логоFacebookTwitterYouTubeeMail

 212088.b.jpg
31 август 2015 лето Господово

За време на неделната проповед Патријарх Илија II се обрати со беседа кон паствата.

Во името на Отецот, Синот, и Светиот Дух:

„Со нас е Бог!

Времињата се менуваат и ние се менуваме заедно со нив. Сега е страшно време. Се случува преврат на сѐ - вредности, добродетели, добрини. Сè се менува. Тоа што нашите предци порано го сметале за грев, зло, сега некој се труди да го шири. Таа нечистотија и злоба. И ете во ова време на промени, човекот треба да го сочува своето јасно расудување. Реката тече и често ни се паѓа да пливаме спроти текот. Сакам сега да зборувам за нашата младина. Младината многу често паѓа во очај. Тие даваат испити и често се случува талентиран човек да не може да се запише на висока образовна институција, а ете послаби од него успеваат. Ние не смееме да ја губиме надежта. Животот е многулик и многу разгранет. Не е задолжително за човек да заврши високо образование. Главен учител на човекот е тој самиот. Има мноштво професии и животни патишта. Ете затоа доколку вам не ви успее на едно место, или пак, не се запишете на едно училиште, обидете се во второ, во трето, во десетто... Обидете се да се занимавате со физички труд, пробајте да се занимавате со земјоделие и Господ задолжително ќе ви испрати благодатна помош и добра среќа. Би сакал пред сѐ да ве замолам сите вас да ги избегнувате наркотиците, да го избегнувате пијанството, да бегате од лоши дела и Господ сигурно ќе ги оправда сите ваши надежи и ќе ви помогне. И кога барате помош од Бога, вие не смеете воопшто да имате сомнеж. Кога човек се сомнева тој не го добива бараното и неговата молба не се исполнува.

Токму затоа не треба да се сомневаме кога бараме од Господа. Господ вели: ’Барајте и ќе ви се даде‘. Барајте со радост, со љубов, со вера и Господ ќе ви даде, доколку тоа ви е од полза. ’Барајте и ќе најдете, чукајте и ќе ви се отвори‘. Господ да ви даде сила. Господ да ви удели мудрост. Вие знаете што пишува во Библијата: ’Почеток на мудроста е стравот Господов‘. Нека ви помогне Господ, и нека ви го отвори патот.

’Покажи ми го, Господи, патот по кој да одам‘. Нека ве чува крстот! И нека ве благослови Господ! Сакам да кажам дека кај нас има талентирана младина, но тие таланти треба да излезат на виделина... Господ да ви даде сила да ги покажете своите таланти, дадени од Господа. Со нас е Бог! Господ да ве благослови, да ве укрепи, да ве умножи и да ви ја даде благодатта на Светиот Дух! Амин!“

Извор: Православие.ру

Преземено од. Бигорски манастир



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

Дек 09, 2019 Полезно и Потребно 1119
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 1056
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…