логоFacebookTwitterYouTubeeMail

 

22 јануари 2015 лето Господово

Научниците од Богословскиот колеџ Акадија (Канада), испитувајќи една маска на мумија, заклучиле дека нејзините составни листови од папирус содржат фрагменти од Евангелието според Марко, запишано во I век н. е.

Доколку претпоставката на научниците биде потврдена, тогаш во нивните раце ќе се наоѓа најстариот зачуван фрагмент од Евангелието. Најстариот познат ракопис досега бил напишан во II век, додека, пак, новопронајдениот бил напишан, по сè изгледа, уште пред 90 – та година. Се претпоставува дека текстот ќе биде публикуван во тековната година.

Текстот бил напишан на лист од папирус, искористен за изготвување на маска за мумија. За фараоните обично се правеле маски од злато, а за обичните луѓе од папирус или лен (како и боја и лепак). А со оглед на тоа што папирусот бил прилично скап материјал, понекогаш за овие цели биле користени пергаменти веќе испишани со текст.

За среќа во изминатите неколку години, научниците развија техника која им овозможува да го отстранат лепакот, без да биде оштетено мастилото на хартијата. И како резултат на тоа, текстовите кои се напишани на папирус денес можат да се прочитаат. Така, научниците успеаја да добијат пристап кон текстовите на голем број ракописи од I – ΙII век. Тие вклучуваат и грчки философски текстови, стихови од Хомер, деловни документи, лични писма и др. Вистина е дека самата маска на крајот се уништува, што понекогаш предизвикува немир кај археолозите.

Во овој случај, по барање на сопственикот на маската, сите научници потпишаа договор со кој не им се дозволува да откриваат детали од пронајдокот, сè до конечната публикација на текстот. Така, вистинитоста на ова откритие ќе може да биде докажана само после неговата публикацијата.

Напомнуваме дека пред неколку години Фондот за заштита на културното наследство на Етиопија, во еден од најстарите манастири во земјата го пронајде најдревното илустрирано Евангелие во светот. Сите бои на илустрациите одлично ја задржале својата сјајност. Уште претходно, на интернет беа поставени околу 800 страници од знаменитиот Синајски Кодекс (Codex Sinaiticus) – најстарата Библија, која во себе го содржи текстот на Новиот Завет.


Извор: Вокругсвета

Преземено од: Бигорски манастир



Видео содржини

Поуки од Светите Отци

dobrotoljubie

Духовност

Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…
Јануари 29, 2020
3.angeli.so.truba

Живот во служба на Бога и на луѓето

Неговите слова зрачат со силна нагласеност на светиклиментовиот образец и претставуваат целосно легитимирање на македонското црковно и духовно наследство. Дедо Стефан е ревносен борец за македонскиот јазик што неизмерно го сака и постојано го збогатува. Еве…

Почитување на Пресветата Мајка Божја

Дек 09, 2019 Полезно и Потребно 1120
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Митрополит Струмички Наум: ВОВЕДЕНСКИ РАЗМИСЛУВАЊА

Дек 05, 2019 Беседи 1056
7.Vselenski.sobor
Премногу размислуваме во категоријата Бог – човек, наместо во категоријата личносни…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…