логоFacebookTwitterYouTubeeMail

 09 Август 2020

svklimletvec2020 11

„Откако ја прими благодатта од небото да правиуш чуда, и со крштението ги очисти словенските народи, ти стана похвала и слава на светитеите и великопроповедник и апостол во Македонија. Имајќи, пак, смелост пред Бога, моли Го да ги спаси душите наши“ (литиска стихира на Слава... на Вечерна на св. Климент Охридски).

 svklimletvec2020 3

Прославата на св. Климент Охридскиот Чудотворец, на св. вмч. Пантелејмон и на св. Седмочисленици, започна на 08.08.2020 година, во ман. „Св. Климент и Пантелејмон“ на Плаошник во Охрид, со свечена Вечерна богослужба, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на протоереј-ставрофорите Никола Христоски, Сашо Богданоски и Димче Ѓорѓиески, свештениците Горан Ставрески, Ѓорѓи Блажевски и Александар Димоски и протоѓаконот Николче Ѓурѓиноски. Во подоцнежните часови беше отслужен и Акатист пред моштите на св. Климент Охридски Чудотворец, а Митрополитот Тимотеј се обрати со пригодна беседа кон верниот народ, која ви ја пренесуваме во целост.

 svklimletvec2020 10

Митрополит Тимотеј


Во името на Отецот и Синот и Светиот Дух.
Драги браќа и сестри,


Нашата света Црква, овој град и овој свет манастир денеска го прославуваат својот покровител и заштитник – светиот Климент Охридски чудотворец. Покрај свети Климент, денеска се прославуваат и светиот великомаченик и исцелител Пантелејмон, како и светите Седмочисленици и сесловенски просветители. Но, светата Црква Христова, во редот на своите светии има безброј Божји угодници, не само познати, туку и непознати, а некои и подзаборавени од земната Црква кои живееле свет, благочестив и богоугоден живот. Тие се заедно со познатите Божји угодници, свети маченици, исповедници, преподобни и со сите други светии. Сите овие Божји угодници ни даваат поука и пример со нивната светост и нивниот живот во согласност со Божјата волја. Некој ќе постави прашање: „Која е користа од светоста за нас денес?" На ова прашање најдобар одговор дал свети апостол Павле во своето послание до Евреите: „Грижете се да имате мир со сите и светост, без која никој нема да Го види Господа" (Евр. 12, 14).


Севкупниот наш живот, како и заветот на Божјите угодници е стремеж кон светоста. Да се зборува за спасение на душата е невозможно без светост и труд за нејзино стекнување. Господ од нас денеска не бара мачеништво, како што барал од Неговите апостоли и од многумина христијани низ историјата, кога Црквата била жестоко прогонувана. Но, денес ние сме должни да живееме според учењето на Црквата Христова и она што таа го бара од нас. Тоа значи дека треба да се живее со Христа и да се постигне светост, односно вечно спасение. Преку тоа, ние постануваме достојни за небесната татковина во вечна радост и постојано престојување во близина на небесниот Отец.


За време на светата тајна крштение, преку нашите кумови ние се одрекуваме од нечестивиот и се соединуваме со Христа. Со помазувањето, пак, со светото миро, ние го добиваме печатот Христов преку Светиот Дух, а преку тоа се обврзуваме дека постојано ќе бидеме со Христа, ќе го следиме Неговото учење и ќе живееме според правилата и насоките што ни ги дава нашата света вера и Црква. Но, доколку ние не живееме исправен христијански живот, благодатта Божја се оддалечува од нас и ние сме препуштени на живот кој е погубен не само за нашите души туку и за нашите тела. Ние сме должни да живееме со Христа. Што значи тоа? Живот во Христа живее оној кој верува во Христа како во Спасител и исповеда дека Тој е Извор на благодатта, без која ние би загинале во нашите гревови. Но, ние веруваме во Господа како во Седржител и Судија, Кој има власт да не прослави и осуди. Да се живее со Христа значи да се прими и живот и утешение и радост и блаженство и најголем пример за подражавање. Следењето на Христос не значи запоставување на семејството, работните обврски и другите сегменти од животот. Напротив! На оние кои го следат Христа, Бог им испраќа благодат да успеваат на секое поле од животот, бидејќи за секое дело е потребно содејството Божјо.


Ние се спасуваме не само со Божјата благодат, која е неопходна, независно колкави се нашите човечки сили, туку на тој пат ни помагаат и Божјите пријатели и светии кои се наши закрилници и молитвеници пред Бога. Тие никогаш не се откажале од нас. Тие се во прославената Црква, а ние сме во земната Црква, но заедно го сочинуваме телото Христово. Уште додека тие биле во овој свет, пројавувале љубов кон луѓето, а сега наоѓајќи се пред престолот на Севишниот, тие имаат уште поголема сила и моќ да се застапуваат и да ни помагаат во нашиот од кон царството небесно.
Прославувајќи ги денеска нашите светии, да се обратиме со искрена молитва, најпрво кон свети Климент. Тој да биде наш молитвеник пред престолот Божји, да ни ја зацврсти верата, умножи љубовта, засили надежта, па така да одиме по патот Христов, кој е единствен спасоносен и води во царството небесно и во вечен и блажен живот. Амин.

 svklimletvec2020 2

svklimletvec2020 4

 svklimletvec2020 6

 svklimletvec2020 8

 svklimletvec2020 12

 

Вечерна на свети Климент Охридски
Плаошки манастир „Свети Климент и Пантелејмон" Охрид
08.08.2020 год.

Извор:

 

http://www.dke.org.mk/index.php/3291-2020-08-09-10-41-04

 

 

 

 

 



Видео содржини

Поуки од Светите Отци

dobrotoljubie

Беседи

Игумен на манатирот "Успение на Пресвета Богородица",о. Фотиј, Берово: БЕСЕДА

Игумен на манатирот "Успение на Пресвета Богородица",о. Фотиј, Берово: БЕСЕДА

...По тоа ќе не познаат,по тоа ќе ни мерат...Ако нашите дела и нашите постапки бидат во согласност со Божјите зборови. Лесно е да се каже,тешко е да се спроведе.Еден најобичен...

Св. Фотиј Велики - За Рождеството на нашата Пресвета Дева Богородица

Св. Фотиј Велики - За Рождеството на нашата Пресвета Дева Богородица

Девата се раѓа од неплодна утроба, но дури и да била плодна, рождеството пак би било чудесно. О, големо чудо! Штом времето на сеење поминало, тогаш жетвата дошла; штом огнот...

Митрополит Софрониј - ПРОПОВЕД ЗА РОЖДЕСТВО НА ПРЕСВЕТА БОГОРОДИЦА

Митрополит Софрониј - ПРОПОВЕД ЗА РОЖДЕСТВО НА ПРЕСВЕТА БОГОРОДИЦА

Во Ветената земја - Палестина, дадена на израилскиот народ од Бога, во планините на Галилеја се наоѓа градот Назарет. Во тоа време тој бил толку непознат и малку важен, што...

Епископот Антаниски г.Партениј: Повик на покајание за злоупотребата на интернетот

Епископот Антаниски г.Партениј: Повик на покајание за злоупотребата на интернетот

Како духовник сум сведок колку многу бракови се распаѓаат, и тоа христијански бракови, на воцрковени сопружници. Христијанскиот брак, а со него и сето општество, се наоѓаат во застрашувачка ерозија и...

БEСEДА за силата и мисијата Христoва, какo штo прoрeкoл Исаија

БEСEДА за силата и мисијата Христoва, какo штo прoрeкoл Исаија

Духoт на Гoспoда e врз Мeнe. Зoштo Oн тoа гo гoвoри кoга e рамeн на Духoт какo и на Oтeцoт? Заради свeдoштвo на луѓeтo, какo штo тoлкува св. Златoуст. Нe...

Митрополит Струмички Наум: На рјеках Вавилонских... (12.09.2020)

Митрополит Струмички Наум: На рјеках Вавилонских... (12.09.2020)

Ни покажа и нѐ поучи и како духовно да пораснеме и да ја достигнеме оваа Божествена љубов. Нѐ поучи дека, покрај лоши дела и зборови, срцето треба да го очистиме...

БEСEДА  за исцeлувањe на чoвeштвoтo сo Христoвитe рани

БEСEДА за исцeлувањe на чoвeштвoтo сo Христoвитe рани

Сo Христoвитe рани ниe сe излeкувавмe, така прoрeкува Бoжјиoт прoрoк и сeга ниe знаeмe дeка нeгoвoтo прoрoштвo e вистинскo. Сo Христoвoтo страдањe ниe сe спасивмe oд вeчнoтo страдањe; сo Нeгoвата...

СВЕТИ АПОСТОЛ ПАВЛЕ - КОНТИНУИТЕТ НА ХРИСТИЈАНСКИОТ ИДЕНТИТЕТ

СВЕТИ АПОСТОЛ ПАВЛЕ - КОНТИНУИТЕТ НА ХРИСТИЈАНСКИОТ ИДЕНТИТЕТ

Токму тој конинуитет на овој христијански идентитет кој е спознаен и пренесен од Светите Отци во три степени според начинот на животот во Христа, очистување, просветлување и обожение се поврзува...

Митрополит Струмички Наум: Молитва за цел свет (05.09.2020)

Митрополит Струмички Наум: Молитва за цел свет (05.09.2020)

Кога цел на молитвата (се мисли на молитвата во која постојано го повикуваме името на Богочовекот Исус Христос) е Бог, односно заедницата на секој човек и на сè создадено во...

« »