логоFacebookTwitterYouTubeeMail

 

Скопје, 27 ноември  2018 лето Господово- храм на св.Јован Кртител, н.Капиштец, молитвено се прослави споменот на:

  • Светиот апостол Филип
  • Свети Григориј Палама, архиепископ Солунски

 

На 27-миноември 2018 година, во дваесишестата  недела по  Педесетница, кога Македонската православна црква- Охридска архиепископија молитвено  го прослави споменот на Светиот апостол Филип, Свети Григориј Палама, архиепископ Солунски, ереј Игор Острески  отслужи Божествена Литургија во храмот на св. Јован Крстител, во скопската населба Капиштец. Ви го пренесуваме  сижето од толкувањето на житието на апостол Филип.

sv.Jov.Zlatoust.jpg

Тропар на светиот
апостол Филип
14 ноември / 27 ноември

Празнува вселената, ликува Етиопија,
како со венец украсена, од тебе просветувајќи се,
светло го слави твојот спомен,
богоглаголив Филипе.
Ги научи сите во Христа да веруваат,
и текот на својот живот достојно евангелски го заврши.
Затоа со смелост со оган се подигнува
етиопската рака кон Бога. Него моли го
да ни подари милост голема.

 

 Од житието на СВЕТИОТ АПОСТОЛ ФИЛИП:


Филип учејќи го Светото Писмо, добро ги знаеше сите пророштва за очекуваниот Месија. Во него гореше пламенот на љубовта кон Него, и со голема желба да Му го види лицето, иако тој не знаеше дека Тој веќе е дојден на земјата и Кого многумина  сакаа да го видат, очекувајќи го Неговото доаѓање. Додека Филип проникнуваше со таква љубов кон Месијата, славниот Месија, Христос, дојде во Галилеја и го најде Филипа и му рече: "Дојди по Мене" (Јован 1: 43). - Оваа покана на Господ Филип не само со ушите, туку и со сето свое срце ја прими, и веднаш поверува дека ова е вистинскиот Месија, пратен од Бога преку пророкот и отиде по Него.
Еднаш, Господ, беше со пет илјади мажи на другата страна од Тирското Море. И сакајќи да се нахранат толку многу Негови слушатели (на чудесен начин), Филип му рече: Каде ќе купиме леб за да ги најадеме? И навистина, Филип не ја спомнуваше семоќноста на Бога и не рече: "Ти, Господи, можеш да направиш се; Но, кога Господ ги прекрши петте леба и двете риби, за пет илјади луѓе (. Лука 9, 16), Филип виде дека во раката на Господ има неисцрпна житница, и  даде доволно храна за сите, додека сите луѓе не се заситија.


По слегувањето на Св. Дух врз апостолите Филип го проповедаше Евангелието најпрво во Самарија, каде преку името Божјо изврши многу чуда, во Јудеја крстил големец на етиопската царица Кандакија, а потоа и во Грција. Неговите чуда и доктрини привлекоа многу луѓе кои, оставајќи ги своите идоли, се свртеа кон Бога.
Градот Еропол бил полн со идоли и идолски престолнини. Меѓу другото, имале мала куќа во која се поклонувале на змија. Овие локални жители ја  сметале за божество, биле многу суеверни, и нуделе многу подароци и жртви. Апостолите ја изобличиле лагата и ритамот на тоа обожување, откако со молитви ја усмртиа змијата,  тогаш мноштво незнабожци поверуваа во Господа. Меѓу нив беше и познатиот човек Стахиј, кој беше слеп 40 години. Св. апостоли му го вратиле видот и благодарен, Стахиј поверувал и го прифатил св. Крштение, ги замолил апостолите да живеат во неговата куќа. Овде се собраа сите оние што сакаа да ги слушнат спасителните учења што ги проповедаа. Помрачениот од  гнев Владетел,  нареди веднаш да се казнат проповедниците на Христос. Фатените  Филип, и Вартоломеј ги влечеа по улиците и конечно ги затворија.
Неколку пати, тие ги доведуваа на суд. Се собраа заедно многу луѓе и идолопоклонците, кои ги навредуваа апостолите, и се обидуваа се повеќе и повеќе да ја  усмеруваат  лутината на владетелот против нив.
Тогаш владетелот ги осуди апостолите на смрт. Филип беше распнат со главата надолу, висејќи на крст на високо дрво и луѓето  фрлале камења врз него. Вартоломеј бил распнат на ѕидот на истиот храм. Но одеднаш имаше страшен земјотрес. Возбудените луѓе во голем страв почнаа  да ги спуштаат апостолите од крстот. Вартоломеј сеуште беше жив, исто така му пристапиле и на Филип, но тој веќе му го предал на Бога духот свој. Неговите последни зборови беа молитва за неговите мачители. Вартоломеј, со чест, го закопа неговото тело.

ереј Игор Острески

27-ми ноември 2018 лето Господово

п.п.

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна…

Свети свештеномаченик Харалампиј

Фев 23, 2020 Житија 3033
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 2357
3.angeli.so.truba
Неговите слова зрачат со силна нагласеност на светиклиментовиот образец и претставуваат…