логоFacebookTwitterYouTubeeMail

 sv.S.sarovski.manastirot.jpg

 

 II
ЌЕЛИЈНО МОЛИТВЕНО ПРАВИЛО НА ПРЕПОДОБЕН СЕРАФИМ САРОВСКИ

Пред почетокот на читањето на Псалтирот читај го следново:


Боже, исчисти ме мене грешниот и помилувај ме. Поклон.
Господи, Кој си ме создал, помилувај ме. Поклон.
Безброј пати згрешив, Господи, прости ми. Поклон.
Боже, биди милостив кон мене грешниот. Поклон.
Боже, прости ги моите беззаконија и прегрешенија. Поклон.
На Твојот Крст Му се поклонувам, Владико, и Твоето свето воскресение го славам. Поклон.
Господи, ако со збор или со дело згрешив во целиот мој живот, помилуј ме и прости ми мене грешниот, заради Твојата милост.
Достојно е навистина да те ублажуваме Богородице, секогаш блажена и пренепорочна и Мајка на нашиот Бог. Почесна од херувимите и неспоредливо пославна од Серафимите, нетлено си го родила Бога Словото, тебе, која си Богородица, те величаме.
Слава на Отецот и Синот и Светиот Дух, сега и секогаш и во вечни векови. Амин. Господи помилуј (Три пати). Благослови.
Преку молитвите на нашите свети отци, Господи Исусе Христе, Сине Божји, помилувај ме мене грешниот.
Слава Тебе, Боже наш, слава Тебе.
Царе небесен, Утешителе, Дух на вистината, Кој си секаде присутен и се исполнуваш, ризницо на доброто и дарител на животот, дојди и всели се во нас и исчисти не од секаква нечистотија и спаси ги, Благи, нашите души.
Свети Боже, Свети Крепки, Свети Бесмртни, помилуј не (Се чита три пати). Слава на Отецот и Синот и Светиот Дух, сега и секогаш и во вечни векови. Амин. Пресвета Троице, помилуј не; Господи исчисти ги гревовите наши; Владико, прости ги беззаконијата наши; Свети, посети и исцели ги нашите немоќи, заради Своето име. Господи помилуј (Три пати). Слава на Отецот и Синот и Светиот Дух, сега и секогаш и во вечни векови. Амин.
Оче наш, Кој си на небесата, да се свети името Твое, да дојде Царството Твое, да биде волјата Твоја, како на небото, така и на земјата; лебот наш насушен дај ни го денес и прости ни ги долговите наши како и ние што им ги проштеваме на нашите должници, и не не воведувај во искушение, но избави не од лукавиот.

На славите на катизмата говори:


Слава, и сега: Алилуја (Три пати). Господи помилуј (Три пати).
Потоа: Спаси ги Господи, и помилуј ги сите православни христијани и на секое место од Својето владеење оние кои православно живеат. Подај им, Господи, душевен мир и телесно здравје и прости им го секое прегрешение, волно и неволно, и со нивните свети молитви, мене покаениот, помилуј ме.
Упокој ги Господи, душите на починатите слуги Свои, праотците, отците и браќата наши, кои почиваат овде и православните христијани кои почиваат насекаде и подај им, Господи, царство и удел во Својот бесконечен и блажен живот и прости им го, Господи, секое прегрешение, волно и неволно.

Bogorodica.Fjodorovna.jpg


По завршувањето на катизмата читај и тропарите и кондаците:


Во беззаконие зачнат, не се осмелувам да погледнам на небесната висина. но осмелувајќи се заради Твоето човекољубие, извикувам: Боже, исчисти ме мене грешниот и помилуј ме.
Ако праведникот едвај се спасува, каде ќе се јавам јас грешниот? Напор и пот дневна јас не понесов, па сепак, приброј ме Боже во наемниците во единаесеттиот час, и спаси ме.
Придвижи се да ми ги отвориш прегратките Татковски: блудно го проживеав својот живот гледајќи на непотрошивото богатство на Твојата дарежливост, Спасе. Но моето сега осиромашено срце не презирај го, Господи, бидејќи во умиление ти велам: згрешив на небото и пред Тебе.
Достојно е навистина да те ублажуваме Богородице, секогаш блажена и пренепорочна и Мајка на нашиот Бог. Почесна од херувимите и неспоредливо пославна од Серафимите, нетлено си го родила Бога Словото, тебе, која си Богородица, те величаме.
Ти згрешив, Спасе, како блудниот син. Прими ме, Оче, како покајник и помилуј ме Боже.
Викам кон Тебе, Христе Спасе, со гласот на митарот: исчисги ме како и него и помилуј ме, Боже.
Богородице, ти која си извор на милосрдие, удостој не со смилување: погледни на луѓето кои згрешија, покажи ја, како и секогаш, својата моќ, бидејќи надевајќи се на тебе, ние, како некогаш Гаврил, архи-стратегот на бестелесните сили, ти воскликнуваме: Радувај се.
Сите твои преславни тајни се над сфаќањата, Богородице! Запечатена со чистота и со зачувана девственост, позната си како вистинска мајка, раѓајќи го Бога вистинскиот. Моли Го Него да се спасат нашите души.
Му се поклонуваме на пречистиот Твој лик, Благи, молејќи прошка за нашите прегрешенија, Христе Боже, бидејќи доброволно благоизволи со тело да бидеш на крстот, за оние што си ги создал да ги избавиш од робувањето на ѓаволот. Затоа благодарно ти воскликнуваме: Со радост си исполнил се, Спасителе наш, Кој си дошол да го спасиш светот.
Спаси ги Гослоди луѓето Свои и благослови го наследството Свое (на благоверниот господар наш) дарувај му победа над непријателите и со Својот крст сочувај го народот Свој.
Архистратизи на небесните војски, ве молиме постојано ние недостојните, со своите молитви да не оградите со покровот на крилјата на вашата невештаствена слава, чувајќи не нас што понизно ви припаѓаме и возвикнуваме: Избавете не од неволјите како чиноначалници на вишите сили.
Боже на нашите Отци, постапувај со нас секогаш по кроткоста Своја. Не ја задржувај Својата милост од нас, туку преку нивните молитви во мир насочи го нашиот живот.
Со длабочината на мудроста, човекољубиво се уредувајќи и се корисно секому дарувајќи, единствен Создателу, упокој ги, Господи, душите на Своите слуги, бидејќи надежта ја положија на Тебе, Создателот и Бог наш.
Со светите упокој ги, Христе, душите на Своите слуги, каде што нема ниту болест, ниту жал, ниту воздишки, туку каде што животот е бесконечен.
Надеж на христијаните, Пресвета дево, Бога, Кого си го родила над секој ум и слово, непрестајно моли Го со горни сили да дарува простување на гревовите и исправување на животот на сите нас кои секогаш со вера и љубов те почитуваме.
Господи помилуј (40 пати). И молитвата на свети Ефрем:
Господи и Владико на мојот живот, не давај ми дух на мрзливост, властољубие и празнословие.
Дух, пак, на целомудреност, смиреноумие, трпение и љубов дарувај му на Својот слуга.
Да, Господи царе, дарувај ми да ги гледам своите прегрешенија и да не го осудувам братот свој, зашто си благословен во вечни векови. Амин.
Потоа 12 мали поклони со секоја молитва: Боже, исчисти ме мене грешниот и помилувај ме. И потоа пак целата молитва. Господи и Владико...

По завршувањето на трите катизми говори:


Боже, исчисти ме грешниот и помилувај ме. Поклон.
Господи, Кој си ме создал, помилувај ме. Поклон.
Безброј пати згрешив, Господи, прости ми. Поклон.
Боже, биди милостив кон мене грешниот. Поклон.
Боже, прости ги моите беззаконија и прегрешенија. Поклон.
На Твојот Крст Му се поклонувам, Владико, и Твоето свето воскресение го славам. Поклон.
Господи, ако со збор или со дело згрешив во целиот мој живот, помилуј ме и прости ми мене грешниот, заради Твојата милост.
Достојно е навистина блажена да те нарекуваат тебе, Богородице, секогаш блажена и себеспрекорна, и Мајка на нашиот Бог. Почесна од херувимите и неспоредливо пославна од Серафимите, тебе Која го роди Бог Слово непорочно, навистина Богородица те величаме.
Слава на Отецот и Синот и Светиот Дух, сега и секогаш и во веч-ни векови. Амин. Господи помилуј (Три пати). Благослови.
Преку молитвите на нашите свети отци, Господи Исусе Христе, Сине Божји, помилуј ме мене грешниот.
Во името на Отецот и Синот и Светиот Дух. Амин. Слава на Тебе Боже наш, слава на Тебе.
Царе небесен, Утешителе, Дух на вистината, Кој си секаде присутен и се исполнуваш, ризницо на доброто и дарител на животот, дојди и всели се во нас и исчисти не од секаква нечистотија и спаси ги Благи на-шите души.
Свети Боже, Свети Крепки, Свети Бесмртни, помилуј не (Се чита три пати). Слава на Отецот и Синот и Светиот Дух, сега и секогаш и во вечни векови. Амин. Пресвета Троице, помилуј не; Господи исчисти ги нашите гревови; Владико, прости ги беззаконијата наши; Свети, посети и исцели ги нашите немоќи, заради Своето име. Господи помилуј (Три пати). Слава на Отецот и Синот и Светиот Дух, сега и секогаш и во вечни векови. Амин.
Оче наш, Кој си на небесата, да се свети името Твое, да дојде Царството Твое, да биде волјата Твоја, како на небото, така и на земјата; лебот наш насушен дај ни го денес и прости ни ги долговите наши како и ние што им ги проштеваме на нашите должници, и не воведувај не во искушение, но избави не од лукавиот. Господи помилуј (Дванаесет пати).
Пријдете да Му се поклониме на царот нашиот Бог! (Поклон) Пријдете да Му се поклониме и да припаднеме на Христа, Царот и Бог наш! (Поклон)


И 50 Псалм: Помилуј ме, Боже, поради големата Твоја милост, и заради големата Твоја добрина избриши ги беззаконијата мои. Измиј ме темелно од моето беззаконие и исчисти ме од мојот грев, зашто престапите мои ги знам и мојот грев е секогаш пред мене. Против Тебе, само против Тебе згрешив и пред Тебе зло извршив, така што Ти си праведен кога ќе пресудуваш и беспрекорен кога ќе судиш. Ете, грешен сум роден, грешник уште од кога ме зачна мајка ми. Ти ја сакаш вистината во срцето, и внатре во мене ме учиш на мудроста Твоја. Пороси ме со исоп, и ќе бидам чист; измиј ме и ќе бидам побел од снег. Дај ми да чујам радост и веселба, нека се зарадуваат коските што Ти ми ги здроби. Одврати го лицето Свое од гревовите мои и избриши ги сите мои беззаконија. Создај чисто срце во мене, Боже, и нов и вистински дух стави во ме-не. Не отфрлај ме од лицето Свое и Светиот Дух Твој не одземај Го од мене. Врати ми ја радоста на спасението од Тебе и благороден дух зацврсти во мене. Тогаш ќе ги научам престапниците да одат по Твоите пати¬шта, и грешниците кон Тебе ќе се обраќаат. Ослободи ме од пролеаната крв, Боже, Боже на моето спасение, и јазикот мој ќе пее за Твоето избавување! Господи, отвори ја устата моја, и устата моја ќе ја објави похвалата Твоја; зашто, жртви не ти се мили, кога би ти принел сепаленици, Ти не би ги примил. Жртвата пред Бога е срушен дух; срце понизно и смирено Ти, Боже, не отфрлуваш. Господи, направи му добро на Сион, според благоволението Свое, обнови ги ѕидовите ерусалимски. Тогаш ќе Ти бидат угодни жртвите на правдата, вознесувањата и жртвите сепаленици; тогаш на Твојот олтар ќе принесуваат телци.
И символот на верата: Верувам во Едниот Бог Отец, Седржител, Творец на небото и на земјата, на се видливо и невидливо;
И во Едниот Господ Исус Христос, Син Божји, Единороден, Кој е роден од Оца пред сите векови; Светлина од Светлина; Бог вистински од Бога вистински роден, несоздаден, единосуштен на Отца, преку Кого се станало;
Кој заради нас луѓето и заради нашето спасение, слезе од небото и се воплоти од Светиот Дух и Марија Дева и стана човек;
И беше распнат заради нас во времето на Понтијскиот Пилат и страдаше и беше погребен;
И воскресна во третиот ден според Писмото;
И се вознесе на небото и седи оддесно на Отца;
И пак ќе дојде со слава да им суди на живите и на мртвите и Неговото царство не ќе има крај;
И во Светиот Дух, Господ, Кој живот твори, Кој излегува од Отца, на Кого се поклонуваме и Го славиме заедно со Отца и Сина и Кој говорел преку пророците;
Во една света, соборна и апостолска Црква;
Исповедувам едно крштение за простување на гревовите;
Го чекам воскресението на мртвите;
И животот во идниот век. Амин!
Моја надеж е Отецот, прибежиште мое Синот, покров мој Светиот Дух. Троице Света, слава Ти.
Оче наш, Кој си на небесата, да се свети името Твое, да дојде Царството Твое, да биде волјата Твоја, како на небото, така и на земјата; лебот наш насушен дај ни го денес и прости ни ги долговите наши како и ние што им ги проштеваме на нашите должници, и не воведувај не во искушение, но избави не од лукавиот.
Богородице Дево, радуј се благодатна Марие, Господ е со тебе, благословена си ти меѓу жените и благословен е плодот на твојата утроба, зашто си Го родила Спасителот на нашите души.
На Твојот Крст Му се поклонувам, Владико, и Твоето свето воскресение го славам.
На Тебе Војводо, кој се бориш за нас, и Господи, Победител на пеколот, јас, Твоето создание и слуга, избавен од вечната смрт, ти вознесувам пофалби. Но бидејќи имаш неискажливо милосрдие, ослободи ме од сите опасности мене кој воскликнувам: Исусе, Сине Божји, помилуј ме!
Тебе, Богородице, поборнице - војвотко, ние, слугите Твои откако од зло се избавивме песна пофална Ти воспеваме: како Онаа која има сила непобедлива, од секоја опасност ослободи не, за да Ти повикуваме: Радувај се, Невесто Неневестна!

Преславна Приснодево, Мајко на Христа Бога, принеси Му ја нашата молитва на својот Син и Бог наш да ги спаси нашите души.
Сета своја надеж ја полагам на тебе, Мајко Божја, Сочувај ме под закрилата своја.
Богородице Дево, не презирај ме мене грешниот, кому му е потребна твојата помош и твоето застапништво. На тебе се надева душата моја, помилуј ме.
Моја надеж е Отецот, прибежиште мое Синот, покров мој Светиот Дух. Троице Света, слава Ти.
Господи Исусе Христе, Сине Божји, помилуј ме мене грешниот и прости ги моите беззаконија и прегрешенија.
Семилостива Владичице моја, Пресвета Госпоѓо, Пречиста Дево, Богородице Марие, Мајко Божја, спаси ме грешниот.
Свети архангели и ангели, херувими и Серафими и сите небесни сили, помилувајте ме и молете Му се на Господа Бога за мене грешниот.
Свети ангеле Господов, чувару мој свет, помилувај ме и моли му се на Господа Бога за мене грешниот.
Богородице Дево, радуј се благодатна Марие, Господ е со тебе, благословена си ти меѓу жените и благословен е плодот на твојата утроба, зашто си Го родила Спасителот на нашите души.
Спаси го Господи и помилувај го отецот нашиот игумен, јеромонах (кажи го името) со сите во Христа браќа. Подај им Господи душевен мир и телесно здравје, и прости им го, Господи, секое прегрешение, волно и неволно, и со нивните свети молитви и мене покајаниот помилуј ме.
Спаси ги Господи, и помилуј ги сите православни христијани и на секое место од Својето владеење оние кои православно живеат. Подај им, Господи, душевен мир и телесно здравје и прости им го секое прегрешение, волно и неволно, и со нивните свети молитви мене покаениот помилуј ме.
Упокој ги Господи, душите на починатите слуги Свои, праотците, отците и браќата наши, кои почиваат овде и православните христијани кои почиваат насекаде и подај им, Господи, царство и удел во Својот бесконечен и блажен живот и прости им го, Господи, секое прегрешение, волно и неволно.
Слава на Отецот и Синот и Светиот Дух, сега и секогаш и во вечни векови. Амин. Алилуја (Три пати).
Слава на Отецот и Синот и Светиот Дух: Спаси ги Господи, и помилуј ги сите православни христијани и на секое место од Својето владеење оние кои православно живеат. Подај им, Господи, душевен мир и те¬лесно здравје и прости им го секое прегрешение, волно и неволно, и со нивните свети молитви мене покаениот помилуј ме.
Сега и секогаш и во вечни векови. Амин: Упокој ги Господи, душите на починатите слуги Свои, праотците, отците и браќата наши, кои почиваат овде и православните христијани кои почиваат насекаде и по-дај им, Господи, царство и удел во Својот бесконечен и блажен живот и прости им го, Господи, секое прегрешение, волно и неволно.
На тебе Благодатна, ти се радува секое создание, ангелскиот собор и човечкиот род, осветен храму и духовен рају, девственичка пофалбо. Од тебе Бог се овоплоти и стана дете, Он Кој е предвечен Бог наш. Зашто твоите пазуви ги направи престол, а утробата твоја ја покажа поширока од небесата. На тебе, Благодатна ти се радува секое создание, слава ти.
Слава на Отецот и Синот и Светиот Дух, сега и секогаш и во вечни векови. Амин. Господи помилуј (Три пати). Благослови. Преку молитвите на нашите свети отци, Господи Исусе Христе, Сине Божји, помилуј ме мене грешниот.
Попушти, отпушти, прости ни Боже што сме згрешиле сакајќи и несакајќи, со дело и со зборови, во знаење и незнаење, ноќе и дење, со ум и со мисли. Се прости ни, зашто си благ и го сакаш човекот.
Господи, прости им на оние што не мразат и не навредуваат. На оние што ни прават добро, дај им добро, посети ги оние што се немоќни и дарувај им исцеление. Оние што се на море насочувај ги. Следи ги оние што патуваат, а на оние што ни служат и ни угодуваат дарувај им простување на гревовите. Оние кои на нас недостојните ни заповедаа да се помолиме за нив, помилувај ги по Својата голема милост. Спомни ги Господи, отците и браќата што се упокоени од порано и упокој ги таму каде што допира светлината на Твоето лице. Спомни ги Господи, нашите заробени браќа и избави ги од секаква неволја. Спомни ги Господи оние што донесуваат плодови и добро прават во Твоите свети цркви и исполни им ги сите барања што им се за спасение и живот вечен. Спомни не Господи, и нас смирените, грешни и недостојни слуги Свои, со молитвите на Пречистата Владичица наша Богородица и Секогашдева Марија и со сите свети Твои, зашто си благословен во вечни векови. Амин.
Богородице Дево, радуј се благодатна Марие, Господ е со тебе, благословена си ти меѓу жените и благословен е плодот на твојата утроба, зашто си Го родила Спасителот на нашите души.
Свети се, свети се, Нов Ерусалиме, зашто славата Господова на тебе засветли. Ликувај сега и весели се Сионе, а ти, чиста Богородице, радувај се на воскресението на Породот свој.
Те исповедуваме како вистинска Богородица, ние кои со тебе сме спасени, дево чиста, со нетлените чинови величајќи т.е.
Достојно е навистина да те ублажуваме Богородице, секогаш блжена и пренепорочна и Мајка на нашиот Бог. Почесна од херувимите и неспоредливо пославна од Серафимите, нетлено си го родила Бога Словото, тебе, која си Богородица, те величаме.


Радувај се, пофалбо на девствениците, радувај се, Мајко Пречиста, која целата вселена ја величи со божествени песни.
Заштитничке на христијаните која не може да се посрами, неизменлива посредничке кај Создателот, не презирај ги молитвените гласови на нас грешниците, туку како блага притекни ни на помош на нас кои верно те повикуваме: отповикај се побргу на молитвата и поитај на молење, Богородице, која секогаш ги заштитуваш оние што те почитуваат.


Отвори ни ги дверите на милосрдието, благословена Богородице, да не пропаднеме ние што на тебе се надеваме, но со тебе да се избавиме од бедите, зашто ти си спасение на христијанскиот род.
Неосквернета, неизвалкана, нетлена, пречиста, чиста дево, Богоневесто, Владичице, која со своето чудно зачнување го соедини со луѓето Бога Словото и со небото ја спои отфрлената природа на нашиот род, единствена довербо оние што се без надеж и помошничке на оние кои се борат, подготвена одбрано на оние што ти приоѓаат и прибежиште на сите христијани, не се гади од мене грешниот, виновникот, кој со срамни размислувања, зборови и дела себеси се направив неподобен, па со лесномисленост станав роб на животните сладости, туку како Мајка на човекољубивиот Бог, човекољубиво сожали се на мене грешниот и блудниот, па прими го моето молење што ти го принесувам со осквернатите усни, со мајчинска смелост молејќи го својот Син, нашиот Владика и Господ, и на мене да ми го отвори срцето на Својата добрина, да не гледа на моите безбројни сопнувања, туку да ме обрати кон покајание и да ме направи искусен создател на Своите заповеди. Биди секогаш со мене како милостива, сочувствителна и доброљубива. Во овој живот биди ми топла заштитница и помошничка, одбивај ги нападите на противниците, води ме на патот на спасението, а кога ќе дојде време на моето заминување, чувај ја мојата кутра душа и изгони ги од неа мрачните лица на злите демони. На денот на страшниот суд избави ме од вечна казна и направи ме да бидам наследник на неискажливата слава на твојот Син и Бог наш. Неа да ја достигнам, Владичице моја, Пресвета Богородице, со твое посредништво и застапништво, со благодатта и човекољубието на твојот единороден Син, Господ, Бог и Спасител наш, Исус Христос, Кому му припаѓа секаква слава, чест и поклонение со Беспочетниот Негов Отец и Пресветиот и Благ и животворен Негов Дух, сега и секогаш и во вечни векови. Амин.
Слава на Отецот и Синот и Светиот Дух, сега и секогаш и во вечни векови. Амин. Господи помилуј (Три пати). Благослови.
Преку молитвите на нашите свети отци, Господи Исусе Христе, Боже наш, помилувај не. Амин.

 

 Н.Левитски

СВЕТИ СЕРАФИМ САРОВСКИ

Издавач :  ЃаконијА , 2004 г.

Главен и одговорен уредник: Митрополит Брегалнички Агатангел

Превод: Жаклина Трајчев

ЌЕЛИЈНО МОЛИТВЕНО ПРАВИЛО НА ПРЕПОДОБЕН СЕРАФИМ САРОВСКИ (2)

 (Продолжува)

Св.Серафим Саровски - ПОВИК



Видео содржини

Поуки од Светите Отци

krusevoexport

Духовност

Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…
Декември 09, 2019
7.Vselenski.sobor

Почитување на Пресветата Мајка Божја

Таа е заштитничка и покров на христијанскиот род. Како Мајка на Синот Божји, таа има најголема слобода и моќ пред престолот Божји, и нејзе Црквата, по Бога, најмногу ја почитува и прославува во своите безброј молитви и химни, како најсилна заштитничка и…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 400
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…

Старец Георгиј Капсанис: МОНАСИТЕ СЕ ЕКСПЕРТИ ВО НАУКАТА НА ПОКАЈАНИЕТО

Луѓето прво треба да го распнат и да го погребат своето поранешно „јас“ (т.е. егоизмот,…

Беседи

 о. Горан Стојчевски:  МАЈЧИНСКАТА ЉУБОВ И СИНОВСКИОТ ОДНОС

о. Горан Стојчевски: МАЈЧИНСКАТА ЉУБОВ И СИНОВСКИОТ ОДНОС

Во Светото Евангелие, како и на фреските и иконите што ги доловуваат сите искупителни и спасителни моменти од сведоштвото на Богочовекот, преку кои човекот и светот се спасени, наидуваме и...

Отец Методиј Митановски: ЗА БЛУДНИОТ СИН

Отец Методиј Митановски: ЗА БЛУДНИОТ СИН

Кога го слушаме Евангелието за блудниот син најголем проблем е што го поврзуваме со други луѓе а не со самите нас.Така секогаш се сеќаваме на некој мал човек што прокоцкал...

Митрополит Европски Пимен: Беседа за Блудниот син

Митрополит Европски Пимен: Беседа за Блудниот син

Но да си споменеме и дека има браќа (како братот од денешната парабола) кои ќе стојат на вратата и ќе роптаат кон таткото зошто нè примил и кои ќе се...

Беседа за блудниот син (втор дел) (29.02.2020)

Беседа за блудниот син (втор дел) (29.02.2020)

Да дојдеш на себеси е да видиш дека без Бог си гол и бос, и дека без Бог си никој и ништо, и дека без Бог си ветер и магла,...

Беседа за блудниот син (прв дел) (16.02.2020)

Беседа за блудниот син (прв дел) (16.02.2020)

 Бог и Отец на секого од нас подеднакво, без збор и без услов, ни ја дава полнотата на Својата благодат. Од нас самите, од нашата слободна волја зависи како ќе...

Св.  Григориј Палама - Беседа за блудниот син

Св. Григориј Палама - Беседа за блудниот син

Ќе настане глад - рекол Пророкот, оплакувајќи го Ерусалим - но не глад за леб и вода, туку чулен глад за словото Божје (Ам. 8, 11). Глад, тоа е состојба...

 Неделата на блудниот син: Враќањето од прогонство (16.02.2020)

Неделата на блудниот син: Враќањето од прогонство (16.02.2020)

Во третата недела од подготовката за Великиот пост, ние ја слушаме параболата за блудниот син (Лк 15,11-32). Параболата и химните што се пеат тој ден, зборуваат за покајанието како за...

СРЕТЕНИЕ СО ТАЈНАТА ХРИСТОВА - Митрополит Струмички Наум

СРЕТЕНИЕ СО ТАЈНАТА ХРИСТОВА - Митрополит Струмички Наум

Заради соединувањето според Ипостас, Богочовекот Христос немаше потреба, Он лично како Бог – како една сложена Божествена Ипостас која во себе содржи две природи неразделно, неслиено, неразлучно и непроменливо соединети...

БEСEДА за Чoвeкoт кoј никoј нe Гo знаe

БEСEДА за Чoвeкoт кoј никoј нe Гo знаe

Кадe и да сe сака нeкoe дoбрo вo свeтoт да сe надгради, Oн e пoчeтoк. Бeз Нeгo нe сe мoжe. Акo сe сака да сe искoрeни нeслoгата и злoбата вo...

« »