логоFacebook  Twitter  YouTube  eMail

 

 Скопје, 4-ти октомври 2015 год.- храм на св. Јован Крстител

 

 

  На 4-ти  октомври  2015 година,  кога Светата Црква  молитвено  го прославува споменот на   Собор на сите македонски Светители; Св. ап. Кодрат ,   во овој  храм на св. Јован Крстите,  во скопската населба Капиште,  свештеникот   Зоран Велковски во сослужение на ѓаконот Слободан Сарделиќ  одслужи  Божествена Литургија. Верниот народ на Литургијата се причести со Светите Христови Тајни.

 

 

 

 БЕСЕДА

о. Зоран Велковски:

ОСУМНАЕСЕТА НЕДЕЛА ПО ПЕДЕСЕТНИЦА

Во името на Отецот и Синот и Св. Дух!

Благочестиви христијани драги браќа и сестри, секој од нас сака да успее во овој живот, секој посакува зад себе да има успешна кариера, добро семејство, убаво воспитани деца, сигурна работа. Сите ние се трудиме добро да го осмислиме својот живот и да достигнеме успеси благодарение на нашиот ум и разум на сопствените сили и способности, без помош од Господа Бога и неговиот благослов.

Но токму исклучувањето на Бога и Неговиот благослов од нашите животни активности е причина за нашиот целосен неуспех. Ние успехот го немаме, бидејќи не го бараме на вистинското место. Во контекст на ова, светиот апостол Јаков говори „ Посакувате и немате, а немате бидејќи не молите. Просите, а не добивате, оти зло барате, за да го трошите во вашите похоти ,,(Јак. 4.. 2-3)

Ист таков успех сакале да постигнат и светите апостоли, кои едни, според својот обичај ги фрлале рибарските мрежи во Генисаретското езеро, но цела ноќ ништо не уловиле. Кога Господ Исус Христос го видел тоа, им рекол повторно да ги фрлат мрежите. Апостолите го послушале, ги фрлиле своите мрежи, па уловиле голема количина риба, та дури и мрежите им се скинале. Иако тие цела ноќ се труделе нивниот риболов да биде успешен, иако времето било благопријатно, иако езерската вода била мирна и погодна за богат лов, сепак нивните мрежи останале празни. Очајни од ваквиот резултат тие се пожалиле на Спасителот „ Наставниче цела ноќ се трудевме и ништо не уловивме!,, Но кога по наредба на Спасителот ги фрлиле мрежите и кога сватиле колку вреди и значи Божјиот збор, тогаш се сетиле дека не смеат да работат ништо без Божјиот благослов. Ова е доказ и за сите нас колку многу значи Божјиот благослов, без него сите наши животни активности пропаѓаат. Не треба многу сила или напор да се вложува, ако пред секое започнување на било каква активност, се прекрстиме, се помолиме и да речеме ,,Господи благослови го мојот труд,, сигурно многумина од нас тогаш го почувствувале Божјиот благослов.

Царот и псалмопејач Давид говори: „Ако господ не ја изѕида куќата, залудно ќе се трудат градителите нејзини, ако Господ не го запази градот, залудно ќе бдее стражата. (Псал. 126-1).
Но уште еден момент од денешниот евангелски настан ни остава длабок впечаток. Апостолите иако ловеле цела ноќ и ништо не уловиле тие не паднале со духот, не се предале на мрзеливост, туку со трпение продолжиле и следната ноќ, па Господ откако го видел таквото трпение ги наградил со голем успех.

Евангелието ни сведочи дека Христос влегол во Петровиот кораб и му наредил на Петар да се оддалечи од брегот па почнал да го поучува народот од коработ. Христовото словесно семе се сеело наоколу и се таложело во човечките души, кои го слушале. Петар тогаш и не забележал што говори Христос, но кога спасителотму рекол: „Заплови во подлабокото“, па кога собрал огромен лов на риби, дури тогаш петар го почувствувал плодот од семето на Христовите зборови. Тогаш Петар почувствувал страв, но ја почувствувал и својата ништожност пред Христа, па затоа рекол:,,Оди си од мене, Господи, оти сум човек грешен!“. Но Христос го смирил:,,Не бој се! Од сега ќе ловиш луѓе!“. Од сега нема да ловиш риби туку во големата Господова мрежа ќе ставаш живи човечки души кои ќе ги извлекуваш од бурите, од секојдневните несреќи и искушенија воведувајќи ги во спокој. И навистина Петар оставил сè и тргнал по Христа.
Затоа да не се плашиме туку да сееме врз сите срца, зашто ни претстои да собереме богата жетва, иако и семето и жетвата е Господова. И навистина ќе дојде време за кое и во Евангелието се говори, дека заедно ќе се радуваат и оној кој сее, но и оној кој ја собира жетвата. Амин!

 

 

 

 

 Preminportal (к.т)



Поуки од Светите Отци

dobrotoljubie

Беседи

Митрополит Струмички Наум: Воведение на Пресвета Богородица (03.12.2022)

Митрополит Струмички Наум: Воведение на Пресвета Богородица (03.12.2022)

    Некаде во своите дела светиот Старец Јосиф Исихаст вели: „Ако не ја достигнеш благодатта Божја во најголема мера, не сметај се себеси за потполн човек“. Си велам, само потполн...

о. Горан Стојчевски: Дар на светот, икона на човекот, учителка на послушанието, педагог на служењето, првиот исихаст, родителка на вечниот живот, божествен цвет на сè создадено

о. Горан Стојчевски: Дар на светот, икона на човекот, учителка на послушанието, педагог на служењето, првиот исихаст, родителка на вечниот живот, божествен цвет на сè создадено

 Таа единствена тихувателка и патоводителка низ исихијата, нè приведува во заедницата од која се откинавме, а еве повторно ни е дадена можност, не само да се вратиме, туку да црпиме...

Митрополит Струмички Наум: СВЕТИ ГРИГОРИЈ ПАЛАМА (26.11.2022 )

Митрополит Струмички Наум: СВЕТИ ГРИГОРИЈ ПАЛАМА (26.11.2022 )

Во Црквата не постои надворешен, т.е. научен критериум за познавање на Вистината – Христос, туку постои внатрешен, аскетско-исихастички (молитвен) критериум, преку кој лично и опитно Го познаваме Христос Вистинскиот Бог.Кога...

Сашко Николовски: СВЕТИ ЈОВАН ЗЛАТОУСТ 13/26 ноември

Сашко Николовски: СВЕТИ ЈОВАН ЗЛАТОУСТ 13/26 ноември

Животот на Златоуст бил тежок и бурен. Тоа е живот на подвижник и маченик. Меѓутоа, Златоуст не се подвизувал во својата келија, ниту пак во пустина, туку сред животната таштина,...

Св. Григориј Палама - „Господи, просвети ја мојата темнина„ (Собрани беседи)

Св. Григориј Палама - „Господи, просвети ја мојата темнина„ (Собрани беседи)

Градот војува сам со себе, завојувал сам со себе, се гази од своите сопствени нозе, се руши од своите сопствени раце, одекнува од своите сопствени извици. Она што е кај...

Поминувајте го времето на своето живеење со стравот ( I Пет. 1,17)

Поминувајте го времето на своето живеење со стравот ( I Пет. 1,17)

 Ова се зборови на големиот апостол Петар, зборови кои имаат двојна потврда: небесно вдахновение и сопствено искуство. По небесното вдахновение простиот рибар Петар, стана учител на народот, столб на верата,...

Игумен Фотиј Беровски: Извадоци од  беседа

Игумен Фотиј Беровски: Извадоци од беседа

        "Секогаш го дефинираме односот кон другите и односот кон себе...Каде и кога? Постојано, почнувајќи овде во Црквата а потоа и во своите домови. Секогаш кога зборуваме  на  оваа тема зборуваме...

Митрополит Струмички Наум : Како да ја зачуваме Божјата благодат во нас

Митрополит Струмички Наум : Како да ја зачуваме Божјата благодат во нас

За денешното евангелско четиво (види: Лука 8, 41–56) битно е да се запамети следново:Како што крвта е потребна за животот на телото, така и благодатта Божја е потребна за вистинскиот...

БEСEДА за пoзивoт на ситe христијани да бидат свeти

БEСEДА за пoзивoт на ситe христијани да бидат свeти

Акo вo пoслeднитe врeмиња свeтитe пoстаналe исклучoк, вo oниe први врeмиња, нeсвeтитe билe исклучoк.Свeтитe билe правилo. Всушнoст, нe трeба да сe чудимe штo апoстoлoт ги нарeкува ситe крстeни души вo...

« »