логоFacebookTwitterYouTubeeMail

 

 hristos-i-iskushenijata.jpgИ кога дојде Исус во земјата Кесарија Филипова, ги праша учениците Свои и рече: >>За кого Ме мислат луѓето - Мене, Синот Човечки<< ? Тие одговорија: >>Едни за Јована Крстител, други за Илија, а некои за Еремија или за еден од пророците<<. А Он им рече: >>А вие за кого Ме мислите<< ? Симон Петар одговори и рече: >>Ти си Христос Синот на живиот Бог<< (Мт. 16, 13-16).
 Ние христијаните исповедаме дека Исус Христос е Богочовек, зашто во себе ги содржеше двете природи: божествената и човечката. За Него муслиманите велат дека бил само пророк и добар човек. За нив Бог може да биде само во исклучиво божествена природа и да богува таму горе на небесата, но никако во видлива форма долу на земјата. Јудеите пак за Него велат дека бил лош човек, отпадник од нивниот род и со помош на лажни чудеса и измама го завел обичниот народ да го почитува и слави како Бог. Значи во светот меѓу луѓето постојат три одговори на прашањето - кој е Исус Христос.
 Ние кои веруваме дека Бог е Света Тројца исповедаме дека Господ Исус Христос е Бог Син - второто лице на Св. Тројца, кој слезе од небесата и се воплоти од Светиот Дух (третото лице на Св. Тројца) и Марија Дева и стана човек, односно Богочовек. Освен што ја задржа божествената природа, прими кон Себе и човечка, поради што стана Богочовек и како Таков сведочеше пред луѓето со своите чудеса. Неговото најголемо чудо не беше тоа што водата ја претвори во вино, што го умножуваше лебот и нахрануваше илјадници гладни и сиромаси или што ги исцелуваше болните и ги воскреснуваше мртвите, туку самата негова жртвена љубов. Лично Богсемоќниот Цар Небесен,  слезе во овој огревовен свет да го избави од канџите на сатаната и повторно да го врати во прегратките на Св. Тројца.
 Спасението од нечестивиот можеше да го изврши само Бог и никој друг. Затоа Господ Исус Христос со својата крсна смрт ја докажа Својата спасоносна љубов кон луѓето, а на демоните им покажа дека и неговата човечка природа е појака од нивното најголемо оружје - смртта и со својата смрт ја победи демонската смрт. Оттаму и Неговото воскресение од гробот беше најголемата радост во овој свет. Со тоа Тој ни го откри изворот на Вечниот Живот во Своето Тело, а преку Литургијата и светата причест тој живот стана достапен за секого кој верува во Него.
 Затоа ние христијаните крстени во името на Св. Тројца, миропомазани со печатот на Светиот Дух ги примаме телото и крвта Христови кога се причестуваме пеејќи: Тело Христово примете од изворот бесмртен вкусете, вкусете и видете колку е добар Господ. Алилуја, алилуја, алилуја.


 М-р И. О.

Посети:{moshits}

 

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна…

Свети свештеномаченик Харалампиј

Фев 23, 2020 Житија 3012
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 2261
3.angeli.so.truba
Неговите слова зрачат со силна нагласеност на светиклиментовиот образец и претставуваат…