логоFacebook  Twitter  YouTube  eMail

 

 

Свети Григориј Палама на кого му должиме за појавата на молитвата „Господи, Исусе Христе, Сине Божји, помилуј ме грешниот’’, или поточно нејзино непрестајно повторување (до 12 илјади пати на ден), е роден во 1296 година во Константинопол во семејство на сенатор. Се здоби со брилијантно класично образование, студираше граматика, реторика, физика и логика. Особено го љубеше грчкиот филозоф Аристотел. На 17 години младиот го восхити византискиот двор, читајќи го предавањето за делото „Логика’’ на тој антички мудрец.
На 18 години или нешто подоцна, тој прима монаштво на Атон.

Кон 1332 година, светителот Григориј започнува да пишува теолошки дела. Тој зад себе остави многу дела- проповеди, полемични расправи, теолошки дела, но неговиот главен придонес во православната веронаука се состои во тоа што тој беше бранител и практичар на непрестајната молитва, исихија (молк), учењата за несоздадената енергија и Таворската  Светлина. Со Божја помош, подвижникот може да го очисти својот ум и тело од гревовни помисли и постапки, за да се удостои со вистинска средба со Христа, да ја види несоздадената Таворска Светлина, на кого им било дарувано да ја видат апостолите на гората на Преображение.
Често идеите на свети Григориј се сметаат дека се однесуваат на исклучително монашка практика. Почитуваните старци, седат по своите ќелии, слично како јогисти ја владеат специјалната техника за дишење, а за поголема концентрација го гледаат својот папок (вака карикатурно пишуваше за исихастите главниот противник на светителот- монах Варлаам Калабријски од Калабрија во Италија). Но, всушност противникот на светителот Григориј погреши. Затоа што апостол Павле им заповеда „непрестајно молете се и за сé благодарете’’ на сите христијани, а не само на иноците: „Секогаш радувајте се. Непрестајно молете се. За сé благодарете: зашто таква е за вас Волјата Божја во Исус Христос’’ (1Сол.5:16-18).

Монах Варлаам пристигна во Константинопол и започна полемика со Григориј Палама, која траеше 6 години до 1341 година. Нивното главно несовпаѓање се состоеше во тоа што Варлаам сметаше дека е невозможно вистинско познавање на Бога или средба со Него во земниот живот.

Според Григориј Палама, таква средба е возможна, во оној степен во кој Светиот Дух може да му ја открие на човекот. Во овој случај, не станува збор за физичко видување, туку за внатрешното созрцување "со умни  очи". Палама тврди дека Бог е непознат и недостапен по својата суштина. Сепак, едно лице има можност да се приклучи кон несоздадената Божествена енергија, говор за кој светителот ја користи сликата на Таворската Светлина. Притоа, оваа Божествена енергија го преобразува  целокупното наше битие: нашиот ум, нашата душа, па дури и нашето тело.

Се разбира, за ова е потребно не само рационален, умствен напор, туку и духовен живот, аскеза, постење и молитва. Целта на овој пат е обожение, т.е. соединување на човекот со Бога, приклучување кон Божествениот живот со помош на Божествената благодат и созрцание на Божествените енергии - несоздадена светлина.

Противниците на Палама тврдеа дека човекот вистински не може да Му се  приклучи на Бога, а Неговите енергии се создадени. Но, ако не постои несоздадена благодат (Енергија), тогаш лицето или директно се приклучува на самата Божествена суштина, што е логично невозможно или воопшто не може да има вистинска заедница со Бога.

Од друга страна, Православната Црква го поддржи Свети Григориј и го призна неговото учење за несоздадена енергија, која е Самиот Бог надвор од Неговата суштина.

По 1347 година, Свети Григориј бил избран за епископ Солунски (градот, чии жители апостол Павле ги повика на молитва), помина една година во заробеништво кај пирати, чекајќи откуп за себе, а после тоа, неколку години владееше со својата епархија и го заврши својот живот на 14 ноември 1359 година од болест. Имаше нешто повеќе од 60 години.

СВЕТИ ГРИГОРИЈ ПАЛАМА - ОРИЕНТИР ЗА СИТЕ

Ректор на Коломенската духовна семинарија, епископ Зарајски Константин за Свети Григориј Палама.
Личностa на свети Григориј Палама, кој живееше во XIV век, го постави  светата Црква како ориентир за сите нас за да ние научиме нешто многу важно во неговиот подвиг и неговото учење. Која е важноста за Црквата за опитот и сведоштвото на великиот Солунјанец?

Византиски аристократ, кој во младоста замина во монаштво, прекрасен теолог, миротворец, аскет (подвижник), го посвети својот живот на заштита и филозофска концептуализација на мистичниот опит на православното монаштво - Свети Григориј е еден од оние вселенски учители на Црквата, кој и самиот достигна врвно богопознание и може да ни претстави и да ни предаде голем опит на православниот аскетизам.
Големиот творец на Исусовата молитва, тој ја утврди вистината за Божествената Светлина на Тавор, не врз основа на книжна ученост и логичен умен заклучок, туку врз основа на вистински духовен опит, опит кој е вкоренет во Светото Предание на Црквата.

Неговиот живот и теологијата - тоа е ориентир за сите нас. Неговиот пример покажува дека на патот на духовниот раст, на патот на покајанието, постот и молитвата, возможна е вистинска средба со Самиот Бог и благодатно, рајско пребивање со Него.

За секој човек е важно во својот живот да избере како ориентир и пример такви луѓе кои се најдобри во своите дела. За еден православен христијанин, кој е повикан на активен духовен живот, еден од таквите примери, со сигурност е свети Григориј Палама, трагачот на Бога, кој  Го пронајде Него и ни објави за Рајот- можен за секого од нас.
                                                                 
 Автор: Андреј Зајцев

Извор: https://foma.ru/svyatitel-grigoriy-palama-teoretik-praktik-neprestannoy-molitvyi.html

 

 

 

Подготви: Снежана Корнет

28-ти ноември 2018 лето Господово

Друго:

 

http://preminportal.com.mk/prebaraj?searchword=%D1%81%D0%BD%D0%B5%D0%B6%D0%B0%D0%BD%D0%B0%20%D0%9A%D0%BE%D1%80%D0%BD%D0%B5%D1%82&ordering=newest&searchphrase=all

 

 

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 3393
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 3227
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Беседи

о. Горан Стојчевски: Дар на светот, икона на човекот, учителка на послушанието, педагог на служењето, првиот исихаст, родителка на вечниот живот, божествен цвет на сè создадено

о. Горан Стојчевски: Дар на светот, икона на човекот, учителка на послушанието, педагог на служењето, првиот исихаст, родителка на вечниот живот, божествен цвет на сè создадено

 Таа единствена тихувателка и патоводителка низ исихијата, нè приведува во заедницата од која се откинавме, а еве повторно ни е дадена можност, не само да се вратиме, туку да црпиме...

Митрополит Струмички Наум: СВЕТИ ГРИГОРИЈ ПАЛАМА (26.11.2022 )

Митрополит Струмички Наум: СВЕТИ ГРИГОРИЈ ПАЛАМА (26.11.2022 )

Во Црквата не постои надворешен, т.е. научен критериум за познавање на Вистината – Христос, туку постои внатрешен, аскетско-исихастички (молитвен) критериум, преку кој лично и опитно Го познаваме Христос Вистинскиот Бог.Кога...

Сашко Николовски: СВЕТИ ЈОВАН ЗЛАТОУСТ 13/26 ноември

Сашко Николовски: СВЕТИ ЈОВАН ЗЛАТОУСТ 13/26 ноември

Животот на Златоуст бил тежок и бурен. Тоа е живот на подвижник и маченик. Меѓутоа, Златоуст не се подвизувал во својата келија, ниту пак во пустина, туку сред животната таштина,...

Св. Григориј Палама - „Господи, просвети ја мојата темнина„ (Собрани беседи)

Св. Григориј Палама - „Господи, просвети ја мојата темнина„ (Собрани беседи)

Градот војува сам со себе, завојувал сам со себе, се гази од своите сопствени нозе, се руши од своите сопствени раце, одекнува од своите сопствени извици. Она што е кај...

Поминувајте го времето на своето живеење со стравот ( I Пет. 1,17)

Поминувајте го времето на своето живеење со стравот ( I Пет. 1,17)

 Ова се зборови на големиот апостол Петар, зборови кои имаат двојна потврда: небесно вдахновение и сопствено искуство. По небесното вдахновение простиот рибар Петар, стана учител на народот, столб на верата,...

Игумен Фотиј Беровски: Извадоци од  беседа

Игумен Фотиј Беровски: Извадоци од беседа

        "Секогаш го дефинираме односот кон другите и односот кон себе...Каде и кога? Постојано, почнувајќи овде во Црквата а потоа и во своите домови. Секогаш кога зборуваме  на  оваа тема зборуваме...

Митрополит Струмички Наум : Како да ја зачуваме Божјата благодат во нас

Митрополит Струмички Наум : Како да ја зачуваме Божјата благодат во нас

За денешното евангелско четиво (види: Лука 8, 41–56) битно е да се запамети следново:Како што крвта е потребна за животот на телото, така и благодатта Божја е потребна за вистинскиот...

БEСEДА за пoзивoт на ситe христијани да бидат свeти

БEСEДА за пoзивoт на ситe христијани да бидат свeти

Акo вo пoслeднитe врeмиња свeтитe пoстаналe исклучoк, вo oниe први врeмиња, нeсвeтитe билe исклучoк.Свeтитe билe правилo. Всушнoст, нe трeба да сe чудимe штo апoстoлoт ги нарeкува ситe крстeни души вo...

БЕСЧУВСТВИТЕЛНОСТА КОН ГРЕВОТ

БЕСЧУВСТВИТЕЛНОСТА КОН ГРЕВОТ

Мораме да го слушаме Господ и да го правиме она што Господ ни заповеда и тогаш нема да ни требаат чуда за да веруваме! Верата доаѓа од срцето! Кога човек...

« »