логоFacebookTwitterYouTubeeMail

По стапките на ангелите во карпестите цркви

Легендата вели дека црквите биле издлабени под површината на земјата откако Господ му наложил на кралот Лалибела да изгради цркви какви што светот дотогаш не видел и му испратил ангели да му помогнат

 etiopija.jpg

Додека странецот во близина црта, етиопскиот свештеник Месганав Таркгн ја мести извезената капа и го подига крстот во совршена поза. Наместо благослов, туристите повеќе сакаат фотографија од религиозниот живот во црквите издлабени во црвените карпи во Лалибела, што многумина ги нарекуваат осмо светско чудо. Етиопија е втората најстара христијанска земја на светот, но поседува и богатства од муслиманските кралства, па властите се надеваат дека ќе ги привлечат туристите заинтересирани за религијата. Легендата вели дека овие цркви биле издлабени под површината за земјата на крајот на 11 и почетокот на 12 век откако Господ му наложил на кралот Лалибела да изгради цркви какви што светот дотогаш не видел и му испратил ангели да му помогнат.

- Би бил среќен кога би им посакал добредојде на многу повеќе туристи. Сакам луѓето да дознаат за Лалибела - вели Месганав, кој е православен свештеник веќе 32 години.

Со векови посветените христијани патувале пеш или со магариња за да ги видат црквите издигнати на северните висорамнини. Черепите и мумифицираните останки од некои од нив и сега може да се видат во гробниците издлабени длабоко во карпестите ѕидови околу една од црквите, „Бејт Гиоргис“ (Свети Ѓорѓи). Етиопија има осум историски локации на листата на Светското културно наследство на УНЕСКО, но децениите глад, конфликти и политичка нестабилност ги чувале државата и нејзините величествени палати, обелисци и замоци понастрана од стандардните туристички тури за повеќето посетители на Африка.


 etiopija1.jpg

Црквите во Лалибела не се „мртви реликвии“. Тие се преполни со локалните верници секој ден, а некои од нив читаат библиски стихови напишани на 2.500 години стариот јазик ге’ез. Другите ги притискаат усните и челата врз влажните ѕидови, ги гушкаат облите столбови или легнуваат на земја за да ги бакнат камените подови. Во една затемнета просторија музичарите тропаат на тапани од козја кожа придружувајќи ги молитвените песни на свештениците. Лани француските археолози откриле три средновековни града во срцето на кралството Шоа, низ кое се вкрстувале трговските патишта што ги поврзувале христијанските висорамнини и муслиманските пристаништа на Црвеното Море во периодот од 10 до 16 век.

- Ако има премногу туристи тоа може да биде опасно за спомениците, но и за перцепцијата за местото. Луѓето може да се откажат од доаѓањето тука ако видат премногу луѓе - вели Валентина Ресенте, архитект што работи на проект на Европската комисија за покривање на пет цркви во Лалибела со привремени засолништа.

УНЕСКО е загрижен и поради се' подлабоките напукнувања на таваните на некои цркви, па се преговара со етиопската влада, со религиозните власти и со мештаните за реставрирање. 


etiopija2.jpg 

Директорот на УНЕСКО за Етиопија, Нурелдин Сати, вели дека нема простор за паника.

- Лалибела се' уште не е локација во опасност, но сепак размислуваме за итна акција за црквите што се загрозени. Ситуацијата е многу сериозна - вели тој. Зачувувањето на античките споменици е само еден од проблемите со кои мора да се соочи етиопската влада во борбата за туристи со Кенија, Танзанија и Јужна Африка. Тука очајно се потребни хотели, подобри транспортни врски и банки во кои туристите ќе ги сменат странските валути во бири, етиопската национална валута. На малиот аеродром во Лалибела постојано можете да видите фрустрирани туристи што го критикуваат редот на летање, односно недостигот од него поради одложените и откажани летови и техничките проблеми на авионите.

- Посетата на Лалибела ми го потврди чувството на гордост со мојата држава. Без оглед што ќе видам во иднина, никогаш нема да ја заборавам убавината на оваа света земја - напишал еден Етиопиец во минатиот месец.

Извор: Дневник

Посети: {moshits}



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна…

Свети свештеномаченик Харалампиј

Фев 23, 2020 Житија 3179
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 2508
3.angeli.so.truba
Неговите слова зрачат со силна нагласеност на светиклиментовиот образец и претставуваат…