логоFacebook  Twitter  YouTube  eMail

3.angeli.so.truba

Слово за фарисеите (03.07.2020 11:54)

Во тоа време, една сабота, Исус минуваше преку нивјето, а учениците Негови огладнеа, па почнаа да кинат класје и да јадат. Фарисеите, штом го видоа тоа, Му рекоа: „Ете, учениците Твои прават што не треба да се прави во сабота“. А Он им рече: „Не сте ли читале што направи Давид, кога самиот тој огладне и оние што беа со него? Како влезе во домот Божји, ги изеде лебовите од жртвеникот, што не требаше да ги јаде ни тој, ниту оние што беа со него, а само свештениците. Или, не сте ли читале во Законот дека во саботен ден свештениците ја нарушуваат саботата и пак не се виновни? Но, Јас ви велам дека е тука Оној Кој е поголем од храмот; и, ако знаевте што значи: ’Милост сакам, а не жртва‘, немаше да ги осудите невините; зашто Синот Човечки е господар и на саботата“ (Матеј 12, 1–8).

Кој им е проблемот на фарисеите, тогашни, денешни и на сите времиња? Тоа што постојано бараат грешка; но не баш кај секој, туку посебно кај оној на кого се фиксирани. Некој кој го загрозува нивното славољубие и нивното високо мислење за самите нив. Тоа е комплексот на мува. Од целото цветно поле, ќе застане на некоја валканица. Не гледаат што е добро, не гледаат нешто да научат, туку го следат оној во кого лоцирале опасност и будно бараат негова грешка за да го осудат и да прераскажуваат. Да беше некој друг, а не Христос и Неговите ученици, немаше речиси ништо да речат. Да беше некој друг, немаше да се занимаваат. Напротив, ако тие беа гладни, и самите ќе кинеа и ќе јадеа; и никому ништо.

И нашиот Господ е чуден. Седи и им објаснува. А кому? Тие никогаш нема да разберат, а за Неговите нема потреба. Но, добро, нека си стои запишано; ним за сведоштво. Нема да можат да кажат – „не знаевме“.

Но, јас ви велам дека е тука оној кој го осветува храмот и кој целиот свет го прави храм Божји; и, ако знаевте што значи: „Милост сакам, а не жртва“, секое место на вашето присуство ќе го направевте жртвеник на храмот и немаше да ги осудувате и отфрлате ближните, туку ќе ги спасувавте; зашто оној што е на место и обличје Христово има власт сѐ што ќе заврзе на земјата да биде заврзано и на небото, и сѐ што ќе одврзе на земјата да биде одврзано и на небото. И вие немате власт нему да му судите...

Пресвета Богородице, по молитвите на преподобен Наум Охридски, спаси нас!

Митрополит Струмички Наум

 

Извор:

http://www.mpc.org.mk/MPC/SE/vest.asp?id=7297

 

 

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Февруари 23, 2020
ih3387

Свети свештеномаченик Харалампиј

Секој човек со своето раѓање добива лично име по кое го препознаваат во текот на целиот живот. Името е наша сопствена карактеристика, но малкумина го знаат вистинското потекло на своето име и неговото вистинско значење. Секое православно име има своја суштина…

Живот во служба на Бога и на луѓето

Јан 29, 2020 Беседи 3231
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Почитување на Пресветата Мајка Божја

Дек 09, 2019 Полезно и Потребно 3073
7.Vselenski.sobor
Таа е заштитничка и покров на христијанскиот род. Како Мајка на Синот Божји, таа има…

Свети Антониј Велики: Кој е ѓаволот и кога напаѓа...?

А кога ќе се всели Божјиот Дух, Он ги успокојува, им дава да го вкусуваат спокојот во…