логоFacebookTwitterYouTubeeMail

962 г.

Почитувана…!

Ви благодарам за поздравот. Ја паметам исто така молбата (од)… Многу ми е жал за него. Понекогаш со љубов се потсетувам и му посакувам да се ослободи од ѓаволските канџи. Тој не траба да го бара она што го изгубил во философијата и науката, туку со напор на волјата, „не гледајќи, да поверува“ и да го изгради својот живот доследно на верата. Тогаш ќе му дојде помош од Небото, ќе го истера од себе непријателскиот мрак и ќе ја посведочи вистинитоста на Христијанство со таква семоќна сила и убедливост што тој од сè срце ќе воскликне: „Господе, подготвен сум да одам на било какви мачења, само не отфрлај ме од Себе!“ Тоа го искусиле сите кои Го бараат Бога.

„Барајте и ќе најдете, молете и ќе ви се даде, тропајте и ќе ви се отвори… Кој од вас е таков, ако синот му побара леб, да му подаде камен, или ако бара риба да му даде змија! Ако вие, иако сте злобни, умеете добри дела да правите, колку повеќе добра Отецот ваш Небесен ќе им даде на оние кои Му бараат?!“

Зошто тој сега се храни со свинска храна и зошто ги отфрлил отците? Зар сите биле измамници, според неговото мислење? Ако барем еден зборувал вистина, тогаш и целото Христијанство е вистинито. А со какви страдања сведочеле мачениците за вистината која ја познале! Природно, нему му е потребен личен опит. Нека моли и неизбежно ќе го добие.

Не очајувајте во неволјите и не кревајте раце од сè. Почесто читајте го Евангелието. Исус Христос им проштавал на сите кои се каеле, но и предупредувал: „Оди си и не греши повеќе“. Почесто прибегнувајте кон Него, бидете свесни за своите недела, молете за помош, принудете се секогаш, како гласно, така и во себе, да ја повторувате Исусовата молитва.

Господ нека Ве вразуми и сочува од секое зло. Ако планирате да му пишете, напишете дека му се поклонувам, исто така напишете му дека светите отци неверието го ставаат на исто рамниште како што се блудот, суетата, гордоста и останатото. Овде дејствува повеќе непријателот, отколку човекот. Неопходно е да се бориме со неверието како и со останатите страсти – не расудувајќи и разговарајќи со помислите, исфрлувајќи ги од себе со напор (велејќи) („не се согласувам“) и со молитва, особено Исусовата молитва, по можност непрестано, молејќи од сè срце за помилување. Од тоа свето Име, пред Кое се поклонува секое колено небесно, земно и подземно (од пеколот), ќе ослаби непријателското дејство и во срцето ќе влезе мир, надеж, вера и умилност… и ќе помине секое искушение. А колку човек да чита научни, философски книги и разни апологии, ќе потоне уште подлабоко. Сето тоа треба да го отфрли и да се приближи кон Оној Кој е Пат, Вистина и Живот.

Господ нека му помогне! Ова го пишувам како брат, а не како учител.

 

Извор: Бигорски манастир

 



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

Дек 09, 2019 Полезно и Потребно 1127
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 1067
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…