќе време или оние со повеќе пари?

Мар 22, 2021 Друго од култура 142
Aleksandar.N.sv.Haralampij
Истражувањата покажуваат дека луѓето кои имаат најмногу животни исполнувања повеќе…

Беседи

Митрополит Струмички Наум: Недела на света Марија Египетска (17.04.2021)

Митрополит Струмички Наум: Недела на света Марија Египетска (17.04.2021)

Христос нѐ потсетува сите дека нашето Царство не е од овој свет и дека во овој живот нѐ очекуваат и страдања. Со оваа вистина треба да сме начисто и да...

Жарко Ѓоргиевски: Недела на свети Јован Лествичник

Жарко Ѓоргиевски: Недела на свети Јован Лествичник

Потикнат од голема љубов кон Бога и Христовата наука, уште на 17 годишна возраст Јован го прифатил благиот јарем Христов и се упатил по тесниот пат, по кој одат праведниците...

ЗА ПОКАЈАНИЕТО - АРХИМАНДРИТ ГЕОРГИЈ КАПСАНИС

ЗА ПОКАЈАНИЕТО - АРХИМАНДРИТ ГЕОРГИЈ КАПСАНИС

И колку повеќе некој ја чувствува грешноста си, толку и се кае подобро и повеќе. И затоа го гледаме овој голем знак – тајна може да каже некој – во...

Митрополит Струмички Наум: Недела на свети Јован Лествичник (10.04.2021)

Митрополит Струмички Наум: Недела на свети Јован Лествичник (10.04.2021)

Срцето на овој степен сè уште е заробено од страстите, така што демонот релативно лесно, преку помислите и сетилата, однатре, го наведува човекот на грев. Колку што човекот слободно му...

На свети Григориј Палама - Старец Георгиј Капсанис II дел

На свети Григориј Палама - Старец Георгиј Капсанис II дел

Црквата го прославува споменот на еден нов светител, светиот Николај Планас, еден прост отец, неписмен но свет, оженет свештеник од некогашна Атина. Свети Николај – по потекло од Наксос –...

О.Николај Киранџиќ: НЕДЕЛА НА СВЕТИ ЈОВАН ЛЕСТВИЧНИК

О.Николај Киранџиќ: НЕДЕЛА НА СВЕТИ ЈОВАН ЛЕСТВИЧНИК

 Болестите, пак, честопати се плод на нашата гревовеност, безаконие и неуреден живот, но честопати тие се и Божја казна за нашите гревови. Затоа, ако сакаме да се ослободиме од болеста,...

Митрополит Струмички Наум:  ПРЕСВЕТА БОГОРОДИЦЕ, спаси нѐ!

Митрополит Струмички Наум: ПРЕСВЕТА БОГОРОДИЦЕ, спаси нѐ!

Севкупниот Домострој на нашето спасение е дело на нашиот Бог – Света Троица, од Отецот, низ Синот, во Светиот Дух. Овој Домострој е Христоцентричен (исто како и нашиот живот во...

Викарен Епископ Јаков Стобиски: Тајната на Крстот

Викарен Епископ Јаков Стобиски: Тајната на Крстот

Во животот неизбежно ќе страдаме и ќе носиме крст, сакале или не, и ќе бидеме распнати, сакале или не, и ќе умреме на него, сакале или не, но на крстот...

Митрополит Струмички Наум: КРСТОПОКЛОНА НЕДЕЛА (03.04.2021)

Митрополит Струмички Наум: КРСТОПОКЛОНА НЕДЕЛА (03.04.2021)

 Во секое наше лично страдање Го препознаваме првенствено Христос и го надградуваме нашиот личносен однос со Него. Самото страдање е реално, но тоа останува во втор план, затоа што преку...

« »