логоFacebookTwitterYouTubeeMail

 

 

 

Од 05.05 до 11.05. 2015, во Скопје,  се одржува  27. Меѓународен саем на книгата. И оваа година, по трет пат, на него  учествува Македонската Православна Црква - Охридска архиепископија со својата издавачка дејност. На  штандот се  изложени поголемиот дел од црковните изданија. Саемот ќе биде отворен за посетители од 10:00 до 20:00 часот.

 

Денес, ви презентираме дел од богатата  издавачка дејност на
Дебарско-кичевска епархија

 

 

На Саемот на книгата - Избор од изданијата на Дебарско-кичевска епархија


 

1.    Плаошки мироглед


Ова дело на Неговото високопреосвештенство, митрополиот Дебарско-кичевски Тимотеј, претставува единствено од овој тип во поновиот период од историјата на Македонската правослвна црква. Во книгата, покрај мноштвото беседи, е претставен неговиот севкупен творечки опус за време на неговата архиепастирска дејност, објавен во црковни и други списанија во периодот од 1981 до 2012 година. Со еден збор, книгава е запишан дел од интелектуалната историја на митрополитот Тимотеј, каде што е претставено неговото искуство и знаење. Страниците се обоени со карактеристичен стил – работите да се искажат и објаснат јасно и директно, со информации кои потоа ќе можат да бидат применети и од други проповедници, автори и читатели.


2.    Старец Пајсиј


Ова тритомно издание претставува збир на совети и поуки на новопрославениот светител Пајсиј Светогорец. Богатото духовно искуство на старецот претставува вистински патоказ за секој современ човек кој се труди да живее според заповедите Христови. Лесниот стил на изразување на старецот Пајсиј го прави еден од најчитаните и најпреведуваните старци од поновата историја на Света Гора.


3.    Евхаристиско богословие


Ова книга е збир од необјавени есеи на литургиски теми на еден од најпознатите православни богослови од Запад од дваесеттиот век – протоереј Александар Шмеман. Сакајќи да ги разбие схоластичките бариери кои преку западното богословие во извесна мера влијаеле и на источната православна Црква, Шмеман карактеристично забележува: „Литургиското богословие не е дел од теологијата, не е „дисциплина“ која се занимава со Литургијата „сама по себе“, и ја разгледува како посебен „објект“, туку првенствено е обид за сфаќање на „теологијата“ како нешто што се пројавува во Литургијата и преку Литургијата“.


4.    Гласот на пастирот


Трудот на прота Спасе Стефановски што ѝ го препорачуваме на македонската јавност претставува значаен прилог за расветлувањето на црковниот и националниот живот на Македонсците сплотени во Македонската православна црква, а пластичниот јазик во изразувањето на неговите мисли во беседите и во јавните настапи по различни поводи – на црковни, историски, културно-просветни, спортски и други свечености – овозможува лесно да се согледаат многу факти од животот и дејствувањето на МПЦ во Австралија.


5.    Преполовение или Руса Среда?


Неодамна од печат излезе оваа прва книга на Виктор Недески, дипломиран богослов на богословскиот факултет од Аристотеловиот универзитет во Солун. Книгата претставува хеортолошки осврт на празникот Преполовение и проблемот на словенските пагански верувања поврзани со него.  Г-дин Виктор Недески се зафаќа со оваа проблематика многу сериозно и студиозно и го расветлува најпрво самиот празник како Преполовение на Педесетницата, а потоа прави продлабочено истражување на тоа: од каде доаѓа во нашиот народ појавата на замена на овој празник со „Руса Среда“.

 



Поуки од Светите Отци

dobrotoljubie

Беседи

Митрополит Струмички Наум:   Жената Хананејка (16.10.2021)

Митрополит Струмички Наум: Жената Хананејка (16.10.2021)

 Послушанието не е лесен подвиг и не е без искушенија. Затоа, до добивањето на дарот на умно-срдечната молитва тоа е аскетски подвиг, подвиг на кој се принудуваме. Духовниот отец може...

Митрополит Пимен: ЗА Воскресението, гневот и пандемијата - „ЗБОРНИК НА КАРАНТИНСКИ БЕСЕДИ“

Митрополит Пимен: ЗА Воскресението, гневот и пандемијата - „ЗБОРНИК НА КАРАНТИНСКИ БЕСЕДИ“

Та Христос не воскресна само во Ерусалим, та Христос не воскресна само во храмовите. Христос воскресна за сите, за секој и секаде. Христос воскреснува во срцето на секој еден од...

Митрополит Струмички Наум: Сега... сакаш да имаш или да немаш?

Митрополит Струмички Наум: Сега... сакаш да имаш или да немаш?

Значи, наместо судење и осудување и самооправдување, Христос ни го покажува патот на самоукорување и самоосудување, патот напуштен од речиси сите денес; патот на смирението.Прашање е дали воопшто и можеме...

Митрополит Струмички Наум: Потсетник (06.10.2021)

Митрополит Струмички Наум: Потсетник (06.10.2021)

Денешното апостолско четиво (Гал. 6, 3) ме потсети на малиот број „христијани“, кои поради својата внатрешна душевна расцепеност и меѓусебната поврзаност по таа основа, се однесуваат како отцепени, не само...

Митрополит Струмички Наум: Двоедна заповед (03.10.2021 08:43)

Митрополит Струмички Наум: Двоедна заповед (03.10.2021 08:43)

Да не се лажеме себеси... Оној што ја има љубовта како дар на благодатта на Светиот Дух не може истовремено и да мрази. Нема тука место за обичните човечки чувства,...

Митрополит Струмички Наум: Љубовта ќе олади (01.10.2021)

Митрополит Струмички Наум: Љубовта ќе олади (01.10.2021)

Љубовта ќе олади кај тие што ја добиваат како дар Божји во Црквата, а не ја негуваат и не ја развиваат. Љубовта ќе олади кај христијаните, кај православните. Божествена љубов...

 Митрополит Стумички Наум: Тајната на личниот крст (29.09.2021)

Митрополит Стумички Наум: Тајната на личниот крст (29.09.2021)

Често луѓето имаат желба да се на местото на некој друг. Сакаат да ја имаат видливата власт и славата на другиот, сакаат да ги имаат видливите пари и имот на...

 архим. Георги Капсанис: ВО ЗНАК НА НАШАТА ЉУБОВ

архим. Георги Капсанис: ВО ЗНАК НА НАШАТА ЉУБОВ

Незамисливо е да се биде христијанин без подвиг и крст. Оној што води лесен живот не може да се нарече христијанин. Некои луѓе отсекогаш верувале дека христијанин е оној кој...

 Митрополит Струмички Наум: Свадбена облека (25.09.2021)

Митрополит Струмички Наум: Свадбена облека (25.09.2021)

Свадбена облека е подвигот на очистување на срцето од страстите во послушание. Без овој подвиг никој не може да се нарече христијанин. За монасите и свештенството свадбена облека е нешто...

« »