логоFacebookTwitterYouTubeeMail

3.to.Naoganje.glava.sv.Jovan.Krstitel

Искушенијата што ги допушта Бог се соодветни на нашата издржливост. Но за жал, многу често кон нив се додаваат зајадливи шеги и безрасудни зборови на немилосрдни луѓе, па тогаш ние веќе гориме. Силниот ветер вообичаено ги крши тенките дрвја и ги откорнува оние без длабоки корени, а на длабоко вкоренетите им помага уште повеќе да ги продлабочат.

Милостивиот Бог не се успокојува од дивиот и немилосрден ветар кој едните ги крши, а другите ги корне, туку Тој сака да се однесуваме милосрдно како што е Он милосрден, и со љубов и болка да им помагаме на нашите ближни, бидејќи луѓето не се дрвја, туку икони Божји.

Никој не може да ѝ наштети на човековата душа, освен ние самите.

Искушенијата што Бог ги допушта го подложуваат човекот на испит, така што тој самиот ја проверува својата духовна зрелост и бива принуден да се смирува. Потоа, откако смирено и радосно ќе ги прими искушенијата Бог му дава благодат, како лек за неговата душа, а тој трпеливо Го слави Него и за тоа Му благодари. Добро е што милостивиот Бог дозволува да бидеме искушани, бидејќи ќе имавме скриени страсти и бесмислени побарувања на Судниот ден.

Но, и тоа да ни го прогледаше низ прсти, дури и такви какви што сме да нè примеше во Рајот, и таму ќе создававме проблеми. Затоа допушта овде да нè стресат искушенијата, за да се очисти нашата душа со плач и жалост, та да бидеме принудени да го најдеме нашиот Спасител, т.е. да прибегнеме кон Бога.

Луѓето оддалечени од Бога се најнесреќни на светот. И во овој, но и во идниот, вечен живот. Уште понесреќни од нив се демоните, кои се оддалечија од Него пред илјадници години, со својата гордост и злоба. Така, останувајќи непокајани, продолжуваат и понатаму да се оддалечуваат. А најблажени меѓу луѓето се оние што со болка и внатрешна скрушеност покажаа најголемо покајание, преку кои го скршија гордиот непријател. Тие со подвиг го смирија своето немирно тело, му го потчинија на духот, па каејќи се и враќајќи се кон Бога причинија најголема радост на Небото.



Старец Паисиј Светогорец

 

https://www.tiveriopol.mk/iskusenijata-se-soodvetni-na-nasata-izdrzlivost/?fbclid=IwAR2-9BoTqzCl30L0ZI1sqeE_fo7-1CnZhjEiJSJ3hvPdcyWChwE34rb0Ta0

 

 

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 2967
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 2803
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…