Љубов, здравје или успех
Ед
на жена излегла од домот и забележала тројца старци соmudri.png долги, побелени бради како седат во нејзиниот двор. Не ѝ биле познати. Жената љубезно им се обратила:
„Мислам дека не ве познавам, но верувам дека сте гладни. Влезете кај нас и каснете нешто“.
„А дали ти е сопругот дома?“, прашале тие.
„Не“, одговорила таа. „Надвор е“.
„Тогаш не можеме да влеземе“, возвратиле тие.
Вечерта, кога сопругот дошол дома, жената му кажала што се случило.
„Оди сега кажи им дека сум дома и покани ги внатре!“
Жената навистина пошла и ги поканила старците да влезат.
„Не можеме заедно да влеземе во куќата“, одговориле тие.
„Ама зошто сега?“ прашала таа.
Еден од старците почнал да ѝ објаснува: „Неговото име е Здравје“, покажал тој кон едниот свој пријател. Потоа покажувајќи на другиот рекол: „Тој е Успех, а јас сум Љубов“.
Потоа додал: „Сега оди и договори се со сопругот кој од нас сакате да ви биде гостин во домот“. Жената влегла дома и му раскажала на сопругот што рекле старците. Тој бил восхитен.
„Прекрасно!!“, воскликнал. „Ако е така, да го поканиме Здравјето. Нека влезе и нека го наполни нашиот дом со здравје!“
Жената не се согласила. „Мил мој, а зошто да не го поканиме Успехот?“
Нивната мала ќеркичка слушала од страна и се вмешала во разговорот со својот предлог: „А зар не е подобро да го поканиме оној што се вика Љубов? Тогаш нашиот дом би бил исполнет со љубов!“
„Да го послушаме нејзиниот совет“, ѝ рекол сопругот на својата жена. „Оди и покани го Љубов да биде наш гостин“.
Жената излегла надвор и прашала: „Кој од вас е Љубов? Ве молам, влезете и бидете наш гостин“.
Љубов станал и почнал да се приближува кон куќата. Но останатите двајца во истиот миг станале и тргнале по него.
Изненадена, жената ги прашала Здравјето и Успехот: „Го поканив само оној што се вика Љубов, зошто и вие влегувате?“
Старците едногласно одговориле: „Да го поканеше Здравјето или Успехот, другите двајца ќе останеа надвор. Но ти го покани Љубов и каде и да оди тој, ние двајцата одиме со него.
Каде е љубовта, таму се исто така и здравјето и успехот!
Извор:
