логоFacebookTwitterYouTubeeMail

 Тропар на светиот Христов великомаченик Никита

15 септември / 28 септември

Крстот Христов како оружје, усрдно примајќи го, во борба против непријателот си поитал, и откако за Христа пострада, на крај, преку оган , својата душа на Господа ја предаде. Поради тоа и дарови за исцелување од Него се удостои да примиш, великомачениче Никито. Моли го Христа Бога да ги спаси нашите души.

 

Извор МПЦ – ОА
Манастир свети Јован Претеча Слепче

 

Тропар на светиот отец
Филотеј
презвитер и чудотворец
15 септември / 28 септември

Благочестив учителу,
застапниче на вселената пред одарот на слободата,
презвитеру и чудотворче Филотее свети,
кој живот духовен имајќи,
го доби заветот на љубовта,
и Христос нашиот Бог преку тебе ја покажа
силата на милосрдноста,
од која и ние денес плодови
по твоите молитви во изобилие добиваме.    

              

 
Извор МПЦ – ОА
Манастир свети Јован Претеча Слепче

Тропар на преподобниот отец
Герасим Сурвински
15 септември / 28 септември

Погледна на тебе Спасителот
и во одаите на безмолството те пренесе
о, Герасиме смирен Божји угодниче.
Животот земен кој е сенка и сон,
низ прсти ти помина,
и ти се најде на небесата висина,
од каде сега достоен слуго Господов,
моли се искинати да бидат списоците,
на нашите прегрешенија.

 
* моштите се во Сурвија


Извор МПЦ – ОА
Манастир свети Јован Претеча Слепче


Тропар на светиот отец
Јосиф нов
епископ Темишварски
15 септември / 28 септември

Богомудар пастир на Црквата,
лозар кој Лозата вистинска насекаде ја рашируваше,
Јосифе Божји угодниче, смирението твое
патешествие ти отвори на крила духовни вознесено,
со чудотворства на благодат Христова залеано.
Денес пред Господа име ти повикуваме
и на твои молитви свети се надеваме.        

 
   
 
Извор МПЦ – ОА
Манастир свети Јован Претеча Слепче


Тропар на светиот
Христов Новомаченик
Јован Критски
15 септември / 28 септември

Надежта твоја на Христа ја положи,
о, Јоване новомачениче Господов
и Тој исповедник на верата те направи
закитувајќи те со венец на надеж во Неговото милосрдие.
Вината твоја пред светот победа се покажа
кога Патот и Вистината ги избра,
и затоа сега ликувајќи на Небесата,
моли се и ние да најдеме мир при Господа.

 
Извор МПЦ – ОА
Манастир свети Јован Претеча Слепче


Тропар на светите
Христови маченици
Максим, Асклиада и Теодот
15 септември / 28 септември

Непоколебливи исповедници на верата,
тврди карпи на љубовта пред кои заблудата
човечка се раздробува, Максиме, Аскилиадо и Теодоте,
светот не ве погуби туку повисоко небо
Христос ви подари, гледајќи на срцето ваше
и љубовта за непријателите.
Спомнете си сега и за нас од Царството на вечноста.     

 
Извор МПЦ – ОА
Манастир свети Јован Претеча Слепче


Тропар на светиот
маченик Христов
Порфириј глумец
15 септември / 28 септември

Името Господово не може да биде посрамено,
во тајните на Љубовта Негова,
о, Порфирие свети мачениче,
кој по Негово благословение ја позна
силата благодатна на искупувањето,
која Господ ја принесе за наше спасение.
Затоа исповедник Негов постана,
и венец како награда Небесна прими,
за да и ние денес молитвено,
на равноста твоја се надеваме.



 
Извор МПЦ – ОА
Манастир свети Јован Претеча Слепче



Тропар на наоѓање на моштите
на светиот Христов
архиѓакон Стефан
15 септември / 28 септември

Изнедри земјата семе за спасение
благословено од Христа Бога, објави небесата
за светило кое благодат раширува,
и на непријатели простува,
се зарадува срце во човека,
воскликна душа кон светија:
о, Стефане првомачениче Господов,
за нас спомни си, ти кој не нѐ остави
и твојата молитва Господа нека Го
умилостиви за наше спасение.

                
Извор МПЦ – ОА
Манастир свети Јован Претеча Слепче




Тропар на светиот
епископ Христов
Висарион втори Лариски
15 септември / 28 септември

Грижлив пастир на сиромасите,
благодатен помошник на болните,
заштитник на угнетените,
Висарионе свети, Господ Бог
со чудесна сила те обдари за да народ
кон Него се поврати и спасение по твоите
молитви пронајде во слава на Еден
во Троица и чест твоја.

 
*моштите се во манастирот Дусик,
Лариска епархија, храм св. Никола

 

Извор МПЦОА

 

Манастир Св. Јован Претеча Слепче

Православен календар за 28/09/2018  

ТРОПАР

Тропар (грч. τροπάριον, цсл. тропа́рь) е кратка црковна молитвена песна, настаната во доцниот стадиум на химнографијата. Тропарот ја содржи суштината на празникот за кој е напишан и во кој се прославува светителот; во Канонот, тропарот следи после ирмосот. Често се однесува и на аполитикион (грч. απολυτίκιον), или отпустителна химна преку која се опишува главната тема на богослужењето на денот, а со која се завршува Вечерната богослужба.

Богородичен (теотокион) е посебен вид на тропар, кој е посветен на Пресвета Богородица. Помали варијации во Богородичниот водат кон Крстобогородичен (ставротеотокион), посебен вид на тропар посветен на страдањето на Пресвета при распнувањето на Христос на Крстот, и како таков најчесто се користи во среда и петок, денови кога Црквата се сеќава на чесниот Крст Господов.

Понекогаш тропарот се користи како рефрен помеѓу читање на стихирите.од Псалмите, иако примарната функција во тој случај ја имаат стихирите.

Тропарник се нарекува една засебна целина во книга со тропари и кондаци, за секој ден на Црковната литургиска година.

ПреминПортал

2019 лето Господово

 Од Верскиот календар:

Житие: Светиот маченик Никита

Родум од Готите, ученик на епископот Теофил Готски, кој учествуваше на Првиот Вселенски Собор. Кога кнезот Готски Атанарик почна да ги мачи христијаните, тогаш Св. Никита застана пред кнезот и го изобличи за безбожништво и нечовечност. Мачен со страшни маки, Никита с ѐ посилно ја исповедаше верата Христова и Му се молеше на Бога со благодарност. И умот непрестајно му беше воздигнат и вдлабочен кон Бога, а на градите под облеката ја држеше иконата на Пресвета Богородица со предвечниот Младенец Христос, во став на стоење кога во рацете го држи Својот крст. Св. Никита ја носеше оваа икона бидејќи Пресвета Богородица му се јави и го утеши. Најпосле мачителот го фрли Христовиот војник во оган, во којшто маченикот издивна, но неговото тело остана неповредено од огнот. Неговиот другар Маријан го пренесе телото од Готската земја (Влашка и Бесарабија) во Киликија во градот Мопсуест, каде што му изгради црква на Св. Никита и неговите чудотворни мошти ги положи во таа црква. Свети Никита пострада и се прослави во 372 година.



Поуки од Светите Отци

krusevoexport

Духовност

Декември 09, 2019
7.Vselenski.sobor

Почитување на Пресветата Мајка Божја

Таа е заштитничка и покров на христијанскиот род. Како Мајка на Синот Божји, таа има најголема слобода и моќ пред престолот Божји, и нејзе Црквата, по Бога, најмногу ја почитува и прославува во своите безброј молитви и химни, како најсилна заштитничка и…
Декември 05, 2019
7.Vselenski.sobor

Митрополит Струмички Наум: ВОВЕДЕНСКИ РАЗМИСЛУВАЊА

Премногу размислуваме во категоријата Бог – човек, наместо во категоријата личносни односи. Религиозниот човек размислува во рамките на првата категорија, а црковниот човек размислува и дејствува во откровението на втората категорија.Догматиката е многу…

Старец Георгиј Капсанис: МОНАСИТЕ СЕ ЕКСПЕРТИ ВО НАУКАТА НА ПОКАЈАНИЕТО

Луѓето прво треба да го распнат и да го погребат своето поранешно „јас“ (т.е. егоизмот,…

Свети великомаченик Димитриј Солунски

Ное 09, 2019 Житија 240
st-demetrius
Благочестивиот Димитриј пред царевите ги поставил Божјите заповеди. Го возљубил Господ…

Митрополит Струмички Наум-Царството небесно прилега... на простување (19.08.2017 )

Ное 07, 2019 Беседи 699
7.Vselenski.sobor
Честопати и мене ме прашуваат зошто примам или им помагам на луѓе за кои мнозина од…

Беседи

Дедо Наум: Ако си паметен за тебе нема неуспех

Дедо Наум: Ако си паметен за тебе нема неуспех

И да доживееш некаков неуспех, тоа ќе биде - „конструктивен неуспех", од кој учиш како да успееш.Клучно за секој успех е да се издржи кризата што се сретнува на патот....

Дедо Наум: Да се фокусираме на нашите цели, безначајностите немаат крај

Дедо Наум: Да се фокусираме на нашите цели, безначајностите немаат крај

Лошо, добро; сладост, болка; радост, тага; заљубеност, омраза; успех, пад - постојани промени. Битно е - исправени да продолжиме кон целта.Да се фокусираме на нашите цели, безначајностите немаат крај.Сите што...

Викарен Епископ Јаков Стобиски: Вистинска среќа

Викарен Епископ Јаков Стобиски: Вистинска среќа

Светото Предание на Црквата е израз на најавтентичниот нејзин живот и секогаш има длабока смисла, и секогаш без исклучок ја изразува и треба да ја изразува Црквата, бидејќи се раѓа...

БEСEДА  за Прeсвeта Дeва Бoгoрoдица

БEСEДА за Прeсвeта Дeва Бoгoрoдица

Сè штo ќe ви рeчe, направeтe! Какo да сакала да кажe: Oн знаe сè, Oн мoжe сè, Oн вe љуби ситe, затoа нe сe свртувајтe ни таму ни ваму, туку...

Викарен Епископ Јаков Стобиски: Маченички етос

Викарен Епископ Јаков Стобиски: Маченички етос

Имаме можност да бидеме маченици Христови – во секоја минута, во секоја секунда од нашиот живот. Мачеништво е да се избориш со една лоша помисла, со помисла на завист, со...

Викарен Епископ Јаков Стобиски: Божик е празник на богочовечка радост

Викарен Епископ Јаков Стобиски: Божик е празник на богочовечка радост

Божик е празник на богочовечка радост. Предвечниот Бог, од преголема љубов кон човекот станува еден од нас и ја преминува непреодната бездна помеѓу созданието и Создателот. Бог станува човек, и...

БEСEДА  за раѓањeтo на Гoспoда Синoт Бoжји

БEСEДА за раѓањeтo на Гoспoда Синoт Бoжји

Излeгoв oд oтeцoт, кадe штo имав сè, и дoјдoв на свeтoт, кoј нe мoжeшe ништo да ми дадe. Вo пeштeрата сe рoдил Гoспoд за да пoкажe дeка цeлиoт свeт e...

РОЖДЕСТВО ХРИСТОВО – Архимандрит Георгиј Капсанис

РОЖДЕСТВО ХРИСТОВО – Архимандрит Георгиј Капсанис

Оваа тајна се извршува во Црквата, зашто ние кои живееме во Црквата стануваме учесници во Божјата предвечност, во вечниот живот, во вистинскиот живот на Пресвета Троица. Се разбира, сѐ уште...

БEСEДА  за Давид (02.01.2020)

БEСEДА за Давид (02.01.2020)

Царoт Давид му згрeшил на Бoга, сe пoкајал и Бoг му oпрoстил. Гoлeм бил грeвoт на царoт, нo уштe пoгoлeмo билo пoкајаниeтo. Му бил винoвeн на Бoга за два тeшки...

« »