логоFacebookTwitterYouTubeeMail

 Движејќи се накај Горна порта во стариот дел на градот Охрид, доколку претходно не сте биле таму, нема ни да претпоставите дека од левата страна се издигнува манастирскиот комплекс „Св. Богородица Перивлепта“.

Лоциран е во средиштето на старото охридско градско јадро, на возвишението Дебој. Додека сте таму, неизбежно е да ги почувствувате спокојот и мирот што местото ги нуди заедно со прекрасниот поглед кон градот.

Најзначајно одредиште во рамките на комплексот е црквата посветена на Богородица Перивлепта со градежни и сликарски фази од XII до XIX век. Од нив особено се издвојува фрескоансамблот создаден во духот на палеологовската ренесанса од врвните мајстори Михајло и Евтихиј, чиј потпис е евидентиран на дваесетина места на славното сликарско дело.

црква_богородица_перивлепта__5_.jpg

 Меѓу народот црквата е позната и како „Св. Климент“ бидејќи по уривањето на црквата на Плаошник во XV век, моштите на св. Климент се чувале во оваа црква до 2002 година.

Седум години се работеше проектот за целосна ревитализација на манастирскиот комплекс, за што Амбасадата на САД донира 650 илјади долари.

Директорката на НУ Завод и музеј - Охрид, Татјана Паскали, вели дека уште при отпочнувањето на реализацијата на проектот од страна на УНЕСКО биле побарани експерти, така што еден архитект како експерт бил вклучен за изработка на проектите за архитектура и за истражувачките работи. Двајца експерти работеле заедно со екипата што ги извршувала конзерваторските работи на фрескоживописот, исто така посочени од страна на УНЕСКО.

 црква_богородица_перивлепта__14_.jpg

- Почнавме со истражувачки работи прво на архитектурата на црквата, поточно на покривите, што беа и причина за оштетување на самиот фрескоживопис. Се отстранија старите покривни покривачи и подлоги, а врз основа на анализите што ги извршивме, неопходно беше да се постават привремени заштитни дрвени покриви. Тие беа поставени околу три години над исчистените сводни површини, така што се вентилираше и се сушеше од влага. Кога се утврди дека сводните површини се доволно исушени, но не и пресушени бидејќи и тоа лошо влијае врз фрескоживописот, се почна со изработка на проекти за конзервација на архитектурата - раскажува Паскали за процесот на работа.

Овие постапни проекти биле изработени од страна на НУ Завод и музеј - Охрид и ревидирани од стручни комисии. Врз основа на проектите се добило конзерваторското одобрение, со кое се пристапува кон конзервација на архитектурата на црквата.

 

 црква_богородица_перивлепта__16_.jpg

 Беа поставени сите потребни варови малтери како слоеви над сводните површини, хидроизолации, неопходните опшивки од оловен лим на венците од црквата и меѓу покривите и ѕидовите. Исто така, беше поставен нов покривен покривач од традиционална ќерамида. Беа третирани сите фасади, беше извршено комплетно чистење на старите фуги, на места каде што имаше потреба и на цементен малтер. Извршено е комплетно фугирање со варов малтер низ целата црква - вели Паскали.

Биле извршени и потребните археолошки истражувања околу самата црква, каде што се констатирани и постари фази на градби. Археолошки истражувања се вршени и во внатрешноста на црквата.


- Се спроведе цел систем на дренажа за да може да се спречи капиларната влага што доаѓаше од подот и одеше нагоре. Со тоа што го направивме во голема мера е намалена влагата, до степен и воопшто да ја нема. Извршена е адаптација и на тремовите во црквата, санирани се сите дрвени елементи од покривите, се постави комплетно ново осветлување. Просторот од тремовите се искористи за организирање изложбен простор. Во моментов е изложен целиот процес од самиот начин на изработка на проектот на конзервацијата. Во иднина овој простор може да се користи за различни соодветни изложби - вели Паскали.

 

црква_богородица_перивлепта__10_.jpg

 Додека траела конзервацијата на архитектурата се извршувале и анализите за конзервирање на фрескоживописот. И тој проект поминал слична процедура. Го воделе конзерваторите од Националниот конзерваторски центар и од НУ Завод и музеј - Охрид.

Заради регулирање на климатските услови, на влезот од црквата е поставен стаклен ветробран што ќе овозможи континуирани климатски услови. Во периодот од седум години напоредно се правени и конзерваторски проекти за конзервација на камбанаријата, каде што се вклучува и Министерството за култура со комплетно финансирање на тој проект, кој чини милион и шестотини илјади денари.


Истовремено се работеше на истражувања за конзервација на манастирскиот конак, како и на археолошки истражувања во неговата внатрешност. Тука се вклучува и Дебарско-кичевската Епархија со обезбедување дел од финансиите за оваа реконструкција.

 

 

Извор:

http://telegraf.mk/kultura/arheologija/ns-newsarticle-spokoj-nad-ohrid-sv-bogorodica-perivlepta-e-edna-od-najubavite-crkvi-foto.nspx



Видео содржини

Поуки од Светите Отци

dobrotoljubie

Наука и Култура

Јуни 28, 2021
3.to.Naoganje.glava.sv.Jovan.Krstitel

Новата книга од Тихомир Јанчовски беше промовирана во „Буква“

Авторот несомнено е познавач на филозофските теории, што е видливо и во неколку синтагми и максими кои вешто ги проткајува во своите раскажувања. Како синтагми кои во историјата на филозофијата се врзуваат со Декарт, со Лајбниц или со Хусерл. Сепак, и покрај…
Јуни 10, 2021
38.machenici1

До 2050 година во океаните ќе има повеќе пластика отколку риби

Луѓето годишно користат повеќе од 1 милијарда пластични кеси, фрлаат 13 милиони тони пластика во океаните, трошат 17 милиони барели за изработка на пластика (еден барел има околу 159 литри) и убиваат повеќе од 100.000 животни со користење на…

Елвира, наставничката која се покажа како штит...

Мај 17, 2021 Друго од култура 406
38.machenici1
Игнатијева на својот профил на Инстаграм обично објавуваше мотивациони пораки врз свои…

Збирка раскази „Фауст го трча плебејскиот круг“ (Faustus Runs the Plebeian Circle)-Стефан Марковски

Апр 07, 2021 Литература 358
Aleksandar.N.sv.Haralampij
Збирката раскази по промотивна цена е дистрибуирана и на повеќе книжевни платформи, како…

Книгата може да им помогне на децата да си го изградат идентитетот

Апр 04, 2021 Литература 446
Aleksandar.N.sv.Haralampij
Секоја генерација на деца има свои проблеми и затоа треба авторите да ги следат денешните…

Беседи

 Митрополит Струмички Наум: Зошто не Го примаме Богочовекот Христос? (24.07.2021)

Митрополит Струмички Наум: Зошто не Го примаме Богочовекот Христос? (24.07.2021)

Што ли да речеме за посуптилната страст на умот, како што е демонската гордост, т.е. високото мислење за самите себе, односно суетата, преку која демонот нѐ држи заробени и преку...

БEСEДА  за трeзвeнoста на умoт

БEСEДА за трeзвeнoста на умoт

Бoг на живoтнитe им дал самo душа, затoа нe им дал слoбoда, туку Oн ги ракoвoди сo Свoјoт ум. На чoвeкoт Бoг му дал душа и ум, и сo умoт...

Митрополит Струмички Наум: Кажи само збор (17.07.2021)

Митрополит Струмички Наум: Кажи само збор (17.07.2021)

Божји збор, Литургиски збор, збор во сила, соодветно, има веќе и оној што го просветлува својот ум преку дарот на умно-срдечната молитва; оној чиј ум невидливо богослужи пред олтарот на...

Митрополит Струмички Наум: АПОСТОЛСКО ПРЕЕМСТВО, ИЛИ СТАРОЗАВЕТНО?

Митрополит Струмички Наум: АПОСТОЛСКО ПРЕЕМСТВО, ИЛИ СТАРОЗАВЕТНО?

Светите Апостоли не служеле во велелепни храмови, туку во обични домови. Ние, денес, се натпреваруваме кој поголем храм ќе изгради, и покрај тоа што многу луѓе живеат во сиромаштија.Светите Апостоли...

Ретроспектива (2005-2020) - Митрополит Европски Пимен: „Беа двајца сосем различни луѓе“

Ретроспектива (2005-2020) - Митрополит Европски Пимен: „Беа двајца сосем различни луѓе“

Беа двајца сосем различни луѓе. Едниот прост рибар, а другиот еден од најучените во своето време. Еден крупен како карпа, друг многу ситен. Едниот со пламен карактер, а другиот кроток....

Александар Несторовски: Трета недела по педесетница 11/07/2021

Александар Несторовски: Трета недела по педесетница 11/07/2021

А ако ние сме од Бога и ако целиот матријален свет е од Бога, тогаш значи дека и се што доаѓа е од Бог. Затоа, да го напуштиме лицемерното верување...

МИТРОПОЛИТ СТРУМИЧКИ НАУМ: ЛОВЦИ НА ЛУЃЕ (03.07.2021)

МИТРОПОЛИТ СТРУМИЧКИ НАУМ: ЛОВЦИ НА ЛУЃЕ (03.07.2021)

И затоа, како што обичниот ловец треба да биде искусен за да го фати својот плен така и ловецот на луѓе, односно духовниот отец треба да биде опитен за да...

о.Јане Илиев: ПРВА НЕДЕЛА ПО ПЕДЕСЕТНИЦА

о.Јане Илиев: ПРВА НЕДЕЛА ПО ПЕДЕСЕТНИЦА

Човекољубието на Господа Исуса Христа нема крај. За да го стекнеме вечниот живот, кој е во Него, и за да живееме со Него, од нас не се бара ни ученост,...

 Митрополит Струмички Наум: Недела на сите Светии (26.06.2021)

Митрополит Струмички Наум: Недела на сите Светии (26.06.2021)

Егоцентричноста, т.е. самољубието не се способни да се потслонат на верата и довербата во Богочовекот Христос, и затоа несвесно го принудуваат човекот да бара сигурност само во материјалното, како и...

« »