логоFacebookTwitterYouTubeeMail

(3 септември 1953)

Архимандрит Тимотеј Каламберидис

Во манастирот стигнав во октомври 1952 година, на возраст од 55 години. Следната година, конкретно на 2 септември 1953, се случи отворањето на светите мошти на свети Нектариј.

Откопувањето, како што беше одлучено летото, започна откако се стемни. Беше 8 или 9 вечерта. Немавме струја, па работевме со ламби. Сите наоколу, со запалени свеќи и светилки.

На почетокот беше прочитана неговата служба. Откако ги извадивме светите мошти, ги ставивме во легени. Ги измивме со розова (миризлива) вода и други мириси. На одредени делови од моштите имаше залепено платно, кое го исчистивме. Направивме панихида и ги ставивме во храмот за поклонение. Насекаде се разлеваше благоухание, кое не може да се опише! Колку величествено нешто беше тоа!

Ги положивме среде храмот. Главата и останатите мошти. Ја ставивме и архиерејската митра, патерицата и дикиро-трикирите. Поминуваше народот и со скрушеност ги целиваше. Заборавив да ти кажам дека владиката ми рече мене и на отец Амфилохиј Макрис (денес веќе прославен за светител) да се грижиме за моштите.

За овој настан, беше составен следниов записник:

„На Егина во женскиот општожителен свештен Манастир на Света Троица, денес на 3 септември 1953 година, ден четврток, во 18.00 часот се собра целото сестринство во канцеларијата на повик од игуманијата, преподобната старица Христодула монахиња и на оние под нејзино раководство.

Во текот на ова собрание, после вообичаената молитва, игуманијата зеде збор:

„Возљубени во Христа сестри, веќе сум обземена од свештена скрушеност поради извршувањето на овој голем настан во нашиот Свештен Манастир, остварен после 33 годишнината од светилникот на светлината, за да ги просветли сите повикани од Него во вистината, значи за Откопувањето на свештените мошти на ктиторот на нашиот Свештен Манастир, божествениот иерарх свети Нектариј Пентаполски.

Освен нашиот претстојател и наш духовен отец, Високопреосветениот Митрополит на Идра и Спецеон и на Егина г.г. Прокопиј, по божествено совпаѓање се најдоа овде Високопреосветениот Митрополит на поранешна Илиа г. Антониј, архиерејскиот намесник на Идра архмандритот Хрисантос, архимандритот Јоанис Илиопулос, архим. Амфилохиј Макрис и јероѓаконот Севастијан, сиот клир од Егина, Градоначалникот, магистратот (мировен судија) и началникот на Полицијата. Околу 20.00 часот вчера вечерта, предводени од Високопреосветениот наш духовен отец и во присуство на споменатите клирици и началства, се изврши откопувањето на свештените мошти. Денес беше извршена Литургија, во сослужение на служителите на нашиот Свештен Манастир, архим. Тимотеј, архим. Јоанис, Хрисант, Калиопиј, Павел и свештениците Димитриј, Панајоти и Анастасиј и јероѓаконот Севастијан.

За време на хвалитните стихири беше извршено поклонение на светата глава на божествениот архиереј свети Нектариј, а сиот насобран народ беше исполнет со неискажливо благоухание. Составувачот на овој записник се потпишува.

Присутни на откопувањето вечерта на 2 септември 1953:

+Прокопиј, митрополит на Спецеон и Егина

+Антониј, митрополит на поранешна Илиа

Христодула монахиња, игуманија на сестринството  


Монахињите Акакија, Теодосија, Меланија, Нектарија, Ефросинија,

Ксенија, Партенија, Киријаки, Параскеви, Агати, Евники,

Елисавет, Христонимфи, Синклитики, Евпраксија, Саломија,

Митродора, Партенија, Теофанија.

Текла, игуманија на Свештениот Манастир Ермиони, монахињите Макрина, Маркела, Евсевија, Ефимија, Текла.

Маријам, игуманија на Свештениот Манастир на Света Екатерина.

Градоначалникот на Егина Георгиј Хелиотис

Магистратот на Егина Георгиј Мертикас

Полицискиот началник Патеракис

Секретарот на митрополијата Јоанис Деризиотис

Советникот на општината Панајотис Мертикопулос

Клирот на Егина: архим. И. Илиопулос, архим. Т. Каламберидис, архим. Х. Канелис, Архим. К. Ангелакис,

Свештениците К. Канакис, Јоанис Хартофилакас, Христос Папагеоргиу, Димитриј Ликурис, Анастасиос, архим. Павлос, архим. Амфилохиј Макрис, Панајотис“.



Од книгата на Емануил Мелинос, Зборував со свети Нектариј, стр. 44-45.

Превод од грчки јазик: Свештеник Јани Мулев

 

https://crkvaveles.wordpress.com/2021/09/03/%d0%bd%d0%b0%d0%be%d1%93%d0%b0%d1%9a%d0%b5-%d0%bd%d0%b0-%d0%bc%d0%be%d1%88%d1%82%d0%b8%d1%82%d0%b5-%d0%bd%d0%b0-%d1%81%d0%b2%d0%b5%d1%82%d0%b8-%d0%bd%d0%b5%d0%ba%d1%82%d0%b0%d1%80%d0%b8%d1%98-%d0%b5/?fbclid=IwAR2PXI1_ur0EzWb1LG12YTKd3bap7OBcohKtKm7nqkoXTVVAmNHeSnakB4Y

 

 



Поуки од Светите Отци

dobrotoljubie

Духовност

Септември 03, 2021
Default Image

Беседа за Успение на Пресвета Богородица oд Викарниот Епископ Јаков Стобиски

Беседа за Успение на Пресвета Богородица изречена од Викарниот Епископ Јаков Стобиски во манастирот Успение на Пресвета Богородица - Берово
Јуни 30, 2021
3.to.Naoganje.glava.sv.Jovan.Krstitel

СКОК ПРЕКУ ЈАЖЕТО НА НЕСОГЛАСУВАЊЕТО

Затоа, секогаш кога можеш прескокни го јажето на несогласувањето и фати се за оној дел од приказната кој ветува радост, насмевки и љубов. Горчината плисни ја со бран од морето, измиј го отровот на искажаните зборови и погледни кон залезот на сонцето. Тоа ќе…

Се упокои во Господ Митрополитот Црногорско-приморски Амфилохиј (30.10.2020)

Митрополитот Амфилохиј е роден на Божик, 7 јануари 1938 година, во Бари Радовиќ, во Долна…

Свети свештеномаченик Харалампиј

Фев 23, 2020 Житија 2757
ih3387
Секој човек со своето раѓање добива лично име по кое го препознаваат во текот на целиот…

Живот во служба на Бога и на луѓето

Јан 29, 2020 Беседи 1939
3.angeli.so.truba
Неговите слова зрачат со силна нагласеност на светиклиментовиот образец и претставуваат…

Беседи

Митрополит Струмички Наум:   Жената Хананејка (16.10.2021)

Митрополит Струмички Наум: Жената Хананејка (16.10.2021)

 Послушанието не е лесен подвиг и не е без искушенија. Затоа, до добивањето на дарот на умно-срдечната молитва тоа е аскетски подвиг, подвиг на кој се принудуваме. Духовниот отец може...

Митрополит Пимен: ЗА Воскресението, гневот и пандемијата - „ЗБОРНИК НА КАРАНТИНСКИ БЕСЕДИ“

Митрополит Пимен: ЗА Воскресението, гневот и пандемијата - „ЗБОРНИК НА КАРАНТИНСКИ БЕСЕДИ“

Та Христос не воскресна само во Ерусалим, та Христос не воскресна само во храмовите. Христос воскресна за сите, за секој и секаде. Христос воскреснува во срцето на секој еден од...

Митрополит Струмички Наум: Сега... сакаш да имаш или да немаш?

Митрополит Струмички Наум: Сега... сакаш да имаш или да немаш?

Значи, наместо судење и осудување и самооправдување, Христос ни го покажува патот на самоукорување и самоосудување, патот напуштен од речиси сите денес; патот на смирението.Прашање е дали воопшто и можеме...

Митрополит Струмички Наум: Потсетник (06.10.2021)

Митрополит Струмички Наум: Потсетник (06.10.2021)

Денешното апостолско четиво (Гал. 6, 3) ме потсети на малиот број „христијани“, кои поради својата внатрешна душевна расцепеност и меѓусебната поврзаност по таа основа, се однесуваат како отцепени, не само...

Митрополит Струмички Наум: Двоедна заповед (03.10.2021 08:43)

Митрополит Струмички Наум: Двоедна заповед (03.10.2021 08:43)

Да не се лажеме себеси... Оној што ја има љубовта како дар на благодатта на Светиот Дух не може истовремено и да мрази. Нема тука место за обичните човечки чувства,...

Митрополит Струмички Наум: Љубовта ќе олади (01.10.2021)

Митрополит Струмички Наум: Љубовта ќе олади (01.10.2021)

Љубовта ќе олади кај тие што ја добиваат како дар Божји во Црквата, а не ја негуваат и не ја развиваат. Љубовта ќе олади кај христијаните, кај православните. Божествена љубов...

 Митрополит Стумички Наум: Тајната на личниот крст (29.09.2021)

Митрополит Стумички Наум: Тајната на личниот крст (29.09.2021)

Често луѓето имаат желба да се на местото на некој друг. Сакаат да ја имаат видливата власт и славата на другиот, сакаат да ги имаат видливите пари и имот на...

 архим. Георги Капсанис: ВО ЗНАК НА НАШАТА ЉУБОВ

архим. Георги Капсанис: ВО ЗНАК НА НАШАТА ЉУБОВ

Незамисливо е да се биде христијанин без подвиг и крст. Оној што води лесен живот не може да се нарече христијанин. Некои луѓе отсекогаш верувале дека христијанин е оној кој...

 Митрополит Струмички Наум: Свадбена облека (25.09.2021)

Митрополит Струмички Наум: Свадбена облека (25.09.2021)

Свадбена облека е подвигот на очистување на срцето од страстите во послушание. Без овој подвиг никој не може да се нарече христијанин. За монасите и свештенството свадбена облека е нешто...

« »