логоFacebookTwitterYouTubeeMail

svklimzim2019 8

„Оние што со вера остануваат во твојот свет храм, отче, просат милост од Бога, богатејќи се со тебе - застапникот и најтопол учител на животот, вистинско спасение на душите и непосрамен лекар на страстите“ (песна од канонот на Утрена ан св. Климент Охридски Чудотворец).

svklimzim2019 1

 svklimzim2019 3

svklimzim2019 4

svklimzim2019 5

svklimzim2019 6


Празнувањето на заштитникот и таткото на нашата света Македонска православна црква - Охридска архиепископија и патронот на градот Охрид, светиот Климент Охридскиот Чудотворец , како и на св. Климент Папа Римски, започна на 07.12.2019 година, во манастирот „Св. Климент и Пантелејмон“ на Плаошник во Охрид, со Вечерна богослужба, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоереј-ставрофорите Никола Христоски, Димче Ѓорѓиески и Игор Никовски, свештениците Димче Азески, Ѓорѓи Блажевски и Љупчо Бакрачески и протоѓаконот Николче Ѓурѓиноски. По завршувањето на Вечерната богослужба, пред моштите на светителот беше отслужен и Молебен кон св. Климент Охридски Чудотворец.

Празнувањата продолжија на 08.12.2019 година, со света архиерејска Литургија, на која чиноначалствуваше Митрополитот Тимотеј, во сослужение на архимандритот Нектариј, протоерејот-ставрофор Никола Христоски, свештениците Атанас Казанџиски и Александар Димоски и протоѓаконот Николче Ѓурѓиноски. По завршувањето на Литургијата, беше прекршен празничниот колач, а Митрополитот Тимотеј се обрати кон многубројниот верен народ со пигодна беседа, која во целост ви ја пренесуваме.

 svklimzim2019 20

Митрополит Тимотеј


Во името на Отецот и Синот и Светиот Дух.
Драги браќа и сестри,


Денеска се собравме во овој свет манастир и ја отслуживме оваа празнична Вечерна богослужба во чест и слава на патронот на Македонската православна црква – светиот Климент Охридски чудотворец. Преку молитвите и прозбите, ние духовно се соединуваме со свети Климент и со нашиот Господ Исус Христос. Но, не се соединуваме само ние што сме овде на молитва, туку и сите наши верници, каде и да се наоѓаат, а молитвено се обраќаат на нашиот голем првоначален архиереј. Се обраќаме со молитва кон него. Молиме сите да нѐ пази од секакво зло и да ни помага преку молитвеното застапништво, па Господ да нѐ избави од секакви престапи и гревови.


Свети Климент Охридскиот чудотворец е и денес со нас, како и пред единаесет векови, кога низ целиот словенски род ја проповедаше спасителната вистина на светото Евангелие. Неговиот бесмртен дух, неговиот светителски лик, како и плодовите на неговото земно постоење се најголемото духовно и народно наследство што македонскиот човек до денес го има. И не само тоа. Плодовите на неговото молитвено застапништво пред Севишниот Бог се секогаш добредојдени, зашто покрај многувековните искушенија и страдања, македонскиот народ живее и свети светоста на Светиклиментовата црква. Тоа е потврда дека славата и благодарноста и молитвите на нашиот благочестив и богопочитлив народ кои му ги принесува на свети Климент, не се празни молења, туку извор на вечно калемење и сраснување со лозата Господова. Милостивиот Бог ги услишува молитвите на светителот и ете денес нашата автокефална Македонска православна црква свети со нов блесок и ги весели срцата на своите верни чеда со нови плодови.


Светлино осветлена од Сонцето на Правдата – нашиот Бог и Спасител Господ Исус Христос, твојот свет ореол нека биде наш одбранбен ѕид од лажливоста на овој земен живот. Дај ни на сите сила и разум. Да ја облечеме твојата Црква во светоста на твоето чудотворство и прими ја од нас не како наше добро дело, туку како наша надеж во тебе, затоа што ти имаш слобода да се застапуваш за нас.


Овој светител е наша ѕвезда Деница на црковно-народното небо на сиот македонски народ. Неговиот дух ги надминува сите земни прегради и ограничувања и сите нѐ сплотува во едно македонско семејство. Затоа, да живееме и работиме така, за да бидеме здраво тело со здрав дух. Драги верници, живејте чесно. Да не го посрамиме пред Господа нашиот застапник. Како што тој ги учеше дечињата и нашите предци да зрачат со чест и достоинство, да бидат ангели во тело, така и вие учете ги вашите деца во вашите домови, за да го продолжите учителството на свети Климент. Така, не само да гори кандилото пред иконата, туку и иконата и кандилото да зрачат во вас и да ги осветлуваат вашите добри дела, бидејќи во Евангелието се вели: „Така треба да свети пред луѓето и вашата светлина, за да ги видат вашите добри дела и да Го прослават вашиот Отец небесен!" (Мт. 5, 16) По молитвите на свети Климент, така нека биде. Амин.

 svklimzim2019 9

svklimzim2019 10

svklimzim2019 11

 svklimzim2019 15

 svklimzim2019 16

 svklimzim2019 21

 

 



св. Климент Охридски Чудотворец
ман. „Свети Климент Охридски"
Плаошник - Охрид
08.08.2019 год.

http://www.dke.org.mk/index.php/3227-2019-12-08-11-34-31

 

 

 



Видео содржини

Поуки од Светите Отци

dobrotoljubie

Беседи

Св. Фотиј Велики - За Рождеството на нашата Пресвета Дева Богородица

Св. Фотиј Велики - За Рождеството на нашата Пресвета Дева Богородица

Девата се раѓа од неплодна утроба, но дури и да била плодна, рождеството пак би било чудесно. О, големо чудо! Штом времето на сеење поминало, тогаш жетвата дошла; штом огнот...

Митрополит Софрониј - ПРОПОВЕД ЗА РОЖДЕСТВО НА ПРЕСВЕТА БОГОРОДИЦА

Митрополит Софрониј - ПРОПОВЕД ЗА РОЖДЕСТВО НА ПРЕСВЕТА БОГОРОДИЦА

Во Ветената земја - Палестина, дадена на израилскиот народ од Бога, во планините на Галилеја се наоѓа градот Назарет. Во тоа време тој бил толку непознат и малку важен, што...

Епископот Антаниски г.Партениј: Повик на покајание за злоупотребата на интернетот

Епископот Антаниски г.Партениј: Повик на покајание за злоупотребата на интернетот

Како духовник сум сведок колку многу бракови се распаѓаат, и тоа христијански бракови, на воцрковени сопружници. Христијанскиот брак, а со него и сето општество, се наоѓаат во застрашувачка ерозија и...

БEСEДА за силата и мисијата Христoва, какo штo прoрeкoл Исаија

БEСEДА за силата и мисијата Христoва, какo штo прoрeкoл Исаија

Духoт на Гoспoда e врз Мeнe. Зoштo Oн тoа гo гoвoри кoга e рамeн на Духoт какo и на Oтeцoт? Заради свeдoштвo на луѓeтo, какo штo тoлкува св. Златoуст. Нe...

Митрополит Струмички Наум: На рјеках Вавилонских... (12.09.2020)

Митрополит Струмички Наум: На рјеках Вавилонских... (12.09.2020)

Ни покажа и нѐ поучи и како духовно да пораснеме и да ја достигнеме оваа Божествена љубов. Нѐ поучи дека, покрај лоши дела и зборови, срцето треба да го очистиме...

БEСEДА  за исцeлувањe на чoвeштвoтo сo Христoвитe рани

БEСEДА за исцeлувањe на чoвeштвoтo сo Христoвитe рани

Сo Христoвитe рани ниe сe излeкувавмe, така прoрeкува Бoжјиoт прoрoк и сeга ниe знаeмe дeка нeгoвoтo прoрoштвo e вистинскo. Сo Христoвoтo страдањe ниe сe спасивмe oд вeчнoтo страдањe; сo Нeгoвата...

СВЕТИ АПОСТОЛ ПАВЛЕ - КОНТИНУИТЕТ НА ХРИСТИЈАНСКИОТ ИДЕНТИТЕТ

СВЕТИ АПОСТОЛ ПАВЛЕ - КОНТИНУИТЕТ НА ХРИСТИЈАНСКИОТ ИДЕНТИТЕТ

Токму тој конинуитет на овој христијански идентитет кој е спознаен и пренесен од Светите Отци во три степени според начинот на животот во Христа, очистување, просветлување и обожение се поврзува...

Митрополит Струмички Наум: Молитва за цел свет (05.09.2020)

Митрополит Струмички Наум: Молитва за цел свет (05.09.2020)

Кога цел на молитвата (се мисли на молитвата во која постојано го повикуваме името на Богочовекот Исус Христос) е Бог, односно заедницата на секој човек и на сè создадено во...

Митрополит Струмички Наум: За некои неодговорени прашања (29.08.2020)

Митрополит Струмички Наум: За некои неодговорени прашања (29.08.2020)

Секое прашање си има и свое место, и свое време, и свој субјект за одговор. Или, не секое прашање се одговара кога било, каде било и кому било.Некои прашања прво...

« »