логоFacebookTwitterYouTubeeMail

 

Забава за „широкоградни“

    Многу нешта се кажаа за „ноќта на вештерките (halloween)“. Во тој контекст беа цитирани и светители од Црквата. Но, и покрај тоа, „празничната“ треска која обзеде некои „широкоградни луѓе“, добива се повеќе на сила. Веќе неколку денови порано, започнуваат подготовките во училиштата и градинките. Родителите како луди ги посетуваат продавниците, за да ги најдат најплашливите и најужасните костуми за нивните деца. За продавачите на тикви, настапува моментот наречен „ден кој храни цела година“.
    Решив да се вклучам и јас во темата. Не зашто е кажано малку... просто посакав да дадам некој предлози, за да биде забавата потполна и целосна. На крајот, штом децата се радуваат, зошто пак да е забава само за еден ден?! Задоволството да се забавуваат со черепи, коски и секакви други слични нешта може да биде овозможено на далеку подолго време.
    Драги пријатели, ако сме „широкоградни“, да бидеме до крај. Земете ги своите деца и повелете со мене во некој од „лунапарковите“, кои ми е наложено често да ги посетувам. Ќе бидам ваш водич. А екскурзијата ќе биде потполно безплатна. Посетувам највеќе три „забавни“ места - Централните и Малашевските гробишта, како и тие во Бакарната фабрика. Таму вашите мили чеда ќе можат да се насладат не од вештачки и лажни черепи и коски, но од сосема реални. Сепак едно е фалсификат, а друго е оргинал. Дајте им го вистинското, а не фалшливото. Речиси секој ден се случува гробарите да раскопат стар гроб, за да може да биде погребен во него некој нов мртовец. Така вистински ќе можете да им покажете „забавување“ 2 во 1. Нов труп, плус коски од стар. А ако имате среќа, стариот труп може да бил обвиткан во најлон и да останало нераспадната нога со обувка или пак ракав со нешто што штрчи од внатре... Великолепно, зарем не?
    Но, можеби вие и вашите деца сакате поавтентични доживувања? О, да, парковите го овозможуваат и тоа! Секогаш можете да дојдете на Опело... Или пак на световно опростување. Ќе имате можност да ги видите во живо, дури и да ги снимите со смартфонот, викотниците на ожалостените. Да си направите селфи со труп. Ако успеете да го фанете моментот, можеби некој нема да издржи и ќе колабира или пак ќе има нервни испади. Во други пак случаи, покојните крварат. Малецките ќе ви бидат вистински среќни... И колку се помали, толку повеќе ќе им биде забавно, зарем не? Не заборавајте да им дадете и бонбони, оти идат со глетката! Фенерот од тиква не земајте го со вас - колку и страшен да сте го направиле, бледнее пред лицето на смртта.


    Претпоставувам, ми ја разбравте логиката, и можете и сами да продолжите со инвентивноста во „забавувањето“. На пример, ќе биде јако да ги научите да стрелаат со ракетен фрлач. Или пак да им залепите брада и во нивните раце да ставите нож и црно знаме со арапски букви на него. Сега тоа е нај модерно. Само внимавајте да не ги маскирате како христијани. Не е безопасно! Од некоја невладина организација може ги означат како фундаменталисти, додека да разберат дека е на божем.
    Некој ќе каже дека сум брутален... Дека не треба така да се зборува. Да, така е! Не треба... Но, зошто сум брутален? Едноставно ја доведувам логиката на „празникот“ до крај. Не ги праќам јас децата да си играат со бесови. Ѓаволот понекогаш носи и весела маска. Понекогаш изгледа како голем забавувач. Но, всушност, неговата цел е да ги вовлече нашите души во вечна мака. Тој е началник и вдахновител на сите нарко дилери, убијци, силувачи, педофили и секакви богоборци. И во тоа нема ништо, ама баш ништо (!) забавно. Тешко им на учителите и родителите, кои не ја изобличуваат таа појава. Тие спијат во сон на прелест, додека нивните деца се забавуваат со самите им уништувачи - духовни и телесни.
    Но, има и уште нешто. Зарем во нас не остана елементарен срам? Елементарна скромност? Добро, веќе јасно е, дека во оваа држава неможе да се живее нормално. Но, неможе ли, да се умре достојно? Зарем доликува некој да се подигрува со смртта и сето кое ја придружува? Кога правам Опело, понекогаш ги прашувам блиските: „Каде се децата“? Тие одговараат: „Ги оставивме дома, за да не се плашат“. Во овој случај бабите ги штедат внуците. Ги пазат за да не разберат како стојат работите во животот. Никаде не оди овој свет... Но во ноќта спроти 1-ви ноември тогаш е друго. Тогаш смртта езабавна. Лишена е од конкретност... Тоа е ужасна, погибелна лага. Смртта секогаш е лична. И секогаш, секогаш е болна! Никогаш не е смешна. Верувајте ми, се имам судрено со неа доволно и во секакви варијанти. И никогаш не ми доаѓало на ум да јадам бонбони. Но, често ми се случувало да плачам!
    И на крајот ќе ве прашам, драги мои „широкоградни“ учители и родители: Зарем заборавивте, оти 1-ви ноември е наречен од нашите предци „ден на отецот“? Ден на нашиот небесен закрилник, св. Јован Рилски. А освен него и на сите кои се разбудиле за духовен живот? Со што ви здосадија тие? Од вас ли започнува светот? Пред вас, ништо ли немаше? Зошто да ги оставиме децата да се навикнат на тој туѓ и очевидно сатански „празник“? А истовремено со тоа се срамиме да ги доведеме во Црква? Во таа Црква, која што не сочува како народ и се стреми да не направи од луѓе - ангели? Зошто го заборавивме Бога, Кој се понижи  за нас до смрт на крст? И тој ли ни здосади? Не ли ни ги даде како храна  и пиење сопственото Тело и Крв, та преку тоа да достигнеме живот вечен и неискажливо блажен живот со Него во Царството Негово? Која е причината да ги презреме Телото и Крвта Христови и да ги замениме со лакомствата на ѓаволот?
    Треба да си одговориме итно на тие прашања, пред да дојде вечерта!
    Пред навистина да дојде вечерта!

Автор: отец Владимир Дојчев, БПЦ - БП
http://outsideri.org/archives/1561

 Превод: о. Дејан Апостоловски

„Всушност, современиот Halloween е еден вид на бизнис проект, во којшто плитките и нечестиви трговци заработуваат на лекомислениот интерес на најмладите. Но најстрашното е во тоа што некои повисоки инстанции заработуваат на сигурната демонизација на детската свест, зашто ова собитие се восприема како пример за подражавање. Оваа антикултурна и аморална појава ја уништува психата на детето, кое доколку ја поддржува, неминовно ќе ги вкуси горките плодови на ноќните кошмари, немотивираната и неконтролирана агресија и „чувај Боже“ – самоубиствата. Да, бизнис проект во кој децата трошат пари за ѓаволските маски, а возрасните сѐ повеќе се заинтересирани за комерцијалната страна на празнувањето на Halloween. Тоа е цела трговска индустрија. Но тоа е трговија, во која топ производ е детската душа. Како врв на празнувањето на овој ден е прикажувањето на филмот „Ноќта на вештерките“, во кој едно момче, во пресрет на празникот ја убива својата шест годишна сестра и како резултат на тоа станува крвав манијакален убиец. И голема е веројатноста во иднина, многу млади луѓе, привлечени од демонската психологија на ваквиот тип филмови, да направат некој сличен потег.

Затоа образованието безусловно треба да се залага да ги воспитува децата во духот на конструктивната религиозна традиција. Спроведувањето на „невини и забавни“, а во својата суштина деструктивни школски активности во пресрет на празникот, се спротивни на основните културно образовни традиции кои грижливо биле негувани од страна на нашите предци. Кога тие би можеле да проговорат, а говорат во разумот и срцето на сите оние кои го почитуваат нивното дело, тоа вака би звучело: Нормалната религиозност исчезнува, а на нејзино место доаѓа комерцијалниот ужас, од каде што заклучуваме дека светот отстапува од Христа и почнува да му служи на мракот.“

Halloween (31-ви Октомври) е празник кој има длабоки пагански корени и е тесно поврзан со прославување на Непријателот на овој свет – Сатаната. Тоа е празник со кој се величаат мрачните нешта на овој свет, отколку cветлината на Исус Христос, Вистината.

•    На 31-ви Октомври кога ќе одлучите да не учествувате во прославувањето на овој пагански празник, НЕМОЈТЕ да седите дома во темнина. Како што знаете нашата Православна Црква е благословена со многу светители -  вистински светилници кои ги дале своите животи за доброто на нашата вера, и повеќе од сигурно заслужуваат да се присетиме и да ги прославиме на нивниот ден, како и да им се заблагодариме за тоа што не водат по правиот пат кон спасението. Ова се само некои од тие светители за кои може да си спомнеме и да им оддадеме почит во деновите на нивната слава со одржување на Бдение или Света Литургија, наместо да го славиме паганскиот празник Halloween:

apostolLuka.jpg

  • На 31-ви Октомври кога ќе одлучите да не учествувате во прославувањето на овој пагански празник, НЕМОЈТЕ да седите дома во темнина. Како што знаете нашата Православна Црква е благословена со многу светители -  вистински светилници кои ги дале своите животи за доброто на нашата вера, и повеќе од сигурно заслужуваат да се присетиме и да ги прославиме на нивниот ден, како и да им се заблагодариме за тоа што не водат по правиот пат кон спасението. Ова се само некои од тие светители за кои може да си спомнеме и да им оддадеме почит во деновите на нивната слава со одржување на Бдение или Света Литургија, наместо да го славиме паганскиот празник Halloween:

 31.1.2017 год.

 



Поуки од Светите Отци

krusevoexport

Духовност

Декември 09, 2019
7.Vselenski.sobor

Почитување на Пресветата Мајка Божја

Таа е заштитничка и покров на христијанскиот род. Како Мајка на Синот Божји, таа има најголема слобода и моќ пред престолот Божји, и нејзе Црквата, по Бога, најмногу ја почитува и прославува во своите безброј молитви и химни, како најсилна заштитничка и…
Декември 05, 2019
7.Vselenski.sobor

Митрополит Струмички Наум: ВОВЕДЕНСКИ РАЗМИСЛУВАЊА

Премногу размислуваме во категоријата Бог – човек, наместо во категоријата личносни односи. Религиозниот човек размислува во рамките на првата категорија, а црковниот човек размислува и дејствува во откровението на втората категорија.Догматиката е многу…

Старец Георгиј Капсанис: МОНАСИТЕ СЕ ЕКСПЕРТИ ВО НАУКАТА НА ПОКАЈАНИЕТО

Луѓето прво треба да го распнат и да го погребат своето поранешно „јас“ (т.е. егоизмот,…

Свети великомаченик Димитриј Солунски

Ное 09, 2019 Житија 145
st-demetrius
Благочестивиот Димитриј пред царевите ги поставил Божјите заповеди. Го возљубил Господ…

Митрополит Струмички Наум-Царството небесно прилега... на простување (19.08.2017 )

Ное 07, 2019 Беседи 357
7.Vselenski.sobor
Честопати и мене ме прашуваат зошто примам или им помагам на луѓе за кои мнозина од…

Беседи

БEСEДА за сoвршeниoт чoвeк

БEСEДА за сoвршeниoт чoвeк

Eдинствoтo на вeрата, браќа, и пoзнавањeтo на Синoт Бoжји, Гoспoда Исуса Христа Спаситeлoт, сoeдинува двајца луѓe вo eдeн чoвeк, илјада луѓe вo eдeн чoвeк и мнoгу милиoни луѓe вo eдeн...

Митрополит Струмички Наум: ВОВЕДЕНСКИ РАЗМИСЛУВАЊА

Митрополит Струмички Наум: ВОВЕДЕНСКИ РАЗМИСЛУВАЊА

Премногу размислуваме во категоријата Бог – човек, наместо во категоријата личносни односи. Религиозниот човек размислува во рамките на првата категорија, а црковниот човек размислува и дејствува во откровението на втората...

Арх.Партениј Бигорски: За разумноста и безумието

Арх.Партениј Бигорски: За разумноста и безумието

Следствено, грев е човек да биде острастен кон материјалните нешта, кон земните блага, кои се минливи и му се дадени на човека да му послужат за добро, а не тој...

митр. Павел Сисанијски: Сите за еден

митр. Павел Сисанијски: Сите за еден

 Бог Го покажа Своето човекољубие не со евтини слова, но со принесувањето на Својот Син. Христос се појави во светот, со низа конкретни дела на љубовта. Првото дело е наклонетоста...

Митрополит Струмички г. Наум: Познанието на Бог е едноставно својство на просветлениот ум

Митрополит Струмички г. Наум: Познанието на Бог е едноставно својство на просветлениот ум

Посебно по воплотувањето Христово и Неговиот Домострој на нашето спасение, ѓаволот станува како играчка со која малите деца си играат (свети Атанасиј Велики) или како спаринг-партнер за оние што се...

о. Горан Стојчевски: Дар на светот, икона на човекот, учителка на послушанието, педагог на служењето, првиот исихаст, родителка на вечниот живот, божествен цвет на сè создадено

о. Горан Стојчевски: Дар на светот, икона на човекот, учителка на послушанието, педагог на служењето, првиот исихаст, родителка на вечниот живот, божествен цвет на сè создадено

 Таа единствена тихувателка и патоводителка низ исихијата, нè приведува во заедницата од која се откинавме, а еве повторно ни е дадена можност, не само да се вратиме, туку да црпиме...

Арх. Јован Крестјанкин - Да ги оживееме срцата  поради Бог !

Арх. Јован Крестјанкин - Да ги оживееме срцата поради Бог !

Денес, драги мои пријатели, поученоста од животот на старозаветните праведници ме наведува со вас да зборувам за верата. Имено, нивната големина е одредена само со верата, точно живата и дејствителна...

Викарен Епископ Јаков Стобиски:  „Епископот седи на место и во обличје Христово“

Викарен Епископ Јаков Стобиски: „Епископот седи на место и во обличје Христово“

 Епископот не станува Епископ поради некаква своја заслуга, туку исклучиво по благоволение Божјо, во послушание кон Светиот Архиерејски Синод, поради молитвите, и најважно од сѐ, заради потребите на Црквата. Затоа,...

Митрополит Струмички Наум: Самооправдувањето е одрекување од Богочовекот Христос како наш урнек...

Митрополит Струмички Наум: Самооправдувањето е одрекување од Богочовекот Христос како наш урнек...

 Страшна е потребата на човекот да се самооправдува; за мене, дури најпогубната појава од сите гревовни појави во човековиот душевен и ментален свет. Самооправдувањето е главна карактеристика на паднатиот човек,...

« »