логоFacebookTwitterYouTubeeMail

 pokrov2019 1

„Соломон некогаш те опиша како постела и одаја на Царот небесен, придружувана од серафимите, како што беше речено за тебе, Богородице. Затоа сега те молиме, сесвета Мајко Божја: Заштити нѐ од сите неволји“ (песна од канонот на Утрена на Покров на Пресвета Богородица).

 pokrov2019 2

На 14.10.2019 година, денот кога го прославуваме празникот Покров на Пресвета Богородица, во капелата во Митрополитската резиденција, којашто е посветена на овој празник, беше отслужена света архиерејска Литургија, на која чиноначалствуваше Неговото Високопреосвештенство Митрополитот Плаошко-струшки и Дебарско-кичевски и Администратор Австралиско-сиднејски г. Тимотеј, во сослужение на свештениците Ѓорѓи Блажевски и Љупчо Бакрачески и протоѓаконот Николче Ѓурѓиноски. По завршувањето на Литургијата, беше извршен чинот на Мал водосвет и беше прекршен празничниот колач, а Митрополитот Тимотеј се обрати кон верниот народ со пригодна беседа, која интегрално ви ја пренесуваме.

 pokrov2019 3

Митрополит Тимотеј


Во името на Отецот и Синот и Светиот Дух.
Драги браќа и сестри,


Светата православна Црква денеска прославува еден од Богородичните празници. Поточно го прославуваме Покровот на Мајката Божја и Царицата небесна. Секој ден светата Црква со многубројни песни ја прославува и велича застапницата и молитвеницата пред многубројните нејзини свети икони и по нашите цркви и манастири. Уште во Стариот завет знаеме за неколку нејзини праобрази, кои се јавуваат како суштествени за спасението на родот човечки. Така, ја знаеме како несогорлива капина, неисечена гора, сместилиште на Несместливиот, небесна манна, ковчег на заветот и жезол кој процветал. Сите овие претстави и јавувања сведочат за Царицата небесна, за онаа која со нејзиниот свет, непорочен, подвижнички и послушен живот кон Словото Божјо се удостоила да го смести Несместливиот. Оној Кој престојува над ангелските сили, таа ќе Го смести во нејзината утроба и ќе Го храни со нејзините гради, покажувајќи мајчинска љубов кон Создателот и Спасителот на родот човечки.


Пресвета Богородица како Дева Марија се јавува како Мајка на сиот христијански род. Сите ние сме посинети од страна на нејзиниот Син, нашиот Господ Исус Христос. Таа, пак, како семилостива нѐ заштитува и ни дава покров, па така ние да можеме да се ослободиме од сите непријатности, да се сочуваме во духовната борба и да се запазиме од сите соблазни и искушенија кои не придружуваат и следат во овој огревовен свет. Затоа, најчесто ѝ се обраќаме со молитвите: Пресвета Богородица, помогни ни и Пресвета Богородица, спаси не. Со вакви и слични молби постојано и се обраќа христијанскиот народ во нејзините цркви, а особено пред нејзините чудотворни икони кои се наоѓаат насекаде во православниот свет.


Денешниот празник е поврзан со еден исклучителен страдален период од X век во Цариград, кога градот бил опколен со силна и жестока војска и немал никакви сили, ниту економски, ниту воени за да се спротивстави на надмоќниот непријател. Тогаш целиот град на чело со Патријархот се собира во црквата Влахерна на молитва и по молитвите на страдалниот народ, Богородица се појавува со нејзиниот омофор и така го избавува од пропаст Цариград. Во чест на ова избавување и појавување на Богородица е воспоставен и денешниот празник кој посебно се прославува кај словенските народи.


Света Богородица како Мајка на Господа Христа, претрпела секакви маки за време на нејзиниот живот, па како секоја мајка што има посебно чувство за разбирање и оправдување на своите чеда, така и Богородица има посебно чувство за сите наши маки и страдања и назависно колку ние со нашето недоволно размислување и погрешни постапки ѝ нанесуваме болки и јадови, сепак, таа како мајка има разбирање и секогаш е подготвена да се застапи за наша помош и избавување.


И ние, кое денеска сме собрани на молитва во нејзина чест, да се обратиме со искрена молитва, таа да биде наша застапница пред нејзиниот Син и наш Бог и да ги пренесе нашите молби и прозби, па да добиеме Царство небесно, сега и во сета вечност. Амин.

pokrov2019 4

pokrov2019 5

pokrov2019 6

pokrov2019 7

pokrov2019 9

pokrov2019 10


Параклис „Покров на Богородица"
Резиденција на Дебарско-кичевска епархија
14.10.2019 год.

 http://www.dke.org.mk/index.php/3217-2019-10-14-12-49-04

 

 



Видео содржини

Поуки од Светите Отци

dobrotoljubie

Беседи

 Митрополит Струмички Наум: Слово за фарисеите (03.07.2020 )

Митрополит Струмички Наум: Слово за фарисеите (03.07.2020 )

Кој им е проблемот на фарисеите, тогашни, денешни и на сите времиња? Тоа што постојано бараат грешка; но не баш кај секој, туку посебно кај оној на кого се фиксирани....

Митрополит Струмички Наум: Како да ја достигнеме молитвата на срцето (01.07.2020)

Митрополит Струмички Наум: Како да ја достигнеме молитвата на срцето (01.07.2020)

И најважно од сѐ е – на секое зло да враќаме со добро, со љубов. За да ни биде дозволено да ја кажуваме оваа молитва треба и во мислите и...

О.Методиј Митановски: Беседа за 3-та недела по Педесетница

О.Методиј Митановски: Беседа за 3-та недела по Педесетница

Важно е да напомнеме дека и покрај големите и епохални откритија на науката, животот на денешните луѓе не ѐ подобар. Напаротив создаден ѐ кај луѓето страв и немир, наместо радост...

Митрополит Струмички Наум: Кој се гневи, без причина, на братот свој (27.06.2020)

Митрополит Струмички Наум: Кој се гневи, без причина, на братот свој (27.06.2020)

И така, не оди да се причестуваш со Светите Тајни Христови ако не си побарал прошка од братот свој, ако не си му одговорил со љубов или ако не си...

Митрополит Струмички Наум: Умно-срдечната молитва – критериум за вистинско мачеништво (24.06.2020)

Митрополит Струмички Наум: Умно-срдечната молитва – критериум за вистинско мачеништво (24.06.2020)

Наравоучение: православната психотерапија прави разлика меѓу искушенија што ни се случуваат затоа што душевно оздравуваме (очистување на срцето од страстите) или сме доволно здрави (просветлување на умот), од искушенија што...

Митрополит Струмички Наум: АНТИНОМИЧНОСТ (20.06.2020)

Митрополит Струмички Наум: АНТИНОМИЧНОСТ (20.06.2020)

 Антиномично е и кога просторно и временски ограничениот човек станува благодатно секаде присутен, и во време и во простор. Антиномична е и ситуацијата кога обичен човек стекнува таква слобода пред...

БEСEДА  за угледувањe на мравкитe

БEСEДА за угледувањe на мравкитe

Вoлјата на Твoрeцoт, Кoј нè испратил вo oвoј свeт e да твoримe дoдeка смe вo свeтoт. Самиoт Гoспoд Исус запoвeда: Твoрeтe, стражарeтe! Oн ги фали oниe кoи ги умнoжуваат дадeнитe...

Архиепископ Андреј Римаренко: Беседа на Неделата на сите Светии

Архиепископ Андреј Римаренко: Беседа на Неделата на сите Светии

Сите светители кои денес ги славиме го следеле Христовиот пример. И секој од нив, во своето време, во своите животни околности, ја исполнил Божјата заповед за љубовта кон Бога и...

Митрополит Струмички Наум: Недела на сите Светии (13.06.2020 )

Митрополит Струмички Наум: Недела на сите Светии (13.06.2020 )

 Изгледа дека од темата на самоидентификување со Христос или, не дај Боже, со нешто од овој свет – па не знам колку и да ни значело тоа нам, нема бегање....

« »