логоFacebookTwitterYouTubeeMail

 

 

Љубовта е над сè. Деца мои, она што треба да нè интересира е љубовта кон другиот, кон неговата душа, Сè што правиме: молитва, совет, укажување, треба да го правиме со љубов. Без љубовта молитвата не е полезна, советот повредува, укажувањето му штети и го уништува другиот, којшто чувствува дали го љубиме или не, па соодветно реагира. Љубов, љубов, љубов! Љубовта кон братот нè подготвува повеќе да Го возљубиме Христос. Нели е тоа убаво?

Да ја излеваме нашата љубов несебично кон сите, не водејќи сметка за нивниот став. Кога ќе нè посети Божјата благодат, ние нема да се интересираме дали нè љубат или не и дали ни зборуваат со добрина, туку ќе чувствуваме потреба ние да ги љубиме сите. Егоистично би било од нас доколку сакаме другите да ни зборуваат со добрина. Нека не нè загрижува спротивното и да ги оставиме другите да ни зборуваат онака како што тие чувствуваат. Да не бараме љубов. Наш стремеж треба да биде да ги љубиме и со сета наша душа да се молиме за нив.

Тогаш ќе забележиме дека сите ќе нè љубат без воопшто да ја бараме нивната љубов. Ќе нè љубат слободно и искрено од длабочината на нивното срце, без да ги присилуваме. Кога љубиме без да бараме да нè љубат, сите ќе се собираат околу нас како пчели. Тоа важи за сите нас.

Ако твојот брат те заморува, те вознемирува, тогаш вака размислувај: „Сега ме боли окото, раката, ногата; треба да ја негувам со сета моја љубов“. Меѓутоа, не треба ни да помислуваме дека ќе бидеме наградени за наводно добрите дела, ниту дека ќе бидеме казнети за лошите што сме ги направиле. Кога љубиш со Христовата љубов, доаѓаш до познание на вистината. Тогаш не бараш да те љубат; лошо е да го бараш тоа. Ти љубиш, ти ја даваш твојата љубов; тоа е правилно. Од нас зависи дали ќе се спасиме. Бог тоа го сака, како што вели Светото Писмо: „…сака сите луѓе да се спасат и да дојдат до познание на вистината“.

https://bigorski.org.mk/slova/pouchni/ljubov-za-site/

 

 

 

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна…

Свети свештеномаченик Харалампиј

Фев 23, 2020 Житија 3009
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 2256
3.angeli.so.truba
Неговите слова зрачат со силна нагласеност на светиклиментовиот образец и претставуваат…