логоFacebookTwitterYouTubeeMail


Vinjeta.zakniga.jpgБлагодатта Божја дава сила да го љубиме Љубениот. Душата непрестајно прибегнува кон молитвата и ни за момент не може да го заборави Господа.
 Човекољубив Господи, како е можно да не си го заборавил Својот грешен слуга, туку милостиво погледа на мене од висината на Својата слава и на несфатлив начин ми се јави?
 Јас секогаш Те ожалостував и оскрбував, а ти Господи, за мое мало обраќање ми даде да ја спознаам Твојата голема љубов и неизмерна доброта.
 Твојот тивок и кроток поглед ја привлече душата моја.
 Со што да ти возвратам Господи? Каква благодарење да Ти запеам?
 Ти ја даваш благодатта Своја да душата непрестано гори од љубовта и ни ден, ни ноќ не знае за покој од Твојата љубов.
 Сеќавањето на Тебе ја грее душата моја и таа во ништо не наоѓа мир на замјата, освен во Тебе. Поради тоа со солзи Те барам и повторно губам и повторно мојот ум сака да се насладува со Тебе. Меѓутоа, Ти не го покажуваш Своето Лице, иако за него и дење и ноќе копнее душата моја.

 Господи, дај ми единствено Тебе да Те љубам.
 Ти ме создаде, Ти со светото крштевање ме просвети. Ти ми опростуваш гревови и даваш да се причестувам со Твоето Тело и Крв. Дај ми сила секогаш да пребивам во Тебе.
 Господи, дај ми Адамово покајание и дај ми го светото смирение Свое.

Тагува душата моја на земјата и копнее за небесата.
 Господ дошол на земјата да би не вознел онаму каде што пребива Тој, Неговата Пречиста Мајка која што на земјата му послужила за наше спасение, каде што пребиваат Неговите ученици и следбеници.
 starec.Siluan.jpgГоспод не вика таму, без оглед на нашите гревови.
 Таму ќе ги видиме светите апостоли, кои што се во слава поради проповедањето на Евангелието. Таму ќе ги видиме пророците и светителите, учителите на Црквата и преподобните кои што со воздржување ја слирувале својата душа. Таму се прославуваат јуродивите заради Христа, затоа што го победиле светот.
 Таму ќе бидат прославени сите оние кои се победиле себеси, кои што се молеле за сите луѓе и ги носеле на себе невољите и патењата на целиот свет, бидејќи ја имале во себе Христовата љубов, а љубовта неможе да поднесе макар и една единствена душа да пропадне.
 Таму сака да се всели човековата душа. Но, тука неможе да влезе ништо нечисто. Тука се влегува со скрушен дух, низ големи страдања и многу солзи. Таму безболно влегуваат единствено децата кои ја сочувале благодатта од Светото Крштение. Таму, таа со Духот Свет ќе го спознае Господа.

 

 

 (Продолжува)

 Подготви: Даниел Илиевски

 


 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 2860
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 2673
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…