TRIANGLE-FILM
1000 Skopje, Republic of Macedonia
ul.Bratfordska br.1/1-2A
tel: +389 47 220 049, tel: +389 2 3080380
e-mail: Оваа е-адреса е заштитена од спамботови. Треба да ви е овозможено JavaScript за да ја видите.

И З В Е С Т У В А Њ Е
Веста која што деновиве се објави во некои медиуми за тоа дека на снимањето на новиот филм на Столе Попов „До Балчак“ свесно е убиен коњ е основана на тврдења на очевидци кои не се навистина запознаени со фактичката ситуација на настанот.
За потребите на конкретната сцена од филмот е земен коњ кој требаше да претставува стар, изнемоштен и ранет коњ, и пронајден е со таков опис од физичко лице, а не од Зоолошка Градина, како што се појавија невистини во одредени медиуми. Сопственикот на коњот, Пеце
Пејчиновски изјави дека коњот има слабо срце, проблеми со бели дробови и е на возраст помеѓу 32 и 34 што е еквивалентно на 105 години човечки живот.
Значи, фотографијата што беше презентирана во медиумите, мртов коњ што лежи во крв, е дел  oд филмската сцена во која коњот е полиен со филмска крв и воопшто не кореспондира со обвинувањата на некои медиуми дека коњот е малтретиран и притоа убиен.
Одоговорниот ветеринар којшто беше присутен на снимањето потврдува дека коњот е третиран правилно, со сите претходно превземени заштитни мерки, но неговата здравствена состојба и старост довеле до трагични последици. “Едноставно, конкретното животно, за жал не ја издржа многу тешката конфигурација на теренот за снимање” се вели во официјалниот извештај на ветеринарот Љупчо Андревски.
Официјално потврдуваме дека сите животни коишто се користат за снимањето на филмот имаат постојан надзор од ветеринар и за нив се грижат високо стручни лица, животните се соодветно сместени и добиваат соодветна храна.
Не само јавноста, туку најпрво и целата екипа којашто работи на реализацијата на филмот заедно со одговорните, се вознемирени од несреќениот настан, но исто така, мора да се земат во предвид фактите коишто укажуваат на тоа дека тврдењата: „коњот е свесно и намерно убиен“ се извртување на вистината и шпекулации кои имаат за цел да фрлат црна дамка на овој проект.
Користењето на овој „голем новинарски наслов“ со цел да се дискредитира едно уметничко дело е неетичко и неморално, а пред сè непрофесионално како од страна на очевидците така и од страната на некои медиуми кои што ја прошириja веста.
За потребите на филмот до сега беа искористени, и во иднина ќе се користат уште многу други животни со кои што најодговорно тврдиме дека се постапува на најхуман начин и ниту едно од нив нема да дозволиме да биде намерно повредено.
Конкретно за овој филм продукцијата има ангажирано педесетина коњи од три коњички клуба од Македoнија КК “АНИМАЛС”, КК “ПРОЦЕС” и КК “ДОНА” и еден клуб “АРИС” од Бугарија до кои може лично да се обратите за дополнителни информации. Коњите се дресирани за филмски сцени и со нив работат обучени лица. Соодветна грижа се води и за останатите дресирани специјални животни (мечка, кучиња, мачки, паун, гаврани и мајмун)од “СИРКОВ ГАЈ” Србија, кои се користат на снимањето а се во придружба на одговорни лица.
Погрдните зборови упатени кон екипата на филмот, посебно кон режисерот Столе Попов укажуваат само на тоа дека по секоја цена сака да му се наштети на овој проект.
Продукцијата на филмот “ДО БАЛЧАК”

 Друго:

Прва клапа на „До балчак“, новиот филм на Столе Попов