логоFacebookTwitterYouTubeeMail

Godishnina.Arhiepiskop.GAVRIL4

Овој ден му го посветуваме на човекот кој многумина го паметат како архиепископ, а има голема важност за образованието во Македонија. На денешен ден во 1912 година е роден Ѓорѓи Милошев, познат како г. г. Гаврил, третиот архиепископ по возобновувањето на Македонската православна црква.

Дипломирал на Филозофскиот факултет во Скопје во 1936 година, на отсекот германистика и славистика и бил првиот претседател на Друштвото на преведувачите на Македонија. Во повоениот период, поради потребата од високообразовани кадри, бил принуден на неодредено време да престане активно да се бави со свештеничката дејност и целосно да се посвети на просветата.

Од 1949 година почнал да работи во Државното книгоиздателство на Македонија – Скопје (подоцна „Просветно дело“). Скоро триесет години тој му се посветил на учебникарството и на просветителството, односно на усовршување и стандардизирање на македонскиот литературен јазик. Во овој период тој составил и издал прирачници, учебници, речници и училишна литература, па дури и периодика. Посебен бил неговиот научен пристап кон делата на Кочо Рацин и Војдан Чернодрински. Милошев е еден од првите истражувачи од македонскиот научен свет кој се појавил со написи и анализи за опусот на поетот Кочо Рацин.

Како плод на неговата неуморна работа, за првпат во овој период за потребите на богослужбата, биле преведени и издадени на македонски јазик Евангелијата и Апостолот. Издавач на ова дело бил Иницијативниот одбор за организирање на МПЦ. Се замонашил во 1977 година и по хиротонисувањето за архиереј во 1986 година бил и прв декан на Богословскиот факултет во Скопје. Тој ги продолжил веќе започнатите проекти на неговиот претходник Доситеј – изградбата на црквата „Св. Климент Охридски“ во Скопје, формирањето на Богословскиот факултет и издавањето на Библијата на македонски литературен јазик.

Процесот на целосен превод на Библијата на современ македонски јазик, го започнал веднаш по ослободувањето. Капиталното дело, целосно било завршено во 1990 година, кога и излегло од печат. Архиепископот Гаврил се повлекол од престолот во 1993 година поради старост. Починал на 4 март 1996 година и е погребан во манастирот „Свети Наум“ во Радишани крај Скопје.

 
     https://umno.mk/%d1%87%d0%be%d0%b2%d0%b5%d0%ba%d0%be%d1%82-%d0%ba%d0%be%d1%98-45-%d0%b3%d0%be%d0%b4%d0%b8%d0%bd%d0%b8-%d1%98%d0%b0-%d0%bf%d1%80%d0%b5%d0%b2%d0%b5%d0%b4%d1%83%d0%b2%d0%b0%d1%88%d0%b5-%d0%b1%d0%b8%d0%b1/?fbclid=IwAR0_8LJ6osVsvYJf59jBw6mIFReYsbsz9u6RxiKJFifJiarnvygk3nDlTaw
  



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 3123
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 2956
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…