логоFacebookTwitterYouTubeeMail

Свети Климент, архиепископ Охридски

Vovedenie.Presveta Глас четврти:

Со зборови си ги упатил народите во верата Божја; со делата си се издигнал, преблажени; кон божествен и блажен живот. Со чудеса си ги просветлил оние што пристапуваат верно кон тебе, со знаменија си ја осветлил темнината. Поради тоа го славиме твојот божествен спомен Клименте.  Повеќе...

 

svklimentlet2019 11

„Клименте славни, твоите добри нозе ги насочи по патот Божји, затоа од заблуда народие ги упати во вистинската вера, избавувајќи ги од прелеста на лажливата земја“ (песна од Канонот на Утрена на св. Климент Охридски Чудотворец).

 svklimentlet2019 3

svklimentlet2019 5

Торжествата по повод празникот на св. Климент Охридскиот Чудотворец, на св. Седмочисленици и на св. вмч. Пантелејмон, продолжија на 09.08.2019 година, во Светиклиментовиот манастир на Плаошник во Охрид, каде што беше отслужена света архиерејска Литургија, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на Неговото Високопреосвештенство Митрополитот Европски г. Пимен, архимандритот Нектариј, протоереј-ставрофорите Никола Христоски, Ефтим Бетински, Димче Ѓорѓиески и Игор Никовски, свештениците Горан Ставрески, Ѓорѓи Блажевски и Александар Димоски и протоѓаконот Николче Ѓурѓиноски. По завршувањето на Литургијата, беше извршен чинот на Мал водосвет и беше прекршен празничниот колач, а Митрополито Пимен се обрати кон верниот народ со пригодна беседа, која ви ја пренесуваме во целост.

 svklimentlet2019 15

Митрополит Пимен

„Бидете свети, затоа што сум свет Јас, Господ, вашиот Бог" (3. МОЈСЕЕВА 19:2).

Колку ли мудра заповед или совет од Бога, нашиот Создател, упатена до неговите созданија, пророци, апостоли, маченици и ученици, ќе рече некој, и ќе жали што не бил современик на Мојсеја оваа заповед од неговата уста да ја чуе лично. Друг, пак, ќе се посомнева дали уште треба да важи оваа заповед за нас правдајќи се со невозможноста во овој современ свет да се исполни. Трет ќе рече остави тоа, тоа е само за избраните.

 
И чие размислување тука држи вода?

Та сите ли што ја чуја заповедта станаа свети? Нели дел од оние што со свои уши ја чуја заповедта се дигнаа и против Бога и направија златно теле и се оддалечија од Него и нели едни го слушаа и го гледаа Христа Бога Спасителот, а потоа повикаа „Распни го, распни го".
Нели и Јуда беше еден од оние дванаесетмина што постојано беа со Христа и што ги чуја сите спасителни зборови на својот Учител?

Оние пак што се сомневаат дека тоа важело некогаш, но не и денес, нека се сетат дека секое време давало свои светители. Не со глумење на подвигот на другиот, туку секој умножувајќи го талентот нему даден од Бога. Следејќи ги зборовите од Бога да бидат свети, но и да го следат Патот, Вистината и Животот, кои се пак Вистинскиот Христос. И затоа имаме пророци, и апостоли, и маченици, и подвижници, и светители, и просветители... Секое време и секој народ имаат свој предизвик, а една и иста заповед. И кој ја слушал заповедта, тој станувал свет без разлика на векот во којшто живеел.

А заповедта била само за избраните или за секој што ја чул и ја спровел во сопствениот живот?

Еве токму денес и токму тука си спомнуваме за светителот што ги обединува сите одговори во својата личност.

Денес, кога си спомнуваме за светиот Климент, кога си спомнуваме за незалезното светило од Плаошник и кога си спомнуваме за сиот негов живот, за неговата послушност од мали нозе да Му служи на Бога, да ги слуша божествените проповеди на своите божествени учители Кирил и Методиј, да тргне со нив до Рим и да ја брани оправданоста Божјото слово да се проповеда на секој разбирлив јазик, а не само на трите јазици што ги сметале за од Бога избрани, кој го ширел Словото Божјо на црковнословенски јазик во Истра и Моравија, кој по послушанието да го води своето стадо кон спасение и Царството Небесно се вратил во родните краеви во Охрид, Кутмичевица и Македонија,кој не само што го просветил своето стадо од епископскиот трон, туку и го описменил и му ја оплеменил душата, го научил и да ги оплеменува овошките за не само да може да ја нахрани својата душа со богословието, ами и своите тела со произведената храна, кој бил отворен до својот смртен час да го ислуша секој човек со неговите проблеми, да му даде одговор и да му ја смири душата и на крај да ја положи душата своја за овците свои како добар пастир на словесното стадо, лесно ќе увидиме дека и покрај тоа што не ја чул директно од Мојсеја или пак од Христа заповедта за светост, и покрај тоа што живеел во век со предизвици различни од тие од првиот век и и покрај тоа што не бил од небо паднат, туку роден на земјата, како секој од нас ја здобил светоста и денес се моли за нас на Небесата пред престолот на нашиот Бог Света Троица.

И сега, кога си спомнавме за сите негови подвизи и добродетели, за умножувањето на неговите таленти од Бога дарувани и за неговото спроведување на овој секогаш актуелен од Бога и Христов повик на светост и потврдата на неговата светост на земјата и на Небесата, ќе останеме сè уште во борба со помислите околу горенаведените три прашања или пак ќе повикаме кон нашиот свети Климент Охридскиот чудотворец да се моли за нас пред Бога Живиот да нè укрепи во нашиот личен подвиг на исполнување на заповедта за светост, та еден ден да застанеме и ние рамо до рамо со него пред престолот на Бога Света троица?

Свети Клименте, не престанувај никогаш да нè укрепуваш молитвено во подвигот.

Амин и за многу, многу години верен народе на Македонската света православна црква.



09.08.2019 год.
св. Климент Охридски Чудотворец
ман. „Св. Климент и Пантелејмон" Плаошник, Охрид

svklimentlet2019 6

 svklimentlet2019 7

 svklimentlet2019 8

 svklimentlet2019 10

 svklimentlet2019 12

 svklimentlet2019 16

svklimentlet2019 13

 svklimentlet2019 18

 svklimentlet2019 19

 svklimentlet2019 24

 svklimentlet2019 25

 http://www.dke.org.mk/index.php/3197-2019-08-09-13-44-45

 

 

 

 

 



Видео содржини

Поуки од Светите Отци

dobrotoljubie

Беседи

Митрополит Европски Пимен:„Од ближниот ни доаѓа и животот и смртта...“,Плаошник (09.08.2020)

Митрополит Европски Пимен:„Од ближниот ни доаѓа и животот и смртта...“,Плаошник (09.08.2020)

Ако го избереме животот треба да се трудиме да бидеме семилостиви кон сите и кон сé. Семилостиви како оној кој го носел тоа име, како светиот Пантелејмон. Човекот кој ги...

Митрополит Струмички Наум: Ниту популизам, ниту индиферентност; туку пастирска грижа (08.08.2020)

Митрополит Струмички Наум: Ниту популизам, ниту индиферентност; туку пастирска грижа (08.08.2020)

Тоа, секако, зависи и од односот на луѓето кон Него: прво, Неговите ученици се во однос на послушание кон Него – тие се отворени кон Него и подготвени да прифатат...

БEСEДА  за лажнитe учитeли

БEСEДА за лажнитe учитeли

Чoвeкoт на oвoј свeт e вo вoјна. Бoрбата e нeпрeстајна, а нeпријатeлитe сe мнoгубрoјни. Пoмeѓу најoпаснитe нeпријатeли спаѓаат лажнитe учитeли. Самo акo чoвeчкиoт ум e впeрeн вo Бoга, чoвeкoт ќe...

Митрополит Струмички Наум: Екстремно одрекување – екстремни дарови (01.08.2020)

Митрополит Струмички Наум: Екстремно одрекување – екстремни дарови (01.08.2020)

Спомнатите и ветени од Бог екстремни дарови, не се однесуваат толку на материјалното колку на духовното. Тоа се даровите на умно-срдечната молитва, на суштинско просветлување на умот, на расудување, на...

Митрополит Кумановско-осоговски д-р Григориј:Ние сме возљубени Божји созданија, кои имаат можност да создадат сопствен начин на постоење...“

Митрополит Кумановско-осоговски д-р Григориј:Ние сме возљубени Божји созданија, кои имаат можност да создадат сопствен начин на постоење...“

Епископскиот чин што денеска преку вас го примам, го разбирам како служење, што во себе ги обединува и најголемата чест и свеста за сопственaтa немоќ. Има ли поголема чест и...

Митрополит Струмички Наум: Бесчувствителност (25.07.2020)

Митрополит Струмички Наум: Бесчувствителност (25.07.2020)

Инаку, ако дозволиме прелеста да навлезе во нас, дали преку страстите на срцето (сластољубие и среброљубие) или преку страста на паднатиот ум (славољубие), таа потоа станува сеопфатна состојба која ги...

Викарен Епископ Јаков Стобиски:„Не плашете се да страдате...“

Викарен Епископ Јаков Стобиски:„Не плашете се да страдате...“

Се одрекуваме од Крстот Христов ако на прекорот враќаме со гнев и бунт, праведен или неправеден, без разлика. Се одрекуваат од Крстот Христов децата кои се непослушни кон родителите, оти...

БEСEДА  за спасeниe на душата какo крај на вeрата

БEСEДА за спасeниe на душата какo крај на вeрата

Никoј нe патува заради патoт туку заради нeкoј или заради нeштo, штo гo oчeкува на крајoт на тoј пат. Никoј нe гo фрла јажeтo вo вoдата вo кoја нeкoј сe...

Митрополит Струмички Наум: Прелест на умот и прелест на срцето (18.07.2020)

Митрополит Струмички Наум: Прелест на умот и прелест на срцето (18.07.2020)

Како што рековме, има лажна состојба (прелест) на умот, но има и прелест на срцето. Првата прелест настанува поради прифаќање и усвојување лажни мисли, а втората од прифаќање и усвојување...

« »