логоFacebookTwitterYouTubeeMail

02.jpg

Акатистни поздрави кон Мајката Божја

15/28 март 2015 лето Господово

04.jpg

Главната цел на постоењето на Црквата православна, на Црквата која се моли, како и на секој христијанин поединечно, е, пред сѐ, соединување со Христа, учество во Неговата жртвена љубов кон човечкиот род. Верните во Црквата се учат да Го созерцаваат Христа Живиот, заедно со победничкиот Собор, Црквата на првородените, запишани на небесата (Евр. 12, 35). А среде овој собор на неискажлива слава, најсјајно блеска ликот на пресветата Мајка на Господ и Спасителот, лик полн со благодат и љубов, сострадание и милост, лик кој светли како „Ѕвезда која Сонцето Го објавува“, како „Зора на таинствениот ден“ (од Акатистот на Пресвета Богородица). Нејзиното служење како Мајка Божја, како Богородица, во Црквата Христова е најважно и незаменливо. Поврзана со Спасителот со врските на мајчинската љубов, Мајката Божја станува Мајка на целиот христијански род, на секој роден и препороден во Дух и вистина. „Тајната на Марија – вели блажениот о. Г. Флоровски – е Тајна на Црквата. Мајка-Црква и Мајка Божја заедно раѓаат нов живот. И двете се - претстојателки“.

05.jpg

Во светлината на созерцанието на оваа неискажлива и преслатка тајна која го носи тоа најсвето име на Дева Марија Богородица, Бигорскиот свештен собор оваа ноќ Ѝ ги упати на небесната Царица последните акатистни поздрави за овој свет Велигденски пост. Трепетниот глас на нашиот најмил Старец, архимандрит Партениј, како медоносна пчела ги посетуваше срцата на сите присутни верни, собирајќи го од нив поленот на љубовта кон Богомајката и принесувајќи Ѝ го како најсладок дар. А Таа, Пречистата, за возврат уште еднаш со благодатна прегратка ја прегрна секоја душа во Бигорскиот храм. Зашто уште од најдревни времиња преку Нејзиното застапништво христијаните се спасуваат, во Неа заштита и покров, спокој и утеха наоѓаат. Таа, Најсветата од светиите, неизречиво ги љуби сите кои се посветиле на благочестието, сите кои го предале својот живот на Нејзиниот возљубен Син. Но, о, прекрасно чудо, длабочина на милосрдието! Ги љуби Таа и грешниците кои тонат во своите беззаконија, сострадува со нив, постојано ја простира кон нив Својата мајчинска рака. И колку од нив станале, се исправиле, се спасиле, преку Неа, Царицата на земните и небесните, станале од бездната на гревовниот пат, се осветиле и влегле во чертогот на Небесниот Владика, во Царството на вечната слава.

Иако гласот за таа вечност во наши дни како да се заглушува среде шумот на политичките нереди, среде шумот на современиот живот и неговата суета и злоба, сепак, по милоста Божја и застапништвото на Пресвета Богородица, доброто опстојува и денес. И сега луѓето се пробудуваат од гревовниот сон, ги отвораат своите срца за Бога, Му принесуваат покајание... И сега, како и некогаш, луѓето се учат на Пречистата да Ѝ пеат:

          Радувај се, од Тебе изгрева многусветлата просвета;
          Радувај се, од Тебе извира многуводната река!
          Радувај се, Ти живо ја претставуваш бањата;
          Радувај се, Ти ја отстрануваш гревовната сквернота!
          Радувај се, Ти ја миеш совеста;
          Радувај се, Чашо, со која се црпе радост!
          Радувај се, Ти си миризба на Христовото благоухание;
          Радувај се, Ти си живот на таинственото веселие!
          Радувај се, Невесто неневестна! (од 11 икос на Акатистот)-

07.jpg

14.jpg

15.jpg

Извор: Бигорски манастир

 



Видео содржини

Поуки од Светите Отци

dobrotoljubie

Беседи

Митрополит Струмички Наум:   Сето тоа... не сум го запазил од младини (11.09.2021)

Митрополит Струмички Наум: Сето тоа... не сум го запазил од младини (11.09.2021)

Страстите се тие што го држат срцето заробено и затворено за умно-срдечната молитва, а умот непросветлен. Страстите и демоните, кои секогаш се поврзани со нив, се тие што ги држат...

Митрополит Струмички Наум: Што не е јасно? (04.09.2021)

Митрополит Струмички Наум: Што не е јасно? (04.09.2021)

Никогаш не треба да губиме предвид колкави должници сме Му на Бог; и поради сите дарови што постојано ги добиваме од Него и поради сите гревови со кои Му возвраќаме...

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово

Св. Јован Кронштатски - Слово на денот на Успение на Пресвета Богородица

Св. Јован Кронштатски - Слово на денот на Успение на Пресвета Богородица

И колку славно било Нејзиното успение! Со каква светлина сјаело Нејзиното пречисто лице. Колку прекрасно, неописливо, неспоресливо благоухание извирало од нејзиното пречисто, приснодевствено тело, како што пишува св. Дионисиј Ареопагит,...

Свети Лука (Војно- Јасеницки): СЛОВО ЗА УСПЕНИЕТО НА ПРЕСВЕТА БОГОРОДИЦА

Свети Лука (Војно- Јасеницки): СЛОВО ЗА УСПЕНИЕТО НА ПРЕСВЕТА БОГОРОДИЦА

Многу е важно правилно да разбереме и да ги запомниме зборовите на тропарот на великиот празник на Успението на Пресвета Богородица: „... По Успението не си го оставила светот, Богородице...’’.Нејзината...

о.Зоран Пецовски: ПРЕОБРАЖЕНИЕ  ХРИСТОВО

о.Зоран Пецовски: ПРЕОБРАЖЕНИЕ ХРИСТОВО

Кој им дава поткрепа во нивните неуморни подвизи; добро и убаво им било на сите светители, зашто за сите нив не постоел ниту еден друг идеал кој  би бил  достоен...

   Свештеник Јане Илиев: СЕДМА НЕДЕЛА ПО ПЕДЕСЕТНИЦА

Свештеник Јане Илиев: СЕДМА НЕДЕЛА ПО ПЕДЕСЕТНИЦА

Секое појавување на Спасителот Господ Исус Христос меѓу народот претставувало поттик околу Него и Неговите ученици да се собере многу народ. Некои од нив доаѓале заради љубопитност, некои од мака,...

Митрополит Струмички Наум: Разлика помеѓу Божјо и демонско чудо (21.08.2021 )

Митрополит Струмички Наум: Разлика помеѓу Божјо и демонско чудо (21.08.2021 )

Прашањето што се поставува сега е: дали имаше основа за чудо и во случајов на Апостол Петар? Дали тој дава нешто што не е достаточно и за самиот него, т.е....

Митрополит Струмички Наум: Давање и кога се нема доволно за себе – основа за Божјо чудо (14.08.2021)

Митрополит Струмички Наум: Давање и кога се нема доволно за себе – основа за Божјо чудо (14.08.2021)

    Во нашиот живот е важно да имаме волја за добро дело – во слава Божја и од љубов кон ближниот, останатото е Божја работа. Апостолите ја гледаат потребата...

« »