Одговара: отец Горан Тасески
Прашање: од Д...
Каде оди душата по смртта? Нели на судниот ден Исус Христос ги одделува грешните од праведните и потоа им се суди.Некому за живот вечен некому за смрт.А до тогаш каде е ?
Одговор:
Господ секое добро да ви дари. Кога човекот се упокои неговото тело се распаѓа и останува во земјата во гробот до општото воскресение до Судниот ден. Душата пак оди пред Престолот Божји и се врши таканаречениот посебен суд каде се испитуваат сите наши постапки, мисли, дела, покајание, верата во Господа Исуса Христа... Молитвите на Црквата Божја на Пресветата Богородица и на светиите притекнуваат кон Божјата милост а од друга страна пак стојат демонските обвинувања за сите наши зли дела мисли неверие .. Потоа следи Божјата одлука каде ќе оди душата на упокоениот во Царството Небесно - Рајот или во Пеколот . Таму душата не спие како што некои погрешно мислат туку сосема реално ги доживува работите во Рајот Блаженствата ,во пеколот страданијата и маките. Црквата со своите молитви за упокоените за простување на нивните гревови и населување во Царството Небесно во многу помага да се ослободат од преголемите маки оние души кои се во пеколот . На Судниот ден при воскресението на мртвите настапува општиот Суд кога се одредува конечното престојување на секој човек тогаш во својата полнота со душа и тело и за вечност . Улогата на Црквата Божја за сите упокоени христијани е од огромна важност за олеснување на страданијата на душите кои не се спасени за нивно спасение и настанување во Царството Небесно. Во последниот -Судниот ден нејзиното времено делување за спасение на верните престанува. Останува Вечното сливање во едно на земната - времената и Небесната Црква - Небесното Царство каде вечно ќе пребиваат спасените во вечно блаженство мир спокој радост / . Таму да се најдеме сите во свое време за живот вечен , Амин!
/ ви препорачувам да ја прочитате книгата Душата после смртта од преподобен Серафим Роуз/
