логоFacebookTwitterYouTubeeMail

 Непрестајната молитва доаѓа од љубовта

3.angeli.so.truba
 
Непрестајната молитва доаѓа од љубовта, а се губи поради осудувањето на другите, празните разговори и невоздржувањето. Оној што Го љуби Бога, може да мисли на Него ден и ноќ, бидејќи на љубовта кон Бога не ѝ пречат обврските. Апостолите Го љубеле Господ и светот не им пречел во тоа, иако тие размислувале за светот и се молеле за него, и проповедале. А ете, на св. Арсениј Велики му било речено: „Бегај од светот“. Меѓутоа, Божјиот Дух и во пустината нѐ учи да се молиме за луѓето и целиот свет.
Во овој свет секој од нас има свое послушание: и владетелот, и патријархот, и куварот, и ковачот, и учителот. Господ сите нас нѐ љуби, но најголемата награда ќе му ја даде на оној што има преголема љубов кон Него. Господ ни заповедал да Го љубиме Бога со сето свое срце, со сиот ум, својата душа. А без молитвата, како ќе Го љубиме? Затоа човековите ум и срце треба секогаш да се слободни за молитвата.

3.angeli.so.trubaЗа оној што го сакаш, сакаш и да размислуваш,за него сакаш да зборуваш, со него сакаш да бидеш.

Душата Го љуби Господ како свој Отец и Создател,и со страв и љубов стои пред Него:со страв, бидејќи е Господ,

а со љубов, затоа што душата го чувствува како Отец.

Неговата милост е голема и Неговата благодат е послатка од сѐ.
Од личниот опит знам дека е лесно да се молиш,зашто Божјата благодат ни помага во тоа.

Господ милостиво нѐ љуби и ни дава преку молитвата да разговараме со Него,

да се каеме и благодариме.Не може да се опише колку Господ нѐ љуби.Таа љубов се спознава преку Светиот Дух. Душата што се моли го познава Него.

 

 

 


Сите светители се молеле и секого го поттикнувале на тоа дело. Молитвата е најдобрата активност за душата. Молитвата нѐ воздигнува кон Бога и со неа се здобива смирение, трпение и секое добро. Сите светии непрестајно се молеле. Тие ни за миг не биле без молитвата.
Душата што го изгубила смирението, ги загубила и благодатта и љубовта кон Бога. Тогаш се гаси огнената молитва. Меѓутоа, на душата што ќе се смири од страстите и ќе го здобие смирението Господ ѝ ја дава Својата благодат. Тогаш таа се моли за непријателите како за самата себе, а за целиот свет се моли со врели солзи.


Преподобен Силуан Светогорец

 

 20ти јануари 2021 ле

 За Преминпортал подготви

Дејан Блажески

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна…

Свети свештеномаченик Харалампиј

Фев 23, 2020 Житија 3176
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 2504
3.angeli.so.truba
Неговите слова зрачат со силна нагласеност на светиклиментовиот образец и претставуваат…